Armend Muslika po kalon një moment të shkëlqyer me Tottenhamin në Premier League-n U-18, ku ka shënuar 4 gola në vetëm 3 ndeshje të zhvilluara.

Mesfushori i Shqipërisë U-17, i cili pak muaj më parë nënshkroi kontratën e parë profesionale me “Spurs”, është përfshirë tashmë në një seancë stërvitore me skuadrën e parë të klubit anglez.

Tottenham publikoi në rrjetet sociale disa fotografi nga stërvitja e sotme, ku shfaqet edhe 17-vjeçari shqiptar. Ende nuk dihet nëse trajneri Roberto De Zerbi do t’i japë Muslikës një vend në organikën e ekipit të parë, apo kjo ishte vetëm një mundësi për ta testuar atë.

The post Armend Muslika ngjitet te ekipi i parë i Tottenham pas paraqitjeve mbresëlënëse me U-18 appeared first on Albeu.com.

Teksa Ipswich Town përballet me Manchester United në javën e dytë të Premier League, mesfushori i Kombëtares shqiptare, Anis Mehmeti, mbetet edhe një herë plotësisht jashtë skuadre, pa zënë as një vend në pankinë.

Përjashtimi i tij i dytë radhazi nga trajneri Gary O’Neil konfirmon se 25-vjeçari nuk bën më pjesë në projektin e klubit anglez. Por situata duket edhe më kritike.

Burime nga Anglia raportojnë se skuadrat e interesuara për shërbimet e tij, si Birmingham dhe Wrexham, janë të dekurajuara nga qëndrimi i lojtarit, i cili vijon të shpresojë për një mundësi të re te Ipswich Town.

Në këto rrethana, me Mehmetin që refuzon transferimin dhe vazhdon të përjashtohet nga O’Neil, ekziston një rrezik real që ai të qëndrojë jashtë veprimit deri në afatin kalimtar të janarit, një ndërprerje e detyruar prej pesë muajsh.

The post Nga mungesa në ekip te rreziku i një pauze 5-mujore, skenari më i zi për yllin e Kombëtares appeared first on Albeu.com.

Egnatia e humbi avantazhin ndaj Lillestromit në Norvegji, në fazën Play-Off të Europa League, edhe pse Eljon Sota e kishte kaluar në epërsi skuadrën shqiptare në minutën e 32-të.

Gjithçka ndryshoi në minutën e 82-të, kur Foss vendosi baraspeshën dhe e dërgoi takimin në kohën shtesë. Në fund, “vikingët” triumfuan 2–1, duke siguruar kualifikimin në grupet e Europa League.

Pas golit të barazimit qëndronte mesfushori shqiptar i Kosovës, Ylldren Ibrahimaj. 30-vjeçari dërgoi një top nga thellësia drejt hyrjes së zonës, ndërsa Foss, i pozicionuar diagonal, e përfundoi aksionin me një goditje të befasishme. Pasimi i Ibrahimajt u duk më shumë si një asist sesa si një tentativë direkte për të goditur portën.

Aksioni i realizuar nga Ibrahimaj ishte pika që ndryshoi rrjedhën e sfidës në favor të Lillestromit, në një moment kur Egnatia po e kontrollonte mirë lojën.

Ylldren Ibrahimaj numëron vetëm një paraqitje me përfaqësuesen e Kosovës. Ai është aktivizuar ndaj Suedisë në një ndeshje miqësore në vitin 2020.

Asisti i Ylldren Ibrahimajt

The post VIDEO/ Ibrahimaj “projekton” golin e barazimit, Foss realizon në këndin e pamundur dhe Egnatia eliminohet nga Europa League appeared first on Albeu.com.

Fabio Refatllari feston sot 17-vjetorin, vetëm katër ditë pasi veshi për herë të parë fanellën e ekipit të parë të Volos. Mesfushori shqiptar u aktivizua në ndeshjen e Kupës së Greqisë ndaj Iraklis, të cilën Volosi e fitoi 3 – 1.

Refatllari qëndroi në fushë për 80 minuta dhe paraqitja e tij la përshtypje pozitive. Për futbollin grek, aktivizimi i një lojtari shqiptar në një moshë kaq të re është një rast i pazakontë, duke e bërë talentin shqiptar një përjashtim.

Nëse vazhdon me të njëjtin ritëm, nuk përjashtohet që shumë shpejt të marrë një ftesë nga ekipet e moshave të përfaqësueses greke.

Pikërisht për këtë arsye, Kombëtarja shqiptare duhet të veprojë në kohë dhe të shqyrtojë mundësinë për ta afruar Refatllarin, përpara se të jetë vonë. Ai mund të jetë një alternativë për repartin para mbrojtjes, në rolin e mesfushorit defensiv.

The post Fabio Refatllari mbush 17 vjeç pas debutimit me Volosin, Greqia mund ta afrojë me ekipet e saj appeared first on Albeu.com.

Armend Muslika ka përjetuar një moment të paharrueshëm, pasi talenti shqiptar ka nënshkruar kontratën e tij të parë profesioniste me Tottenham Hotspur.

Mesfushori 17-vjeçar ka bindur drejtuesit e “Gjelave” dhe tashmë është pjesë e një prej klubeve elitare të Premier League. Muslika aktivizohet me Kombëtaren U-17 dhe vlerësohet si një nga talentet më të mëdhenj që luan për Shqipërinë.

Pas firmës me klubin londinez, Muslika shkroi: “I lumtur që nënshkruaj kontratën time të parë profesionale, faleminderit të gjithëve që më kanë mbështetur. Ky është vetëm fillimi!”

The post Armend Muslika hedh firmën me Tottenhamin, talenti i Kombëtares nis karrierën profesioniste appeared first on Albeu.com.

Interi po shqyrton alternativa të reja për repartin ofensiv, ndërkohë që synon të gjejë edhe një zgjidhje për largimin e Kristjan Asllanit. Mesfushori i Kombëtares shqiptare nuk bën më pjesë në planet e zikaltërve, të cilët kërkojnë me çdo kusht ta shesin.

Klubi italian u përpoq të bindte Al-Ittihad për një marrëveshje që do të sillte Moussa Diaby tek Interi, por kjo strategji duket se nuk ka dhënë rezultat.

Oferta e menduar përfshinte disa miliona euro dhe kartonin e Asllanit në këmbim të Diaby. Megjithatë, Al-Ittihad po këmbëngul për ta mbajtur sulmuesin anësor, ndërsa paga e tij e lartë përbën një tjetër pengesë për kampionët e Serie A.

Pasi skuadra nga Arabia Saudite nuk pranoi përfshirjen e Asllanit në operacion, mesfushorit shqiptar do t’i duhet të vazhdojë kërkimet për një ekip të ri, në një kohë kur edicioni 2026-2027 po afron.

The post Kristjan Asllani pëson një tjetër goditje, rivali i Cristiano Ronaldos refuzon mesfushorin kuqezi appeared first on Albeu.com.

“Newsport” ka mësuar se Teuta ka finalizuar një marrëveshje me mesfushorin Geraldo Bajrami.

Futbollisti shqiptar, 26 vjeç, e përfundoi sezonin 2025-2026 me Burton Albion në League One, që është niveli i tretë për nga rëndësia në Angli.

Lajmi në përditësim..

The post Teuta mbyll marrëveshjen me Geraldo Bajramin, mesfushori shqiptar vjen nga Anglia appeared first on Albeu.com.