Edhe pse kontrata me Lazion përfundoi më 1 korrik, Elseid Hysaj vazhdon të jetë në kërkim të një klubi të ri. Mbrojtësi 32-vjeçar po e përgatit veten gjatë kësaj periudhe duke u stërvitur me Vllazninë.

Me 100 ndeshje të zhvilluara, Hysaj është një prej futbollistëve më të rëndësishëm të Kombëtares shqiptare. Ai vijon të jetë titullar i rregullt me kuqezinjtë, pavarësisht se ende nuk ka gjetur një skuadër në nivel klubesh.

Grumbullimi me Shqipërinë mund të shërbejë si një shtysë për shkodranin në prag të një aventure të re. Megjithatë, mbetet për t’u përcaktuar nëse ai do ta nisë nga minuta e parë në sfidat e Ligës së Kombeve.

Rikthimi i Ivan Balliut, i cili kishte menduar edhe të largohej nga Kombëtarja, mund të ndikojë në vendimin e trajnerit për formacionin.

The post Hysaj ende pa ekip, grumbullimi me Shqipërinë mund t’i hapë një kapitull të ri appeared first on Albeu.com.

Tirana është përballur përsëri me masa nga FIFA. Vetëm pak ditë përpara sfidës së radhës në kampionat kundër Elbasanit, e planifikuar të luhet të dielën në stadiumin “Selman Stërmasi”, klubi bardheblu është ndëshkuar sërish nga institucioni më i lartë i futbollit botëror.

Edhe këtë herë, masa lidhet me detyrime financiare ende të pashlyera, e njëjta arsye që shkaktoi probleme në fillim të sezonit. Si pasojë, merkatoja e Tiranës është bllokuar për herë të dytë brenda një periudhe shumë të shkurtër.

Ndryshe nga bllokimi i mëparshëm, vendimi nuk pritet të ndikojë drejtpërdrejt te skuadra gjatë kësaj faze të kampionatit. Megjithatë, drejtuesve u duhet ta zgjidhin sërish çështjen, në mënyrë që në merkaton e ardhshme të mos hasin pengesa në regjistrimin e lojtarëve sipas protokollit.

The post FIFA bllokon sërish merkaton e Tiranës, bardheblutë përballen me të njëjtin problem appeared first on Albeu.com.

Që prej largimit nga Lazio në korrik, Elseid Hysaj vazhdon të jetë pa skuadër. Mbrojtësi i Kombëtares shqiptare po analizon alternativat për hapin e ardhshëm në karrierë, ndërsa deri tani nuk ka pranuar disa oferta të paraqitura në mënyrë konkrete.

Pas dështimit për të gjetur një marrëveshje financiare me Leccen, 31-vjeçari refuzoi edhe propozimin e Egnatias. Klubi shqiptar i kishte ofruar një kontratë me pagë rreth 500 mijë euro në sezon, por kjo ofertë nuk mjaftoi për ta bindur futbollistin.

Oferta më e fundit që nuk është pranuar nga Hysaj duket se ka ardhur nga Ascoli. Sipas gazetarit italian Lorenzo Lepore, skuadra e Serie B, e cila synon rikthimin në elitën e futbollit italian, tentoi të firmoste me mbrojtësin shqiptar, por nuk ia doli.

“Ascoli i ka dërguar një ofertë, e cila u refuzua nga lojtari për arsye ekonomike. Megjithatë, ai mbetet i hapur ndaj një transferimi”, raporton Lepore.

Në të njëjtën kohë, mediat italiane bëjnë me dije se Hysaj mund të marrë në konsideratë edhe një transferim në Rusi. Disa klube të këtij vendi kanë shfaqur interes për ta afruar 31-vjeçarin si lojtar të lirë.

The post Elseid Hysaj refuzon edhe ofertën e Ascolit, pas “JO”-së ndaj 500 mijë eurove të Egnatias! Mbrojtësi pret një mundësi të re appeared first on Albeu.com.

Drenica ka zyrtarizuar afrimin e sulmuesit 28-vjeçar Agim Zeka, i cili ka mbyllur aventurën e tij te Real Murcia për t’iu bashkuar skuadrës së Superligës së Kosovës.

Palët kanë rënë dakord për një kontratë njëvjeçare, që do ta mbajë Zekën te klubi i ri deri në verën e vitit 2027. Për futbollistin bëhet fjalë për një rikthim në Kosovë, ku më herët ka veshur fanellat e Prishtinës, Kek-ut, Dritës dhe Drenicës.

Agim Zeka njihet edhe për eksperiencën e tij në futbollin shqiptar. Ai ka luajtur për Skënderbeun, Erzenin dhe Partizanin, ndërsa paraqitjet me “të kuqtë” i siguruan edhe një grumbullim me Kombëtaren shqiptare.

The post Agim Zeka rikthehet në Kosovë, firmos me Drenicën pas largimit nga Partizani appeared first on Albeu.com.

Llapi ka zyrtarizuar afrimin e portierit 19-vjeçar Miran Qela, i cili do të vijojë karrierën në Superligën e Kosovës pas largimit nga Munich 1860.

Gardiani shqiptar ka firmosur me klubin e ri një marrëveshje trevjeçare, e cila do të jetë në fuqi deri në verën e vitit 2029. Eksperienca e tij e deritanishme në futbollin gjerman e bën këtë transferim një përforcim të rëndësishëm për Llapin.

Qela nisi të luante te Ingolstadt në moshën 15-vjeçare, ndërsa më pas u bashkua me ekipet e moshave të 1860 Munich. Ky klub njihet si rivali historik i Bayern Munich në qytetin e Mynihut.

The post Miran Qela lë 1860 Munich dhe bëhet pjesë e Llapit appeared first on Albeu.com.

Kastrioti ka marrë konfirmimin e shumëpritur nga FIFA, e cila ka hequr masën bllokuese për merkaton. Si rrjedhojë, klubi krutan mund të regjistrojë tashmë futbollistët e afruar gjatë verës.

Bllokimi ishte vendosur pas humbjes së tre çështjeve, që lidheshin me detyrime financiare të papaguara ndaj palëve të treta. Për shkak të kësaj mase, Kastrioti nuk arriti të federonte përforcimet e reja dhe në ndeshjen e javës së parë kundër Burrelit kishte në dispozicion vetëm 15 futbollistë.

Pas shlyerjes së detyrimeve, FIFA e ka rikthyer zyrtarisht të drejtën e klubit për të vepruar në merkato. Hapi i radhës është regjistrimi i lojtarëve të rinj, të cilët më pas do të mund të aktivizohen në takimet e ardhshme të sezonit.

The post Kastrioti merr dritën jeshile nga FIFA për regjistrimin e lojtarëve appeared first on Albeu.com.

Elseid Hysaj vijon të jetë pa skuadër, pas përfundimit të eksperiencës së tij me Lazion në Serie A. Mbrojtësi i Kombëtares është aktualisht lojtar i lirë dhe mund të nënshkruajë me çdo klub që i plotëson kërkesat ekonomike dhe i paraqet një projekt të bindshëm sportiv.

Sipas raportimit të “TuttoMercatoWeb”, në ditët e fundit për futbollistin shqiptar ka mbërritur interesim nga Premier League ruse. Disa ekipe, identiteti i të cilave ende nuk është bërë publik, kanë paraqitur ofertat e tyre për Hysajn, të cilat po analizohen nga lojtari.

Hysaj e komunikoi ndarjen me klubin kryeqytetas në qershor. Gjatë periudhës me Lazion, ai regjistroi 131 paraqitje, shënoi 2 gola dhe dha 4 asiste. Në rast se transferohet në Rusi, ai do të gjente atje edhe Mirlind Dakun, i cili së fundmi u largua nga Rubin Kazan për t’iu bashkuar Spartakut të Moskës.

The post Hysaj mund të ndjekë Dakun në Rusi, mbrojtësi shqiptar pritet të nisë një aventurë të re pas Serie A appeared first on Albeu.com.

Skuadra e Dinamos ka prezantuar zyrtarisht përforcimin më të ri në repartin e prapavijës. Bëhet fjalë për Jonathan Ochiche, një qendërmbrojtës 20-vjeçar nga Nigeria, i cili vjen nga akademia Ikon Allah.

Trajneri Ilir Daja kishte shprehur prej kohësh nevojën për të shtuar një lojtar në këtë pozicion. Klubi kryeqytetas i dha përgjigje kësaj kërkese duke siguruar shërbimet e talentit afrikan.

Edhe pse Ochiche ndodhej prej disa javësh në orbitën e ekipeve të moshave të Dinamos, kalimi i tij zyrtar në skuadrën e parë u konfirmua vetëm sot. Lajmi u bë i ditur nga vetë klubi nëpërmjet rrjeteve sociale.

Në njoftimin e publikuar, Dinamo shpreh kënaqësinë për firmosjen e kontratës me lojtarin. “Jonathan Ochiche i bashkohet familjes sonë dhe nis një etapë të re të karrierës së tij me ngjyrat blu. Klubi i uron mirëseardhje dhe suksese”, thuhet në komunikatë.

The post Plotësohet kërkesa e Ilir Dajës, Dinamo zyrtarizon mbrojtësin nigerian appeared first on Albeu.com.

Oriku ka zyrtarizuar afrimin e Williams Ipehe, sulmuesit 25-vjeçar nga Bregu i Fildishtë, i cili bëhet përforcimi më i fundit i skuadrës.

Futbollisti ka mbyllur aventurën me klubin armen FC Hayk dhe tashmë do të vijojë karrierën në Kategorinë e Parë të Shqipërisë. Me Orikun, Ipehe ka nënshkruar një marrëveshje dyvjeçare, e vlefshme deri në verën e vitit 2028.

Klubi vlonjat e bëri publik transferimin përmes një njoftimi në rrjetet sociale, ku e prezanton afrimin e ri si një qendërsulmues që pritet të ndihmojë ekipin me golat e tij.

Gjatë pjesës më të madhe të karrierës së tij, Williams Ipehe është aktivizuar në Armeni, ku ka veshur fanellat e Artsakh, FC Van dhe FC Hayk.

Oriku ka bërë të ditur se sulmuesi afrikan mund të japë kontributin që në ndeshjen e parë të kampionatit, e planifikuar për nesër kundër Korabit.

“KF Oriku ka kënaqësinë të prezantojë Williams Ipehe si përforcimin më të ri të skuadrës. Qendërsulmuesi 25-vjeçar vjen nga Bregu i Fildishtë, ndërsa pjesën më të madhe të karrierës e ka zhvilluar në Armeni, ku ka luajtur për Artsakh, FC Van dhe FC Hayk.

Ipehe do të jetë pjesë e klubit tonë për dy sezonet e ardhshme, me synimin për të ndihmuar skuadrën me golat e tij. Bomberi është gati të japë kontributin e tij që në sfidën e parë të kampionatit, nesër ndaj Korabit. Mirë se vjen, Williams! Sa më shumë gola e fitore bashkë!”, thuhet në njoftimin e Orikut.

The post Oriku përforcon sulmin me afrikanin 25-vjeçar, firmos kontratë deri në vitin 2028 appeared first on Albeu.com.

Elbasani ka bërë një tjetër lëvizje në fund të merkatos, duke zyrtarizuar afrimin e Filip Antovskit. Mbrojtësi 25-vjeçar i ka dhënë fund bashkëpunimit me Brera Strumicën dhe ka zgjedhur të vijojë karrierën në kampionatin shqiptar, teksa tashmë është pjesë e Superiores.

Futbollisti maqedonas pritet të mbulojë krahun e majtë të prapavijës, duke i dhënë më shumë alternativa skuadrës verdheblu në repartin defensiv. Klubi i Elbasanit e bëri të ditur transferimin pak minuta më parë përmes rrjeteve sociale.

Antovski është formuar te Vardari, ku edhe nisi rrugëtimin e tij në futboll. Gjatë karrierës, 25-vjeçari ka luajtur gjithashtu për Dinamo Zagrebin, Austria Viennën, NK Istrën dhe Karvinën.

The post Elbasani përforcon krahun e majtë me Filip Antovskin appeared first on Albeu.com.