Gjykata vendosi që të prishë vendimin e Apelit të GJKKO më 30 janar, ku Metës iu rrëzua kërkesa për zbutjen e masës, dhe dërgimin e çështjes për rishqyrtim në këtë gjykatë me të njëjtin trup gjykues.

Vendimi i Gjykatës së Larte nuk ndryshon masën e sigurisë, por i hap rrugë një rishqyrtimi të ri në Apel, ku pritet të vlerësohen argumentet e palëve mbi qëndrimin në paraburgim të ish Presidentit.

Ndërsa sa i përket rekursit për pezullimin e afateve të paraburgimit, Gjykata e Lartë nuk e ka pranuar dhe e ka rrëzuar.

Kujtojmë se Meta është në qelinë e paraburgimit 313 në Tiranë që prej tetorit 2024. Ish-presidenti i Shqipërisë po hetohet për 3 çështje aferën CEZ-DIA, lobimin e LSI-së në SHBA dhe hetimin pasuror.

Të pandehur në këtë dosje janë marrë edhe ish bashkëshortja e tij dhe ish deputetja Monika Kryemadhi. Ish çifti i bashkëshortëve akuzohen për korrupsion pasiv, pastrim parash dhe mosdeklarim pasurie.

The post Gjykata e Lartë kthen për rigjykim në Apelin e GJKKO masën e sigurisë për ish presidentin Meta appeared first on Albeu.com.