Corinthians dhe Memphis Depay vijojnë bisedimet për zgjatjen e kontratës, por marrëveshja mes klubit brazilian dhe sulmuesit të kombëtares holandeze ende nuk është finalizuar.

Drejtuesit e Corinthians kanë paraqitur deri tani katër variante të kontratës së re te përfaqësuesit e lojtarit. Dy prej tyre janë kthyer me sugjerime për ndryshime, ndërsa dy versionet e tjera vazhdojnë të shqyrtohen.

Klubi synon që negociatat të mbyllen brenda katër ose pesë ditëve të ardhshme. Pas kësaj, Depay pritet të udhëtojë drejt Brazilit, ku do t’i nënshtrohet kontrolleve mjekësore. Corinthians ka përcaktuar se dokumenti i ri nuk do të firmoset përpara përfundimit me sukses të këtyre ekzaminimeve.

Sipas Gazeta Esportiva, holandezi ka paraqitur disa kërkesa të pazakonta gjatë diskutimeve për vazhdimin e bashkëpunimit.

Mes kërkesave është përdorimi i zonës VIP të Neo Quimica Arena dhe e drejta për ta shfrytëzuar stadiumin dy herë në vit për organizimin e aktiviteteve të tij. Për më tepër, Depay kërkon që ekipi i tij të përfitojë 50 për qind të të ardhurave të krijuara nga këto ngjarje.

Raportimet bëjnë të ditur se drejtuesit e Corinthians janë të gatshëm t’i pranojnë këto kushte. Megjithatë, një tjetër propozim i futbollistit është refuzuar nga administrata e klubit.

Depay ka kërkuar një pjesë të shpërblimit në rast se Corinthians fiton Kupën e Botës për Klube gjatë tre viteve të ardhshme, edhe nëse në atë moment ai nuk do të jetë më pjesë e skuadrës. Sipas tij, kontributi i dhënë në ndërtimin e ekipit do të mund të ndikonte në suksesin e ardhshëm të klubit.

Klubi nuk e ka pranuar këtë kërkesë.

Pika më e vështirë e negociatave mbetet skema e bonuseve. Në kontratën e mëparshme, sulmuesi kishte përfituar një bonus prej 800,000 eurosh për çdo trofe të fituar.

Përfaqësuesit e tij kërkojnë tani që Depay të marrë 20 për qind të shumës që Corinthians përfiton nga fitimi i secilit trofe, por drejtuesit nuk duan të miratojnë një formulë të tillë.

Si alternativë, Corinthians ka propozuar që lojtari të përfitojë bonus vetëm nëse aktivizohet në të paktën 50 për qind të ndeshjeve të sezonit dhe luan minimumi 45 minuta në secilën prej tyre.

Kontrata e re, e parashikuar të jetë dyvjeçare, do të kishte një vlerë totale prej 14 milionë eurosh, sipas mediave braziliane.

Prej kësaj shume, 12 milionë euro do të shkonin për pagën, të drejtat e imazhit dhe bonuset. Dy milionë euro të tjera do të gjeneroheshin nga aktivitetet e marketingut që lidhen me futbollistin. Nëse të ardhurat e marketingut e kalojnë këtë nivel, shuma shtesë do të ndahej në masën 80 për qind për Depay dhe 20 për qind për Corinthians.

Diskutimet për kontratën e re kanë ndarë edhe opinionet brenda klubit.

Një pjesë e drejtuesve mendon se Depay nuk e ka justifikuar investimin e konsiderueshëm dhe se Corinthians nuk duhet të marrë përsipër një tjetër detyrim financiar prej miliona eurosh. Kjo veçanërisht për shkak se kontrata e tij e mëparshme i kushtoi klubit më shumë se 18.5 milionë euro.

Presidenti Osmar Stabile, drejtori sportiv Marcelo Paz dhe trajneri Fernando Diniz kanë një qëndrim tjetër. Ata vlerësojnë se qëndrimi i një sulmuesi me përvojë si Depay do të ishte shumë i rëndësishëm për ekipin.

Sezonin e kaluar, holandezi u përball me probleme dëmtimesh dhe luajti 14 ndeshje me Corinthians, duke shënuar një gol dhe dhënë një asistim. Në total, Depay ka zhvilluar 79 paraqitje, ka realizuar 20 gola dhe ka fituar tre tituj.

The post Depay kërkon kushte të jashtëzakonshme nga Corinthians për rinovimin e kontratës appeared first on Albeu.com.

Trajneri i “zikaltërve” i qëndron besnik skemës 3-4-1-2 dhe tashmë kërkon një tjetër sulmues produktiv për majën e sulmit, si partner të Lautaro Martinez.

Një nga objektivat e Interit është Albert Gudmundsson. Por sulmuesi i Genoas ka një klauzolë lirimi prej 40 milionë eurosh.

Në krahun tjetër, Interi nuk kërkon që të shpenzojë shuma të tilla, teksa ka nisur të mendojë për një opsion falas.

Memphis Depay i dha lamtumirën Atletico Madrid dhe tashmë është një lojtar i lirë.

Sulmuesi holandez po kërkon për ekip të ri dhe zikaltërit janë destinacioni i mundshëm.

Sulmuesi që do të jetë gjithashtu pjesë e kombëtares së Holandës në EURO 2024 e preferon një kalim të tillë.

Interi po ngulmon fort për të siguruar shërbimet e ish-it të Barcelonës, duke patur parasysh cilësitë e tij, por ç’ka është më kryesorja do të afronte në ekip një sulmues të tillë pa paguar asnjë cent.

The post Luan në Euro 2024 me kombëtaren, Interi në “gjurmët” e sulmuesit appeared first on Albeu.com.

Në kontratën e Depay nuk ka opsion për zgjatje automatike edhe për një sezon, me Memphis që do të jetë i lirë të zgjedhe klubin e tij të ardhshëm.

Por, momentalisht 30-vjeçari është i fokusuar të bëjë sa më mirë me Holandën në Euro 2024.

Gjithsesi, pavarësisht fokusimit te përfaqësuesja e Holandës, agjentët e Depay janë vënë në lëvizje për të gjetur ekipin e ri të sulmuesit.

Kujtojmë që në këtë sezon me Atletico Madrid, Memphis Depay ka zhvilluar 31 ndeshje, në të cilat ka shënuar 9 gola dhe ka asistuar në 2 të tjerë.

The post Nuk ka rinovim, sulmuesi largohet nga Atletico Madrid appeared first on Albeu.com.

Sipas gazetarit të mirënjohur të merkatos, Fabrizio Romano, Barcelona dhe Atletico Madrid janë duke negocuar transferimin e Memphis Depay, në “Ëanda Metropolitana”, me “colchonerot” të cilët janë shumë të interesuar për afrimin e 28-vjeçarit hollandez, në Madrid.

Nga sa kanë bërë të ditur mediat, vetë Memphis është dakord me kalimin, ndaj pjesa më e rëndësishme tani janë negociatat mes klubeve.

Deri më tani këtë sezon, fantazisti i “tulipanëve” ka luajtur dy herë këtë sezon në La Liga dhe ka shënuar vetëm një gol. /albeu.com

The post Joao lë “bosh” sulmin e Atletico Madrid, “bardhekuqtë” për pazar në Barcelonë appeared first on Albeu.com.

Siç raporton Tuttosport, sulmuesi dhe drejtuesit e Juventusit kanë gjetur tanimë një marrëveshje në parim mbi bazën e një kontrate 2 vjeçare me një pagë për rreth 5 milion euro dhe 1.5 milion euro bonus.

Ashtu si Juventusi, Barcelona e ka me nxitim përfundimin e këtij operacini dhe do të ishte e gatshme ta largonte sulmuesin falas, por vetëm nëse holandezi do të hiqte dorë nga disa probleme ekonomike që klubi spanjoll ka ndaj tij./albeu.com

The post Juventus – Depay po afrohen, detajet e fundit që mungojnë appeared first on Albeu.com.

Ekipi më shumë i interesuar për të ka qenë Juventusi, i cili e sheh si një partner ideal për Dusan Vlahovic.

Ditën e sotme mësohet se ka pasur një kontakt të ri mes klubit torinez dhe lojtarit për të ecur përpara në aspektet e fundit të kontratës./albeu.com

The post Juventus – Depay: Sot pritet një kontakt i ri appeared first on Albeu.com.

Së fundmi klubi gjerman duket se do të tentojë Memphis Depay.

Drejtori sportiv i Dortmundit, Ëatzke ka thënë se kluybi duhet të kompletojë një lëvizje brenda 8-10 ditëve.

Sipas Sport, “Të Verdhët” janë duke monitoruar situatën e sulmuesit të Barcelonës, i cili po kërkon një destinacion të ri.

Barcelona fillimisht kërkon të paktën 20 milion për katonin e holandezi, por nga ana e lojtarit po punohet për shkëkuptjen e kontratës, e nëse kjo ndodh at herë Dortmundi mund ta transferojë falas holandezit.

Një nga opzionet që BVB mund të implementojë është edhe huazimi./albeu.com

The post Dortmund ende në kërkim të një zëvendësuesi të Haller, në skenë del ylli i Barcelonës appeared first on Albeu.com.

Holandezi po kërkon të gjejë një destinacion të ri para nisjes së La Liga-s.

Një nga skuadrat e interesuara për shërbimet e tij është Juventusi, e cila e sheh atë si zëvendësues ideal të Vlahovic, ose pse jo edhe për të formuar një dyshe sulmi./albeu.com

The post E di që nuk do të ketë minuta te Barcelona, Depay përshpejton largimin appeared first on Albeu.com.

Sipas “Daily Express”, “Djajtë e Kuq” janë gjithashtu të intersuar për të nënshkruar me sulmuesin Memphis Depay, një ish-i kësaj skuadre, për të përforcuar linjës sulmuese me Ronaldon që duket se nuk do të vazhdojë të jetë pjesë e ekipit.

Ten Hag po interesohet për një sulmues të gjithëanshëm dhe Depay e plotëson këtë profil./albeu.com

The post Barcelona e “ngopur” me sulmues, Depay mund të rikthehet në Premier League appeared first on Albeu.com.

Sipas Sport, “spurs” ishin në gjurmët e sulmuesit të Barcelonës, Memphis Depay.

Klubi anglez ishte i gatshëm të ofronte deri në 14 milion euro për të siguruar shërbimet e holandezit, por “katalanasit” nuk e lëshojnë pas 20 milion euro./albeu.com

The post Tottenham ofroi deri në 14 milion euro për Depay, Barcelona kërkon të paktën 20 appeared first on Albeu.com.