Sipas saj, momenti kyç i kësaj jave lidhet me Hënën e re që pritet të ndodhë më 18 në shenjën e Peshqve, një zhvillim që pritet të sjellë një ndikim çlirues, sidomos pasi dy ditë më vonë Mërkuri rikthehet në rrugën e tij të drejtë.

Ky kombinim astrologjik pritet të krijojë një klimë më pozitive për disa shenja, veçanërisht për Peshqit, Virgjëreshat, Binjakët dhe Shigjetarët, të cilët mund të shohin mundësi të reja në jetën personale dhe profesionale.

“Është një javë e rëndësishme dhe sa të mbarojë kjo javë kemi Hënën e re në shenjën e Peshqve. Në datën 18. Kjo është një Hënë e re pozitive, ka një karakter çlirues, sepse dy ditë pas kësaj Hënës së re kemi rikthimin e Mërkurit në rrugën e tij të drejtë. Kështu që duke qenë kemi Mërkurin e kundërt ndikimi i Hënës së re, e cila do të jetë më me ndikim tek Peshqit, Virgjëreshët, Binjakët dhe Shigjetarët do të japë tendenca pozitive për fillime të reja. Javën e kaluar folëm për eklipsin Hënor në shenjën e Virgjëreshë dhe që do të ndikojë për tre muaj. Ngjarjet që do të ndodhin me Hënën e plotë në Virgjëreshë do të zgjasë për tre muaj. Kështu që kanë filluar ndikimet si për Virgjëreshët, Peshqit, Shigjetarët dhe Binjakët”, tha astrologia Meri Shehu.

Dashi, 4 yje: Afërdita takohet me Saturnin në shenjën e Dashit, u takua edhe me Neptunin, por takimi me Saturnin është pak më i vështirë. Me Neptunin ëndërruan Dashët, kurse tani duhet që të marrin vendime shumë të rëndësishme, sidomos në jetën e tyre personale. Të lindurit në 10 ditëshin e parë kanë një periudhë shumë intensive dhe shumë interesante. Është një periudhë fejesash, martesash edhe vendimmarrjesh shumë të rëndësishme. Nganjëherë janë të mira dhe nganjëherë jo sepse janë shenjë shumë intensive. Çështjet familjare që kanë mbetur pezull, do të kenë parësi.

Demi, 2 yje: Jupiteri në datën 10 kthehet i drejtë, deri tani këto muaj kemi pasur Jupiterin të kundërt. Demët e marrin këtë dhe fillojnë që të duken planet dhe projektet e tyre, që kanë ngecur. Kanë qenë shumë të rezervuar qoftë në komunikim dhe në udhëtime, në plane studimore dhe në të ardhmen. Kanë pasur shumë plane dhe nuk i arrinin deri në fund. Nuk janë në fazën e tyre më të mirë, sidomos psikologjike. Saturni nuk u jep asnjë favor.

Binjakët, 3 yje: Parapërgatiten për Hënën e re në shenjën e Peshqve dhe kjo paralajmëron një pozicion të mirë pune. Ky pozicion mund të jetë pozitive dhe mund të mos rezultojë afatgjatë, por do të shohim që ai propozim do të parapritet nga një propozim që do të jetë në datën 18. Afërdita në shenjën e Dashëve është një aleat shumë të mirë. Binjakët kanë një takim shumë të mirë me fatin, ose me një person të rëndësishëm që mund t’i drejtojë jashtë mase mirë. Një preson që do të jetë shumë i rëndësishëm në etapat e jetës së tyre.

Gaforrja, 5 yje: Më në fund Jupiteri në shenjën e tyre kthehet në rrugën e tij të drejtë. Që nga nesër ato pasiguritë e Gaforres fillojnë që të qetësohet dhe të lartësohen, marrin frymë. Çfarëdo që të bëjnë Gaforret, fati qëndron në anën e tyre. Kujdes duhet të kenë Gaforret e lindura në 10 ditëshin e parë, sepse Afërdita duke u takuar me Saturnin në shtëpinë e 10 në shenjën e Dashit, për Gaforret është një moment i vështirë në jetën personale dhe ekonomike. Shumë Gaforre që kanë lindur në 10 ditëshin e parë dhe kanë një problem, ose nuk janë shumë të qarta, qoftë me jetën personale, qoftë me jetën ekonomike do të shikojnë një problem tjetër, i cili mund të dalë gjatë kësaj jave.

Luani, 3 yje: Janë mirë, sepse kanë një mbështetje nga Afërdita në shenjën e Dashit. Dikush i mbron, ose gjejnë një aleat, ose një punë, hapet loja serioze, por jashtë vendit. Sa u takon çështjeve ekonomike, ato ngelen akoma të ngatërruara të paktën deri në datën 20. Kjo javë është akoma shumë e ngarkuar, le të përgatiten mirë për datën 18 me Hënën e re, ku do të kemi një hap të ri, ose një lajm të ri, ose një ecuri të mirë sa i takon anës ekonomike. Kemi një rifillim pozitiv rreth datës 18.

Virgjëresha, 2 yje: Vazhdojnë që të kenë Mërkurin e kundërt përballë shenjë së tyre, kështu që ju ngatërrojnë në disa bashkëpunime, në marrëdhëniet me partnerët, ose me dëshirat tuaja. Në datën 18 Hëna e re në shenjën e Peshqve përballë Virgjerëshës, përgatiten për një etapë të re, një çlirim, pasi kanë pasur eklipsin hënor në shenjën e tyre, kanë pasur që u kanë ndikuar. Duhet të kenë kujdes deri në 18, që është Hëna e tyre në Peshq, që ju jep një avantazh dhe një çlirim.

Peshorja, 4 yje: Si shenjat kardinale, janë edhe ato në qendër të vëmendjes kësaj jave, sepse Afërdita në Dash përballë shenjës së tyre me Saturnin takohen dhe u japin një rol të rëndësishëm. Pra marrin një detyrë të rëndësishme, por kjo nuk do të thotë që do të marrin një detyrë të lehtë. Peshoret janë në një fazë ku mund të marrin vendime për një fejesë dhe martesë dhe që do i lidhë për shumë vite. Mund të jetë personale, por edhe diçka ekonomike.

Akrepi, 3 yje: Kanë ngelur pak tek rutina nga e kaluara, nga mendimet e së kaluarës sidomos në jetën personale. Por, duhet të merren me punën, do të jetë e vështirë dhe një punë që do të zgjasë shumë, por është një punë me leverdi që do u japë shumë lekë. Edhe një bashkëpunim me dikë, një flirt në punë, i cili mund të kthehet në një fejesë ose në një lidhje më të qëndrueshme. Shumë Akrepë le ta lënë të kaluarën, por të mos marrin vendime për diçka që lidhet me të kaluarën e tyre. Jupiteri që kthehet në rrugë të drejtë tregon që do të bëjnë edhe udhëtime jashtë. Është diçka që u hap sfera komunikimi dhe bashkëpunimi me jashtë.

Shigjetari, 4 yje: Megjithëse e kanë pak të vështirë jetën në familje me Mërkurin e kundërt në shenjën e Peshqve, do të gjejnë një rrugë të drejtë Shigjetarët për të shprehur ndjenjat e tyre ambicioze, romancat e tyre. Mund të themi që shumë Shigjetarë do lozin, por edhe do kënaqen dhe do të marrin vendime shumë të rëndësishme sa i takon jetës personale. Afërdita sado që u takua me Neptunin, që ishte mire, por edhe me Saturnin që është takuar që nuk ishte shumë i mirë, të paktën në çështjet ekonomike i vë në një program të fortë, por gjithsesi Shigjetarët do të arrijnë që të stabilizojnë gjërat në çështjet e tyre ekonomike. Pra edhe në dashuri, edhe në ekonomi.

Bricjapi, 2 yje: Është një shenjë që ka vështirësi sidomos në çështjet familjare. Saturni takohet me Afërditën në Dash dhe ky nuk është takim i bukur shumë për Bricjapit, i vë në një rregull të fortë dhe në një detyrim familja dhe nuk i lë që të shijojnë atë pjesën e jetës sentimentale. Kështu që shumë Bricjapë në anën sentimentale të tyre dhe në anën ekonomike do të kenë shumë rezerva, do të kalojnë pasiguri dhe do të kalojnë ditë të cilat do të jenë të llogaritura. Pra ekonomikisht kanë një ngecje, ose dikush i familjes nuk i toleron.

Ujori, 3 yje:Hapin flatrat ekonomikë. I kam hapur, por Mërkuri nuk i lejon dhe u jep shumë pasiguri. Nuk lejon shumë Ujorë që të investojnë. Por, më e bukura është kthimi i Jupiterit në rrugë të drejtë, kështu që atje ku shumë Ujorë kanë ngecur, në një detyrim apo përditshmëri fillon rutina dhe çlirohet. Mund të gjejnë një punë të re, ose përditshmëria e tyre të bëhet më me fat dhe ata të ndjehen më me fat.

Peshqit, 2 yje: Më shumë planetë në Dash kanë një ngecje në çështje ekonomike dhe do ngecin disi ekonomikisht kësaj jave, ose nuk do i realizojnë dot kollaj të gjitha ato projekte, ose qëllimet që kanë vendosur. Mund t’u kthehet mbrapsht një kuotë, ose një projekt, plus që Mërkuri i kundërt vazhdon që të jetë në shenjën e tyre. Nuk mund të themi që Peshqit i kanë gjërat shumë të hapur. Ecin dhe ngecin edhe në çështjet familjare dhe ekonomike. Lajmi i mirë për Peshqit dhe i padiskutueshëm është kthimi i Jupiterit në rrugën e drejtë që pavarësisht këtyre ngecjeve, ose pasigurive deri në datën 20, më pas do të çlirohen, qoftë me Hënën e re në shenjën e tyre, qoftë me Jupiterin që tashmë nuk është më i kundërt në jetën erotike. Pastaj i prej një pranverë realisht shumë e bukur.

The post Kthesa e Mërkurit dhe Hëna e re, çfarë parashikon Meri Shehu për secilën shenjë appeared first on Albeu.com.

Duke e nisur me një urim për një shkurt sa më të mbarë, Meri Shehu, na lajmëron se kemi të bëjmë me tre lajme shumë të rëndësishme astrologjike për këtë muaj.

“Kemi kthimin e Mërkurit me datë 26. Kemi eklipsin e parë diellor të vitit në Ujor, diagonalen Ujor-Luan dhe Saturni që në datën 13 futet në Dash”.

Për të na njohur me parashikimin për muajin e parë të vitit, astrologia bën renditjen nga shenja me më pak fat te më fatlumja.

12. Virgjëresha

Virgjëreshët mund të kenë zbuluar nga dje-sot një ndjenjë, ose një prapaskenë, diçka që i ka lodhur. Diçka që janë ndjerë jo mirë ose fot të qetë. Megjithatë, do marrin një komunikimin, shumë vrull, do arrijnë goxha mirë në një bashkëpunim e në partneritete nga data 6 e tutje. Pas datës 10 akoma më mirë. Vetëm se të gjitha këto hapa që do të bëhen në bashkëpunim, ose në jetën në çift, ne datën 26 fillojnë e marrin një retrogradë nga Mërkuri i kundërt, ose një rivlerësim. Kështu, mund të themi që është një muaj që i bën hapa para, e kemi prap një mendim, pezullim apo vonesë në ato projekte.

11. Bricjapi

Bricjapët në fakt janë një shenjë e vështirë nga vetë natyra se duan shumë gjëra të duken konkretisht. Edhe në Ujor, edhe në Peshq që do futen shumë planetë, me Bricjapin jo se nuk shkojnë mirë, por duket sikur gjërat nuk janë aq në “shenjë toke”. Megjithatë, do merren me ekonominë në datat 6 deri në 10, kjo është një përparësi e tyre. Por, ky eklipsi i parë diellor në Ujor, i nxjerr një mangësi ose i fut në një kurth ekonomik të çuditshëm dhe i bën shumë konfuzë. Do dinë se çfarë u mungon, por si ta marrin, si ta fitojnë, do jenë në disa pikëpyetje shumë të rëndësishme. Rreth datës 26, planet dhe projektet e tyre fillojnë e kthehen prapa, si çështje studimore, ligjore, ata që duan të udhëtojnë, etj. Këshilla është kujdesi tek çështjet ekonomike.

10. Shigjetari

Shigjetarët do fillojnë të kenë marrëdhënie të mira me shtëpinë, njerëzit e afërt, ose duan të familjarizohen me dikë të dashur. Kjo fillon nga data 6. E ndjejnë dëshirën për të komunikuar me dikë që e duan fort, ose duan mbështetjen e një njeriu të afërt sepse ndihen pak si nervozë. Kjo Hëna e plotë në fakt në Luan nuk ishte e keqe për ‘ta, u dha një mundësi, një zhvillim të madh, sidomos në jetën personale, mbase aty kuptuan çfarë duan, e kështu më pas duan të ndjejnë një lloj dashurie jo të llojit erotik, por më familjare. Të gjitha këto do ndihen rreth datës 6 dhe 10, do futen shumë në linjë të mirë, pozitive, për Shigjetarët. Pas datës 26, Mërkuri i kundërt tregon se të gjitha planet dhe projektet e tyre familjare fillojnë e kthehen pas ose vonohen; ose nuk e blejnë atë shtëpi, ose nuk e bëjnë atë bashkëjetesën, ose ato dashurira e fjalë të mira që kanë marrë nga dikush i afërt nuk janë reale. Pra, fillojnë e zhgënjehen dhe ndihen disi të bllokuar. Këshilla: dashurinë e ndjerë mos e mbysni me egoizëm.

9. Dashi

Futet Saturni në Dash dhe të lindurit në shenjën e Dashit do ta ndjejnë, sepse ecën pak ngadalë. Në datën 13 Saturni jep atë goditjen që thotë ‘jam unë këtu, i vendos unë këtu rregullat’, sado Dashi është energjik, bën shumë gjëra, Saturni është ai menaxhuesi. Saturni është si një polic që rri aty mbi kokë, nuk të lejon të gabosh. Pavarësisht kësaj, në datën 20 kemi një lajm shumë të mirë, sepse ky Saturni takohet me Neptunin në Dash dhe diçka bëhet shumë romantike, bëhet shumë ideale, merr frymëzim, dhe shumë Dash mund të dalin nga konteksti i të vështirës e të gjejnë një rrugë të re në jetën e tyre. Këshilla është që me shoqëroninë të shikojnë ku i kanë pikat e dobëta, pikat e forta, a ja vlen një shoqeri apo s’ja vlen.

8. Gaforrja

Gaforret sado që janë të ndjeshme, Saturni që shkon në Dash, futet në shtëpinë e 10-të të tyre në datë 13. Ata që kanë një karrierë të madhe, ose do ta kenë pisk lidhur me pozicionin e tyre, ose do të bëhen shumë më të ashpër nga sa kanë qenë deri më tani për të ruajtur të drejtat dhe pozicionin e tyre. Pra në të dyja rastet, Gaforret do të shohin një ndryshim të madh në mënyrën se si shprehen. Gaforret mund të bëhen pak ‘diktatore’ në atë se çfarë duan, zgjedhin, e në atë se çfarë do shpalosin përpara nesh. Por, mund të marrin dhe vendime fejesash, martesash, se shtëpia e 10-të jep e këtë, është përgjegjësi. Këshilla është të shikohet mirë ekonomia.

7. Akrepi

Akrepët duhet të kuptojnë që këto planete që shkojnë në Peshq, i stimulojnë shumë bukur në fushën erotike. Komunikime, dashurira, marrëdhënie… të paktën do futen në komunikime me dikë që duan, ose do shprehet një ndjenjë, nuk do jenë fare jashtë loje. Vetëm pas datës 26, ky komunikim duket sikur duan ta rishikojnë e një herë, se ndoshta s’u pëlqen se Akrepi është ‘sa të futem’. Do sforcohen shumë të futen, po kur të futen do thonë ça bëra unë që u futa. Këshilla për Akrepët është e përqendruar tek familja, sepse eklipsi diellor do jetë në çështjet familjare dhe ato të karrierës. Në karrierë nuk duhet të thonë jo. Mund të ndodhë që të zbulojnë një talent të tyren.

6.  Peshorja

Peshoret do të merren shumë me familjen. Peshoret që kanë lindur nga data 10-16 tetor, do ta shikojnë shumë këtë ndikim familjar, ose përgjegjësinë familjare. Ose do kenë disa halle familjare, ose disa pengesa, ose disa përgjegjësira për t’u marrë me dikë të afërt të familjes, këtë do ta shohin me kujdes. Megjithatë, eklipsi me datë 17 është shumë i bukur për Peshoret, mund t’i fusi në një lidhje të re erotike. Kjo është fenomenale dhe jep shumë mundësi.

5. Binjakët

Binjakët me datë 6 do marrin një hov të madh, sepse diçka diskutohet në lidhje me punën, me karrierën, pozicionohen bukur, në datën 10 marrin e një shpërblim. Është një lojë e bukur kjo që luhet me ‘ta. Ata këtë lojën e bukur e pranojnë sepse duket sikur e kontrollojnë. Por në datën 26, kur Mërkuri të kthehet i kundërt, ndoshta kjo lojë mund të kthehet pak kundër tyre e ata do kuptojnë që ka disa gjëmba në këtë pozicionim të mirë që u është bërë karrierës së tyre. Mund të hapin një punë jashtë vendit, mund të kenë një ide të re, sidomos në datën 17, prandaj janë në një pozicion kaq të lakmueshëm.

4. Demi

Urani kthehet i drejtë tashmë, që është në shenjën e tyre dhe kjo paralajmëron qe Urani do të dali shpejt nga shenja e tyre dhe do fillojnë të çlirohen Demët e lindur në 10-ditëshin e tretë. Por, futen shumë planetë në Peshq, që nga data 6 deri më datë 10. Kështu, harmonizohet mirë jeta e tyre dhe marrin një ritëm të mirë. Me datë 17, fillojnë një punë të re. Këshilla kryesore është familja.

3. Peshqit

Futet Afërdita në shenjën e tyre, futet Mërkuri në shenjën e tyre, ku ka si Peshqit. Iken Saturni nga shenja e tyre, do t’i mbledhë pak tek ekonomia. Por, ikën Saturni, kanë dy vite e gjysmë që lodhën, ky është lajmi më i madh për Peshqit. Peshqit janë ngritur shumë lart, pavarësisht Mërkurit të kundërt që do të ndodhë në shenjën e tyre, e nga ato fobitë që kanë kaluar, një kundërshtim i vogël, mund t’i kthejë prap disa kujtime jo të mira e të ndihen pak të ngatërruar.

2. Ujori

Kemi eklipsin e parë diellor të vitit në shenjën e Ujorit. Ujorët kanë qenë një nga shenjët më të ndikueshëm, gjithë planetët kanë qenë aty, tani shkojnë të gjithë tek ekonomia. Edhe në datën 6, edhe në datën 10, Mërkuri, Afërdita në Peshq tregojnë ndikim të fuqishëm ekonomik. Këshilla kryesore për ‘ta është që të bëjnë një bashkëpunim që duket, që bërtet përpara tyre.

1.Luani

Hëna e plotë në shenjën e tyre dje, patjetër që u dha ndiçim, u dha energji, u dha forcë, i dha shumë kompetenca. Pastaj në shenjën e Peshqve, edhe Mërkuri dhe Afërdita, nga data 6 dhe në datën 10, do merret shumë me ekonominë e me gjëra shumë personale. Kjo është këshilla, që të shikojnë mirë çfarë duan, pse e duan dhe si e duan. Nuk ka rëndësi të na vijnë me bollëk, por dhe duhet të dijmë pse i duam disa gjëra, sepse Mërkuri në datën 26 mund të rrezojë disa marrëdhënie që janë bërë shpejt e shpejt që nga data 6 – 10. Nga data 17 fillojnë një periudhë të re bashkëpunimesh, aleancash, miqësish dhe gjëra shumë pozitive.

The post Meri Shehu rendit shenjat për muajin shkurt, kush e merr fronin astrologjik appeared first on Albeu.com.

Nga Demët që do të ballafaqohen me sfida familjare, tek Luani që do të jetë protagonist absolut i vitit, Shehu ka renditur shenjat nga më pak të fatit deri tek fituesi i madh i 2026-ës. Kush do të përjetojë ndryshime të mëdha, kush do të përjetojë rikthime nga e kaluara, dhe kush do të shijojë verën më të nxehtë të jetës së tij? Një gjë është e sigurt, 2026 nuk do të kalojë pa lëvizje, pasion dhe surpriza të paparashikueshme.

12. Demi: Pavarësisht se shpëtojnë nga Urani në prill, kështu që deri në prill e kanë akoma Uranin në shenjën e tyre dhe presin akoma të papritura. Përsëri Demët do të kenë një problematikë dhe një tendencë për t’u zgjeruar në çështjet familjare, sepse Jupiteri që i futet në Luan në qershor i kap në kundërshtim me shenjën e tyre. Pra, çështjet familjare të Demëve nuk do të vijnë kaq lehtë; do të duhet shumë punë dhe investim që të normalizohen, por unë mendoj që në qershor-korrik do të arrijnë që të realizojnë qëllimet e tyre, do të blejnë një shtëpi, ose ka shumë Demë që duan të ndryshojnë vendin. Kjo do t’i lodhë pak në mendjen e tyre; megjithatë, tendenca e Uranit në Binjak nga prilli u sjell para, por i bën të paqëndrueshme paratë e tyre. Kurse në fushën emocionale, në vjeshtë, Demët do të kenë rikthime nga e kaluara, nëse kanë pasur problematika nga një marrëdhënie apo ndarje, dhe atëherë vendoset për një martesë të dytë, ose për rregullimin e jetës së tyre. Nga ana psikologjike, do të jenë pak të rënduar, qoftë nga Neptuni në Dash, nga ëndrra të mëdha, qoftë nga Saturni në Dash, që tregon probleme ligjore në këto dy vitet që do pasojnë.

11. Bricjapët: Janë në këtë pozicion, pasi me Jupiterin në Luan nga qershori dhe tutje do të merren kryesisht me çështje ekonomike, do të zgjidhin shumë disfavore, paratë që u kanë të tjerët, do të merren shumë me borxhet dhe detyrimet; kjo tendencë i fut pak në ankth. Në prill, Urani që futet në Binjak prek jetën e tyre të përditshme; zakonisht Bricjapët janë njerëz të organizuar, por Urani i nxjerr nga kontrolli dhe shumë Bricjapë do e shikojnë veten në paqëndrueshmëri në punën e përditshme. Pra, shumë Bricjapë do të duan që të ndryshojnë punën, ose nuk do të kenë një punë të qëndrueshme. Në fund të fundit, edhe ata që e mendojnë se e kanë të qëndrueshme, Urani do të sjellë jo stabilitet. Megjithatë, një periudhë e mirë në punë dhe në familje do të jetë qershori dhe korriku. Duke qenë se Saturni futet në Dash në kuadrat me Bricjapët, do të thotë që do të ketë trysni në jetën familjare, me kredi bankare, ose me shërbimin që do të duhet t’u bëjnë njerëzve të familjes.

10. Virgjëresha: Vitin 2026 e kanë në fakt një vit stacion, sepse parapërgatiten për vitin më të bukur të tyre, që do të jetë 2027. Nuk mund të them që më e mira do të ndodhë apo do të duket në 2026 për ta, kështu që do të merren shumë me çështje që kanë të bëjnë me ndjenjat, punët dhe me gjëra që nuk i kanë realizuar, ose do të përgatisin një plan shumë të rëndësishëm; prandaj do të jenë pak në opozitë. Futja e Uranit në Binjak do të thotë që shumë Virgjëreshë që kanë një punë me shtetin, ose një punë në shtet, ky pozicion do të jetë i lëvizshëm. Këto punë nuk do të jenë shumë të stabilizuara dhe nuk do t’u japin shumë avantazhe të mira. Saturni në Dash nga muaji shkurt do t’u japë një tentativë, ku duhet që ta menaxhojnë më mirë anën ekonomike. Do të merren shumë me detyrimet ekonomike.

9. Peshqit: Duke qenë se janë një nga shenjat e ujit, janë favorizuar shumë nga Jupiteri në Gaforre. Janë shenja që janë favorizuar shumë në dashuri. Dashuria do të luajë rolin e tyre kryesor. Çlirohen edhe nga Saturni përfundimisht, por i fut në një rregull dhe detyrime shumë të mëdha ekonomike; prandaj duhet që ta shikojnë me kujdes gjithë periudhën e muajve të parë. Rregullohen ekonomikisht nga fundi i muajit qershor, korrik dhe gusht; këtu Peshqit duhet të bëjnë lëvizjet e tyre më të fuqishme në mënyrë që të kenë stabilitet. Gjithashtu kemi dy eklipse të mëdha, një në pranverë dhe një në vjeshtë, sa i takon shenjës së Peshqve, të cilët do të ndryshojnë jetën në marrëdhënie me të tjerët, sidomos në çift. Shumë Peshq do të vendosin për një marrëdhënie të qëndrueshme, ose ata që kanë pasur problem në marrëdhëniet e tyre mund të kenë ndarje këtë vit.

8. Peshorja: Nga 2025-2026 janë një nga shenjat që do të marrin një triumf në karrierë, ose karriera e tyre do të jetë ajo që do të lëvizë më shumë. Duhet të vazhdojnë Peshoret me tendencën për të kapur një punë, ose të arrijnë një karrierë deri në qershor. Megjithatë, Saturni u del në opozitë, u del në shtëpinë e shtatë, që do të thotë se shumë Peshore që nuk kanë vendosur të martohen, do të martohen. Do të futen në një marrëdhënie të qëndrueshme. Por ato Peshore që kanë pasur një problematikë në marrëdhëniet në çift mund të kenë edhe ndarje. Kujdes Peshoret që kanë problematika; nga mesi i shkurtit dhe në vazhdim do të futen në një situatë më konfliktuale në marrëdhëniet në çift. Gjithsesi, një ëndërr e bukur fillon dhe realizohet; bëhen pak artistë. Kështu që shumë Peshore që do kenë talente duan të bëjnë art; ky do të jetë viti më i bukur. Periudha më e mirë është qershor-korrik-gusht për të dalë në finalen e tyre më të mirë, ose në projektin e tyre më të bukur. Kujdes duhet të kenë në çështjet ekonomike në tetor deri në fund të nëntorit. Mund të jetë fatale për Peshoret.

7. Shigjetari: Për momentin do të merren shumë me çështjet ekonomike dhe duket sikur nuk kanë atë vëmendjen për jetën e tyre personale, por më në fund iu vjen momenti që të lidhen, pasi Shigjetarët janë shenjë shumë e lirë, shumë e pavarur. Që nga mesi i shkurtit dhe për dy vite me radhë nuk do të ketë Shigjetar që do të tentojë të lëvizë pa një program, pa një seriozitet. Shigjetarët nga mesi i shkurtit e tutje do të futen në një lidhje të qëndrueshme; kjo është e dukshme nga Saturni në Dash dhe nga Neptuni në Dash. Por, duke u futur edhe Jupiteri në Luan si një nga shenjat e zjarrit, do të jetë shumë i favorizuar në jetën erotike, në lojëra, argëtime, në blerje, apo edhe në fejesa. Pretendohet një verë shumë e mirë për Shigjetarët, por do të ketë pak pabesira në ekonomi, ose në tradhti të ndryshme që do të hasin në periudhën tetor-nëntor.

6. Binjakët: Kanë një ndryshim shumë të madh në jetën e tyre personale. Në prill futet Urani në shenjën e tyre; kjo do të thotë që Urani është një planet që shkon me Binjakët, por është shumë më i lirë se sa Binjakët. Futen në një periudhë shumë të lirë, shumë të pavarur dhe shumë ndryshe. Kështu që kanë nevojë për hapësirën e vet, sepse do të jenë totalisht në një botë që kërkojnë hapësira të ndryshme, eksplorime. Verën do ta kenë shumë të këndshme me Jupiterin në Luan, ku do të marrin një përgjigje të bukur për ëndrrat dhe fantazitë e tyre. Ndërkohë, Jupiteri në Luan do t’u ndryshojë mënyrën e komunikimit, udhëtimet, kontaktet dhe punën. Do i shikojmë Binjakët në një pozicion krejt të ri. Saturni në Dash i vë Binjakët në një plan të mirë strategjik për sa i përket çështjeve sociale dhe njohjeve të qëndrueshme, bashkëpunimeve, por pse jo edhe të fejesave apo martesave.

5. Ujori: Kanë Plutonin në shenjën e tyre. Ujorët do të jenë ai person që do të japë mendimin dhe verdiktin kryesor. Do të jenë në qendër të vëmendjes në bashkëpunimet, në jetën personale dhe në hapësira të reja. Urani në Binjak u jep njohje të papara, art, lëvizje, kontakte me jashtë dhe është një nga lidhjet më të mira për të vendosur, qoftë për lidhje më të qëndrueshme, qoftë për bashkëpunime shumë të rëndësishme. Deri në qershor do të merren me punën dhe me përditshmërinë, ku do të kenë lajme shumë të mira në maj. Madje, do të futen edhe në një sferë shumë të mirë ekonomike. Që nga janari shumë Ujorë do të shikojnë një çlirim në aspektet e tyre ekonomike.

4. Dashi: Do të jenë protagonistët e vitit 2026. Në fund të janarit, Neptuni, planeti i ëndrrës dhe i fantazisë, futet në Dash dhe do të çlirohet energjia shumë fuqishëm. Edhe Saturni, që futet në Dash, i vë në një projekt, në një strategji dhe në një rregull, por edhe në një kushtëzim. Do të themi që Dashët janë protagonistë si shenja e zjarrit, por do të themi që shumë Dashë ose do të martohen, ose në ato lidhje që i kanë të lodhura do t’u jepet një fund. Marrin vendime të mëdha, prandaj do të jenë shumë protagonistë. Për të mos thënë që edhe Jupiteri futet në Luan, futet në shenjën e dashurisë për ta. Vera për Dashët do të jetë shumë e mirë; duhet të kenë kujdes në tetor-nëntor në çështjet ekonomike, pasi atje do të pësojnë disfata shumë të mëdha. Duhet të kenë kujdes vetëm me punën dhe shëndetin.

3. Akrepi: Si shenjë uji ka qenë e privilegjuar përgjatë vitit 2025 dhe do të vazhdojë që të jetë e privilegjuar edhe në gjashtëmujorin e parë të 2026. Duhet të marrin seriozisht çështjen e një pune, ose duhet që të gjejnë një punë stabile, ose një punë që ata do t’i përkushtohen jashtë mase. Prandaj shumë Akrepë që nuk kanë gjetur një punë, do ta gjejnë; gjithashtu edhe një partneritet të qëndrueshëm. Jupiteri në Luan në qershor futet në vitrinë të shenjës së tyre, pra futet në karrierën më të rëndësishme dhe më të ndritshme. Në qershor-korrik-gusht mund të gjejnë një punë shumë të mirë dhe përmes kësaj të bëjnë një hap shumë të madh drejt karrierës.

2. Gaforrja: Deri në qershor të 2026-ës, Jupiteri do të jetë në shenjën e Gaforreve dhe atje do të rregullohen gjërat. Ajo që prish disi balancat është futja e Saturnit në Dash, që është në kuadrat me Gaforren dhe sjell më shumë përgjegjësi. Nuk përjashtohet fakti që në qershor, korrik dhe gusht të zënë një punë shumë të rëndësishme dhe me shumë lekë. Jupiteri në Luan futet në shenjën ekonomike për ta dhe shumë Gaforre do të rrisin bazën e tyre ekonomike përmes një pune dhe një karriere. Mund të ndodhë që ata që nuk e shfrytëzojnë mirë këtë gjë, të kenë kriza të fuqishme në karrierë. Tentojnë që të shkojnë lart sa i takon karrierës, vetëm se duhet të kenë kujdes Uranin në Dem.

1. Luani: Viti është i tyre! Do të kenë aleancë me Saturnin në Dash, që futet në shkurt, dhe Uranin në Binjak që futet në prill, gjithashtu edhe dy eklipse të fuqishme në gisht, i cili në fushën e marrëdhënieve dhe të bashkëpunimeve, si dhe në jetën personale do t’u sjellë ndryshime të mëdha. Qershori dhe tutje flet për këta, dhe të gjithë këta muaj përpara do të përgatisin një projekt të rëndësishëm të tyre personal që realizohet me sukses në periudhën qershor-korrik-gusht dhe do të marrë një hov. Kujdes duhet të kenë deri në fund të janarit, sepse është akoma Neptuni dhe Saturni në Peshk, që ka kushtëzuar në çështjet ekonomike, që do t’i kapërcejnë me kujdes. Megjithatë, është viti i tyre; jep shumë energji, erotizëm dhe ndryshime të mëdha në jetën personale dhe aleatë të rëndësishëm. Pra, ky vit do të cilësohet si viti i ndryshimit të artit.

The post Viti i ndryshimeve të mëdha/ Zbuloni shenjën më me fat për 2026-ën sipas Meri Shehut appeared first on Albeu.com.

DEMI
Në datën 11 përballet Afërdita në Virgjëreshë me rikthimin e Saturnit në Peshk dhe shumë Demë që kanë arritur me sforcim të mbajnë një marrëdhënie, jepet goditja e fundit dhe nuk besoj që Demët mund të mbajnë një lidhje, një program pune të qëndrueshëm apo një çështje ekonomike nën kontroll. Hëna e plotë në Dash nuk është në pozicionin e mirë për ta, ngre pasiguritë, bëhen nervozë, duhet të merren me shëndetin dhe prapaskenat që mund t’u bëjnë të tjerët. Kemi një rifillim pune rreth datës 21-22 me hënën e re në Peshore që do t’u japë një tendencë të mirë.

BINJAKËT
E fillojnë muajin shumë keq sepse Mërkuri në Peshore përballet me Jupiterin në Gaforre dhe çështjet ekonomike, ligjore, erotike janë shumë të paqarta kështu që duhet të presin datën 15 kur Afërdita në Peshore do të bëjë një lidhje të bukur me Uranin në Binjak dhe Plutonin në Ujor. Këtu marrin çlirim në çështje pune e ligjore dhe një fillim ose rigjenerim i ri në jetën personale në datën 22.

VIRGJËRESHA

Në datën 11, Afërdita në shenjën e tyre i ka ëmbëlsuar duke i vënë në gjumë, por zgjohen nga Saturni që është rikthyer në Peshk. Eklipsi i pjesshëm diellor riktheu ngjarjet që kanë ndodhur para 9 vjetësh, por rreth datës 11 do të vihen në një sprovë për disa vendime personale ose pune për të cilat kanë menduar shumë gjatë verës që kanë qenë në mëdyshje. Nga ana ekonomike, është një muaj që do të japin e marrin shumë ekonomisht, por fillimi i mbarë është pas datës 21-22 ku do të hapin një aspekt të mirë.

Renditja e shenjave nga ajo me pak fat te ajo me e favorizuara nga Meri Shehu:

DEMI
Në datën 11 përballet Afërdita në Virgjëreshë me rikthimin e Saturnit në Peshk dhe shumë Demë që kanë arritur me sforcim të mbajnë një marrëdhënie, jepet goditja e fundit dhe nuk besoj që Demët mund të mbajnë një lidhje, një program pune të qëndrueshëm apo një çështje ekonomike nën kontroll. Hëna e plotë në Dash nuk është në pozicionin e mirë për ta, ngre pasiguritë, bëhen nervozë, duhet të merren me shëndetin dhe prapaskenat që mund t’u bëjnë të tjerët. Kemi një rifillim pune rreth datës 21-22 me hënën e re në Peshore që do t’u japë një tendencë të mirë.

BINJAKËT
E fillojnë muajin shumë keq sepse Mërkuri në Peshore përballet me Jupiterin në Gaforre dhe çështjet ekonomike, ligjore, erotike janë shumë të paqarta kështu që duhet të presin datën 15 kur Afërdita në Peshore do të bëjë një lidhje të bukur me Uranin në Binjak dhe Plutonin në Ujor. Këtu marrin çlirim në çështje pune e ligjore dhe një fillim ose rigjenerim i ri në jetën personale në datën 22.

VIRGJËRESHA
Në datën 11, Afërdita në shenjën e tyre i ka ëmbëlsuar duke i vënë në gjumë, por zgjohen nga Saturni që është rikthyer në Peshk. Eklipsi i pjesshëm diellor riktheu ngjarjet që kanë ndodhur para 9 vjetësh, por rreth datës 11 do të vihen në një sprovë për disa vendime personale ose pune për të cilat kanë menduar shumë gjatë verës që kanë qenë në mëdyshje. Nga ana ekonomike, është një muaj që do të japin e marrin shumë ekonomisht, por fillimi i mbarë është pas datës 21-22 ku do të hapin një aspekt të mirë.

The post Horoskopi mujor nga Meri Shehu/ Renditja e shenjave nga ajo me pak fat, tek më e favorizuara appeared first on Albeu.com.

Po ashtu, Meri ka bërë edhe renditjen e shenjave te “Rudina”, nga ajo më me pak fat te ajo që do të shkëlqejë këtë muaj, i cili ka plot surpriza.

Siç shprehet astrologia, shtatori është muaj me dy eklipse shumë të mëdha, shumë të fuqishme.

“Më datë 7 shtator, i cili ndodh në shenjën e Virgjëreshës. Do t’i japin tonalitet të madh shtatorit, kanë filluar që më 23 gusht me hënën e re në Virgjëreshë, çfarë s’keni bërë! Pritet akoma të bëhen gjëra të mëdha.

Kjo hënë e plotë është shumë e rëndësishme për 10-ditëshin e dytë të Virgjëreshave. Më vonë kemi eklipsin e pjesshëm diellor në datën 21 në shenjën e Virgjëreshës dhe do të përkojë edhe me hënën e re. Afërdita është në Luan, por do të kemi kujdes javën e parë sepse Marsi që është futur në Peshore bën një lidhje jo të mirë me Jupiterin në Gaforre.

Gaforre, Peshore, Bricjap ,Dash të lindur kryesisht në dhjetëditëshin e parë do të kenë kujdes në mënyrën si i trajtojnë bisedat, lëvizjet, harmonizimet, komunikimet, marrëdhëniet sepse jepen disa goditje të papritura. Në datën 19 Afërdita futet hyn prapë në Virgjëreshë.

Do të përmend datën 19, me futjen e Afërditës në Virgjëreshë do të bëjë një katërkëndësh me Uranin në Binjak dhe ditët 19-21 do t’i keni pak kujdes në çështjet personale e ekonomike duke përfshirë Virgjëreshë, Binjak, Peshq dhe Shigjetar që do ta marrin direkt këtë ndërhyrje”, analizon Meri Shehu.

Renditja e shenjave sipas astrologes:

12. Dashi

Javën e parë të shtatorit duhet të kenë shumë kujdes, sepse Marsi është përballë shenjës së tyre në Peshore, goditet me Jupiterin në Gaforre. Çështje familjare, bashkëpunimesh, në çift, javën e parë të muajit shtator janë pak të tensionuara. Dy eklipse shumë të mëdha në Virgjëreshë kështu që do të ndryshojë patjetër rutina e përditshme, do të gjejnë ose mbyllin një punë, do t’i hapin punë vetes apo të tjerëve. Do të bëhet një ngarkesë e madhe ose një furtunë në jetën e përditshme. Dielli mund të dalë pak me vonesë pas 22 shtatorit kur të futet Marsi në Akrep, kur të gjejnë seksualitetin dhe energjinë e tyre të brendshme që i shtyn të forcojnë pozitat ekonomike, sepse në datën 19 ekonomia nuk do të jetë shumë mirë.

11. Bricjapi

Janë shenjë kardinale ku përballet Marsi me Jupiterin në Gaforre. Gaforren e kanë përballë, bashkëpunime, kundërshtarë, opozitë nga të gjitha anët në javën e parë të shtatorit. Marsi në Peshore i bën që ta humbin disi kontrollin dhe të jenë nervozë në çështjet familjare në përgjithësi. Eklipset në Virgjëreshë kërkojnë t’i stabilizojnë në udhëtime, kontakte me jashtë, shanse të dyta në një marrëdhënie erotike ose nëse duan të gjejnë diçka të re. Duhet t’i japin fund një marrëdhënieje, një ndjenje rreth datës 7 dhe pastaj të fillojnë me hënën e re në datën 21 për diçka të re.

10. Binjakët

Në datën 19, Urani që është në shenjën e tyre dhe do të kthehet i kundërt, i komplikon disi marrëdhëniet dhe planet e tyre. Në datën 19 humbin sigurinë në çështjet ekonomike dhe sentimentale. Pa rregulluar këtë sigurinë bazë, nuk mund të jetë mirë data 19. Fillon dhe hapet pas datës 21 me hënën e re dhe duke i sqaruar mirë pikat e dobëta e të forta, mund të hapin një biznes të ri, veprimtari, të blejnë ose ndërrojnë shtëpi.

9. Gaforrja

Kanë Jupiterin në shenjën e tyre, por Marsi në Peshore i çukit në kokë, në çështje karriere do të ndiejnë pasiguri ose antagonizëm më të shtuara nga sa është në të vërtetë. Shumë Gaforre të lindura në 10-ditëshin e parë ta kenë kujdes këtë periudhë. Eklipset tregojnë që do të ndryshojnë mendësi, plane, projekte ose si do t’i shohin gjërat. Pas datës 21 shikojmë Gaforret në rrugën e re. Mund të ketë pasiguri në përditshmëri dhe debate me njerëzit e afërt.

8. Demi

Kanë humbur sigurinë për sa i përket punës dhe mbështetjes së të afërmve ose jetës personale erotike. Do të kenë një mbyllje rreth datës 7, i vënë pikat mbi “i, sikur i japin një vendim kësaj gjëje. Në datën 19 shikojnë ku kanë siguritë ekonomike, shpenzimet, pasiguritë, mbështetjet dhe pas datës 21 fillojnë një etapë të re dhe ndoshta më të sigurt në jetën personale dhe situata të tjera.

7. Luani

Kanë shpenzuar shumët ë gusht, morën një lajm të mirë ekonomik më 23 gusht, u qetësuan, por fillon edhe një fushatë e fuqishme ekonomike. Data 7 është eklips hënor, mund të kemi të papritura jo shumë të këndshme kështu që shumë Luanë që duan të investojnë duhet të kenë kujdes se do të kenë një takim jo shumë të mirë që do t’i ndikojë me energji jo pozitive dhe bëjnë gabim. Të presin edhe datën 19 dhe pas datës 23 fillon një hapje e mirë ekonomike.

6. Ujori

Do të ndryshojnë rutinën e jetës së përditshme, nuk kapen dot, shkojnë sa andej-këtej, udhëtime, kontakte, palestra, punë. Tashmë me Virgjëreshën do të duan diçka më konkrete ose më të saktë në lidhje me punën dhe ekonominë që pas datës 23 fillojnë të marrin një fuqizim dhe të qartësohen në planet e tyre. Do të kenë disa debate të vogla në jetën personale ose ndonjë projekt personal derisa të stabilizohen gjërat që më pas fillojnë dhe marrin tendenca shumë pozitive.

5. Akrepi

Duhet të presin datën 22 që futet Marsi në shenjën e tyre, u jep energji, bëhen protagonistë e sharmantë. Kanë ca prapaskena në lidhje me punën, ngatërresa me planet, por eklipset në Virgjëreshë i kanë në favor sepse shkojnë mirë me to. Mund të mbyllin një punë dhe të hapin një akoma më të madhe më 21 shtator. Vjeshta fillon të marrë hov pozitiv për ta.

4. Shigjetari

Eklipset janë shumë të rëndësishëm dhe Marsi në Peshore i ndihmon. Sado që Marsi goditet shumë me Jupiterin dhe kanë shumë shpenzime javën e parë, ana ekonomike fluturon, e mbledhin veten dhe gjithmonë gjejnë një burim dhe mbështetje. Do të vendosin për jetën personale, vendime të mëdha për një ndarje ose një fillim të ri rreth datës 21 por rreth datës 7 duhet folur për një marrëdhënie që duhet sqaruar deri në fund.

3. Peshorja

Kanë Marsin në shenjën e tyre, u ka dhënë energji e tonalitet. Do të bëjnë disa beteja deri në datën 7 që do t’i fitojnë. Nuk shpresoj të luftojnë me mullinjtë me erë sepse kanë në kundërshtim Jupiterin, por një Peshore e kualifikuar do ta shfrytëzojë Marsin për një luftë antagoniste, të bukur, të drejtë dhe që të arrijë një fitore. Eklipset në Virgjëreshë tregojnë ndikim psikologjik. Është shenjë e favorizuar dhe do të ecë shumë përpara që me Marsin në Akrep që do t’u japë tonalitet ekonomik pas datës 22.

2. Virgjëresha

Kemi dy eklipse, do të ndodhin shumë ngjarje dhe ndonjëherë lodhen, nuk kanë komoditetin. Eklipsi i plotë hënor dhe i pjesshëm diellor do të bëjë të përballen me ndryshime, vendime, situata të cilat do t’u japin përgjigje ata, bashkëpunëtorët e tyre, marrëdhënie në çift etj. Ka shpenzime javën e parë të shtatorit, pastaj më qetësi. Në datën 19 mos merrni vendime të mëdha, të kalojë dhe pas datës 22 jeni në formë.

1.Peshqit

Do të kenë disa shpenzime deri në datën 7, por do ta marrin veten, do të kenë bashkëpunime të rëndësishme, oferta, ndarje, guxim për t’u ndarë nga diçka e vështirë, kurajë për të filluar diçka të rëndësishme. Në datën 22 futet Marsi në Akrep dhe Akrepi është shenja më seksuale për Peshkun që do të gjejë fuqinë e vet, marrëdhëniet personale, projektet do të ecin shumë mirë.

The post Java e parë e shtatorit nis me shpenzime/ Astrologia Meri Shehu zbulon renditjen shenjave më me fat: Dy eklipse të mëdha këtë muaj appeared first on Albeu.com.

Në emisionin “Rudina” në Tv Klan, astrologia Meri Shehu, paralajmëroi për një javë plot emocione, dashuri, surpriza dhe marrëveshje që mund t’ju kthejnë fatin përmbys.

Por, si do të ndikojë kjo lëvizje e madhe në komunikimin tonë, në marrëdhëniet dhe në planet financiare?

Lexoni parashikimet për secilën shenjë dhe zbuloni nëse kjo verë do të jetë pikërisht ajo që keni pritur:

“Urani është futur sot në shenjën e Binjakëve, pas shtatë vite e gjysmë. Është ai Urani që për shtatë vjet ua nxiu jetën Demëve dhe janë shumë të çorientuar sepse nuk i ka lënë rehat. Ai Urani që na solli pandeminë, që na solli tërmetin dhe na tundi nga rrënjët ka kaluar në shenjën e Binjakëve. Në këtë shenjë ka të bëjë më shumë me komunikimin që do të thotë se një komunikim i ndikuar nga Urani sjell një modernizim. Pra kjo verë sjell një ndryshim të madh në mënyrën se si konceptohet, mënyra moderne dhe parashikuese në komunikimin tonë. Urani takohet me Afërditën direk në Binjak dhe do të shprehemi me shumë dashuri, sidomos gjatë korrikut. Është edhe Hëna e plotë, e bukur e korrikut më datën 10. Është një nga javët më fantastike dhe më bombastike. Për të gjithë ata të cilët nuk e kanë gjetur ende lumturinë në tokë, ndoshta e gjejnë në qiell”, tha Meri Shehu.

Dashi- 3 yje: Me këtë Hënën e Plotë në Bricjap përveç romantizmit do të ketë dhe një marrëveshje të mirë pune. Me sa duket ka ardhur puna dhe komunikimi për Dashët në atë nivel, saqë me komunikim dhe dashuri, ose duke e pasur intuitën e fortë mund të bëjnë një marrëveshje shumë të rëndësishme pune. Kanë dhe takime shumë të bukura erotike, por që në fakt më shumë ngelin komunikime se sa takime të mirëfillta.

Demi- 4 yje: U çliruan Demët pas shtatë vjetësh. Demët që e ndjenë tërmetin më shumë se të gjithë, por tashmë Urani ka kaluar tek paratë. Çfarë do u bëni gjithë këtyre parave! Urani në Binjak është më mirë se sa Urani në Dem. Kështu që duhet t’u hapni dyert parave këtë javë dhe do të shikoni sa para do ju sjellë dhe kështu do të jetë edhe viti tjetër më shumë, por edhe vera. Demët e lindur në dhjetë ditëshin e parë duhet që ta shikojnë më mirë.

Binjakët- 5 yje: U fut Urani! U ndryshon komplet jetën Binjakëve! Por, edhe Demëve, sepse Hëna e plotë në Bricjap u jep edhe atyre romancën e madhe, për më tepër duke qenë afër Binjakëve japin dhe marrin disi më mirë. Binjakët do të kenë një ndryshim komplet të jetës së tyre dhe takohet Urani me Afërditën në shenjën e tyre, kështu pale se çfarë do të ndodhë në Binjakët e lindur në dhjetë ditëshin e parë!

Gaforrja -3 yje: Jemi tashmë me Diellin në Gaforre, në fakt është futur edhe Jupiteri ju e dini. Por, kemi edhe Hënën e plotë në Bricjap, kështu që ja merr pak atë shkëlqimin dhe romancën Gaforres. Megjithatë Gaforret në atë tentativën e tyre do të bëjnë disa takime dhe marrëveshje të fshehta. Vazhdojnë të ngelen tek pasionet e fshehta në këtë periudhë. Do të kenë udhëtime pune dhe kontakte të rëndësishme në këtë periudhë për punën dhe planet e tyre.

Luani- 3 yje: Do të jenë në një fazë të mirë, sepse Urani është në Binjak. Megjithatë duke qenë se Urani është në një shenjë toke, nuk do i lërë shumë rehat, do i bëjë që të ndjehen pak më të veçuar. I ndikon shumë në çështjet ekonomike, megjithatë do të kenë shumë planifikime, takime në jetën sociale dhe udhëtime shumë të mira.

Virgjëresha -3 yje: Kanë Marsin në shenjën e tyre dhe Marsi është një simbol shumë i mirë, sepse u ka dhënë aktivitet, energji, të cilën e kishin me mëdyshje në këtë periudhë. Por, edhe Hëna e plotë në Bricjap takohet mirë me Marsin në Virgjëreshë dhe mendoj se kjo është një javë erotike, por edhe frytdhënëse në shumë aspekte të rëndësishme. Sa i përket Uranit në Binjak kemi thënë që shumë Virgjëreshë do të ndryshojnë shpesh e shpesh vende pune, por gjithnjë edhe më mirë. Ketë javë do të bien goxha në sy.

Peshorja- 4 yje: Shenja e ajrit, gjithë këto ndikime të bukura me Uranin në Binjak u jep Peshoreve lumturi, kontakte me jashtë, dashuri, romanca të papara dhe aspekte ekonomike shumë të mira. Vetëm Hëna e plotë në çështjet familjare sikur i bën pak nostalgjikë për të kaluarën, ose për shtëpinë e vjetër.

Akrepi- 4 yje: Do të merren shumë me çështjet ekonomike. Hapet një portë e re për Akrepët atje ku nuk e prisnin për aspektet ekonomike. Akrepët e lindur në dhjetëditëshin e parë do të marrin një tendencë shumë të madhe ekonomike në këtë periudhë, ose ndryshojnë drejtimin ekonomik në këtë periudhë. Drejtimin se si kanë zgjedhur anën e tyre ekonomike. Fati i çon në një rrugë komplet tjetër. Hëna e plotë në Bricjap i lidh me njerëz seriozë në këtë periudhë.

Shigjetarët- 3 yje: Shumë Uranë përballë shenjës së tyre. Kjo do të jetë një nga javët e tyre më të rëndësishme romantike, por edhe ekonomike, sepse Hëna e plotë në Bricjap i thërret shumë ngushtë në çështjet ekonomike.

Bricjapi- 2 yje: Hëna e plotë është në shenjën e tyre, por është pak delikate sepse i bën shumë nostalgjikë. Urani është në Binjak dhe u tregon se një punë do të ndryshojë, një kthesë e re në jetën e marrëdhënies së përditshme. Një dashuri e re, sidomos me punën, por që ua çorienton të gjitha ato gjërat e sigurta që kanë pasur, megjithatë një ngritje page e marrim, kështu që le ta tentojnë këtë javë.

Ujori- 5 yje: Do te kenë shumë dashur dhe ashtu siç e duan ata, të lirë, të pavarur, të zgjuar, komunikatave dhe Ujorët e lindur në dhjetë ditëshin e parë takojnë dashurinë e jetës, ose mundësinë e jetës. Por, Urani është planeti i tyre dhe takohet direkt me Afërditën në Binjak dhe për ta është planeti i dashurisë në këtë periudhë. Vetëm Hëna e plotë i bën pak nostalgjikë.

Peshqit- 3 yje: Bazohen shumë tek Hëna e plot në Bricjap, e cila iu lë disa qëllime, ose vendosin që të njohin një njeri më shumë, ta frekuentojnë më shumë në këtë periudhë, ose të investojnë diku më mirë. Pastaj të gjithë planetët në Binjak tregojnë që shumë çështje familjare do ndryshojnë.

The post Urani trondit shenjat/ Meri Shehu zbulon parashikimin e javës që do t’ju ndryshojë jetën appeared first on Albeu.com.

Përveç kësaj, hëna e plotë në Luan sjell mundësi të reja, disa shenja do të gjejnë guximin për të thënë atë që mendojnë dhe do të ndërmarrin hapa të rëndësishëm në jetën profesionale dhe personale. Astrologia nënvizon rëndësinë e komunikimit dhe ndjenjave që do të luajnë një rol të rëndësishëm gjatë ditëve të ardhshme.

Shën Valentini është në prag dhe sipas vlerësimit me yje nga Meri Shehu i cili për këtë javë është mjaft bujar, duket se shenjat do ta shijojnë ditën e dashurisë.

Dashi – 4 yje

Pavarësisht se do të hyjë Mërkuri në datën 14 në Peshk dhe do të kenë një tendencë vetmie, tërheqjeje në vete dhe nuk do  të thonë dot fjalën e fundit, zhurmën do ta bëjnë 3-4 ditët e para. Do të bëjnë gjithçka për të rënë në sy, për t’u veshur, për të flirtuar, për të dalë, për t’u argëtuar. Kur të vijë momenti që duhen thënë gjërat troç apo të bëhen ashtu siç duhet në planin sentimental, do të bëhen më të ndjeshëm dhe më të tërhequr, si duket do u mungojë guximi ose humbasin optimizmin. Deri në datën 14 mund të bëjnë gjithçka, vetëm kujdes në çështjet ekonomike kryesisht të lindurit në 10-ditëshin e tretë. Hëna e plotë në Luan do t’i favorizojë për një ndryshim shumë të mirë, avancim, investim por edhe një humbje mund ta bëjnë të duket si fitim këtë javë.

Demi – 2 yje

Katërkëndëshi i shenjave të qëndrueshme është me tendencë sherresh, debatesh, paqartësisht,  prapaskenash, surprizash të pakëndshme, kështu që duhet të kenë kujdes në jetën personale,  ndryshimet që kanë bërë së fundmi, debatet, akuzat që mund të kenë bërë sepse mund të vihen para një përgjegjësie ose diskutimi që nuk i kënaq ose i bëjnë të humbasin sigurinë, në disa raste një punë  apo marrëdhënie të mirë shoqërore. Tendencën për një shoqëri të mirë do ta ndiejnë në fundjavë dhe aty do ta duan patjetër, duan të kenë një mik, shok ose diçka që vërtet e ndiejnë që mund t’i mbështesë e përkrahë.

Binjakët – 5 yje

Mërkuri duke hyrë në Peshk do i ngrejë në çështje karriere ose në diskutime në lidhje me punët e tyre, por edhe në çështjet  personale e erotike janë një nga shenjat që hyjnë në komunikim, do të thonë e marrin diçka të mirë. Hëna e plotë në datën 12 u jep një shans për t’u reklamuar, një ide gjeniale që mund të paguhet shtrenjtë ose një takim shumë i rëndësishëm që mund të hapë një rrugë të mirë në jetën profesionale ose planet e përditshme. Sot e nesër të kenë kujdes sepse sherret janë prezente dhe të lindurit në 10-ditëshin e tretë duhet të jenë të vëmendshëm sepse surpriza të pakëndshme mund të ndodhin në çështje ligjore pasi Mërkuri është planeti i tyre.

Gaforrja – 4 yje

Janë të lodhura sepse e kanë Marsin e kundërt në shenjën e tyre dhe deri në 25 shkurt bën kërdinë në çështje të ndjeshme personale e pune. Me futjen e Mërkurit në Peshk, në datën 14 marrin një lloj tendence pozitive në komunikim, mbështetje e përkrahje, janë një nga shenjat që do ta festojnë mirë Shën Valentinin, do të ndiejnë dashuri, afrohen me dikë ose do të kenë një udhëtim të mirë apo kontakt  ku do të njohin dikë. Nuk eliminohen prurjet nga e kaluara, mjafton të mos sjellin problematika që mund t’i ngarkojnë shumë në disa situata. Sot e nesër nuk është një ditë e mirë për ta, ka prapaskena,  paqartësi, rrëshqitje aleancash.

Luani – 5 yje

Hëna e plotë në shenjën e tyre në 12 është në katërkëndësh me Uranin në Dem por sjell ndryshime pozitive në jetën e tyre, sidomos në lidhje me punën. Në datën 14, ndoshta nuk janë shenja që do të merren me erotizma por do të fillojnë të rregullojnë detyrimet ekonomike e prapambetura, të lëna pezull ose që i kanë të paqarta. Rregullojnë çështje financiare që i kanë pasur mjaft delikate.

Virgjëresha – 2 yje

Këto dy ditët e para Mërkuri që është planeti udhëheqës i tyre, ndodhet në Ujor, merret me punën,  iniciativa të rëndësishme, përballet me Uranin në Dem dhe kjo tregon disa paqartësi e prapaskena pune që s’i lënë të ndihen të sigurta e shumë të qeta. Ndryshimet që mund të ndodhin këto dy ditë rreth jetës personale e ambienteve të punës janë pak të vështira. Rregullohet dora në fund të javës, sidomos në datën 14 me Mërkurin në Peshk përballë shenjës së tyre dhe u jep mundësi të rregullojnë aleanca, bashkëpunime, martesa.

Peshorja – 3 yje

Përditshmëria do t’u marrë shumë kohë, sidomos puna, do të merren shumë me ndryshimet në të, investimet, lekët. Dy ditët e para diçka u rrëshket sa u përket anës financiare e bashkëpunimeve,  sidomos me Ujorët. Kundërshtimi i Mërkurit me Uranin në Dem sjell disa pasoja në fushën erotike, ligjore e të punëve. Me futjen e Mërkurit në Peshk çështja e jetës së përditshme rregullohet dhe organizohen më shumë me punën ose një rehabilitim të gjendjes psikologjike.

Akrepi – 4 yje

Me futjen e Mërkurit në Peshk do të jenë një nga shenjat që vërtet duan erotizmin por duan edhe një komunikim, partner, të dalin, të argëtohen, të jenë me njerëz, të komunikojnë kështu që do ta festojnë shumë këndshëm Shën Valentinin me dikë që e duan ose që është në shoqëri dhe i bën të ndihen mirë. Do të jenë nga shenjat që do të dalin më shumë, do të komunikojnë, do të takohen dhe do të propozohen. Dy ditët e para një bashkëpunim nuk ecën mirë ose diçka nuk shkon shumë fuqishëm.

Shigjetari – 5 yje

Megjithëse këto dy ditët e para janë të vështira sepse Mërkuri përballet me Uranin dhe kanë prapaskena pune, do të kalojnë këto dy ditë dhe do të merren me çështje familjare. Me futjen e Mërkurit në Peshk në datën 14 shumë Shigjetarë do të interesohen shumë çfarë ndodh me çështjet familjare, njerëzit e afërt, si do të diskutojnë, çfarë do të japin e marrin dhe si do t’i ndajnë gjërat. Do të jetë kryesisht familjare periudha e Shën Valentinit për ta ose planet që duan t’i rregullojnë. Hëna e plotë për ta është shumë e mirë në datën 12 dhe u jep një dritare komunikimi.

Bricjapi – 2 yje

Kanë kundërshtimin e Marsit të kundërt në Gaforre që i ka lodhur, shumë antagonist dhe i prek në bashkëpunime e në çift. Nuk e kanë ndier veten të qetë këtë periudhë dhe u ka humbur durimi. Me futjen e Mërkurit në Peshk në datën 14 do të kenë miqësi, takime, dalje të rëndësishme, por edhe një propozim ku s’e presin. Një ndryshim pune jo i mirë mund të ndodhë sot e nesër.

Ujori – 5 yje

Pavarësisht dy ditëve të para, hëna e plotë përballë shenjës së tyre bën një kundërshtim të bukur, sjell ndryshime të mira dhe kthehet reflektori nga ana e tyre. Hëna bëhet një simbol shumë pozitiv për të ndriçuar disa situata në jetën personale dhe punës. Çështjet ekonomike nga data 14 fillojnë të marrin më shumë rëndësi dhe mendojnë çfarë mund të investojnë më mirë sa i përket anës ekonomike.

Peshqit – 3 yje

Në datën 14 fillon e rregullohet dhe do të jetë një nga shenjat më komunikative që do të udhëtojnë, do të njohin, do të shprehin ndjenjat dhe kanë nevojë ta bëjnë, por deri atje çështjet ekonomike janë baza. Nëse s’e kanë si duhet, nuk mund të marrin e japin. Afërdita në Peshk është shumë e zjarrtë, por kjo përkon edhe në shpenzime, do të nxitohen kështu që do të ngelen jo fort të kënaqur me të ardhurat materiale. Data 14 e tutje do të jetë shumë pozitive sa i përket komunikimit dhe mbulimit të gabimeve në këtë fillimjave.

The post Shën Valentini është në prag, ditët e vështira ia lënë vendin dashurisë, Meri Shehu tregohet ‘dorëlëshuar’ me yjet këtë javë appeared first on Albeu.com.

Në hyrje të rubrikës, Pollozhani u shpreh se Shehu është person agresive. Kjo bëri që astrologia të braktiste studion.

Pollozhani: Një nga personazhet që kemi në studio, Meri Shehu, është një person shumë agresiv. I bën edhe njerëzit rreth e përqark ndoshta që të mos ndihen të lirë të flasin.

Shehu: Isha objekt sulmi? Se nuk e kuptova. Më kë e kishte ti mi?

Shehu: Moj i keni dhënë… Ça i keni dhënë? Pse jam agresive unë?

Pollozhani: Me aq sa kam parë në televizor je agresive ti.

Shehu: Më falni mua , por unë nuk marr pjesë. Faleminderit që më keni thirrur. Të ketë opinion (Alba) në shtëpinë e vetë, jo këtu!

The post Debat në studio/ Alba bën Meri Shehun të largohet nga emisioni: Me kë e kishe ti mi… appeared first on Albeu.com.

Kjo fitore u parashikua bindshëm nga astrologia Meri Shehu, e cila vetëm pak ditë më parë e tha “Favoriti për fitore sipas yjeve është Donald Trump”.

Ndërkohë, një super profesor amerikan, Allan J. Lichtman, i cili u pompua ndjeshëm nga mediat e estabilishmentit, pasi nuk kishte gabuar ne 13 zgjedhjet e fundit, shprehu sigurinë  e tij të plotë në fitoren e Harris.

Po duket se profesorit i mbeten vetëm çelësat, ndërsa Meri Shehu e hodhi “nokau”t me një parashikim të yjeve. Koha është që binjakët të triumfojnë mbi peshoret.

The post Gara e parashikimeve/ Meri Shehu sfidon profesorin amerikan appeared first on Albeu.com.

Astrologia e njohur Meri Shehu, ka parashikuar se kush do të jetë “fituesi” i zgjedhjeve presidenciale.

“Favoriti për fitore sipas yjeve është DONALD TRUMP!”, shprehet ajo, teksa thekson se ish-Presidenti është në shenjën e Binjakëve.

Gjithashtu, ajo thekson se; “Nëse zgjidhet si president, nuk mund të përjashtohet që mandati i tij të përfundojë para kohe”.

Postimi i plotë i Meri Shehut:

Sot zhvillohet gara e madhe për presidencën e SHBA. Pas dorëheqjes së Joe Biden, Kamala Harris si kandidate e demokratëve do të përballet me Donald Trump në një ndeshje që do të vendosë shumë, jo vetëm për të ardhmen e SHBA por për të gjithë planetin!

Le të shohim të dhënat astrologjike për garë të ardhshme. Natyrisht, këto janë të shumta dhe kontradiktore, ndaj do t’i referohem atyre themelore.

Në fillim zonjat: Kamala Harris në shenjën e Peshores, e lindur në një Hënë të Plotë dhe me Ashendentin tek Binjakët, Eklipsi i mëparshëm dhe i ardhshëm hënor janë pikërisht në Ashendentin e saj, me Jupiterin afër, por në retrograd. Kjo është një dëshmi e fortë e suksesit, një pjesë e së cilës ajo tashmë e ka përjetuar duke marrë mbështetjen e demokratëve. Edhe Hëna e Re në Akrep kishte një efekt të fortë tek ajo disa ditë para ndeshjes. Kalimi i Marsit nga gradët e fundit të Gaforres në pesëmbëdhjetë ditët e fundit para zgjedhjeve, e bëri atë veçanërisht luftarake, por mund t’i ketë krijuar tensione.

Donald Trump në shenjën e Binjakëve, me Ashendente Luan , i lindur gjithashtu në një Hënë të Plotë e cila është gjithashtu një eklips hënor, ka një hartë astrologjike veçanërisht dinamike, me praninë e dukshme të Uranit në këtë Hënë të Plotë. Kjo është shumë e rëndësishme, sepse Urani tranzit nga Demi e aktivizon fuqishëm hartën e tij personale astrologjike tani. Ky është planeti i ndryshimit dhe gjithmonë favorizon nëntokën! Jupiteri është gjithashtu mbi Diellin e tij! Mbi zgjedhje, në fakt, përsëritet “fshehurazi” pasi Jupiteri Astral është në lidhje me Uranin Tropikal!

Siç thashë në fillim, gjërat janë të kufizuara dhe parashikimi është veçanërisht i vështirë. Të gjithë kandidatët duket se kanë tregues të fortë suksesi. Por Trump duket se ka fjalën e parë dhe një momentum të veçantë, edhe nëse diferenca është e vogël.

Megjithatë, kjo nuk është aq e mirë për të mesa duket sepse harta e tij ka gjithashtu shumë pika veçanërisht të errëta!

Kam një paralajmërim në kohë për tentativat për vrasje që kalojë, gjërat bëhen më të vështira për të me Eklipsin Hënor të marsit 2025 dhe Hënën e Plotë të Qershorit. Eshtë shumë e mundshme dhe me një shkallë rreziku shumë më i madh se ato të mëparshmet. Mund të jetë një lloj sulmi tjetër psh për skandale ose një sëmundje serioze. Nëse zgjidhet si president, nuk mund të përjashtohet që mandati i tij të përfundojë para kohe.

Megjithatë, më e rëndësishmja nga të gjitha është se cilido nga të dy zgjidhet, gjaku mund të derdhet në SHBA nga e nesërmja e zgjedhjeve deri në disa muaj më vonë! Kjo do të thotë incidente më të rënda se ato të zgjedhjeve të mëparshme dhe po të kemi parasysh “kulturën e armëve” të amerikanëve, ato mund të bëhen të pakontrollueshme. Mund të luhet edhe një skenar tjetër si ndarja e një shteti nga federata. Harta e SHBA ka shumë probleme që përshkallëzohen në vitin 2025 dhe më tej.

Këto zgjedhje janë ndoshta më kritiket në historinë moderne të SHBA!

Favoriti për fitore sipas yjeve është DONALD TRUMP!

The post Meri Shehu zbulon “fituesin” e zgjedhjeve në SHBA: Yjet favorizojnë… appeared first on Albeu.com.