Baton Zabërgja po konfirmohet gjithnjë e më shumë si një nga lojtarët kryesorë të Kharkivit në elitën e futbollit ukrainas, duke dhënë përsëri një kontribut të drejtpërdrejtë në fitoren e skuadrës.

Kharkiv mposhti Obolon me rezultatin e thellë 5-0, ndërsa reprezentuesi i Kosovës ishte pjesë e rëndësishme e këtij suksesi.

Zabërgja asistoi në realizimin e golit të parë në minutën e 8-të. Vetëm shtatë minuta më pas, në minutën e 15-të, 25-vjeçari shënoi edhe vetë.

Ai qëndroi në fushë për 59 minuta, duke vijuar me paraqitjet pozitive në kampionatin ukrainas.

Me këtë fitore, Kharkiv ngjitet në vendin e katërt me nëntë pikë. Ndërkohë, Zabërgja ka regjistruar tri gola dhe një asistim, çka e rendit aktualisht të tretin në listën e golashënuesve të elitës së futbollit ukrainas.

Paraqitjet e tij gjatë javëve të para të sezonit po e vendosin mes futbollistëve më të dalluar të kampionatit ukrainas. Forma e mirë e Zabërgjas është gjithashtu një lajm pozitiv për Franco Fodan, teksa po afrohen ndeshjet e shtatorit.

The post Baton Zabërgja shkëlqen sërish për Kharkivin, gol dhe asist në fitoren 5-0 appeared first on Albeu.com.

Metalist Kharkiv regjistroi një fitore të thellë 3-0 ndaj Zorya Luhansk në javën e katërt të kampionatit ukrainas, me Baton Zabërgjën në qendër të vëmendjes.

Sulmuesi kosovar realizoi dy prej golave të skuadrës së tij, të dy në pjesën e dytë të takimit. Në minutën e 54-t, 25-vjeçari shënoi golin e dytë të Metalist Kharkiv, ndërsa pas vetëm 11 minutash e dërgoi sërish topin në rrjetë për të vulosur rezultatin përfundimtar.

Zabërgja, futbollisti nga Vushtrria, u zëvendësua në minutën e 76-të. Ndërkohë, bashkëlojtari i tij te ekipi ukrainas, Ermir Rashica, u aktivizua në minutën e 62-të.

Këto ishin golat e parë të Zabërgjës në edicionin e ri të kampionatit ukrainas, ndërsa paraqitja ndaj Zorya Luhansk e konfirmoi formën e tij të mirë.

Edhe në Kupën e Ukrainës, sulmuesi kosovar ka lënë gjurmë, pasi deri tani ka shënuar një gol dhe ka dhënë dy asistime.

The post Zabërgja shënon dy herë dhe feston me shqiponjë në triumfin e Metalist Kharkiv appeared first on Albeu.com.