Për ngjarjen në fjalë është arrestuar bashkëshorti i viktimës, i cili akuzohet për veprat penale “Dhuna në familje” dhe “Shkaktimi i vetëvrasjes”.

Djali i Merushe Gjuzit, ka folur në News24 ku ka mohuar akuzat që rëndojnë ndaj babait të tij, ndërsa theksoi se ai nuk ushtronte dhunë psikologjike ndaj nënës.

Djali mes lotësh tha se prindërit shkonin mirë dhe nuk kishin konflikte.

“Një vit kisha që kisha ikur në Gjermani. Para disa vitesh është zhdukur motra. I la nipin, dhe ajo kujdesej për nipin, 11 vjeç. Ajo ishte shumë mirë, e lashë mirë. Asgjë nuk është e vërtetë. Jeta paska qenë e vështirë për mua. Babai nipit i vdiq në një aksident. Nëna merrte misra në fshatrat e Elbasanit dhe i shiste ne Bishti i Zhurit. Me këto të ardhura vinim vërdallë. Më pas ika unë në Gjermani, që ajo mos të punonte më. Por ajo nuk më dëgjonte, babai punonte shumë, ku të gjente. Pastronte kopshte, dhe oborre. Babai me mamanë s’kanë pasur asnjë problem. Nuk kemi qenë keq fare nga ana ekonomike, babai punonte në Greqi më herët. Nuk kishin probleme. Se di si i hedhin baltë babës tim. Në orën 8 e 20 më ka rënë në telefon, por kam qenë në punë. Kur e mora në telefon, nuk mu përgjigj. Vetëm pas 2-3 orësh më morën në telefon dajet, shokët dhe më treguan. Çdo ditë nga ora 9 më kanë telefonuar dhe më kanë treguar. Llafe në shtëpi mund të bësh, por nuk kemi pasur debate të mëdha. Ju lutem më sillni babain tim në shtëpi!”, tha djali i të ndjerës.

The post “Kujdesej për nipin, motra ishte zhdukur”, djali tregon jetën plot drama të Merushe Gjuzit: Babai s’e dhunonte, të lirohet! appeared first on Albeu.com.

Merushi Gjuzi, 55 vjeç hapi derën e furgonit me të cilin po udhëtonte dhe u hodhe duke gjetur vdekjen.

Ngjarja ka ndodhur në afërsi të fshatit Papër.

55-vjeçarja po udhëtonte me shoqen e saj, kur në një moment ka hapur derën papritur dhe është hedhur.

Teksa është pyetur nga policia gruaja e cila udhëtonte me viktimën ka deklaruar se Merushe Gjuzi dukej në gjendje jo të mirë psikologjike në mëngjes pasi siç i kishte thënë shoqes, ishte grindur me bashkëshortin.

“Gjithmonë rrinim të ulura në vendin e parë të furgonit”, ka deklaruar shoqja e saj, por këtë mëngjes, Gjuzi deshi të ulej pas dhe u ul vetëm.

Policia ndërkohë ka shoqëruar shoferin e furgonit për ta marrë në pyetje dhe vijon hetimet për zbardhjen e ngjarjes.

Elbasan/Informacion paraprak

Rreth orës 09:00, në aksin rrugor Peqin-Elbasan, në fshatin Papër, shtetasja M. Gj., rreth 50 vjeçe, ndërkohë që udhëtonte në automjetin furgon që drejtohej nga shtetasi S. T., 30 vjeç, dyshohet se ka hapur derën e pasme të furgonit dhe është vetëhedhur.

Si pasojë e dëmtimeve, shtetasja M. Gj. ka humbur jetën. Drejtuesi i furgonit, shtetasi S. T., po shoqërohet në Komisariat, për sqarimin e rrethanave të ngjarjes. Shërbimet e Policisë dhe grupi hetimor ndodhen në vendngjarje dhe po punojnë për sqarimin e plotë të rrethanave të kësaj ngjarjeje.

/Albeu.com 

The post “Ishte zënë me bashkëshortin”, flet shoqja e 55-vjeçares që u hodh nga furgoni: Sot u ul vetëm appeared first on Albeu.com.

Një grua dyshohet se është vetë hedhur nga një furgon pasagjerësh që po qarkullonte në aksin e rrugës kombëtare Peqin-Elbasan dhe për pasojë ka gjetur vdekjen.

Ngjarja ka ndodhur rreth orës 08:45 në vendin e quajtur Papër.

Viktima është identifikuar si Merushe Gjuzi, 55 vjeçe nga Rrogozhina.

Ndërkaq policia ka mbërritur në vendin e ngjarjes dhe po dokumenton prova dhe dëshmi për të zbardhur shkaqet që çuan në këtë ngjarje të pazakontë.

Viktima, njihej prej vitesh si shitëse ambulante e misrave të pjekur./Albeu.com

The post E rëndë në Peqin, hap derën e furgonit dhe hidhet nga mjeti në lëvizje, vdes 55-vjeçarja appeared first on Albeu.com.