“Deklarata provokuese e zyrtarit serb është në kundërshtim me frymën e marrëdhënieve të bashkëpunimit dhe nuk i shërben paqes dhe stabilitetit në vendet e Ballkanit. Shqipëria është faktor i rëndësishëm që punon dhe kontribuon për paqen dhe sigurinë në rajonin tonë dhe kjo është në thelb të bashkëpunimit edhe me Serbinë.

MEPJ pret reflektim të menjëhershëm, në mënyrë që deklarata të tilla të dëmshme, të përsëritura të mos ndikojnë në marrëdhëniet tona, të cilat duhet të jenë të orientuara drejt fqinjësisë së mirë dhe integrimit evropian”, njoftoin ministria.

DEKLARATAT E DJESHME TE VULIN

Aleksandër Vulin, zëvendës kryeministër në kabinetin e ri të qeverisë serbe, komentoi dje takimin e kryeministrit Edi Rama, me shqiptarët në Greqi.

“Shqipëria e madhe mund të ndalet vetëm nga serbët dhe bota serbe”, u shpreh Vulin në një reagim kundër takimit të kryeministrit Edi Rama me emigrantët shqiptarë në Greqi.

“Herën tjetër që qeveria e Greqisë të mendojë për njohjen e të ashtuquajturës Kosovë, le të kujtojë se si duket pritja e Edi Ramës në mes të Athinës. Atë që Rama nuk mundi ta përjetonte në Tiranë, e përjetoi në Athinë”.- tha Vulin.

Zv/kryeministri serb kërkon nga Greqia që të formojnë një aleancë anti-shqiptare.

”Njohja e të ashtuquajturës Kosovë nga autoritetet greke dhe pranimi i Prishtinës në Këshillin e Evropës, do të ishte një kontribut i pamatshëm i Qeverisë së Greqisë dhe Dora Bakoyanis në krijimin e Shqipërisë së Madhe. Shqipëria mund të ndalet vetëm nga serbët dhe bota serbe, por edhe nga ju grekë të dashur, grekët tanë. Ju lutem mendoni për këtë”.- tha Vulin.

The post “Vulin provokoi me deklaratën ndaj Ramës” Shqipëria “i shkul veshin” Serbisë, MEPJ: Beogradi të reflektojë appeared first on Albeu.com.

“Në cilësinë e Këshilltares për Median, ju bëj me dije se Ministrja është në komunikim të vazhdueshëm me ambasadën tonë në Athinë dhe Konsullatën e Përgjithshme në Selanik lidhur me aksidentin. Deri më tani nuk ka ende informacion për shtetas shqiptarë në radhët e viktimave apo të të plagosurve, ndërkohë që përfaqësues të Konsullatës në Selanik janë në vendngjarje”, thuhet në reagim.

Përfaqësuesit më të lartë të vendit tonë, presidenti Bajram Begaj dhe kryeministri Edi Rama kanë ndarë mesazhe ngushëllimi për vendin fqinj. Ata thanë se Shqipëria qëndron në krah të popullit grek në këtë moment kaq të vështirë, ndërsa autoritetet helene kanë shpallur tri ditë zie kombëtare në nderim të viktimave./Albeu.com/

The post MEPJ: Nuk ka informacione për shqiptarë në mesin e viktimave dhe të plagosurve në Greqi appeared first on Albeu.com.