Pavarësisht së ardhmes së paqartë, qendërmbrojtësi kuqezi nuk harroi të shprehet pozitivisht për klubin që zotëron kartonin e tij: “Roma? Dua të sqaroj se jam shumë i lumtur për mënyrën se si skuadra dhe shokët e mi kanë gjetur qetësinë dhe rezultatet me trajnerin Ranieri.”

Megjithatë, Kumbulla e ka mendjen të përqendruar plotësisht tek Espanyoli dhe objektivat e tanishëm: “Prioriteti im tani është Espanyoli: të qëndrojmë në La Liga dhe të qëndrojmë të bashkuar me tifozët është e vetmja gjë që kam në mendje. Largimi nga Roma ishte i nevojshëm për të gjetur veten. Nuk dua të tingëlloj mendjemadh, por disi e prisja që do të bëja mirë.”

Fjalë që reflektojnë pjekuri dhe vetëdije nga një lojtar që ka kaluar periudha të vështira, por që tani duket i rilindur në Spanjë. Të ardhmes i mbetet të zbulojë nëse rrugëtimi i tij do të vazhdojë në Romë apo në një destinacion të ri.

The post Kumbulla në një tjetër udhëkryq merkatoje këtë verë, ja cila është dëshira e mbrojtësit kuqezi! appeared first on Albeu.com.