Beratasi, në një intervistë të dhënë për Panorama-Sport, ka deklaruar se kishte marrë komplimente, madje presidentja ia kishte ndjellë më para golin.

“Ne kemi një grup në WhatsApp”, të gjithë më komplimentuan. Në fakt, presidentja e klubit pas ndeshjes së fundit në kampionat kundër Alaves më tha: ‘Ke për ta thyer tersin me Kombëtaren. Do t’i shënosh Spanjës’.

U befasova në fillim, por e pashë që e kishte seriozisht atë që po më thoshte. Unë e dija që do t’i kisha rastet e mia, edhe pse nuk e nisa titullar”, shprehet Uzuni, i cili ka marrë edhe kritika pas ndeshjeve të mëparshme për disa raste flagrante.

“Ndonjëherë i përjetoj më shumë sesa duhet ndeshjet me Kombëtaren dhe mbase ndonjëherë edhe gaboj. Gjithsesi është e paimagjinueshme të mendosh që më mungon impenjimi apo serioziteti. Këtë nuk e toleroj dot dhe shpeshherë njerëz që fshihen pas tastierës në rrjetet sociale më kanë mërzitur dhe më kanë lënduar me komente nga më të ulëtat.

Kush është ai lojtar që nuk do të shënojë kundër Anglisë në ‘Wembley’ apo kundër Hungarisë, vendit ku unë luaja pak kohë më parë?! Mirëpo, ja që ndonjëherë nuk të ecën. Nuk mund të kryqëzohesh kështu”, ka thënë Uzuni mes të tjerash.

The post Uzuni: Njerëz pas tastierave më lënduan! Kush s’do t’i shënojë Anglisë?! appeared first on Albeu.com.

1. Jini mirënjohës që nuk është viti i kaluar. Mos harroni se vjet thuajse gjithçka ishte e kufizuar, ndërsa këtë vit masat po lirohen! Kjo është diçka që duhet të na bëjë sado pak të lumtur.

2. Planifikoni ndonjë lloj aventure gjatë verës. Planifikimi i një udhëtimi sado të vogël mund të jetë emocionues. Nëse do të udhëtoni vetë ose me një grup, familjen tuaj, ose partnerin, kuptoni se rruga drejt destinacionit mund të jetë po aq argëtuese sa vetë destinacioni, ndoshta edhe më shumë.

3. Kuptoni se është normale të keni shqetësime në lidhje me virusin. Është e kuptueshme të jeni ende nervozë për pandeminë. Nëse jeni, atëherë vazhdoni protokollet tuaja dhe qëndroni të sigurt, por sigurohuni që kjo të mos ju ndalojë të dilni jashtë, të shkoni në plazh dhe të lëvizni sado të mundeni. Edhe një veprim i vogël si mbjellja e disa luleve, mund t’jua mbushë ditën me lumturi.

4. Shtoni një dimension të ri në stilin e jetës tuaj. Kjo verë është shansi juaj për të bërë diçka argëtuese që ju bën të ndiheni mirë me veten. Provoni të bëni camping, të filloni të mësoni kitarën, një gjuhë të huaj, të shkoni në një kurs kërcimi etj.

5. Lidhuni me miqtë dhe familjen. Të qenit pranë njerëzve të dashur për ne mund të na ndryshojë për mirë në dimensione që nuk e keni menduar. Një bisedë e sinqertë dhe një përqafim i ngrohtë mund të “shërojnë” shumë.

Mos e mendoni verën si një “detyrë” që ju ka rënë për pjesë. Bëni atë që ju bën juve të ndiheni më mirë. Mundësitë janë të pafundme, mjafton të shihni pak më thellë dhe të kërkoni pak më shumë.

Bëfsh qejf, sipas mënyrës tënde!

The post “Mërzia e stinës së verës”, 5 mënyra për ta mposhtur appeared first on Albeu.com.