Bosi, i ndaluar në regjimin 41 bis në superburgun e L’Aquila, vuan nga tumori, prej ditës së arrestimit ndodhet nën kurim në burg, ku i është ngritur një dhomë kimioterapie.

“Duhet shtrimi në spital”, nënvizoi avokati i Denaros.

Javët e fundit Messina Denaro i ishte nënshtruar një operacioni të vogël për probleme urologjike, por u kthye në burg gjatë ditës.

Avokati: “Kemi nevojë për shtrim në spital”

“Tani Messina Denaro nuk ha më, ai gjithashtu ka vështirësi për të pirë, ka nevojë për shtrim urgjent në spital sepse i duhet të ushqehet”, tha avokati mbrojtës Alessandro Cerella.

“Situata e tij nuk është më e menaxhueshme nga struktura në të cilën ai është i burgosur nën regjimin 41bis”.

Bosi i Cosa Nostra, Matteo Messina Denaro, u arrestua në janar 2023, pas më shumë se 30 vite në kërkim.

Kush është Matteo Messina Denaro, i mbrojturi i Riinës i quajtur “Diabolik”?

Matteo Mesina Denaro, 60 vjeç, një nga të arratisurit më të rrezikshëm në botë, u identifikua dhe u arrestua në Palermo mëngjesin e të hënës, 16 janar. I njohur si “U siccu” (skilipeci), apo edhe “Diabolik”, Messina Denaro filloi ngjitjen e tij kriminale në vitin 1989 kur u denoncua për pjesëmarrje në organizatën mafioze në grindjen midis klaneve Accardo dhe Ingoglia të Partanës.

Vetëm 20 vjeç, ai u kthye në nxënësin e Totò Riina-s.

“Don Ciccio”, babai i tij në fakt, ishte kreu i mafies së Trapani-t, që e transformoi Cosa Nostra-n duke e shkëputur atë nga tradita feudale për ta katapultuar në botën e biznesit dhe Matteo ishte fëmija i katërt në gjashtë, i cili krenohej që vazhdoi karrierën e babait.

Për tridhjetë vjet ai arriti t’i shmangej kapjes. Komunikiminet i kryente në mënyrën më bazike nëpërmjet atyre që italisht quhen “Pizzi”, letra shumë të vogla të shkruara me dorë, me kode dhe pa indikacione komprometuese që transmetohen me korrierë (pizzini).

Denaro Messina ishte bërë me famë në verën e vitit 1993, kur në një letër që i kishte shkruar të dashurës së tij në atë kohë, Anxhelës, pas masakrave mafioze në Romë, Milano dhe Firenze, i tregonte se kishte filluar jetën e tij të re si “Primula Rossa” (aguliçe e kuqe).

“Do të dëgjoni për mua”,  i kishte shkruar, duke lënë të kuptohet se ishte i vetëdijshëm se, menjëherë pas kësaj, emri i tij do të lidhej me gjakderdhje të rënda, “do të më pikturojnë si djall, por të gjitha janë falsitet”.

U zhduk menjëherë pas kapjes së Totò Riina-s. Dhe ndërsa policia shkencore mori përsipër përditësimin e imazhit të tij duke e vizatuar në plakje, perandoria e tij miliardere u shpërbë dhe u kap pjesë-pjesë.

Kështu u çmontua zinxhiri i mbrojtjes dhe financimit. Kështu u shemb miti i një padrino që kishte fuqi të pafund, por jetonte si fantazmë, edhe nëse padukshmëria e tij nuk e pengoi të bëhej dy herë baba.

Për njërën nga vajzat dihet shumë: emri i saj, nëna e saj, zgjedhjet që e çuan atë të shkëputej nga hija e rëndë e një babai që ndoshta kurrë nuk e pa. Fëmijërinë dhe adoleshencën e kaloi në shtëpinë e gjyshes dhe më pas u largua së bashku me nënën e saj.

Për djalin tjetër dihet shumë pak dhe kryesisht nga përgjimet. Quhet Francesco, si patriarku i vjetër i dinastisë, dhe ka lindur midis 2004 dhe 2005 në provincën e Trapanit, midis Castelvetrano-s dhe Partanna-s, ku Matteo Messina Denaro ka ndërtuar fuqinë e tij ekonomike dhe kriminale.

I kujdesshëm për të menaxhuar arratinë e tij dhe për ta mbrojtur atë nëpërmjet një morie mbështetësish, Messina Denaro ka lënë nga vetja vetëm imazhin e një playboy të pamëshirshëm me Ray Bans, casual, elegant, i veshur me një këmishë firmato.

Gjithçka tjetër ka qenë legjendë si adhurues i Porsche-ve dhe Rolexe-ve prej ari, i dhënë pas femrave, një maniak i video lojërave, një konsumator i zjarrtë i revistave me vizatime. I njërit mbi të gjitha: Diabolik, nga i cili huazoi pseudonimin me të cilin e thërrisnin besnikët e tij.

Biografët e tij i kanë dhënë edhe një tjetër “U siccu”, dmth ku ka kokën uji, pra burim i pashtershëm i një lumi nëntokësor.

Padrino i Castelvetrano ai ka lëvizur gjithmonë mes egërsisë kriminale dhe pragmatizmit politik. Për këtë arsye ai konsiderohej trashëgimtari i Bernardo Provenzanos, por mbi të gjitha i babait të tij Don Ciccio-s, një tjetër bos i nomenklaturës tradicionale që vdiq si i arratisur në vitin 1998.

Kur patriarku i vjetër u zhduk, Matteo i ri kishte pesë vjet që kishte humbur gjurmët e tij, që në vitin 1993. Dhe që atëherë Diabolik kishte arritur gjithmonë t’i shpëtonte goditjeve.

Shumë besnik ndaj krahut të egër të Cosa Nostra-s, atij të Korleonezëve, ai do të kishte qenë i pranishëm në samitin e kërkuar nga Riina, në tetor 1991, në të cilin u vendos plani i vdekjes që kishte si objektiva gjyqtarët Falcone dhe Borsellino.

Të penduarit më pas thonë se ai ishte pjesë e komandos që duhej të eliminonte Falcone-n në Romë, aq sa ai mori pjesë në inspektimet e organizuara për sulmin.

Një shpërblim prej një milion e gjysmë euro ishte vendosur për të, por për ta lënë vetëm, hetuesit shtrydhën rrjetin mbështetës. Nuk u kursyen as familjarët e tij. Motra e tij Patrizia, vëllai i tij Salvatore, vjehrri i tij, një nip. Dhe shumë prej njerëzve të besuar, edhe të pa dyshimtë në pamje të parë, të cilët kanë pësuar sekuestrime të vazhdueshme të aseteve.

“Fantazma” e Messina Denaro-s u ndoq nga një numër i konsiderueshëm me urdhër-arreste dhe dënime të përjetshme për shoqërim me organizatë mafioze, vrasje, sulme, posedim dhe transport lëndësh shpërthyese.

Nëse dora e tij është njohur në aktet më të rënda kriminale të tridhjetë viteve të fundit, duke filluar me masakrat e vitit 1992 ku u vranë Giovanni Falcone dhe Paolo Borsellino, ka disa dyshime në aftësinë e tij reale për të rindërtuar, pas arrestimeve të Totò Riina dhe Bernardo Provenzano, strukturën unitare të Cosa Nostra-s, e prekur nga arrestimet dhe nga një proces copëzimi.

Një bos që e çoi Cosa Nostra-n në mijëvjeçarin e dytë, pa mundur megjithatë të shmangë të njëjtin fat si padrinot e vjetër.

Për hetuesit dhe forcat e policisë që e kërkonin prej kaq kohësh, ishte një sfidë për t’u kapërcyer, kurse për “popullin e Cosa Nostra-s” një lidhje me të kaluarën dhe me historinë.

Për Matteo Messina Denaro si refugjat jashtë vendit është folur shpesh: herë në Spanjë, herë tjetër në Shqipëri apo kushedi në cilin cep të tokës. Por të gjitha hetimet, në fund, riktheheshin gjithmonë në Siçili, në trekëndëshin midis Castelvetrano-s, Marsala-s dhe Trapani-t që ishte mbretëria e tij dhe babait të tij Francesco.

Krimet për të cilat akuzohet

Në vitin 1991 ai ishte përgjegjës për vrasjen e Nicola Consales, pronar i një hoteli në Triscina, i cili ishte ankuar për një punonjësen e tij austriake, cila ishte ama e dashura e bosit të mafias.

Në korrik 1992 ai ishte ndër autorët e vrasjes së Vincenzo Milazzo-s, kreut të bandës ciçiliane Alcamo.

Disa ditë më vonë ai mbyti Antonella Bonomo, gruan e Milazzo-s, tre muajshe shtatzënë. Të dy trupat u varrosën në fshatin Castellammare del Golfo.

Në vitin 1992 Riina e kishte dërguar në Romë për të organizuar vrasjen e Giovanni Falcone-s atje, përpara se ta kthente në Siçili.

Ndërkohë Messina Denaro ishte në gjurmët e Maurizio Costanzo-s, duke u infiltruar edhe në publikun e teatrit Parioli së bashku me mafiozin tjetër, Giuseppe Graviano. Një vit më vonë Costanzo mbeti i padëmtuar për mrekulli në shpërthimin që ndodhi në via Fauro, i cili duhej ta kishte vrarë atë së bashku me gruan dhe shoferin e tij.

Në vitin 1993, kur ai filloi fshehjen, kundër tij u lëshua një urdhër arresti për pjesëmarrje në organizatë mafioze, vrasje, masakër, shkatërrim, posedim dhe mbajtje të lëndëve shpërthyese, vjedhje dhe krime të tjera të lehta.

Në vitin 1993 ai qëndronte pas atentateve mafioze në Romë, Firenze dhe Milano.

Matteo Messina Denaro ishte ndër organizatorët e rrëmbimit të Giuseppe Di Matteo për të detyruar babanë, Santino, të tërhiqte deponimet e tij për masakrën e Capaci-t.

Pas 779 ditësh robëri, fëmija u mbyt dhe trupi u tret në acid.

Në vitin 1994 Messina Denaro organizoi një sulm me bombë kundër të penduarit Totuccio Contorno.

Në vitin 2000 në gjyqin maksimal Omega u dënua në mungesë me burgim të përjetshëm.

Më 21 tetor 2020 ai u dënua me burgim të përjetshëm nga Gjykata e Assizes e Caltanissetta-s si një nga nxitësit e masakrave të Capaci-t dhe rrugës D’Amelio në të cilën u vranë gjyqtarët Falcone dhe Borsellino dhe shoqëruesit e tyre./Albeu.com.

The post Autor i dhjetëra vrasjeve, bosi i Cosa Nostras në gjendje të rëndë, avokati: Burgu nuk i ofron dot kujdes shëndetësor appeared first on Albeu.com.

Lorenza Guttadauro, nipi i bosit mafioz, të cilin ai e emëroi avokat të besuar, nuk do ta mbrojë në këtë proces.
Në fakt ai ka hequr dorë nga çështja pasi sipas asaj që mësohet ai pretendon se nuk ka kohë të përgatisë fjalimin mbrojtës deri nesër.

Në seancën e fundit të datës 18 janar, të caktuar dy ditë pas arrestimit të bosit, avokati penal i kërkoi gjykatës një afat mbrojtjeje pikërisht për të studiuar ecurinë e gjykimit të ndjekur deri atëherë nga avokatët e zyrës.

Në shkallë të parë, Messina Denaro u dënua me burgim të përjetshëm. Në seancën e fundit ai zgjodhi të mos merrte pjesë./Albeu.com/

The post Heq dorë nga çështja, nipi refuzon të mbrojë bosin mafioz në gjyq, Messina Denaro pa avokat appeared first on Albeu.com.

Edgardo Greco u arrestua në Saint-Étienne, duke shënuar arrestimin e dytë në pak kohë të një profili të lartë mafioz nga autoritetet italiane.

Matteo Messina Denaro ishte në arrati për 30 vjet, kur u ndalua gjatë një vizitë në një klinikë në Siçili gjatë muajit janar.

Të dy personat ishin në kërkim për kryerjen e vrasjeve të tmerrshme në vitet 1990.

Ndërsa Messina Denaro ishte “bosi i bosëve” për Cosa Nostra-n famëkeqe të Siçilisë, Greco ishte pjesë e vrasësve të krimit të organizuar që njihet me emrin ‘Ndrangheta’ në Kalabri.

Ndrangheta tani janë mafia më e fuqishme në Itali dhe tentakulat e tyre shtrihen në të gjithë Evropën dhe Amerikën e Jugut.

Greco, 63 vjeç, ishte në kërkim për vrasjen e dy vëllezërve gjatë një “lufte mafioze” mes dy bandave në fillim të viteve 1990.

Stefano dhe Giuseppe Bartolomeo u rrahën për vdekje në qytetin e vogël të Kozencës në janar 1991. Trupat e tyre nuk u gjetën kurrë dhe besohet se janë tretur në acid.

Kur një gjykatës lëshoi ​​një urdhër arresti për të në vitin 2006, Greco ia doli të arratisej dhe të fshihej për 17 vite.

Tetë vjet më vonë, ai u vendos në qytetin francez të Saint-Étienne, në jug-perëndim të Lionit, duke nisur punë picier në një restorant italian.

Greco mori një identitet të ri, duke e quajtur veten Paolo Dimitrio.

Por në korrik 2021, ai ishte mjaft i sigurt për pseudonimin e tij të ri, saqë u shfaq në një artikull të gazetës lokale, duke u mburrur me “recetat rajonale dhe të bëra në shtëpi” të restorantit të tij.

Greco, duke përdorur emrin e një krimineli nga Pulia në juglindje të Italisë, tani kishte një mjekër gri dhe syze.

Megjithatë, ai ndiqej ende nga prokurori më kryesor i antimafias në Itali, Nicola Gratteri, i cili ka shpenzuar dekada duke luftuar ‘Ndrangheta-n’. Prokurori mundi të binte në gjurmët e Grecos dhe të bënte arrestimin e tij./Albeu.com/

The post Kamuflohej si picier në restorant, arrestohet në Francë bosi i “Ndraghetës” appeared first on Albeu.com.

Kush është Matteo Messina Denaro?

Messina Denaro akuzohet si një vrasës i pamëshirshëm, dhuna e të cilit ushqeu reputacionin e përgjakshëm të mafies Cosa Nostra.

“Me njerëzit që kam vrarë, mund të mbushja një varrezë”, thuhet të jetë mburrur ai.

Fraza është e pamundur të konfirmohet, por flet për legjendën që e rrethon.

I njohur si “Diabolik” sipas një personazhi komik italian, ai ishte lideri i padiskutueshëm i Cosa Nostra në provincën perëndimore siciliane të Trapanit.

Por pushteti i tij u shtri më tej, duke përfshirë kryeqytetin e Siçilisë, Palermo, ku u arrestua.

Messina Denaro është një adhurues i orëve Rolex, veshjeve të stilistëve, librave komikë dhe lojërave video dhe ka një reputacion si një playboy.

Dikur ai u shfaq në kopertinën e një reviste italiane me syze të errëta, duke u dukur si një yll rock, por lista e tij e viktimave është e gjatë dhe krimet për të cilat akuzohet janë të tmerrshme.

Për çfarë akuzohet?

I lindur më 26 prill 1962, në Castelvetrano në Sicilinë jugperëndimore, Messina Denaro u rrit në zemër të krimit të organizuar.

Babai i tij, Don Ciccio, ishte kreu i klanit lokal dhe kumbari i tij, i cili mori pjesë në pagëzimin e tij, ishte gjithashtu një anëtar i bandës.

Përplasjet e tij të para me ligjin filluan në vitin 1989 kur ai mori pjesë në një luftë të përgjakshme midis dy klaneve.

Ai u akuzua atë vit për vrasjen e Nicola Consales, një pronar hoteli që iu ankua një punonjësi se i kishte gjithmonë “këta mafiozë të vegjël nën këmbë”.

Fatkeqësisht, punonjësja ishte e dashura e Messina Denaros.

Në vitin 1992, ai ishte pjesë e një grupi mafioz të dërguar në Romë në përpjekje për të vrarë gjyqtarin anti-mafia, Giovanni Falcone.

Falcone u vra me një bombë në makinë pranë Palermos më 23 maj 1992.

Vetë Messina Denaro ishte i pamëshirshëm gjatë gjithë karrierës së tij.

Në korrik 1992, pasi dyshohet se ka marrë pjesë në vrasjen e Vincenzo Milazzo, kreut të klanit rival Alcamo, ai akuzohet se ka mbytur partneren e tij, e cila ishte tre muajshe shtatzënë.

Të dy trupat u varrosën në fshat.

Si kreu i klanit Castelvetrano, ai ishte aleat me klanin Corleonesi, i cili u përjetësua në filmat The Godfather.

Pasi Riina u arrestua në janar 1993, hetuesit thonë se Messina Denaro vazhdoi strategjinë e tij të brutalitetit të plotë, duke ofruar mbështetje logjistike për bombat në Firence, Milano dhe Romë atë vit që vranë 10 njerëz dhe plagosën rreth 100.

Një gjykatë zbuloi se në nëntor 1993, ai ishte një nga organizatorët e rrëmbimit të Giuseppe Di Matteo, atëherë 12 vjeç, babai i të cilit kishte dhënë dëshmi për vrasjen e Falcone.

Në një nga incidentet më famëkeqe të Cosa Nostra-s, djali u mbajt për 779 ditë përpara se të mbytej dhe trupi i tij u tret në acid.

Si i shpëtoi kapjes për kaq gjatë?

Messina Denaro u zhduk nga opinioni publik në mesin e vitit 1993 dhe vijoi të qëndronte në arrati për 30 vite.

Në 1994 dhe 1996, deklaratat e mafiozëve që më vonë vepruan si dëshmitarë të shtetit hodhën pak dritë mbi rolin e tij brenda Cosa Nostra-s.

Në vitin 2000, pas atij që njihet si gjyqi Maxi kundër mafies siciliane në Trapani, i cili dënoi qindra të pandehur, ai u dënua në mungesë me burgim të përjetshëm.

Si i kërkuar, Messina Denaro i menaxhonte punët e tij duke komunikuar me pseudonimin “Alessio” përmes sistemit të pizzini, në të cilin mesazhet liheshin në copa të vogla letre.

Vendndodhja dhe aktivitetet e tij gjatë asaj kohe ishin objekt i thashethemeve intensive, duke përfshirë se ai kishte bërë një operacion plastik për të ndryshuar pamjen e tij.

Ai kishte shumë burime të ardhurash, nga trafiku i drogës e deri te lojërat e fatit, si në Itali ashtu edhe jashtë saj.

Në vitin 2020, disa nga bashkëpunëtorët e Messina Denaro u arrestuan, duke shtrënguar rrjetën rreth shefit.

Dhe në tetor të atij viti, ai u dënua përsëri në mungesë për rolin e tij në vrasjen e Falcone.

Si u kap?

Gjenerali i karabinierëve, Pasquale Angelosanto, i cili drejton skuadrën e operacioneve speciale të forcës policore, tha se shëndeti i Messina Denaro i ndihmoi hetuesit të gjurmonin atë. I arratisuri u dërgua në paraburgim teksa ndodhej në një qendër mjekësore.

Autoritetet nuk thanë se për çfarë po trajtohej, por ai u kap në klinikën La Maddalena në Palermo, një institucion mjekësor i pasur me reputacion për trajtimin e pacientëve me kancer dhe mediat italiane thanë se ai po trajtohej prej një viti.

Gjatë një konference për shtyp në mbrëmje, autoritetet thanë se trajtimi i Messina Denaro mund të vazhdojë në një repart burgu spitalor.

Hetuesit thanë se ai ishte i paarmatosur dhe i veshur si një pacient tipik në klinikë, megjithëse mbante një orë me vlerë të paktën 30,000 euro (rreth 33,000 dollarë).

“Ai nuk rezistoi fare,” u tha gazetarëve koloneli i Karabinierëve Lucio Arcidiacono./Albeu.com/

The post Kush është Messina Denaro, bosi i mafies italiane i kapur pas 30 vitesh? appeared first on Albeu.com.

Ai u arrestua pas 30 viteve në arrati dhe cilësohej si “i fundit i Korleonezëve”

Për arrestimin e tij ka reaguar edhe gazetari Artan Hoxha. Nga Korleone ai thotë se banorët aty mendojnë që ka kohë që një tjetër e ka zënë vendin e Messina Denaros, i cili ra në pranga teksa kurohej në një klinikë private në Palermo.

Reagimi i plotë:

Mediat në gjithe boten, kane dy dite qe nuk pushojne, thone se eshte kapur pas 30 vitesh kerkimi “bosi i boseve”, kreu i mafias siçiliane “Koza Nostra”, i njohur si “i fundit” i Korleonezeve….

Në Korleone nuk mendojne keshtu…

Ka kohe, qe nje tjeter korleonez ka zene vendin e Matteo Messina Denaro, i cili u “kap” ndersa mjekohej në nje klinike private ne Palermo, pasi ishte diagnostikuar me tumor…

Nga atdheu i mafias, “Terre di Corleone”…

/albeu.com

The post Kapet bosi i mafias italiane, Artan Hoxha: Çfarë mendojnë korleonezët appeared first on Albeu.com.

Attilio Cubeddu, i lindur më 2 mars 1947 në Arzana (Nuoro) dhe i kërkuar që nga viti 1997 për shkak të moskthimit, në përfundim të një leje, në burgun e Badu e Carros (Nuoro), ku ishte i mbyllur, për rrëmbim, vrasje dhe lëndime të rënda. Më 18 mars 1998 u shpallën kërkime ndërkombëtare për arrestim për qëllime ekstradimi.

Giovanni Motisi, i lindur më 1 janar 1959 në Palermo, i kërkuar që nga viti 1998 për vrasje, nga viti 2001 për grup të tipit mafioz e të tjera, që nga viti 2002 për masakër e të tjera; duhet të vuajë një dënim të përjetshëm; më 10 dhjetor 1999 u shpallën kërkime ndërkombëtare për arrest me qëllim ekstradimi.

Renato Cinquegranella, i lindur më 15 maj 1949 në Napoli, i kërkuar që nga viti 2002 për grup kriminal të tipit mafioz, bashkëpunim në vrasje, posedim dhe armëmbajtje pa leje, zhvatje etj. Më 7 dhjetor 2018, u shpallën në kërkim ndërkombëtar për arrest me qëllim ekstradimi.

Në fund Pasquale Bonavota, i lindur më 10 janar 1974 në Vibo Valentia, i kërkuar që nga viti 2018 për “grup të tipit mafioz” dhe “vrasje të rëndë”. /albeu.com

The post Shkurtohet lista, kush mbetet i lirë pas arrestimit të bosit mafioz Messina Denaro (EMRAT) appeared first on Albeu.com.