Saliasi është marrë i pandehur pas hetimeve të Prokurorisë së Tiranës dhe AMP-së për shpërdorim detyre.

Ndërkohë, drejtori i Drejtorisë së Shërbimeve Mbështetëse në AMP, Gëzim Sala, është rikthyer në detyrë pasi Apeli i hoqi masën e pezillimit nga detyra rreth 1 muaj më parë.

Sala është marrë i pandehur për shpërdorim detyre, pavarësisht se Apeli e ka rikthyer në detyrë.

The post Punësoi Muçi Shaljanin në kundërshtim me ligjin, merret i pandehur ish-drejtori i komanduar i AMP, Artion Saliasi appeared first on Albeu.com.

Burimet konfirmojnë se Palnika ka lidhje të afërta familjare me Agim Ismailin, ish-drejtor i Përgjithshëm i Burgjeve, i cili akuzohet si anëtar i grupit kriminal që dyshohet se qëndron pas hakerimit të SPAK dhe nxjerrjes së materialeve hetimore të lidhura me figura të politikës dhe biznesit.

SPAK dyshon se Ismaili materialet e siguruara nga hakerimi ia ka kaluar kushëririt të tij, Dritan Palnika.

Për Agim Ismailin, GJKKO ka nisur tashmë procesin gjyqësor. Ai akuzohet për përfshirje në veprimtari kriminale të strukturuar, ndërhyrje të paligjshme në sisteme kompjuterike dhe sigurim e shpërndarje të të dhënave hetimore, akuza që SPAK i konsideron pjesë të një skeme të organizuar për goditjen e institucioneve të drejtësisë.

Hetimet vijojnë për të zbardhur plotësisht rolin e personave të përfshirë, si dhe çdo lidhje të mundshme që mund të ketë ndikuar në realizimin dhe pasojat e këtij sulmi të rëndë ndaj sistemit të drejtësisë.

The post SPAK thellon hetimet për hakerimin/ Merret në pyetje Dritan Palnika, i afërm i të pandehurit Agim Ismaili appeared first on Albeu.com.

SPAK mori informacion në datën 12 mars 2025, se ishte vënë në shënjestër të një ndërhyrje të paligjshme të adresave të email-eve të prokurorëve të posaçëm.

Sipas tyre, falë masave të sigurisë, nuk u arrit të ndërhyhej në sistemin e brendshëm të Strukturës së Posaçme kundër Korrupsionit dhe Krimit të Organizuar (SPAK), i cili mbeti i pacënuar.

The post Ish-kreu i Burgjeve, Agim Ismaili merret zyrtarisht nën hetim për tentativën e hakerimit të SPAK appeared first on Albeu.com.

Gjyli u paraqit mëngjesin e sotëm në shoqërinë e avokatit mbrojtës, ndërsa atij iu komunikua akuza zyrtare nga SPAK, fakt i cili u konfirmua nga mbrojtësi i tij ligjor.

Gjyli, i cili doli para pak momentesh nga SPAK, akuzohet për tenderin e tunelit të Llogarasë, çështje për të cilën u mor e pandehur ditën e premte zv/kryeministrja dhe ministra e Infrastrukturës dhe Energjetikës, Belinda Balluku.

The post Vartësi i Ballukut, Gentian Gjyli merret zyrtarisht i pandehur për tunelin e Llogarasë appeared first on Albeu.com.

Shkrelit i ka mbërritur fletëthirrja nga SPAK dhe sot u paraqit në Prokurorinë e Posaçme, ndërsa shoqërohej nga avokati i tij.

Prokuroria e Posaçme, kishte marrë më herët autorizim në Gjykatë për kontrollin personal të kryetarit të bashkisë, vendim që u zbatua nga Byroja Kombëtare e Hetimit në bashkëpunim me Policinë e Shtetit.

Për të njëjtën çështje janë sekuestruar edhe celularët e disa personave të tjera, që konsiderohen si mbështetës të PSD-së dhe që SPAK, ka dyshime se janë përfshirë në veprimtarinë kriminale të shitblerjes së votës në qarkun e Shkodrës.

The post Akuzohet për korrupsion në zgjedhjet e 11 Majit/ Kryebashkiaku i Vaut të Dejës merret i pandehur nga SPAK appeared first on Albeu.com.

Ai akuzohet konkretisht për “Shpërdorim detyre”, “Korrupsion pasiv dhe aktiv”, “Fshehje të pasurisë” dhe “Shkelje të parimeve të barazisë së pjesëmarrësve në tendera ose ankande publike”.

Sipas kallëzimit ndaj tij, pas hetimeve mbi tenderat e organizuar nga Bashkia Kolonjë, është konstatuar se shumica e tyre janë të shënuar me “flamur të kuq”, pasi ndarja e tyre rezulton e paracaktuar.

Gjithashtu, theksohet se punimet e realizuara për këto tendera nuk janë përfunduar me cilësi, apo sipas projekteve të miratuara nga Autoriteti Kontraktor.

Një rast konkret që përmendet, është rikonstruksioni i digës së Rezervuarit të Gjonçit dhe ndërtimi i pritave malore në fshatrat e Bashkisë Kolonjë, gjatë vitit 2023.

The post SPAK merr të pandehur kryebashkiakun e Kolonjës, Erion Isai, ja akuzat që rëndojnë ndaj tij appeared first on Albeu.com.

Raportohet se Elvis Roshi, është thirrur këtë të hënë në organin e akuzës, pasi në prani të avokatit të tij Andi Skënderi, ku i është komunikuar marrja zyrtarisht si i pandehur për veprën penale “shpërdorim detyre”.

Ky fakt u konfirmua edhe nga avokai i Elvis Roshit, i cili pas daljes nga SPAK tha për gazetarët: “Ka vetëm një akuzë, ajo për shpërdorimin e detyrës për pjesën e tenderave që është diskutuar më herët nga Gjykata e Durrësit, nuk ka asnjë rrethanë tjetër. Do njihemi me aktet dhe do mbajmë një qëndrim në një moment tjetër”.

I pyetur se pse një çështje e tillë është zgjatur kaq shumë për rreth 10 vite, avokati Andi Skënderi tha se: “Kjo është punë e Prokurorisë, nuk është punë e imja si avokat që të mbaj qëndrim në lidhje me këtë pjesë”.

Bëhet fjalë për një denoncim që është bërë ndaj tij në vitin 2017, në lidhje me akuzën e shkeljes së barazisë në tendera, për të cilin më herët, Gjykata e Durrësit kishte vendosur të pushonte procedimin penal ndaj tij.

Pasi Gjykata e Durrësit pushoi hetimet ndaj Roshit, gjyqtarja e GJKKO-së Rudina Palloi urdhëroi SPAK-un që të kryejë hetimet ndaj ish-kryebashkiakut të Kavajës.

Procedimi penal ndaj Elvis Roshit, u regjistrua mbi bazën e një auditimi të bërë nga Kontrolli i Lartë i Shtetit në Bashkinë e Kavajës, ku evidentoi shkelje.

Më konkretisht, bëhet fjalë për një auditimi të zhvilluar në vitet 2013-2014, periudhë kur Roshi ishte në krye të bashkisë, dhe KLSH evidentoi një sërë parregullsish në sektorin e urbanistikës dhe në procedurat e prokurimit publik.

Sipas raportit të KLSH-së, parregullsitë kishin shkaktuar një dëm ekonomik prej rreth 33 milionë lekësh.

Elvis Roshi, është paraqitur disa herë në ambientet e SPAK për t’u marrë në pyetje lidhur me këtë çështje.

Tenderi i dyshimtë

“KLSH ka kryer auditimin mbi rregullshmërinë dhe përputhshmërinë financiare në Bashkinë Kavajë, për periudhën 01.01.2015-31.12.2016 dhe për ish komunat, të kaluar në administrim të kësaj Bashkie, për periudhën nga 01.01.2013 deri 31.07.2015.

Sipas palës kallëzuese, nga auditimi i ushtruar janë konstatuar shkelje të rënda të dispozitave ligjore e nënligjore në fushën e prokurimeve publike.

Për këtë shkak, Kontrolli i Lartë i Shtetit, i është drejtuar Prokurorisë së Rrethit Gjyqësor Kavajë, nëpërmjet shkresës nr.258/14, date 27.07.2017, me lëndë “Indicie për ndjekje penale mbi shkeljet e konstatuara nga ana e Bashkisë Kavajë”.

Prej këtej, sipas palës kallëzuese, rezulton se: i) Në procedurën e prokurimit me objekt “shërbimi i pastrimit të qytetit” të zhvilluar në datën 15.02.2016, me fond limit 147,519,416 lekë (pa TVSH), titullari i Autoritetit Kontraktor, Z. Elvis Roshi, ka miratuar procedurën dhe raportin përmbledhës të KVO-së, si dhe ka shpallur prokurimin publik dhe kërkesat e LPP.

Konkretisht: fitues OE “Alko Impeks Genaral Construction” SHPK, në kundërshtim me rregullat e OE “Ekologica Albanta” SHPK i cili ka vetëm një mangësi, mungesën e kontrollit teknik të një mjeti, por me vlerë të ofertës ekonomike më të ulët (127,500,526 lekë) dhe OE “Alko Impeks Genaral Construction” SHPK, i cili për dy mjete nuk ka paraqitur lejen e qarkullimit, nuk vërteton se ka kryer kontrollin teknik dhe siguracionin e mjeteve, nuk vërteton se ka paguar detyrimet për taksat vendore në shtetin e Kosovës, nuk ka paraqitur deklaratë se ky formular nuk aplikohet në shtetin e Kosovës, ka ofertën ekonomike më të lartë (139,746,161 lekë).

Titullari i Autoritetit Kontraktor Z. Elvis Roshi, ka shpallur fitues OE “Alko Impeks Genaral Construction” SHPK, me më shumë mangësi dhe ofertë më të lartë. Si pasojë, fondet publike nuk janë përdorur në mënyrën e duhur, me një vlerë dëmi prej 12.245,635 lekë”.

Hetimet për krime zgjedhore

Elvis Roshi, është nën hetim edhe për një procedim penal për krim zgjedhor të regjistruar në Kavajë, për zgjedhjet parlamentare të 11 Majit.

Edhe pse ka qenë kryebashkiak i PS-së, në zgjedhjet e 11 Majit, ai bëri fushatë për kushëririn e tij Elton Roshi, i cili garoi nën siglën e koalicionit të opozitës dhe mori 5 452 vota, duke u renditur i 7-ti nga lista e hapur e PD-së në Qarkun e Tiranës.

Për procedimin në fjalë, me urdhër të SPAK dhe vendim GJKKO-je, Policia dhe BKH zbatuan urdhrin për kontrollin fizik dhe të banesave të 5 shtetave, të cilët dyshohen për krime zgjedhore, ku një prej banesave ishte e Elvis Roshit. Atij iu bllokua telefoni, si dhe ju gjetën dhe ju sekuestruan fatura, kupona nafte dhe lista zgjedhësish.

“Roshit iu bllokua telefoni celular, si dhe në një ambient në pronësi të tij u gjetën dhe u sekuestruan fatura, kupona nafte dhe lista zgjedhësish”, njoftoi Policia e Shtetit më 18 Maj.

Ditën e zgjedhjeve më 11 maj, një grua e identifikuar si Xhuli Duda, u shoqërua nga policia në Kavajë. Ajo është ndjekur nga agjentë të policisë, ndërsa është takuar me ish-kryetarin e bashkisë, Elvis Rroshi.

Pas takimit, gruaja është ndaluar teksa dhe i është gjetur një listë që përmbante emrat e disa prej familjarëve të saj. Dyshohet se ajo është përfshirë në aktivitete të dyshimta që lidhen me blerjen e votës. Duda dhe Roshi u morën në pyetje ditën e ngjarjes.

The post Elvis Roshi paraqitet në SPAK, merret zyrtarisht i pandehur appeared first on Albeu.com.

Mësohet se marrja në pyetje e Maznikut, është bërë 3 javë më parë, në kuadër të një hetimi për akuzën e shpërdorimit të detyrës.

Kallëzimi për rastin është bërë nga përfaqësuesi dhe kandidati për deputet i Partisë Demokratike, Belind Këlliçi.

The post Ministri Arbjan Mazniku merret në pyetje nga Prokuroria e Tiranës appeared first on Albeu.com.

Prokuroria e Tiranës, e akuzon Ervin Muçën për ‘Hyrje të paautorizuar kompjuterike’

Ervin Muça, akuzohet se kopjoi bazën e të dhënave TIMS, që regjistron hyrje-daljet e qytetarëve jashtë vendit

Prokuroria ka veçuar çështjen dhe po heton për veprën penale të shpërdorimit të detyrës.

The post Kopjimi i të dhënave të TIMS-it/ Merret i pandehur Ervin Muça, drejtor i IT në Policinë e Shtetit appeared first on Albeu.com.

Ndreca akuzohet për abuzim me një tender për rikonstruksionin e 4 komisariateve, gjatë kohës që mbante pozicionin e sekretarit të Përgjithshëm të Ministrisë së Brendshme.

Kallëzimi në SPAK u bë nga Kontrolli i Lartë i Shtetit, i cili dyshon se zyrtarët kanë lejuar mospërputhje dhe devijime ligjore në garën për ndërhyrje në Komisariatet e Vlorës, Mirditës, Pogradecit dhe atij nr. 4 në Tiranë.

Sipas KLSH-së, gjatë kontrollit u gjetën mospërputhje dhe devijime ligjore, si pasojë e shkeljeve të dispozitave ligjore në procedurat e prokurimit publik, të cilat kanë cënuar barazinë e pjesëmarrësve në tendera.

Po ashtu, ka pasur edhe rritje të paargumentuar të vlerës së kostove të ndërtimit dhe kostove të projektimit në procedurën e prokurimit. Procedurat janë kryer kur kjo ministri drejtohej nga Sandër Lleshaj, teksa është duke u hetuar edhe një tjetër tender i kësaj periudhe që ka të bëjë me uniformat e Policisë së Shtetit.

The post Plarent Ndreca merret i pandehur nga SPAK, i komunikohet zyrtarisht akuza për shkelje të barazisë në tendera appeared first on Albeu.com.