Pas shtyrjes së seancës konstituive të Kuvendit, kryeministri në detyrë i Kosovës, Albin Kurti, doli në një konferencë për media në ambientet e Kuvendit.

Duke folur për postin e kreut të shtetit, Kurti tha se ai nuk mund të konsiderohet pronë e asnjë force politike. Sipas tij, zgjedhja e presidentit ose presidentes kërkon një marrëveshje të gjerë dhe konsensus mes palëve.

“Presidenti ose Presidentja nuk i takon ndonjë partie. Nëse do t’i takonte ndonjë partie atëherë duhet parë numrat. LVV i ka 53, tri partitë tjera opozitare bashkë 47, apo 6 më pak se ne”, deklaroi Kurti, transmeton “Bota sot”.

Ai e cilësoi tërheqjen e kandidaturës së Glauk Konjufcës për kryetar të Kuvendit si hapin që Lëvizja Vetëvendosje ka ndërmarrë për t’i hapur rrugë një ujdie politike.

“Ne kemi bërë koncesionin e madh dhe kemi tërhequr Glauk Konjufcën. Për një marrëveshje politike duhen mirëkuptim, kompromis dhe koncesione nga të gjithë”, u shpreh Kurti.

Kryeministri në detyrë nënvizoi se kompromisi përjashtohet kur bëhet fjalë për sovranitetin, integritetin territorial, sigurinë dhe Republikën e Kosovës. Megjithatë, sipas tij, për temat politike palët duhet të arrijnë një mirëkuptim të përbashkët.

“Mes nesh duhet të gjejmë dakordim për të shmangur zgjedhjet e reja dhe për t’i dhënë Kosovës një president ose presidente konsensuale, me integritet, vlera dhe kontribut për vendin”, deklaroi Kurti.

The post Kurti përball opozitën me shifrat “53 me 47”: Tërhoqëm Konjufcën, tani duhet marrëveshje për presidentin appeared first on Albeu.com.

Lëvizja VETËVENDOSJE! ka bërë publik të plotë fjalimin që Kryeministri në detyrë, Albin Kurti, mbajti gjatë seancës konstituive të Kuvendit të Kosovës.

Siç transmeton “Bota sot”, Kurti foli për përpjekjet për konstituimin e institucioneve, kontaktet me partitë politike dhe domosdoshmërinë e bashkëpunimit për të garantuar stabilitet institucional dhe vijimin e proceseve demokratike.

Ai deklaroi se takimet për krijimin e institucioneve nisën menjëherë pas certifikimit të rezultateve. Kurti falënderoi kryetarin e Partisë Demokratike të Kosovës, Bedri Hamzën, për takimin, si dhe kreun e Lidhjes Demokratike të Kosovës, Lumir Abdixhikun, për takimet e zhvilluara.

Sipas tij, diskutimet u ndërprenë për shkak të zhvillimeve të brendshme në LDK dhe u rikthyen vetëm gjatë kësaj jave. Kryeministri në detyrë theksoi se VETËVENDOSJE! kërkon dialog edhe me PDK-në dhe AAK-në, pavarësisht se refuzimi i këtyre dy subjekteve është i qartë.

Kurti tha se zgjedhjet e 7 qershorit erdhën si pasojë e moszgjedhjes së presidentit në muajin prill. Ai kërkoi që palët të ecin së bashku përpara, duke nënvizuar nevojën për një pajtim sa më gjithëpërfshirës rreth një presidenti unifikues, në përputhje me kushtetutshmërinë për të cilën deputetët u betuan sot.

Ai paralajmëroi se konstituimi i kësaj radhe nuk duhet ta çojë vendin sërish drejt shpërndarjes së Kuvendit dhe mbajtjes së zgjedhjeve të tjera të parakohshme, të cilat i cilësoi të paarsyeshme, të panevojshme për qytetarët dhe të dëmshme për ekonominë.

The post VETËVENDOSJE! publikon fjalimin e Kurtit në Kuvend për institucionet, presidentin dhe mundësinë e zgjedhjeve të reja appeared first on Albeu.com.

Benjamin Haddad, ministri francez për Çështjet Evropiane, ka mbërritur në Kosovë për vizitën e tij të parë zyrtare, ku mirëseardhjen ia uroi kryenegociatori i Kosovës me Bashkimin Evropian, Jeton Zulfaj.

Në këtë takim, Zulfaj ishte deleguar nga kryeministri në detyrë, Albin Kurti. Ai shprehu solidaritetin e Kosovës me Francën, e cila po përballet me zjarre të mëdha në afërsi të Bordosë.

“Mirë se vini në Republikën e Kosovës, ministër Benjamin Haddad! Është kënaqësi t’ju mirëpresim në vizitën tuaj të parë zyrtare. Kosova qëndron në solidaritet me Francën, teksa ajo po përballet me zjarret e tmerrshme pranë Bordosë”, shkroi Zulfaj në platformën “X”.

Zulfaj theksoi gjithashtu se Franca dhe Kosova janë “të bashkërenduara dhe aleate”, ndërsa i dëshiroi ministrit francez qëndrimi të këndshëm dhe vizitë produktive.

The post Ministri francez për Çështjet Evropiane viziton për herë të parë Kosovën, pritet nga Zulfaj appeared first on Albeu.com.

Mes përçarjeve të shtuara në Lidhjen Demokratike të Kosovës dhe dorëzimit të nënshkrimeve për thirrjen e Kuvendit të jashtëzakonshëm, ku kërkohet edhe shkarkimi i kryetarit Lumir Abdixhiku, nënkryetari i kësaj partie, Lutfi Haziri, ka bërë një reagim publik.

Në një postim në rrjetet sociale, Haziri ka theksuar se LDK-ja u përket idealistëve dhe se fuqia e saj buron nga anëtarësia, jo nga funksionarët.

“LDK ju takon idealistave.

Idealistat janë anëtarësia! Në Kosovë, historia na ka mësu që LDK është parti e idealistave, PDK është parti e kryengritësve dhe VV është parti e të pakënaqunve. LDK ju takon idealistave e idealistat e saj janë anëtarësia. Jo funksionarët. Koha t’i kthehemi idealistave!”, ka shkruar Haziri.

The post Haziri reagon për situatën në LDK: Është koha për rikthim te idealistët appeared first on Albeu.com.

Përfaqësia diplomatike e Francës në Prishtinë organizoi të martën pritjen me rastin e Ditës Kombëtare Franceze.

Gjatë fjalës së mbajtur në këtë eveniment, ambasadori Olivier Guerot shprehu dëshirën që mbrëmja të kurorëzohej me fitoren e skuadrës franceze ndaj Spanjës në gjysmëfinalen e botërorit të futbollit, por nuk la pa përcjellë edhe një mesazh të qartë për klasën politike vendase lidhur me formimin e shpejtë të institucioneve.

Guerot u shpreh se, teksa përgatiste fjalimin, iu desh të rikthehej tek ai i vitit të shkuar ku gjeti një paragraf që fatkeqësisht mbetet po aq i nevojshëm edhe sot. Ai ritheksoi se aleatët ndërkombëtarë të Kosovës, përfshirë edhe Parisin zyrtar, kanë nevojë për bashkëbisedues të qëndrueshëm për të quar përpara marrëveshjet dhe për ta përcjellë vendin në rrugëtimin e tij drejt integrimeve evropiane.

“U bëj thirrje të gjithë liderëve politikë të këtij vendi, pa asnjë dallim, që t’i përkasin cilësdo force politike apo komuniteti, të gjejnë vetë shtegun e kompromisit dhe daljen nga kjo gjendje bllokimi me të cilën asnjë qytetar nuk është i kënaqur,” deklaroi ambasadori francez. Ai shtoi se ky apel për funksionim gjithëpërfshirës të institucioneve, pas një viti dhe dy cikleve zgjedhore, vijon të jetë më se aktual.

Në vijim të fjalës së tij, diplomati paralajmëroi se një përfaqësues i lartë i qeverisë franceze do të vizitojë së shpejti Prishtinën, një udhëtim ky që sipas tij do të shënojë nisjen e një faze të re dhe domethënëse për zhvillimin ekonomik të Kosovës, ku Franca synon të marrë një rol të spikatur.

Duke iu drejtuar kryeministrit në detyrë, ambasadori kujtoi pritjen e mëparshme në Pallatin Élysée dhe konfirmoi se ekipet po punojnë për të konkretizuar këtë vizitë. Gjithashtu, ai nënvizoi se Franca në Kosovë, si në çdo cep të botës, përfaqëson një aleat të përkushtuar, të vendosur, të besueshëm dhe solidar, duke sjellë me vete të njëjtat parime të së drejtës ndërkombëtare dhe multilateralizmit që mbron kudo.

Nga ana e tij, kryeministri në detyrë Albin Kurti vlerësoi kontributin shumëdimensional të Francës, duke theksuar se ajo e ka modeluar botën përmes letërsisë, filozofisë, shkencës dhe artit, po aq sa edhe nëpërmjet politikës e diplomacisë. Ai theksoi se ky ndikim është konkret edhe për Kosovën.

Kurti kujtoi se Republika e Kosovës, e dalë nga një luftë për liri e drejtësi, ka përqafuar demokracinë dhe sundimin e ligjit jo si shprehje boshe, por si shtylla themelore të shtetndërtimit. Ai e cilësoi Francën si një mike dhe partnere në çaste kyçe të historisë, që nga qëndrimi pranë popullit gjatë konfliktit, njohja e pavarësisë të nesërmen e shpalljes së saj, e deri te mbështetja e vazhdueshme për forcimin e demokracisë.

Sipas tij, partneriteti mes dy vendeve është bërë gjithnjë e më thelbësor, duke u materializuar në bashkëpunim konkret politik, institucional, kulturor dhe arsimor. Kryeministri në detyrë përmbylli duke nënvizuar se rruga drejt Bashkimit Evropian mbetet një vendim i ndërgjegjshëm demokratik dhe një disiplinim i domosdoshëm institucional për të zënë vendin e natyrshëm mes kombeve të kontinentit.

The post Ambasadori francez u bën thirrje partive kosovare të nxjerrin vendin nga ngërçi politik appeared first on Albeu.com.

Sherif Kallaku i dha fund qëndrimit njëvjeçar te Vllaznia, duke kaluar këtë javë te rivalja direkte në Superiore, Teuta. Mesfushori 28-vjeçar zgjodhi rrjetet sociale për të shprehur falënderimet e tij për klubin shkodran, shokët e skuadrës dhe mbështetësit.

Në postimin e tij, ai theksoi se ndarja me një institucion si Vllaznia është gjithmonë e rëndë, sidomos pas një viti që e cilësoi si ndër më të bukurit e karrierës. Ai shprehu mirënjohje për të gjithë bashkëlojtarët, për përkushtimin dhe sakrificat e ndara së bashku, si në seanca stërvitore ashtu edhe në jetën e përditshme jashtë fushës.

Një vlerësim i veçantë shkoi për tifozërinë, të cilët i qëndruan pranë ekipit në çdo moment, pavarësisht rezultateve. Kallaku përmendi në mënyrë specifike grupin e tifozëve “vllaznit05”, duke i falënderuar për mbështetjen e vazhdueshme.

Duke prekur arsyet e largimit, ai la të kuptohet se pasioni për futbollin nuk mjafton gjithmonë. Theksoi se çdo lojtar ka nevojë për një ambient të qetë dhe kushte dinjitoze për të shprehur potencialin e tij të plotë. Sipas tij, kur këto elemente thelbësore mungojnë, futbollisti detyrohet të marrë rrugë që, në zemër të zemrës, nuk do t’i kishte zgjedhur në një kontekst tjetër. Mesazhi u mbyll me një urim për suksese për ish-klubin e tij.

The post Mesazhi i Sherif Kallakut pas transferimit te Teuta: “Të lësh Vllazninë nuk është kurrë e thjeshtë” appeared first on Albeu.com.

Policia e Kosovës ka marrë një falënderim publik nga një zyrtar republikan amerikan, i cili ka çmuar profesionalizmin, mikpritjen dhe angazhimin e saj për garantimin e sigurisë publike.

Në një mesazh publik, Pastori Mark Burns, që aktualisht po qëndron në Kosovë, u shprehu mirënjohje pjesëtarëve të Policisë së Kosovës për punën e përditshme që bëjnë në mbrojtje të qytetarëve dhe në ruajtjen e rendit.

“Dua të shpreh mirënjohjen time të sinqertë për Policinë e Kosovës për profesionalizmin, mikpritjen dhe përkushtimin e saj ndaj sigurisë publike gjatë kohës sonë në Kosovë”, thuhet në mesazh.

Burns nënvizoi se angazhimi i zyrtarëve policorë ka rëndësi të veçantë për mbrojtjen e komuniteteve dhe shërbimin ndaj qytetarëve.

“Faleminderit për punën që bëni çdo ditë për të mbrojtur komunitetet, për të ruajtur rendin dhe për t’u shërbyer qytetarëve të Kosovës.

Përkushtimi juaj nuk kalon pa u vënë re”.

“Zoti i bekoftë dhe i mbroftë të gjithë zyrtarët policorë dhe familjet e tyre, teksa shërbejnë me guxim dhe nder”, u shpreh në fund Burns.

The post Zyrtari republikan amerikan vlerëson publikisht Policinë e Kosovës për punën e saj të jashtëzakonshme appeared first on Albeu.com.

Rreth një vit më parë, në Federatën Shqiptare të Futbollit mbërriti një kërkesë prekëse. Një djalë i vogël me emrin Joni po përballej me një sëmundje të rëndë dhe dëshironte të merrte një përshëndetje e pak kurajë nga futbollistët e Kombëtares shqiptare.

Mes të parëve që iu përgjigj ishte Kristjan Asllani, i cili në videomesazhin e tij u shpreh: “Përshëndetje Joni, të uroj ta kalosh operacionin me sukses dhe të shërohesh sa më shpejt. Shpresoj të shihemi në qershor në Tiranë, një përqafim të fortë, ciao”.

Tani, pothuajse pas një viti, një i afërm i Jonit ka kontaktuar sërish FSHF-në për të ndarë lajmin e mirë se vogëlushi ia ka dalë ta kapërcejë këtë sprovë. Një moment i tillë duhej shënuar, aq më tepër në mënyrën që vetë Joni do të donte më shumë. Për këtë arsye, ai mori përshëndetje dhe ftesa nga disa prej lojtarëve të Kombëtares shqiptare.

Në mesazhin e dërguar pas 1 viti drejt FSHF-së thuhej: “Përshëndetje, para një viti ju kam shkruar për vëllain tim Jonin, i cili po luftonte me kancerin. Sot, me zemër plot gëzim, ju tregoj se pas një viti shumë të vështirë me kimioterapi dhe rrezatime, ai e ka fituar këtë betejë. Gjatë gjithë kohës, edhe nga spitali, ai nuk ka humbur asnjë ndeshje të Shqipërisë. Kombëtarja ka qenë forca dhe motivimi i tij më i madh. Tani duam t’i bëjmë një surprizë të madhe për festën e tij. Do të ishte e paharrueshme për të nëse disa nga lojtarët do t’i dërgonin një video të shkurtër, ku t’i thonë se janë krenarë për tifozin e tyre më të madh. Ju falënderoj nga zemra”.

Pas këtij lajmi të gëzueshëm, pranë Jonit u bënë me mesazhet e tyre edhe disa futbollistë të ekipit kuqezi. Elseid Hysaj, Kristjan Asllani, Juljan Shehu, Mario Mitaj, Arbër Hoxha dhe Thomas Strakosha iu bashkuan këtij çasti kaq të veçantë për djaloshin.

Edhe vetë Joni u shfaq para kamerës për të falënderuar FSHF-në dhe lojtarët e Kombëtares për mbështetjen që i dhanë. Në fund të videos ai thotë: “Faleminderit shumë, shumë jam gëzuar, ju dua krejt”.

I gjithë ky veprim u kthye në një dëshmi fisnikërie nga Federata Shqiptare e Futbollit dhe futbollistët e Kombëtares, të cilët i sollën gëzim një djaloshi që përballoi me forcë një vështirësi kaq të madhe.

Mesazhet e futbollistëve të Kombëtares:

Elseid Hysaj: Përshëndetje Joni, jam shumë i lumtur për ty, për lajmin që mora, që ja dole. Fitove betejën e madhe, shpresoj që të të shoh shumë shpejt në stadium, që të na ndihmosh, të na mbështetësh siç ke bërë gjithë këto kohë.

Juljan Shehu: Joni përshëndetje, jam shumë i lumtur për ty dhe krenar që ti ja dole me sfidën që pate. Shpresoj që t’ja kalosh sa më mirë tani dhe të presim në stadium.

Kristjan Asllani: Joni, jam shumë i lumtur që e kalove këtë sfidë. Të uroj të gjitha të mirat në jetë dhe ishalla shihemi sa më shpejt në stadium.

Arbër Hoxha: Përshëndetje Joni, më vjen mirë që je mirë me shëndet. Faleminderit që na ndjek gjithmonë, shpresoj që të takohemi shumë shpejt.

Mario Mitaj: Përshëndetje Joni, jam shumë i lumtur që je mirë me shëndet. Bravo për forcën e treguar, të presim në stadium.

Thomas Strakosha: Përshëndetje Joni, gëzohem që ja dole, bravo kampion. Ishalla takohemi sa më shpejt në stadium, të jemi bashkë, të përqafohemi bashkë dhe të na mësosh edhe neve si të jemi kaq të fortë. Të përqafoj fort dhe shumë shpejt ishalla takohemi në stadium.

The post VIDEO/ Joni fiton betejën me sëmundjen e rëndë, FSHF dhe lojtarët e Kombëtares i realizojnë dëshirën e veçantë appeared first on Albeu.com.

Në një deklaratë për RTK, ai tha se Uashingtoni e ka bërë tashmë publike synimin e SHBA-së për të pakësuar praninë ushtarake në Evropë, duke theksuar se një zhvillim i tillë ndikon qartë edhe në Kosovë.

Petritsch nënvizoi se Kosova duhet të ecë përpara në trajtimin e çështjeve të hapura dhe njëkohësisht të përgatitet për të marrë mbi vete më shumë përgjegjësi për sigurinë, përmes rritjes graduale të kapaciteteve të saj mbrojtëse.

Sipas tij, vendi do të duhet ta marrë vetë përgjegjësinë për sigurinë e tij, të kthehet në një ofrues sigurie për Kosovën dhe për rajonin, si edhe të shndërrohet në një faktor stabilizues.

Ai kritikoi edhe rolin që Kosova ka aktualisht në raport me stabilitetin rajonal, duke theksuar se vendi duhet të bëhet një partner më konstruktiv në Evropë.

Në përmbyllje, ish-diplomati austriak tha se Kosova duhet të shndërrohet në një partner konstruktiv në Evropë.

The post Petritsch: Kosova duhet të forcojë rolin e saj në siguri mes presionit ndaj NATO-s appeared first on Albeu.com.

Ai tha se prioriteti kryesor është krijimi sa më i shpejtë i një qeverie funksionale, në mënyrë që të nisë puna për reformat.

“Këshilla ime e parë është që sa më shpejt të jetë e mundur të gjendet udha për të bërë një koalicion qeveritar i cili do të jetë në gjendje që të veprojë shpejt dhe të nisin me të gjitha reformat që janë planifikuar. Por pikë së pari çështja më e rëndësishme është që të ketë një qeveri funksionale”, deklaroi Terras në Klankosova.

Eurodeputeti shprehu shpresën se forcat politike do t’i lënë mënjanë dallimet mes tyre dhe do të arrijnë të gjejnë një pikë të përbashkët për ngritjen e një qeverie të fortë dhe funksionale.

Megjithëse vendi është përballur me bllokada politike gjatë viteve të fundit, Terras vlerëson se Kosova vazhdon të mbetet në një drejtim të mirë drejt Bashkimit Evropian.

Sipas tij, ishin pikërisht deputetët e Parlamentit Evropian që e nxitën komisionaren për zgjerim, Marta Kos, që ta vizitojë Kosovë.

“Tani, çdo person i rëndësishëm i institucioneve evropiane e ka vizituar Kosovën dhe porosia ishte e njëjta: të gjithë mendojnë që Kosova është në një rrugë të mirë dhe se një qeveri funksionale duhet të jetë aty. Kjo për të pasur një partner për të negociuar dhe të ketë një partner për statusin e vendit kandidat për Kosovën dhe të çelen bisedimet e pranimit në Union”, deklaroi Terras.

Ai theksoi më tej se pengesa kryesore për BE-në, sa i përket nisjes së bisedimeve të anëtarësimit me Kosovën, mbetet fakti që pesë shtete anëtare të Unionit ende nuk e njohin Kosovën.

“Ne prej anës sonë, të Parlamentit Evropian, po mundohemi të ju qasemi këtyre vendeve dhe t’i pyesim se çka po mendojnë ato. Kanë kaluar më shumë se 20 vite dhe ata akoma nuk e dinë cila është rruga përpara, cili është plani i tyre, qysh ata do të vazhdojnë me këtë”.

“Për mendimin tim, Komisioni Evropian duhet të hapë diskutimet dhe t’ia japë Kosovës statusin e vendit kandidat gjithsesi. Kjo përkundër faktit që disa vende nuk e kanë njohur Kosovën. Dhe hapja e bisedimeve për pranim do të ishte një shenjë e mirë edhe për vendet mosnjohëse”, theksoi eurodeputeti.

Duke komentuar situatën e sigurisë në Kosovë, Terras bëri të ditur se gjatë vizitës së tij të fundit në vend kishte shkuar edhe në selinë qendrore të KFOR-it. Sipas tij, mesazhi nga drejtuesit e këtij misioni ishte pozitiv, duke nënvizuar se gjendja është stabilizuar dukshëm dhe se nuk ka pengesa për ndërtimin e marrëdhënieve të mira fqinjësore, para së gjithash me Serbinë dhe me minoritetin serb në Kosovë.

Për dialogun Kosovë-Serbi, ai tha se Bashkimi Evropian duhet të bëjë gjithçka që ka në dorë për t’i shtyrë të dyja palët drejt bisedimeve, “dhe ta shtynë Serbinë aq sa po e shtynë Kosovën”.

“Problemi tani është që unë nuk shoh që Bashkimi Evropian është fort aktiv në raport me palën serbe. Dhe Serbia nuk dëshiron që të gjejë rrugë për të dalë nga kjo” situatë, shtoi eurodeputeti nga Estonia.

Sipas Terrasit, zgjidhja më e mirë për të dyja palët “është që të harrojnë konfliktet dhe të angazhohen bashkërisht që të kenë një rajon paqësor”.

“Të gjejnë rrugë për këtë dhe BE-ja të ndërmjetësojë në këtë proces dhe të shtyjë të dyja shtetet për të gjetur mënyrat për këtë”, tha Terras, ndonëse sipas tij emisari për dialog, Peter Sorensen, nuk ka bërë mjaftueshëm në këtë aspekt.

Në fund, ai nënvizoi se, sipas vlerësimit të tij, “vetëm Kosova e Serbia janë në gjendje që të zgjidhin problemin”.

The post Riho Terras u bën thirrje partive në Kosovë të formojnë sa më shpejt një qeveri funksionale appeared first on Albeu.com.