Kryetari i Bashkisë së Melitopolit, Ivan Fedorov, shkroi në Telegram se trupat ruse po shkonin drejt Krimesë së aneksuar nga Moska.

Ai tha se kolona automjetesh ushtarake u panë në një pikë kontrolli në Chonhar, një fshat në kufirin midis gadishullit të Krimesë dhe kontinentit ukrainas.

Melitopol është pushtuar nga forcat ruse që nga fillimi i marsit dhe është pak larg nga përparimi kryesor ukrainas në rajonin e Kharkiv.

Marrja e Melitopolit do t’i jepte Kievit mundësinë për të ndërprerë linjat ruse të furnizimit midis rajonit Kherson dhe Donbasit, ku forcat e mbështetura nga Moska janë të përfshira në luftimet më të ashpra./albeu.com

The post Trupat ruse po largohen nga qyteti jugor i Melitopolit appeared first on Albeu.com.

TV-të lokale raportuan të shtunën, se një ish-anëtare e këshillit të qytetit, Galina Danilchenko, u shpall kryetare e re e Bashkisë, sipas faqes së internetit të administratës rajonale të Zaporizhzhia.

CNN dhe Sky Neës raportuan se Danilchenko u prezantua si kryebashkiakja në detyrë në TV lokal pa zgjedhje, duke zëvendësuar Ivan Fedorov, kryetarin e zgjedhur të Melitopol.

Ajo tha në një deklaratë televizive të postuar nga administrata në Telegram, se detyra e saj kryesore është të ndërmarrë të gjitha hapat e nevojshëm për ta rikthyer qytetin në normalitet.

Ajo pretendoi se njerëzit në Melitopol do të përpiqeshin të ‘destabilizonin situatën’ dhe ‘të provokonin një reagim’.

“Unë kërkoj nga ju që të mbani mend por dhe të mos dorëzoheni para këtyre provokimeve”, tha Danilchenko. “I bëj thirrje deputetëve të zgjedhur nga populli në të gjitha nivelet. Meqenëse jeni zgjedhur nga populli, është detyra juaj të kujdeseni për mirëqenien e qytetarëve tuaj.’

Më pas ajo propozoi krijimin e një ‘Komiteti të Zgjedhjes së Popullit’ për të ndihmuar në administrimin e rajonit të Melitopolit.

Pamjet e ÇTV, të postuara në Telegram nga nënkryetari i zyrës presidenciale të Ukrainës, duket se tregojnë një grup burrash që shoqërojnë Fedorov nga një ndërtesë dhe nëpër një shesh.

Parlamenti i Ukrainës pretendoi se Fedorov ishte rrëmbyer nga 10 burra të armatosur, të cilët vendosën një qese plastike mbi kokën e tij. Rusia nuk ka komentuar mbi fatin e Fedorov.

Klipi, i cili është shpërndarë gjerësisht nga mediat ukrainase, besohet se është filmuar në Sheshin e Fitores së Melitopolit në Ukrainën juglindore.

The post Pasi mori peng kryebashkiakun e qytetit, Putin emëron të besuarën e tij në Melitopol appeared first on Albeu.com.