Harxhi tha se porti i Hamburgut në aktë kohë ishte ofruar të merrte me koncension portin e Durrësit, por kjo nuk u pranua nga kryeministri Rama.

“Edhe vjet ka pasur një përpjekje të tillë dhe u miratuar rezoluta me të gjitha kërkesat që kishte pasur Komisioni i Jashtëm

Vjet ka pasuar diçka në lidhje me Portin e Durrësit edhe këtë radhë është diskutuar kontrata për portin e Durrësit dhe ata e quajnë skandaloze.

Problemi kryesor është që bie ndesh me MSA dhe këtë e ka dhënë vetë BE. E para sepse nuk është pyetur BE për kontratën dhe e dyta natyrisht që për vende si Gjermania kjo përben problem.

Unë kam pasur një informacion vjet nga burimet e ambasadës gjermane në Tiranë që para 3-4 vjet që është ofruar porti i Hamburgut për të ringritur portin e Durrësit, për ta marrë me koncesion dhe nuk është pranuar nga qeveria e Shqipërisë dhe kjo ka qenë një nga problemet për përplasjet kryesore  të kancelares Merkel me qeverinë Rama dhe vetë Ramën”, tha Harxhi.

The post “Porti i Durrësit u bë shkak për përplasjen mes Ramës dhe Merkel”, Harxhi zbulon se çfarë oferte refuzoi kryeministri nga kancelarja gjermane appeared first on Albeu.com.

Gruaja e parë që ka udhëhequr Gjermaninë, është dekoruar me çmimin Kryqi i Madh i Urdhrit të Meritës, për arritje të veçantë.

Çmimi i është ndarë nga presidenti gjerman, Frank-Walter Steinmeier, në një ceremoni të organizuar në Berlin.

Në atë organizim kanë marrë pjesë kancelari aktual gjerman, Olaf Scholz, shefja e Komisionit Evropian, Ursula von der Leyen dhe ish-trajneri i ekipit kombëtar të Gjermanisë në futboll, Juergen Klinsmann.

Merkel ka folur gjatë mbrëmjes për “shumë përvoja të mira” përgjatë vjetëve sa ka qenë kancelare.

Vetëm dy ish-kancelarë të Gjermanisë janë nderuar me çmimin e njëjtë në të kaluarën: Konrad Adenauer, lideri i parë i Gjermanisë së pasluftës, dhe Helmut Kohl, i konsideruar si arkitekt i ribashkimit të Gjermanisë.

Merkel njihet për drejtim të Gjermanisë në kohën e krizës financiare globale, në kohën e krizës së borxheve në Eurozonë, dhe përgjatë pandemisë së koronavirusit.

Megjithatë, kritikat ndaj saj rëndojnë për qasjen që e ka pasur ndaj Rusisë.

Në nëntor të vitit të kaluar, Merkel ka thënë se ka synuar të organizojë bisedime evropiane me presidentin rus, Vladimir Putin një vit para luftës, mirëpo nuk ka parë asnjë mundësi që mund të ndikojë te presidenti rus, meqë ka qenë në fund të mandatit.

Rusia e ka nisur luftën në Ukrainë më 24 shkurt 2022.

Si lidere veterane në Bashkimin Evropian, edhe qëndrime tjera politike të saj janë kritikuar me raste.

Aty përfshihet vendimi që Gjermania të hapte dyert për refugjatët më 2015, si dhe të mbyllte të gjithë reaktorët bërthamorë.

Në tetor të vitit të kaluar, Merkel ka thënë se nuk pendohet për vendimet që ka marrë sa u përket politikave për energji./rel

The post Merkel dekorohet me çmimin më të lartë në Gjermani appeared first on Albeu.com.

Ajo ka thënë se është e qartë që Gjermania ka pasur nevojë për shumëllojshmëri të furnizuesve të energjisë, teksa ka nisur të heqë dorë nga prodhimi i energjisë bërthamore dhe asaj me thëngjill.

Merkel ka thënë se “sipas perspektivës së asaj kohe, ka qenë shumë racional dhe i kuptueshëm furnizimi përmes gazsjellësve, përfshirë atyre rusë, që kanë bartur gazin në çmim më të lirë sesa vendet tjera në botë”. Sipas saj, “edhe në kohën e Luftës së Ftohtë, Rusia ka qenë furnizuese e besueshme e energjisë”. Merkel e ka udhëhequr Gjermaninë nga viti 2005 e deri në fund të dhjetorit të vitit 2021.

Gjatë kohës sa ka qenë në pushtet, gazsjellësi Rrjedha Veriore 1 ka bartur gazin drejtpërdrejt nga Rusia në Gjermani, përmes Detit Baltik. Qeveria e saj e ka miratuar edhe gazsjellësin paralel, Rrjedha Veriore 2, pavarësisht kundërshtimeve të shteteve në qendër dhe lindje të Evropës, si dhe Shteteve të Bashkuara.

Rrjedha Veriore 2 nuk është funksionalizuar kurrë, sepse kancelari gjerman, Olaf Scholz, e ka ndalur procesin e certifikimit të gazsjellësit, pak para nisjes së luftës së Rusisë në Ukrainë, në fund të muajit shkurt.

“Ky sulm brutal i Rusisë përbën ndryshim, përbën pikë kthese, dhe Qeveria e re, natyrisht se duhet të merret me të, dhe është duke vepruar ashtu”, ka thënë Merkel.

Gjermania është duke punuar për të ulur varësinë ndaj gazit rus, prej nisjes së luftës në Ukrainë, derisa Rusia i ka zvogëluar furnizimet drejt Gjermanisë – përmes gazsjellësit Rrjedha Veriore 1 – prej muajit qershor. Moska ka cituar probleme teknike për zvogëlimin e furnizimeve, por zyrtarët gjermanë kanë thënë se arsyetimet e saj shërbejnë si mbulesë për motivin politik.

Të enjten ajo e ka bërë të qartë se mbron vendimin e saj të vitit 2011, për të ndalur punën e reaktorëve bërthamorë në Gjermani deri në fund të vitit 2022, dhe se nuk komenton debatin brenda koalicionit të Scholzit, nëse puna e tyre do të vazhdojë përtej asaj date.

Lufta në Ukrainë ka nisur më 24 shkurt. Presidenti rus, Vladimir Putin e quan luftën si “operacion special ushtarak” për të çmilitarizuar Ukrainën. Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./REL

The post Merkel mbron vendimet e saj për furnizimet me gazin rus: Edhe gjatë Luftës së Ftohtë Moska na jepte energji appeared first on Albeu.com.

Në një organizim të mbajtur në Berlin, Orban ka thënë se Merkel e ka parandaluar një luftë më 2014, pas vendimit të Moskës për të aneksuar Gadishullin ukrainas të Krimesë.

“Ajo çfarë ka bërë Angela Merkel pas krizës së lidhur me Krimenë, ka qenë fantastike”, ka thënë ai.

Orban, politikan i linjës së djathtë, i cili ka shumë kritikë në Qeverinë gjermane të krahut të majtë, është takuar të dielën me Merkelin, në kuadër të vizitës së tij në Berlin.

Me publikun nuk janë ndarë detaje se për çfarë kanë diskutuar ata.

Përgjatë organizimit të së martës, Orban ka thënë se presidenti amerikan, Joe Biden nuk është personi i duhur për t’i dhënë fund luftës në Ukrainë.

Sipas tij, momentalisht është e nevojshme një marrëveshje në mes të Shteteve të Bashkuara dhe Rusisë.

Mirëpo, sipas tij, Biden e ka kritikuar shumë presidentin rus, Vladimir Putin.

Lufta në Ukrainë ka nisur më 24 shkurt.

Presidenti Putin e quan luftën si “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./REL

The post Orban: Merkel do të mund të parandalonte luftën në Ukrainë nëse… appeared first on Albeu.com.

Ai nuk ka harruar të falenderojë dhe ish-kancelaren gjermane, Angela Merkel, pa të cilën, tha, Shqipëria nuk do të ishte aty ku është sot.

“Dua të falënderoj së pari Presidentin e Komisionit Evropian, znj. Ursula , e cila e di dhe e dinte se si të bëhej një prani gjermano ballkanike në këtë ndërtesë dhe të luftojnë për vendet anëtarë dhe vendet aspiruese. Unë dua të falënderoj edhe znj. Angela Merkel e cila ka datëlindjen dhe doja t’i uroja gjithë të mira. Ne nuk do të ishim këtu pa përpjekjet e Presidencës franceze dhe Presidentit të Francës Emanuelit. Ai shtroi rrugën për zhbllokimin e kësaj situatë absurde. Populli shqiptar kurrë nuk u dorëzua dhe kurrë nuk reshti së ëndërruari ndjekjen e rrugëtimit evropian. Dhe falë të cilit ne qëndruam në këmbë këto 3 vitet e fundit, mes vështirësive të fundit. Këto situata të vështira në forcuan më shumë seç ishim”, tha Rama.

The post Nisja e negociatave me BE, Rama nuk harron Merkel: Pa të s’do të ishim këtu sot, populli ynë nuk u dorëzua appeared first on Albeu.com.

Në klip ai shfaqet duke folur me Angela Merkelin për anëtarësimin e Ukrainës në Bashkimin Evropian.

Kujtojmë se Ukraina nuk është pjesë as e BE dhe as e Natos. Vetëm 2 ditë më parë Presidenti i Ukrainës Bëri kërkesë që Ukraina të ishte pjesë e BE.

Ndaj kjo video tregon edhe një herë që filmi dikur i Zelenskit, tashmë është kthzer në histori të vërtetë ku ai i kërkon Evropës që Ukraina të antaroshet sa më parë në Europë.

Ndërkohë, këshilli i Europës është mbledhur menjëherë për të diskutuar në lidhje me futjen e Ukrainës në BE duke e shkëputur kështu nga lidhja me Rusinë e cila për vite me radhaë ka bllokuar intergtimin e saj.  /albeu.com/

I can’t wrap my mind around the existence of this clip. pic.twitter.com/1XvBYWlMxg

— Vera Bergengruen (@VeraMBergen) March 2, 2022

The post Parodia e Zelenskit kur ishte aktor, i kërkonte Merkel antarësimin në BE (VIDEO) appeared first on Albeu.com.

Modaman, tani jeton në periferinë lindore të Berlinit në një apartament me qira. Por gjashtë vite më parë, kur mbërriti në Gjermani jetonte në një konvikt refugjatësh. Ai ka arritur shumë që atëherë.

“Unë studioj për ekonomik. Punoj në të njëjtën kohë dhe jetoj me të dashurën time. “Shpresoj të marr më vonë nënshtetësinë gjermane”, tha ai.

“The selfie with the chancellor means a lot to me. It’s more than just a picture, it’s a symbol.”
Anas Modamani got famous through a selfie he took with Angela Merkel in 2015. He was one of thousands of Syrian refugees the German chancellor welcomed. How is he doing today? pic.twitter.com/qoPweaSkIA

— DW News (@dwnews) December 5, 2021

Një selfie që bëri rastësisht me Angela Merkel e bëri papritur të famshëm. Imazhi i tij u shfaq në të gjitha mediat gjermane dhe më gjerë. Një familje gjermane e kontaktoi menjëherë, duke i ofruar një vend për të qëndruar.

“Fotoja që bëra me kancelaren ka shumë kuptim për mua. Është shumë më tepër se një fotografi. Është një simbol i humanizmit të Merkel. Ajo më ndihmoi, më shpëtoi jetën. Unë do t’i jem mirënjohës asaj për gjithë jetën time.”

Fotoja ishte prova se Angela Merkel ka një zemër të madhe, ajo na dha mundësinë të qëndrojmë dhe të integrohemi këtu”.

Por gjërat nuk kanë qenë gjithmonë të bukura për Modaman që atëherë. Pas sulmeve terroriste islamike në Bruksel dhe Berlin, ai u vu në shënjestër si i dyshuar në shumë faqe të mediave sociale, duke e detyruar të  mos dalë nga shtëpia.

Por pavarësisht të gjitha historive, Angela Merkel mbetet heroina e tij. “Do të më mungojë shumë. Nëse do ta takoja përsëri, do të doja ta falënderoja për gjithçka që bëri për mua. Falë saj, sot kam një jetë. Dua ta takoj ta falënderoj dhe ti kërkoj të bëjmë sërish një foto bashkë,” përfundoj ai.

The post U bë i famshëm pas një selfie me Merkel, ku ndodhet sot refugjati sirian? appeared first on Albeu.com.

“Ju bëj thirrje edhe një herë ta merrni seriozisht këtë virus të egër. Varianti i ri Omicron duket se është më ngjitës se të mëparshmit. Vaksinohuni! Nuk ka rëndësi nëse është një dozë e parë apo një dozë përforcuese. Çdo vaksinim është i dobishëm”, tha kancelarja në largim në video.

Ai e cilësoi sërish valën e katërt të Covid-19 që po godet Gjermaninë si “shumë serioze”, pra “dramatike” në disa zona ku repartet e kujdesit intensiv janë të mbingarkuara.

“Jemi në një situatë shumë të rëndë. Në disa pjesë të vendit mund ta përshkruani atë vetëm si dramatike: njësi të mbipopulluara të kujdesit intensiv, njerëz të sëmurë rëndë që duhet të transportohen me avion në të gjithë Gjermaninë për të marrë kujdesin që u nevojitet.”

“Është edhe më e hidhur pasi mund të ishte shmangur. Me vaksina efektive dhe të sigurta, ne kemi çelësin në dorë”, tha Angela Merkel. /abcnews.al

The post Një javë para se të largohet, mesazhi i Merkel për qytetarët e saj appeared first on Albeu.com.

Merkel shprehu rezervat e saj për qeverisjen e Erdogan dhe u shpreh se Turqia po cënon të drejtat dhe liritë e qytetarëve.

Ajo foli gjithashtu edhe për rëndësinë e bashkëpunimit mes të dy vendeve, por më parë sipas saj, Turqia duhet t’i japë zgjidhje problemeve që janë ngritur nga faktori ndërkombëtar për demokracinë e brendshme të saj.

“Ne nuk jemi këtu për të vlerësuar njëri-tjetrin. Ne i japim rëndësi bashkëpunimit tonë. Shumë gjëra janë zhvilluar në Turqi, kur shikojmë Stambollin në aspektin e infrastrukturës, vetëm këtë e shohim. Kur erdha në Ankara për herë të fundit, pashë se sa struktura administrative, administrata, njerëzit që jetojnë atje dhe sa të larta ishin rritur standardet pavarësisht problemeve ekonomike”, pohoi Merkel.

Merkel vlerësoi edhe kontributin e shtetit turk në kuadër të NATO-s, por dha edhe kritika për liritë e njerëzve.

“Si një aleate e NATO -s, Turqia është një partner i rëndësishëm për ne. Unë isha kritike rreth zhvillimeve për të drejtat e njeriut dhe liritë individuale. Unë gjithmonë e kam thënë këtë. Sigurisht, ne kërkuam zgjidhje, mund të kemi këndvështrime të ndryshme, jemi të lidhur gjeostrategjikisht me njëri-tjetrin, jemi të varur. Ne folëm në detaje për talebanët, për refugjatët, për Afrikën.

Ne kemi gjithmonë interesa të përbashkëta. Kështu do ta shohë qeveria e ardhshme federale. Qeveria e ardhshme do ta shohë këtë në të njëjtën mënyrë, me të gjitha aspektet pozitive dhe shqetësuese të marrëdhënieve midis dy vendeve. Paqja dhe besimi ynë janë të ndërlidhur”, shtoi ajo.

Erdogan deklaroi se me Merkelin u pajtuan se dyja vendet do të bashkëpunojnë pavarësisht se kush është në krye të shteteve.

“Në takimet e sotme me Merkelin, ne diskutuam në detaje çështjet në axhendën tonë, veçanërisht marrëdhëniet tona dypalëshe. Shoqëria turke në Gjermani përbën aspektin më të rëndësishëm shoqëror të marrëdhënieve tona dhe përbën pasurinë tonë të përbashkët.

Jam i sigurt se Kancelarja do të japë kontribute të rëndësishme për miqësinë turko-gjermane edhe në të ardhmen. Si Turqi, ne do të vlerësojmë kontributet e Merkelit, pavarësisht pengesave me të cilat përballemi në rrugën drejt anëtarësimit të plotë”, tha ai./albeu.com

The post Merkel kritikon Erdogan në vizitën e lamtumirës: Po cënoni të drejtat dhe liritë e qytetarëve appeared first on Albeu.com.

Gjatë 16 viteve të saj si kancelare, Angela Merkel ka qenë një mbështetëse e fortë e Europës Qendrore dhe Lindore . Ajo i njihte shumë mirë sfidat e tyre. Merkel u rrit në Gjermaninë Lindore, studioi në atë kohë në Çekosllovaki dhe admiroi lëvizjet antikomuniste të rajonit, si Solidariteti i Polonisë.

Ndërsa po ndodhnin ndryshime serioze midis Berlinit dhe disa qeverive të EQL, Merkel, duke kuptuar historinë dhe kompleksitetin e rajonit, ndoqi politikën e saj “derë e hapur”. Askush nuk pret që pasardhësit e saj të jenë aq të përshtatshëm sa ajo.

Kjo ka rëndësi, sepse vendet e EQL vazhdojnë të jenë të varura nga Gjermania, veçanërisht në aspektin ekonomik. Për shumicën, Gjermania është partneri i tyre kryesor tregtar, dhe sidomos për Republikën Çeke, Hungarinë, Poloninë dhe Sllovakinë.

Si anëtarë të BE-së, shtetet e Europës Qendrore ishin në gjendje të forcoheshin dhe të gëzonin prosperitet. Për më tepër, këmbëngulja e Merkelit për të mbajtur të hapur dialogun midis Berlinit, EQL dhe BE -së, për disa kohë, e mbajti në kontroll rajonin. Kjo ishte reciprokisht e dobishme.

Berlini përfitoi nga mbështetja e EQL për çështjet europiane. Në këmbim, vendet e EQL-së përfituan ekonomikisht. Dhe kur disa qeveri të EQL -së e treguan veten në aspektin populist dhe madje edhe konfrontues në skenën e BE -së, Berlini i Merkelit zgjodhi të mos i ndërpriste lidhjet, por më tepër të përdorte kanalet e veta për të ndërmjetësuar midis BE -së dhe këtyre qeverive djallëzore.

Megjithatë, me Merkelin në pozicionin drejtues, rajoni i EQL kishte një mbështetës të qëndrueshëm. Në të njëjtën kohë, rajoni shpesh ndihej si një anëtar inferior i grupit. Shumë vende të EQL mendojnë se boshllëku i pashmangshëm i krijuar pas largimit të Merkel këtë vjeshtë u jep atyre mundësinë për të marrë një rol më të madh brenda BE –së.

Ndërsa ata kanë qenë, në përgjithësi, ndjekës të vullnetshëm të propozimeve dhe përparësive të politikave gjermane, ata tani mund të jenë nismëtarë dhe udhëheqës. Ndërsa ky nocion është i pranueshëm për një pjesë të popullsisë që mendojnë se vendet e tyre ende konsiderohen si më pak të rëndësishme dhe më pak të afta për të dhënë ide konstruktive nga shtetet anëtare të Europës Perëndimore, në realitet rajoni nuk është një entitet homogjen ose i gatshëm për të marrë një rol të tillë.

Për shembull, shpesh ka dallime serioze në prioritetet. Polonia dhe shtetet baltike e perceptojnë Rusinë si një kërcënim kryesor dhe nuk janë të gatshëm të bëjnë lëshime ndaj saj. Nga ana tjetër, Hungaria dhe Bullgaria shpesh kanë marrë një qëndrim më të butë. Me shtytjen e forcuar nga Kina, Hungaria është cilësuar si një qendër mbështetëse në Europë, ndërsa Lituania u largua zyrtarisht nga formati i bashkëpunimit 17+1.

Rajoni ka parë stile dhe ideologji të ndryshme të qeverisjes. Polonia, Hungaria dhe Sllovenia po forcojnë stilet e tyre populiste të brendshme dhe ato të jashtme konfrontuese. Bullgaria gjendet në një krizë të thellë politike pas viteve të një profili të ulët në BE; Estonia është ende një ujk i vetëm në qeverisje; dhe, në përgjithësi ka ende skandale dhe mangësi serioze korrupsioni në drejtësi, shëndetësi dhe sistemet sociale të shteteve të EQL.

Me këtë bagazh, është e vështirë të shihet se rajoni mund të marrë një rol të ri drejtues brenda BE -së. Pasi edhe nëse ekziston vullneti, shtetet e tjera anëtare nuk do të kenë shumë besim në një grupim të tillë. Ajo që është më e besueshme, dhe tashmë ka ndodhur, është që vendet e EQL duhet të bëjnë aleanca të ndryshme, bazuar në çështje me interes. Kjo strukturë fluide, i lejon secilit vend të drejtën për më shumë përfitime.

Formati më i njohur, Katër shtetet e Vishegradit (V4), ka qenë në të kaluarën një mjet i dobishëm për të avancuar interesat e tyre, përfshirë edhe në BE. Kohët e fundit, megjithatë, ka pasur një përhapje të formateve të tjera, si ‘Central Five’ (Hungari, Sllovaki, Slloveni, Austri, Republikë Çeke), ‘Slavlateral trilateral’ (Austri, Republika Çeke, Sllovaki) ose ‘Bukuresht Nine’ (Poloni , Rumani, Bullgari, Republika Çeke, Estoni, Hungari, Letoni, Lituani, Sllovaki).

Për më tepër, diskutimet rreth çështjeve të ndryshme midis disa vendeve të EQL dhe shteteve anëtare jugore ose perëndimore nuk janë një risi.

Çështjet mund dhe i ndajnë rajonet.

Por ajo çfarë duhet të kemi parasysh në të ardhmen e afërt është rritja e harmonizimit midis shteteve anëtare të EQL. Diçka e tillë mund të ndryshojë disa stereotipe mbi kapacitetin e rajonit për të filluar dhe prodhuar në mënyrë konstruktive ide.

Në mënyrë të barabartë, ato do të sigurojnë kanale të shumta joformale të komunikimit dhe për këtë arsye do të kenë ndikim. Me largimin e kancelares Merkel, ndikimi joformal mund të jetë mjeti më i mirë që rajoni mund të ketë për të mbrojtur veten./abcnews.al

The post Çfarë bëri Merkel për Europën Qendrore dhe Lindore? appeared first on Albeu.com.