Kolektivi për Mendim dhe Veprim Feminist që qëndron mbrapa këtyre grafiteve, thotë se lajmet e fundit që zbulojnë një mësimdhënës pedofil, përveç tronditëse, po tregojnë çdo herë që dhuna ndaj vajzave e grave është duke ndodhur kudo e kurdo.

Grafitet e shkruara në mure shkollash e hapësira tjera publike në Prizren, Kolektivi thotë se shprehin revoltën ndaj cenueshmërisë së vajzave dhe grave dhe kulturës së amnistimit të dhunës me bazë gjinore.

“Dhuna ndaj vajzave e grave në shkolla, familje, punë e rrugë nuk është incident periferik, është sinjal i një sistemi të kalbur i cili mbahet përmes dhunës së gjinizuar. Nga Prizreni ne thërrasim për reagim kolektiv ndaj dhunës me bazë gjinore, ndëshkim për kriminelët e solidaritet me të gjitha vajzat e gratë. Nga këtu ne insistojmë se siguria e liria e asnjërës prej nesh nuk ka kuptim pa lirinë e gjithësecilës prej nesh”, përfundon njoftimi.

Në puntatën e parë të emisionit, “Piranjat” demaskuan ish-mësuesin Fazli Kikaj, i cili i kërkoi marrëdhënie seksuale një vajze të mitur nga Shqipëria në rrjete sociale pavarësisht se ajo i tha disa herë se ishte vetëm 15 vjeç.

Më pas, “Piranjat” inskenuan një udhëtim me klasën të vajzës 15-vjeçare të quajtur “Kejsi” për në Prizren, e cila në fakt ishte gazetarja e emisionit, ku edhe u takua me Fazli Kikën, i cili më parë i kishte kërkuar marrëdhënie seksuale duke i dërguar vazhdimisht video me përmbajtje pornografike si edhe foto të organit të tij gjenital./abcnews.al/

The post U demaskua nga “Piranjat” si pedofil, Prizreni mbushet me grafite pas arrestimit të ish-mësuesit (FOTO LAJM) appeared first on Albeu.com.

Lajmin për arrestimin e tij e ka konfirmuar për Gazetën Express, zëdhënësi i Policisë së Kosovës për rajonin e Prizrenit, Vesel Gashi.

“Po ju konfirmoj se i dyshuari F.K është arrestuar dhe shoqëruar në polici. I njëjti me vendim të Prokurorit të Shtetit ndalohet për 48 orë. Rasti po hetohet nga hetuesit rajonalë”, tha Gashi.

Për të njëjtin, Prokuroria Themelore e Prizrenit ka nisur dje hetime.

“Lidhur me videon që është shfaqur në disa portale, Sektori Rajonal i Hetimeve ka kontaktuar Prokurorinë e Shtetit në Prizren. Në konsultimi me Prokurorinë, Sektorit Rajonal të Hetimeve në Prizren, ka filluar hetimet ne lidhje me ketë rast , të cilat pretendohen në një video të postuar në abcnews.al. I njëjti është identifikuar. I dyshuari nuk është gje në adresën banimit”, thuhet në përgjigjen e Policisë dhënë Gazetës Express.

“Piranjat”  i ra në gjurmë 70-vjeçarit nga Prizreni, i cili e bëri shoqe në Facebook gazetaren e cila u paraqit si vajzë e mitur. Por, edhe përkundër që ai ishte në dijeni se po fliste me një të mitur, i moshuari i kishte dërguar foto dhe video të organit gjenital asaj.

Gazetarja e maskuar si një adoleshente kur mbërrin në Prizren prezantohet për herë të parë përballë mësimdhënësit, i cili pa e zgjatur e fton në shtëpinë e tij.

Por më pas gazetarja i tregon saktë se kush është dhe i njëjti largohet duke kërkuar që të fiket kamera televizive.

The post “Piranjat” e demaskuan, arrestohet mësuesi pedofil nga Prizreni appeared first on Albeu.com.

Burime për ABC bëjnë me dije se pas publikimit të skandalit, ai është pezulluar nga detyra.

Denoncimi i kthimit të tij në detyrë është bërë nga vetë prindërit e fëmijëve të cilët kanë shprehur shqetësimin për fëmijët e tyre dhe kanë kërkuar largimin e mësuesit.

Shqetësimit të prindërve, drejtoresha e shkollës u është përgjigjur se shtetasi në fjalë është emëruar nga DAR dhe jo nga ajo.

Vetë nxënësit janë shprehur se janë në dijeni të asaj çfarë ai ka bërë në të shkuarën ndërkohë një nga nxënëset është shprehur se ai e shikon në mënyrë ndryshe dhe e bezdis.

Menjëherë pas denoncimeve dhe interesimit të medias, drejtoresha i ka kërkuar Bregut të largohej nga ambientet e shkollës si dhe i ka kërkuar DAR transferimin e tij në një shkollë tjetër, por si përfundim është vendosur pezullim nga detyra nga Zyra Arsimore Berat./albeu.com

The post U rikthye në shkollë për të dhënë mësim, pezullohet nga detyra mësuesi pedofil në Berat appeared first on Albeu.com.