Ja disa ushqime që mund të kontribuojnë në këtë proces:

Perime të freskëta dhe të gjelbra

Spinaqi, brokoli, lakra dhe sallata janë perime të pasura me fibra dhe të ulëta në kalori, të cilat ndihmojnë në ndjesinë e ngopjes dhe përmirësojnë procesin e tretjes.

Ushqime me proteina të larta
Peshku, sidomos salmoni dhe toni, si dhe pula, janë burime të shkëlqyera proteina që mbështesin rritjen e masës muskulore dhe rrisin shpejtësinë e metabolizmit, duke kontribuar në djegien e kaloriave.

Avokad

Ky frut është i pasur me yndyra të shëndetshme dhe ndihmon në menaxhimin e urisë, si dhe stabilizon nivelet e sheqerit në gjak, duke mbajtur energjinë të qëndrueshme gjatë ditës

Fasulet dhe bishtajoret

Këto ushqime janë të pasura me proteina dhe fibra, duke ndihmuar në mbajtjen e niveleve të energjisë stabile dhe duke ndihmuar në ndjenjën e ngopjes për një periudhë më të gjatë kohore.

Ushqime me fibra të larta

Drithërat e plota, si elbi, janë të shkëlqyera për përmirësimin e tretjes dhe mund të ndihmojnë në humbjen e peshës, duke kontribuar në një ndjesi ngopjeje më të gjatë.

Çaji jeshi

Ky çaj ka efekte pozitive për metabolizmin dhe përmban katekinë, një substancë që ndihmon në djegien e yndyrnave dhe përshpejton procesin e humbjes së peshës.

Frutat me përmbajtje të ulët sheqeri

Mjedrat, boronicat dhe frutat e tjera të pyllit janë të pasura me antioksidantë dhe fibra, të cilat ndihmojnë në përmirësimin e shëndetit të përgjithshëm dhe mbështesin djegien e yndyrnave.

Gjiza dhe kos i thartë

Këto produkte qumështi janë të pasura me proteina dhe kalcium, duke ndihmuar në rritjen e masës muskulore dhe duke përmirësuar djegien e yndyrnave.

Lajthi dhe fara

Të pasura me yndyra të shëndetshme dhe fibra, këto mund të ndihmojnë në rregullimin e metabolizmit dhe të mbajnë ndjenjën e ngopjes për një kohë të gjatë.

Kombinimi i këtyre ushqimeve, së bashku me aktivitetin fizik dhe një regjim të shëndetshëm të jetesës, mund të kontribuoni ndjeshëm në arritjen e objektivave të humbjes së peshës dhe përmirësimit të shëndetit tuaj të përgjithshëm.

The post Zbuloni ushqimet që ndihmojnë në humbjen e peshës dhe përmirësojnë metabolizmin appeared first on Albeu.com.

Çfarë është metabolizmi i shpejtë?

Një metabolizëm i shpejtë do të thotë që substancat ushqimore shpërbëhen shpejt për të siguruar energji të mjafteshme që qelizat ta përdorin për të kryer punë.

Ky është procesi me anë të të cilit makromolekulat biologjike si sheqernat zbërthehen për të lëshuar energji përmes një sërë reaksionesh enzimatike.

Pse njerëzit mund të kenë një metabolizëm të shpejtë

Njerëzit mund të kenë një metabolizëm të shpejtë për shkak të gjenetikës së tyre.

Disa ilaçe stimuluese mund të përshpejtojnë metabolizmin e një personi, sepse ato përshpejtojnë sistemin nervor. Por ato janë shumë të rrezikshme pasi mund të shkaktojnë sulme në zemër dhe njerëzit shpesh harrojnë të hanë ose të flenë.

Problemet shëndetsore që mund të shkaktojë një metabolizëm i shpejtë

Një normë jashtëzakonisht e shpejtë metabolike mund të jetë gjithashtu një shenjë e një lloj anormaliteti fizik si hipertiroidizmi.

Hipertiroidizmi është gjendja në të cilën sekretohen shumë hormone tiroidale duke shkaktuar një rritje të shkallës metabolike.

Shenjat e një metabolizmi të shpejtë

Kjo shfaqet me shenja të caktuara si nervozizëm, rrahje të parregullta dhe të shpejta të zemrës dhe humbje peshe.

Çfarë është metabolizmi i ngadaltë

Një metabolizëm i ngadaltë do të thotë që substancat shpërbëhen ngadalë për të siguruar energji për qelizat.

Pse njerëzit mund të kenë një metabolizëm të ngadaltë

Shumë faktorë ndikojnë në shkallën metabolike të një personi dhe një prej tyre është thjesht plakja.

Në përgjithësi, metabolizmi i një personi ngadalësohet me kalimin e moshës. Kjo është një arsye pse shumë njerëz fillojnë të fitojnë më shumë peshë pas moshës 40 vjeçare.

Ndryshimet hormonale mund të jenë gjithashtu një tjetër arsye për një metabolizëm të ngadaltë, dhe në disa raste, këto ndryshime janë normale siç ndodh me menopauzën.

Një ritëm i ngadaltë i metabolizmit mund të shkaktohet edhe nga disa medikamente të tilla si ato kundër konvulsioneve.

Problemet shëndetsore që mund të shkaktojnë një metabolizëm i ngadaltë

Në disa raste, një gjendje patologjike mund të jetë shkaktu i një metabolizmi  jashtëzakonisht të ngadaltë.

Nëse gjendra juaj tiroide prodhon shumë pak hormone, ky është një problem shëndetsor që shkakton ngadalësim të metabolizmit. Kjo gjendje quhet ndryshe hipotiroidizëm.

Sindroma e Cushing-ut është një sëmundje tjetër që mund të shkaktojë një ritëm metabolik jashtëzakonisht të ngadaltë sepse ndikon tek hormonet në trup.

Shenjat e një metabolizmi të ngadaltë

Simptoma më e dukshme e një metabolizmi të ngadaltë është se personi shton peshë, por gjithashtu mund të ndjehet i ngadalësuar dhe flokët mund të bëhen të brishtë dhe të thatë.

Një person me një metabolizëm shumë të ngadaltë jo vetëm që shton peshë, por gjithashtu shpesh ndihet i ngadalësuar dhe i plogësht.

Cilat janë ndryshimet midis tyre

Një metabolizëm i shpejtë do të thotë se shkalla me të cilën molekulat shpërbëhen në trup për të siguruar energji është e shpejtë.

Një metabolizëm i ngadaltë është e kundërta e metabolizmit të shpejtë.

Gjenetika dhe ilaçet mund të ndikojnë në shkallën metabolike të njeriut, me stimulues që përshpejtojnë metabolizmin ose e ngadalsojnë atë.

Problemet shëndetsore që lidhen me gjëndrën tiroide gjithashtu ndikojnë në normat metabolike të njerëzve.

The post Keni metabolizëm të shpejtë apo të ngadaltë? Ja disa nga dallimet midis tyre appeared first on Albeu.com.

Për të zgjuar metabolizmin tuaj ndiqni 7 këshillat e mëposhtme.

1. Uji

Pini 8 deri në 12 gota ujë në ditë. Kjo do t’ju ndihmojë të “shfryni” dhe të shtypni oreksin tuaj! Hulumtimet tregojnë se duke pirë 6 gota ujë në ditë, do të digjni 50 kalori shtesë.

2. Një grusht arra

Ka pasur shumë studime që tregojnë se arrat janë të dobishme për humbje peshe për shkak të fibrave, proteinave dhe yndyrave të shëndetshme të pangopura.

3. Tërshërë

Një tas me tërshërë për mëngjes do të ndihmojë në fillimin e metabolizmit tuaj. Është e shëndetshme sepse është e pasur me fibra, me pak kalori dhe shumë ngopëse.

4. Gjimnastikë

Trajnimi intensiv ose ushtrimet energjike të alternuara ndihmojnë në djegien e yndyrës. Sa më intensivisht të ushtroni, aq më shumë kalori do të digjni.

5. Ndryshime të vogla ditore

Ju mund të digjni kalori kur jeni në punë ose në shtëpi. Ngjit shkallët, ec në park, pastro shtëpinë. Ju lehtë mund ta ktheni rutinën tuaj të përditshme në një aktivitet më aktiv. Ka shumë mënyra për të djegur kalori shtesë dhe për të rritur metabolizmin tuaj gjatë gjithë ditës!

6. Fibrat vegjetale

Sigurohuni që të hani shumë fibra për të ndihmuar në procesin e tretjes dhe për të hequr qafe fryrjen. Fibrat gjenden në fruta, perime dhe drithëra. Ngrënia e shumë fibrave është një nga mënyrat kryesore për të zgjuar metabolizmin tuaj.

7. Flini

Me jetën tuaj të ngarkuar keni nevojë për pushim dhe gjumë. Dhe sipas një studimi të Universitetit Case Western Reserve, gratë që flenë pesë ose më pak orë çdo natë kanë 32 për qind më shumë gjasa të shtojnë peshë dhe 15 për qind më shumë gjasa të bëhen obeze sesa gratë që flenë shtatë ose më shumë orë. Ndërsa bëni më shumë gjumë, merrni më pak peshë.

Këshillë: Mos harroni se një mënyrë jetese e shëndetshme duhet të bëhet pjesë e jetës suaj të përditshme për të parë ndryshime.

The post 7 mënyra për të zgjuar metabolizmin dhe për të humbur peshë appeared first on Albeu.com.

Gjithsesi nëse keni vënë re se vetëm në periudha të caktuara të vitit keni tendencën të shtoni në peshë ka disa arsye.

Flini më shumë

Gjatë stinës së verës kur dielli shkëlqen dhe ajri është i ngrohtë, dëshira për të dalë nga shtëpia është më e madhe.

Vera është edhe më e pasur me aktivitete, duke filluar që nga pushimet detare ose malore.

Ndryshime në metabolizëm

Sipas një studimi të Universitetit të Mastrit në Holandë, metabolizmi e djeg më shumë ushqimin gjatë vjeshtës dhe dimrit.

Gjatë këtyre muajve trupit i duhet më shumë energji për t’u ngrohur, për këtë arsye e djeg edhe më shpejt ushqimin.

Në këtë mënyrë ju detyroheni të konsumoni më shumë ushqim, sheqerna apo brumëra.

Moti i ftohtë

Nëse ju pëlqejnë aktivitetet sportive apo ecjen në natyrë, e dini që koha e duhur për t’i praktikuar nuk është kur temperaturat janë në 0 gradë Celsius.

Kështu gjatë muajve të ftohtë aktivitetet pakësohen pikërisht për shkak të shirave, ajrit të ftohtë apo fenomeneve të tjera natyrore.

Pijet dhe ushqimet e ngrohta

Gjatë vjeshtës njerëzit kanë tendencën të konsumojnë ushqime të ngrohta, me shumë kalori dhe në sasi më të mëdha.

Kjo si një mënyrë për të përballuar të ftohtin e madh e cila bën që të shtoni në peshë.

Kur ajri është i ftohtë konsumohet më pak ujë dhe kjo mungesë e hidratimit mund të kthehet në një tjetër problem që shton peshë.

The post Po shëndosheni? Arsyet pse shtoni më shumë në peshë gjatë vjeshtës appeared first on Albeu.com.

Në stinën e verës, pikërisht në periudhën kur shëtisim me rroba që na ekspozojnë pjesën me të madhe të trupit, shkalla e rritjes së flokëve rritet me rreth 10 për qind. Kjo ndodh sepse më shumë orë dritë, detyrojnë hipotalamusin dhe hipofizën në trurin tonë që të punojnë më shumë, duke sjellë edhe rritjen më të shpejtë të flokëve.

Fenomeni prek edhe thonjtë dhe flokët, por ky nuk është rasti për të qenë shumë entuziastë: në fakt rritja e flokëve “kompensohet” nga rënia e tyre më e madhe në përgjigje të faktorëve të ndryshëm si thatësira, nxehtësia dhe ekspozimi në diell.

Gjumi është më i vështirë

Në verë, njerëzit kanë tendencën të flenë më pak, dhe jo vetëm për shkak të një jete sociale më intensive. Fajtori kryesor i pagjumësisë gjatë stinës së verës është në fakt mungesa e melatoninës, një hormon që rregullon ritmin cirkadian (cikli 24-orësh i ndarë në orët e zgjimit dhe gjumit).

Meqenëse sintetizohet në mungesë të dritës, me zgjatjen e ditës gjatë kësaj stine reduktohetedhe prodhimi i melatoninës. Pastaj është vapa:Për t’u “qetësuar” trupit tonë i duhet të ulë temperaturën duke e shpërndarë nxehtësinë nëpër lëkurë. Por kur bën nxehtë ky proces është më i vështirë.

Me sa duket ndryshimi i stinëve ndryshon edhe madhësinë e trurit tonë. Shkencëtarët nga Qendra Kërkimore Neuropsikiatrike Olin në Spitalin Hartford kanë zbuluar nga skanimet e trurit të mbi 3.000 njerëzve, se vëllimi i lëndës gri është më i madh në muajt gusht-dhjetor, e anasjellta ndodh nga janari deri në gusht.

Metabolizmi juaj ngadalësohet

Njerëzit humbin mesatarisht gjatë verës disa kg peshë trupore. Kjo kjo mund të na nxisë të mendojmë se metabolizmi është bërë më i shpejtë. Por nuk është kështu. Një studim i fundit i botuar në revistën mjekësore “Trends in Endocrinology and Metabolism” tregon se metabolizmi i një personi përshpejtohet kur jashtë është ftohtë dhe ngadalësohet gjatë verës. Fatmirësisht, me ardhjen e verës ne jemi spontanisht më të prirur për të pasur një aktivitet fizik më të madh, edhe pse jo veçanërisht intensiv.

The post Çfarë ndodh me trupin tonë gjatë stinës së verës? appeared first on Albeu.com.

Përmirëson qarkullimin e gjakut

Në momentin që uji i ftohtë prek trupin tuaj, gjaku juaj detyrohet të qarkullojë shumë më shpejt në përpjekje për të ruajtur temperaturën e tij.

Zvogëlon kruajtjen dhe skuqjen e lëkurës

Njerëzit që kanë lëkurë natyrale të thatë ose vuajnë nga sëmundje të lëkurës, si ekzema, shpesh ndjejnë kruarje pas një dushi të nxehtë. Një mënyrë për ta luftuar këtë është ulja e temperaturës së ujit sa më shumë që të jetë e mundur. Thjesht mos qëndroni në dush për aq kohë sa do të bënit me ujë të nxehtë dhe do të vini re se kruajtja do të fillojë të largohet. Do t’ju duhet ende të aplikoni një hidratues të mirë më pas në mënyrë që të kapni të gjithë lagështinë, por kruajtja do të fillojë të largohet.

Stabilizon metabolizmin tuaj

Yndyra kafe është lloji i yndyrës me të cilën lindin të gjithë njerëzit dhe aktivizohet duke bërë dush të ftohtë. Dhe duke e vendosur atë, yndyra kafe mund të ndihmojë yndyrën e bardhë (e cila lidhet me obezitetin) të qëndrojë në nivele të shëndetshme. Pra, bërja e një  dush të ftohtë 2-3 ditë në javë mund të stabilizojë dhe madje të përmirësojë metabolizmin tuaj.

Ul stresin dhe përmirëson shëndetin mendor

Mënyra se si funksionon dushi i ftohtë është duke shkaktuar tronditje dhe stres të madh në trupin tuaj. Pra, nëse i merrni rregullisht, filloni një proces që quhet forcim. Gjatë kësaj kohe, sistemi juaj nervor mësohet të “goditet” me sasi të vogla stresi fizik dhe ju përgatit për momentet me të vërtetë stresuese. Si rezultat, trupi dhe mendja juaj janë gati për të përballuar çdo situatë të vështirë sa herë që shfaqet.

Gjithashtu, uji i ftohtë lëshon endorfinë në qarkullimin tonë të gjakut dhe, si rezultat, na bën më vigjilentë, energjikë dhe të lumtur . Në një provë klinike, u tregua se njerëzit që vuanin nga depresioni u çliruan nga simptomat e tyre pasi kishin marrë deri në 5 minuta dush të ftohtë 2-3 herë në javë.

Forcon sistemin tuaj imunitar.

Dushi i ftohtë mund ta bëjë trupin tuaj më rezistent ndaj ftohjes së zakonshme dhe gripit sezonal. Uji i ftohtë “trondi” trupin dhe e detyron atë të prodhojë më shumë leukocite , të cilat janë përgjegjëse për mbrojtjen e trupit tonë nga infeksioni./albeu.com

The post 5 arsye të forta që do t’ju bindin të bëni dush të ftohtë appeared first on Albeu.com.

Sa lidhet saktësisht me gjumin?

Nëse nuk flini mjaftueshëm, mund të jetë e vetmja gjë që ju bën të grumbulloni yndyrë në trup. Sipas Qendrave Amerikane për Kontrollin dhe Parandalimin e Sëmundjeve (CDC), të rriturit kanë nevojë për 7 ose më shumë orë gjumë çdo natë . Megjithatë, 35% e të rriturve në Shtetet e Bashkuara raportojnë se flenë më pak se 7 orë çdo natë, i njohur gjithashtu si gjumë i shkurtër . Ata që flenë, megjithatë, kanë më pak gjasa të diagnostikohen me sëmundje kronike, si diabeti, i cili mund të çojë në më shumë yndyrë në bark .

Metabolizmi juaj ngadalësohet kur nuk flini mjaftueshëm

Ka shumë që besojnë se metabolizmi i ngadaltë vjen me moshën ose mungesën e stërvitjes.

Megjithatë, privimi i gjumit mund të jetë arsyeja që keni më shumë yndyrë në bark sesa do të dëshironit, sepse gjumi luan një rol kyç në mënyrën se si trupi juaj vendos të djegë ose ruajë yndyrën.

Një artikull i vitit 2020 i botuar në revistën Diabetology and Metabolic Syndrome theksoi lidhjen midis punës së natës, privimit të gjumit dhe obezitetit. Pavarësisht nga mosha dhe gjinia, punëtorët e turneve të natës flinin më pak orë dhe kishin bark më të madh. Obeziteti abdominal ishte gjithashtu 3 herë më i lartë se punonjësit me turne që flinin më gjatë.

Kur nuk flini mjaftueshëm, kortizoli, një hormon stresi, i sinjalizon trupit që të ruajë yndyrën në mënyrë që të keni karburant shtesë gjatë orëve që zgjoheni. Një rritje në nivelet e kortizolit shkakton një rritje të niveleve të glukozës në gjak. Një rritje e glukozës në gjak mund të shkaktojë rezistencë ndaj insulinës dhe për këtë arsye, glukoza e tepërt mund të çojë në obezitet dhe diabet, sipas webMD.

Lloji i ushqimit që hani gjithashtu ka një ndikim në metabolizmin e trupit tonë dhe yndyrën e barkut. Zakonet e këqija të gjumit shpesh shoqërohen me zgjedhje të dobëta ushqimore që shkaktojnë yndyrë të tepërt në bark. Kur jeni të privuar nga gjumi, lobi frontal i trurit ka një aftësi të zvogëluar për të marrë vendime të mira dhe për të kontrolluar impulset. Pa të paktën 7 orë gjumë çdo natë, trupi juaj nuk ka karburantin që i nevojitet për të mbajtur larg yndyrën e barkut.

The post Yndyra në bark: Si kontribuon gjumi në akumulimin e saj appeared first on Albeu.com.

Por, cila është e vërteta? A është uji i ftohtë zgjidhja e kileve të tepërta apo është thjesht një mit tjetër i zakonshëm?

Një studim i botuar në Journal of Clinical Endocrinology & Metabolism zbuloi se konsumimi i gjysmë litri ujë të ftohtë në ditë rriti shkallën metabolike me 30% 10 minuta më vonë dhe për rreth 30-40 minuta më pas.

Pra, nëse pini dy litra ujë të ftohtë në ditë, mund të prisni të digjni rreth 100 kalori më shumë./albeu.com

The post A djegim më shumë kalori kur pimë ujë të ftohtë? appeared first on Albeu.com.