Sëmundje të ndryshme që i prekin ato mund të shkaktojnë dëmtim dhe dhimbje të tyre. Artriti apo osteoporoza nuk janë më sëmundje të panjohura, pasi po prekin popullsinë gjithnjë e më shumë.

Prandaj nevoja për të qenë të kujdesshëm dhe të shëndetshëm është gjithnjë prezente. Për të pasur kocka të forta nuk ju duhet të bëni asgjë të jashtëzakonshme, mjafton të ktheni ushqimin në aleatin tuaj më të mirë.

Në këtë artikull ju tregojmë se si ta nisni ditën plot vlera e minerale të cilat do të forcojnë kockat tuaja çdo mëngjes.

Ndiqni mëposhtë këshillat e nevojshme për t’i siguruar trupit tuaj një mbështetje të fortë e të shëndetshme.

Si të ndihmoni kockat

Një nga mineralet që ndihmon më shumë kockat është kalciumi të cilin për fat të mirë mund ta gjeni në shumë ushqime. Për personat që vuajnë nga lloje të artritit është veçanërisht i këshillueshëm nga mjekët.

Megjithëse sasia e duhur e konsumimit të tij nuk është përcaktuar ende, ekspertët shprehen se rreth 1.500 miligramë në ditë të konsumimit të këtij minerali janë mëse të nevojshme për organizmin.

Këtë shifër mjafton ta ndani me 500 miligramë kalcium për çdo vakt. Është e rëndësishme që këto sasi të ndahen midis vakteve, pasi trupi ka mundësi të përthithë vetëm 500 miligramë për çdo vakt.

Filloni nga mëngjesi që sa më parë trupi të sigurojë të gjithë vitaminat e nevojshme.

Mëngjesi i duhur

Vetëm një gotë qumësht përmban 300 mg kalcium të cilat mund ti merrni menjëherë në një vakt.

Për të arritur në masën e këshilluar 500 mg mund të shtoni edhe ndonjë produkt tjetër bulmeti në dietën tuaj. Këtu mund të futet, pak djathë, gjizë, kos apo edhe perime si brokoli dhe lakrat.

Gjithashtu përveç, bulmetit kalciumin mund ta përfitoni edhe nga lëngu i freskët i portokallit.

Një gotë me lëng të freskët përmban 200-340 mg kalcium. Ekspertët theksojnë të mos harroni të përfshini edhe vitaminën D tek dieta juaj.

Atë mund ta gjeni fare lehtë tek ushqimet të cilat janë të pasura edhe me kalcium. Këtu futen sardelet dhe salmoni të cilat megjithëse nuk preferohen të konsumohen në mëngjes, mund ti lini për dy vaktet e tjera.

Pra, çdo mëngjes zgjidhni patjetër nga një gotë qumësht apo lëng portokalli, shoqëruar me ushqime të tjera bulmeti apo perime jeshile. Kështu kockat tuaja do të qëndrojnë të forta për një kohë të gjatë dhe do të shërojnë vetëveten./AgroWeb.org

The post Mëngjesi ideal për kocka të forta, si të merrni sasitë e duhura të kalciumit appeared first on Albeu.com.

2-6 vjeç

Sipas pediatërve, kësaj moshe i duhen  më shumë fibra dhe fruta. Mëngjesi ideal do të ishte një vezë e ndarë në disa porcione të vogla, shoqëruar me pak avokado dhe fruta pas saj. Veza mban vitaminën D dhe hekurin që janë të rëndësishme për kockat dhe zhvillimin muskular.

+12 

E rëndësishme për këtë fazë është kalciumi dhe vitamina D, por gjatë kësaj periudhe me shumë gjasa fëmijët refuzojnë të marrin vlerat e duhura ushqyese. Kombinoni frutat për karbohidrate, fara, kosin dhe qumështin. Sigurisht duke mos harruar të përfshini edhe perimet në pjatat e tyre.

Adoleshentët (13-17 vjeç)

Duke qenë se në këtë fazë kanë nevojë për shumë energji pasi janë në proces rritje, vaktet e tyre duhet të jenë të pasura. Vezë, proshutra dhe çdo ushqim tjetër që përmban fibra apo hekur, veçanërisht për vajzat që nisin ciklin menstrual gjatë kësaj moshe. Frutat gjithashtu duhet të jenë të pandashme.

Të rriturit e rinj (18-30)

Mëngjesi tipik i të rriturit mund të jetë një pjatë drithra, avokado, kos, fruta të freskëta dhe fara, shumë fara. Nëse s’keni kohë mjaftueshëm për këto, një smoothie me banane do të ishte ideale për nevojat tuaja për vitaminë D dhe kalcium.

Mosha e mesme (40-60)

Një omletë me perime do të ishte opsion i sigurtë. Ose një pjatë me drithëra dhe kos.

+60 vjeç

Ushqime të pasura me proteina për të ruajtur shëndetin e muskujve që kanë tendencën të dobësohen me kalimin e kohës. Frutat e thata, fara dhe drithërat janë gjithashtu të rekomandueshme nëse doni një mëngjes të shëndetshëm./albeu.com

The post Mëngjesi ideal sipas moshës, ç’duhet të hani? appeared first on Albeu.com.