Teuta vijon përgatitjet për sezonin e ardhshëm në Superiore dhe sot do të luajë testin e pestë miqësor, pas katër ndeshjeve të para ku ka regjistruar dy humbje dhe dy barazime.

Skuadra e drejtuar nga Edlir Tetova do të përballet me Metalul Buzaus nga Rumania. Sfida do të zhvillohet në Bansko të Bullgarisë dhe është programuar për në orën 17:30, sipas orës lokale në Shqipëri.

Për Tetovën, kjo miqësore përbën një tjetër mundësi për të testuar ekipin. Trajneri synon fitoren e parë, e cila do të shërbente për të rritur besimin në grup përpara një sezoni të ardhshëm me kalendar të ngarkuar.

The post Teuta kërkon suksesin e parë në miqësore, Tetova përballë një prove të re appeared first on Albeu.com.