Kovaçevski tha se çdo zyrtar i zgjedhur duhet të punojë sipas ligjeve dhe në interes të qytetarëve dhe përsëriti se po të ishte në listën e zezë të SHBA-së, jo vetëm që do të jepte dorëheqjen, por do të ishte dështimi më i madh i tij në karrierën personale dhe profesionale. Ai konsideron se edhe këshilltarët në Komunë duhet të japin dorëheqje nëse nuk kanë punuar në interes të qytetarëve dhe kanë përkrahur vendimet e tij dhe se periudha më e gjatë në detyrë e Merkos ka qenë në koalicionin e BDI-së me VMRO-DPMNE-në.

“Nëse shikoni arsyet mbi të cilat është marrë vendimi nga Departamenti i Shtetit për ta vendosur atë në listën e zezë, gjatë qëndrimit të tij në detyrë ai ka qenë në koalicion me të gjitha partitë politike, përfshirë edhe tuajën për periudhën më të gjatë të karrierës së tij, atëherë mesazhi im do të ishte –  nëse nuk kanë punuar në interes të qytetarëve, gjë që duhet ta konfirmojnë institucionet, jo vetëm kryetari i Komunës së Strugës, por edhe të gjithë këshilltarët nga të gjitha grupet e këshilltarëve që kanë përkrahur vendimet gjatë periudhës së kaluar duhet të japin dorëheqje së bashku”, tha kryeministri.

The post Kovaçevski: Jo vetëm Merko, por edhe të gjithë këshilltarët që i kanë përkrahur vendimet e tij të japin dorëheqje appeared first on Albeu.com.

“Jam e bindur se nëse Merko do të ishte anëtar i cilësdo partie tjetër politike ose i VMRO-DPMNE-së deri sot do të ishte në paraburgim, me siguri për shkak të rrezikut për të ndikuar në vazhdimin e hetimit. Përgjegjësia duhet të ekzistojë dhe përgjegjës për mosveprim dhe fshehje të krimeve të funksionarëve të lartë të BDI-së janë pikërisht anëtarët e infiltruar në organet më të larta gjyqësore,” tha Eli Panova, VMRO-DPMNE.

Nga VMRO-DPMNE-ja thonë se pushteti do të bëjë gjithçka gjatë ditëve të ardhshme që tema e Merkos të harrohet dhe ai të mos përgjigjet.

“Rasti i Merkos na tregon se si në të vërtetë qeverisin LSDM-ja dhe BDI-ja dhe sot të jesh kriminel në Maqedoni është me siguri puna më e lehtë që mund të bësh sepse krerët e pushtetit janë ata që e stimulojnë dhe e mbështesin krimin dhe korrupsionin, në vend që ta luftojnë atë.  Ajo që e konfirmoi Departamenti i shtetit me vendosjen e Ramiz Merkos në listën e zezë të SHBA-së është edhe një tregues se krimi dhe korrupsioni për kryesinë e BDI-së dhe LSDM-së janë prioritet dhe se në mesin e tyre ka njerëz që seriozisht merren me minimin e Maqedonisë,” deklaroi Marija Miteva, VMRO-DPMNE.

Për këtë tribunë të partisë opozitare reaguan nga LSDM-ja. Nga partia e Kovaçevskit thonë se është perverse që VMRO-DPMNE-ja të mbajë tribunë për krimin dhe korrupsionin dhe aq më pak nga pallati i bardhë, i cili, sipas tyre, është simbol i krimit dhe korrupsionit. /alsat.mk

The post VMRO: Rasti i Merkos, shuplakë për BDI-në appeared first on Albeu.com.