Sherif Kallaku i dha fund qëndrimit njëvjeçar te Vllaznia, duke kaluar këtë javë te rivalja direkte në Superiore, Teuta. Mesfushori 28-vjeçar zgjodhi rrjetet sociale për të shprehur falënderimet e tij për klubin shkodran, shokët e skuadrës dhe mbështetësit.

Në postimin e tij, ai theksoi se ndarja me një institucion si Vllaznia është gjithmonë e rëndë, sidomos pas një viti që e cilësoi si ndër më të bukurit e karrierës. Ai shprehu mirënjohje për të gjithë bashkëlojtarët, për përkushtimin dhe sakrificat e ndara së bashku, si në seanca stërvitore ashtu edhe në jetën e përditshme jashtë fushës.

Një vlerësim i veçantë shkoi për tifozërinë, të cilët i qëndruan pranë ekipit në çdo moment, pavarësisht rezultateve. Kallaku përmendi në mënyrë specifike grupin e tifozëve “vllaznit05”, duke i falënderuar për mbështetjen e vazhdueshme.

Duke prekur arsyet e largimit, ai la të kuptohet se pasioni për futbollin nuk mjafton gjithmonë. Theksoi se çdo lojtar ka nevojë për një ambient të qetë dhe kushte dinjitoze për të shprehur potencialin e tij të plotë. Sipas tij, kur këto elemente thelbësore mungojnë, futbollisti detyrohet të marrë rrugë që, në zemër të zemrës, nuk do t’i kishte zgjedhur në një kontekst tjetër. Mesazhi u mbyll me një urim për suksese për ish-klubin e tij.

The post Mesazhi i Sherif Kallakut pas transferimit te Teuta: “Të lësh Vllazninë nuk është kurrë e thjeshtë” appeared first on Albeu.com.

Besëlidhja ka bërë të ditur nëpërmjet një postimi në rrjetet sociale se ka arritur marrëveshjen me mesfushorin Sabit Bilali. Futbollisti 28-vjeçar i bashkohet skuadrës lezhjane me parametra zero dhe shihet si një shtesë me peshë për mesin e fushës.

Bilali vlerësohet si një lojtar i kompletuar në repartin qendror, pasi mund të japë kontribut si në rolin e ekuilibruesit, ashtu edhe në atë të “shkatërruesit”. Te Besëlidhja besohet se kjo lëvizje mund të dalë mjaft e goditur në funksion të objektivit të madh, ngjitjes në Superiore.

Një tjetër pikë e fortë e Sabit Bilalit mbetet përvoja e tij, duke qenë se më herët ka luajtur me Dinamo Zagreb U-19 dhe ka fituar titullin në Superiore me Partizanin. Në edicionin 2026-2027, skuadra e qytetit të Lezhës do të garojë në Kategorinë e Parë.

The post Besëlidhja afron Sabit Bilalin, ish-mesfushori i Dinamo Zagreb U-19 dhe kampioni me Partizanin përforcon repartin qendror appeared first on Albeu.com.

“Newsport.al” ka mësuar se Eridon Qardaku ka zgjedhur të aktivizojë klauzolën për zgjatjen e bashkëpunimit me Dinamon edhe me një vit. Kjo do të thotë se mesfushori shkodran, 25 vjeç, do të mbetet të paktën deri në verën e vitit 2027 te “blutë” e kryeqytetit.

Ky zhvillim i jep më shumë qetësi trajnerit Ilir Daja në repartin ofensiv, në një moment kur po afrohet ndeshja e parë ndaj Astanas në Conference League.

Qardaku është produkt i akademisë së Vllaznisë, klub me të cilin ka luajtur deri në ekipin U-19. Më pas, në verën e vitit 2019, ai u transferua te Bylis.

Në vitin 2023, mesfushori iu bashkua Vorës, ndërsa që nga 2024 është pjesë e Dinamos së kryeqytetit. Sipas “Transfermarkt”, vlera e Eridon Qardakut është 250 mijë euro, shifra më e lartë e regjistruar në karrierën e 25-vjeçarit.

The post Dinamo siguron Eridon Qardakun edhe për një tjetër sezon, Ilir Daja merr frymë më lirshëm para duelit në Conference League appeared first on Albeu.com.

Besëlidhja ka bërë zyrtare përforcimin e radhës, teksa përmes një njoftimi në rrjetet sociale ka konfirmuar afrimin e Lucian Radu. Futbollisti 20-vjeçar, i cili aktivizohet si mesfushor ofensiv, vjen nga skuadra moldave FC Zimbru Chisinau.

Lojtari i ri i ekipit lezhjan është gjithashtu pjesë e përfaqësueses Moldavia U-21.

“KF Besëlidhja ka kënaqësinë të njoftojë afrimin e mesfushorit moldav Lucian Radu, i cili bashkohet zyrtarisht me klubin tonë.

20-vjeçari vjen nga klubi FC Zimbru Chișinău dhe është gjithashtu pjesë e Moldovisë U-21, duke sjellë energji, cilësi dhe potencial të madh për mesfushën tonë.

I urojmë Lucianit suksese me fanellën e Besëlidhjes dhe shumë momente të bukura së bashku! Mirë se erdhe në Lezhë, Lucian!”, ka shkruar klubi i Besëlidhjes.

Pas ngjitjes në Kategorinë e Parë, skuadra veriore ka si objektiv Superioren, edhe pse rruga drejt elitës së futbollit shqiptar mbetet ende me pengesa.

The post Besëlidhja zyrtarizon Lucian Radu, mesfushori i Moldavisë U-21 i bashkohet klubit verior appeared first on Albeu.com.

Teuta e ka bërë publik afrimin e ri përmes rrjeteve sociale.

Lajmi në përditësim…

The post Esat Mala zyrtarizohet te Teuta, durrsakët marrin një përforcim të madh nga Superiorja appeared first on Albeu.com.

Nëpërmjet një njoftimi në rrjetet sociale, klubi shkodran ka falënderuar futbollistin për kontributin e dhënë me fanellën kuqeblu dhe i ka uruar sukses në vazhdimësinë e karrierës së tij.

Gjatë periudhës së tij te Vllaznia, Sala regjistroi në total 35 ndeshje, ndërsa më herët ka qenë pjesë edhe e skuadrave malteze Vallettas dhe Mqabba DC.

The post Vllaznia mbyll bashkëpunimin me Eslit Salën pak çaste para testit miqësor ndaj NK Rudes appeared first on Albeu.com.

“Falëndëroj presidentin, trajnerët, të gjithë stafin dhe bashkëlojtarët e Besës për respektin dhe bashkëpunimin gjatë kësja periudhe. Ju uroj suksese në vazhdim”, ka shkruar Hasani.

Futbollisti është produkt i akademisë së Vllaznisë, teksa gjatë karrierës ka luajtur për disa klube. Ai ka qenë pjesë edhe e Tiranës dhe Elbasanit, ndërsa në futbollin shqiptar ka fituar titullin në Superiore, Kupën dhe Superkupën e Shqipërisë.

The post Ish-mesfushori i Tiranës mbyll aventurën me Besën e Kavajës pas një sezoni, Hasani largohet nga verdhezinjtë appeared first on Albeu.com.

Pasi mbylli aventurën me skuadrën e kuqe të Superligës së Kosovës, “shkatërruesi” tashmë po kërkon destinacionin e tij të radhës.

Raportimet nga Kosova bëjnë me dije se Tirana ka shfaqur interes për Taipin dhe mes dy palëve kanë nisur bisedimet.

Për 29-vjeçarin ka vëmendje edhe nga klube të tjera në Kosovë, por deri në këto momente pista më konkrete duket se është ajo e “rekordmenëve” të Shqipërisë, Tirana.

The post Tirana hidhet menjëherë në lëvizje, bardheblutë nisin kontaktet për Shqiprim Taipin pas largimit nga Gjilani appeared first on Albeu.com.

Nga mesazhi i publikuar kuptohet se lojtari ka pasur pakënaqësi, edhe pse ai është përpjekur t’i shprehë ato në mënyrë të tërthortë. Gjatë kohës te Vllaznia, mesfushori shkodran arriti të fitojë 2 herë Kupën e Shqipërisë, në sezonet 2020-2021 dhe 2021-2022, por nuk mundi të ngrejë titullin kampion në Superiore.

“Nuk kam kërku privilegje, vetëm respektin që besoj se e kam meritu pas gjithë viteve të sakrificës dhe kontributit në futboll.

Për hir të tifozëve zgjodha të hesht dhe të mos krijoj polemika, por heshtja nuk duhet ngatërruar me pranimin e padrejtësive.

Largohem me ndërgjegje të pastër, por me pengun ma te madh mos fitimin e titullit ne shkoder.Falenderoj tifozët që më kanë mbështetur gjithmonë.

Ju keni qenë arsyeja pse kam luftu deri ne sekonden e fundit ne fushe. Gjithashtu falenderoj te gjithe cunat e ekipit per keto vite qe i ndam se bashku. Faleminderit”, ka shkruar Krymi.

The post Ardit Krymi mbyll kapitullin me Vllazninë: “Për tifozët vendosa të hesht”, shkodrani largohet nga klubi i zemrës appeared first on Albeu.com.

“Newsport.al” ka mësuar se Teuta, e udhëhequr nga trajneri Edlir Tetova, po tregon interes të madh për 28-vjeçarin dhe është e gatshme të bëjë maksimumin për ta afruar në skuadër.

Kallaku vlerësohet si një nga figurat kyçe të ekipit, si edhe një element thelbësor në ndërlidhjen e reparteve. Në rast se klubi durrsak arrin ta transferojë, kjo do të konsiderohej goditja më e madhe e merkatos së verës në Superiore.

Gjatë sezonit të fundit, ai zbriti në fushë në 41 ndeshje në të gjitha kompeticionet, duke regjistruar 5 gola dhe 5 asiste. Sipas “Transfermarkt”, vlera e lojtarit në fjalë shkon deri në 550 mijë euro.

The post Teuta hidhet “all-in” për Sherif Kallakun, mesfushori largohet gjithnjë e më shumë nga Vllaznia appeared first on Albeu.com.