Ankesa e gruas, e cila akuzoi Cristiano Ronaldon për sulm seksual, u refuzua nga gjyqtarja federale Jennifer Dorsey. Ajo e cilësoi gjyqin të parregullt, të kontaminuar sepse avokati i Mayorga, Leslie Stovall, i cili dyshohet se e bazoi gjyqin në dokumentet e sendeve të vjedhura, zbuloi informacione të brendshme për strategjinë ligjore të futbollistit.

Informacionet e CR7 u zbuluan nga “Football Leaks” dhe dyshohet se avokati i gruas që ka hedhur në gjyq Ronaldon, i kishte nxjerrë./ h.ll/albeu.com

The post Gjyqtarja merr vendimin final, përfundon gjyqi i CR7-Mayorga appeared first on Albeu.com.

Nga hetimi i Komisionit të Pavarur të Kualifikimit, prokurori Mulaj ka rezultuar i pastër në të trija shtyllat e Vettingut, pasuri, pastërtia e figurës dhe aftësitë profesionale.

Çfarë u zbulua nga hetimi i KPK:

Gjatë seancës së zhvilluar me 25 mars, prokurori Mulaj dhe shpjegime për birimet e një apartamenti, për një autoveture të kunatit që e ka përdorur ndër vite, si dhe për konstatimet që lidhen me profesionalizmin. Nga hetimi administrativ ka rezultuar sipas Komisionit se prokuroria ka porositur në 2004 një apartament në Tiranë me sipërfaqe 101.4 m2 në Tiranë, kundrejt shumës prej 39 mijë e 546 euro.

Në deklaratën e tij ai shënonte se si dhurim për këtë apartament është një hua në shumën prej 4 milionë lekës të marra nga babai në po të njëjtit vit që bleu pasurinë. Ndërkohë në 2005 ai deklaron se po nga babai ai ka marrë një tjetër hua në vlerën e 500 mijë lekëve. Komisioni tha se nga analiza paraprake ka rezultuar se familja e subjektit të rivlerësimit nuk ka patur burime financiare për të dhënë dy hua në vlera të tilla.

Komisioni tha gjithashtu se subjektit kishte patur në përdorin një automjet të blerë nga kunati i tij, në çmimin e 6 mijë eurove. Prokurori e ka përdorur për një kohë të gjatë automjetin dhe sipas relatores, “subjekti i rivlerësimit është sjellë si pronar i automjetit dhe nuk ka provuar mundësinë e kunatit për blerjen e kësaj pasurie”. Për të provuar këtë, komisioni tha se në momentin kur mjeti ishte vënë në shitje si kontakt ishte vënë numri i prokurorit. Në lidhje me figurën DSIK ka dorëzuar një raport në të cilin e ka konsideronte subjektin të papërshtatshëm, ndryshe nga një raport i mëhershëm, ku nuk kishte probleme.

Sa i përket profesionalizmit u evidentuan gjetje për disa çështje të hetuara nga subjekti dhe për një prej dy denoncimeve të paraqitura nga Publiku pranë Komisionit. Sipas KPK, në një rast vendimi i mosfillimit të procedimit ka rezultuar se është marrë nga subjekti jashtë afatit. Procesi i vetingut për prokurorin Mulaj po kryhet nga trupa e kryesuar nga Brunilda Bekteshi, me relatore Suela Zhegun dhe anëtare Firdes Shulin. Ndërsa vëzhguese ndërkombëtare është Elka Ermenkova./albeu.com

The post KPK jep vendimin për prokurorin e Tiranës appeared first on Albeu.com.

Sipas njoftimit, karburantet janë rritur sërish dhe çmimet e reja do të hynë në fuqi ditën e sotme nga ora 18:00.

Çmimi i naftës do të jetë 239 lekë/litër, ndersa benzina 237 lekë/ litër.

Njoftimi:

Bordi i Transparencës në datë 27 Maj 2022, në mbledhjen e radhës vendosi:

Çmimi i shitjes me pakicë i nënproduktit gasoil i standardit SSH EN 590 të jetë 239ekë/litri, ndërsa i shitjes me shumicë 227lekë/litër.
Çmimi i shitjes me pakicë i nënproduktit benzinë e standardit SSH EN të jetë 237lekë/litri,ndërsa i shitjes me shumicë 225 lekë/litër.
Çmimi i shitjes me pakicë i nënproduktit gaz, të jetë 90 lekë/litri me pakicë dhe i shitjes me shumicë 78 lekë/litër për automjetet.
( Shënim: çmimi i shitjes për gazin e lëngshëm të automjeteve do të jetë çmimi i furnizimit në stacionet e furnizimit në pikat e karburanteve, ndërkohë që në pikat e tjera për konsumatorët familjarë dhe industrial çmimi nuk duhet të përfshijë akcizën).

Çmimet e caktuara nga Bordi do të hynë në fuqi sot datë 27 Maj 2022 ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi.

Në rast të shkeljeve të konstatuara nga operatorë të ndryshëm do të vendoset pezullimi i aktivitetit.

Jemi në monitorim të vazhdueshëm të ecurisë së bursave, me qëllim reagimin sa më të shpejtë

The post Bordi merr vendimin, rriten sërish karburantet në vend appeared first on Albeu.com.

Sipas shtypit britanik, klubi është gati të bëjë investime të reja në merkato dhe t’i propozojë trajnerit Guardiola rinovimin e kontratës, e cila skadon në fund të sezonit. Edhe pse spanjolli dështoi për të arritur në finale dhe për ta fituar atë, thuhet se Guardiola është i vendosur për të qëndruar në Angli.

Sipas “Daily Mail”, Manchester City pritet t’i ofrojë një kontratë të re tre vjeçare dhe disa nënshkrime të reja të klasit të lartë./h.ll/albeu.com

The post Dështoi në Champions League, Manchester City vendos për të ardhmen e Guardiolës appeared first on Albeu.com.

Sipas njoftimit, mbi F.K., rëndon akuza për veprën penale ofrim i materialit pornografik personave nën moshën gjashtëmbëdhjetë (16) vjet.

E për kryerjen e kësaj vepre penale, gjykata tha se ka prova të mjaftueshme.

“Gjykata me rastin e caktimit të masës së paraburgimit ndaj të pandehurit ka vlerësuar se ekzistojnë arsyet ligjore për caktimin e masës së paraburgimit, dhe nga provat e mbledhura deri në këtë fazë, rrjedh dyshimi i bazuar se i pandehuri ka kryer veprën penale për të cilën dyshohet”, thuhet në njoftim,.

Njoftimi i plotë;

Caktohet masa e paraburgimit ndaj një (1) të pandehuri, për shkak të dyshimit të bazuar se  ka kryer veprën penale ofrim i materialit pornografik personave nën moshën gjashtëmbëdhjetë (16) vjet

Prizren, 29 prill 2022 – Gjykata Themelore në Prizren, Departamenti i Përgjithshëm, gjyqtari i procedurës – Gani Kastrati, ka caktuar masën e paraburgimit në kohëzgjatje prej një (1) muaji, e cila do të llogaritet prej kohës së arrestimit 28.04.2022 dhe mund të zgjasë deri më datën 27.05.2022, ndaj të pandehurit F.K., për shkak të dyshimit zë bazuar se ka kryer veprën penale ofrim i materialit pornografik personave nën moshën gjashtëmbëdhjetë vjet nga neni 231 par.1 të Kodit Penal të Republikës së Kosovës.

Gjykata me rastin e caktimit të masës së paraburgimit ndaj të pandehurit ka vlerësuar se ekzistojnë arsyet ligjore për caktimin e masës së paraburgimit, dhe nga provat e mbledhura deri në këtë fazë, rrjedh dyshimi i bazuar se i pandehuri ka kryer veprën penale për të cilën dyshohet.

Kurse a do të argumentohen këto fakte do të vlerësohet në fazat e mëtejme të procedurës penale.

Me rastin e caktimit të paraburgimit, Gjykata ka marrë parasysh peshën e rëndë të veprës penale, dhe faktin se i pandehuri nuk është paraqitur në Polici me ftesë të rregullt, kjo tregon rrezikun me lënien në liri të të pandehurit i njëjti mund ti shmanget përgjegjësisë penale dhe të pengojë rrjedhën e procedurës penale.

Nga të lartcekurat, Gjykata ka ardhur në përfundim se caktimit i paraburgimit në këtë fazë të procedurës është i domosdoshëm dhe i arsyeshëm./gazetaexpress

The post Dyshohej për pedofili, merret vendimi për 76- vjeçarin appeared first on Albeu.com.