Të dhënat e sulmuesit janë të shkëlqyera dhe jo më kot për të është gati të bëjnë çmenduri klubet më të mëdha europiane, teksa pas “fantazistist” janë vënë Real Madrid, Paris Saint-Germain, Manchester City, Manchester United, Arsenal dhe Chelsea, mirëpo “ylli” në rritje dëshiron vetëm ngjyrat “Blaugrana”.

Ndoshta edhe për ngjashmëritë për nga emri me “pleshtin”, Lionel Messi, 16-vjeçari ëndërron të bëjë karrierë në Katalonjë dhe në të ardhmen të sfidojë pikërisht mikun e tij Endrick që do të jetë pjesë e Real Madrid.

Aktualisht, kartoni i sulmuesit kushton 60 milionë euro, një shifër që Barcelona vështirë se e përballon, megjithatë, “katalanasit” do të mbajnë një takim me agjentin e futbollistit të talentuar për të qenë në “Pole Position” në garën për Messinho.

Ky i fundit nuk mund të transferohet në Europë para vitit 2025 atëherë kur do të mbushë edhe 18-vjeç, megjithatë gara është e hapur dhe për ta pasur në skuadër Messinho-n, duhet prenotuar që në këtë moment. Barcelona ka një avantazh pasi agjenti i Messinhos, Cury është aktualisht në Spanjë pasi ishte pjesë e negociatave edhe për kalimin e Vitor Roques nga Athletic Paranaense te “Blaugranat”. /abcnews.al

The post Investim për të ardhmen, Barcelona kërkon talentin brazilian appeared first on Albeu.com.

Klubi katalunas e di se duhet të shesë disa lojtarë për të realizuar prurje të reja në mënyrë që të konkurrojë për trofe sezonin e ardhshëm.

Barcelona ndër vite e ka pasur të lehtë të transferojë lojtarë, pasi prestigji i tyre ka joshur shumë lojtarë, ashtu siç ndodh tani me dy lojtarë mjaftë të talentuar.

Lucas Bergvall: Lojtari suedez i Djugardens është objektivi i madh dimëror i Xavit, i cili ka insistuar në mesfushorin 17-vjeçar nordik, ka bërë thirrje për gjëra të mëdha në vitet e ardhshme, me gjigantë të tjerë evropianë të interesuar për të marrë shërbimet e tij. Barça është e gatshme të ofroj 10 milionë euro për të mbyllur operacionin tani.

Messinho: Talenti i madh i futbollit brazilian ka shprehur në më shumë se një rast dëshirën e tij për të luajtur për Barcelonën, e cila nga ana e saj është e vetëdijshme se çmimi i lartë i blerjes e komplikon shumë operacionin.

Barcelona e di se duhet të veprojë shpejtë për t’i marrë dy lojtarët, pasi janë shumë skuadra të interesuar për dyshen. /Telegrafi/

The post Dy lojtarët që e duan me patjetër transferimin te Barcelona appeared first on Albeu.com.