Ky është përfundimi i ekzaminimeve të bëra nga Mjekësia Ligjore. Në raportin që Tv Klan e disponon thuhet se vdekja i ka ardhur si pasojë problemeve në zemër, si dhe nga agravimi i organeve të tjera jetësore, për shkak të mostrajtimit mjekësor.

“Ndryshimet organore janë pasojë e sëmundjeve nga të cilat ka vuajtur viktima. Shkaku i vdekjes së shtetasit Ali Mostashari ka qenë koronaroskleroza e avancuar me mekanizmin e infarktit të freskët të muskulit të zemrës.”

Sa i takon disa shenjave të konstatuara në trupin e viktimës, në raportin mjeko-ligjor thuhet se janë shkaktuar nga rënia në momentet e fundit të jetës.

“Dermishtjet e vërejtura në kokë, hundë dhe gjymtyrët e poshtme si edhe ekimozat e vërejtura në anën e djathtë të fytyrës me mundësinë më të madhe duhet të jenë shkaktuar si pasojë e rrëzimit në momentet e fundit të jetës.”

Ekspertët mjeko ligjorë kanë konkluduar se Ali Mostashari ka ndërruar jetë mes orës 10:00-12:00 të paradites së 20 Qershorit. Ekzaminimi i trupit të tij është bërë 8 deri 10 orë më pas./ TVKlan

The post Del autopsia, zbulohet shkaku i vdekjes së muxhahedinit në “MEK” appeared first on Albeu.com.

Kampi i rreth 3.000 pjesëtarëve të kësaj organizate në Kamëz të Shqipërisë shtrihet në një territor prej 38 – 40 hektarësh, ku janë të ndërtuara rreth 127 objekte.

Për dislokimin e tyre në kampin Ashraf 3, kishte kontribuar SHBA-ja, që kishte dhënë 20 milionë dollarë për agjencinë e refugjatëve të OKB-së për ta ndihmuar shpërnguljen në Shqipëri.

Por, pas një aksioni të Policisë së Shqipërisënë këtë kamp mbi dyshimet se pjesëtarë të saj kanë kryer veprat penale “provokim i luftës” dhe “sulme kibernetike”, Departamenti amerikan i Shtetit theksoi se SHBA-ja nuk e financon këtë organizatë.

Financuesit e kësaj organizate nuk dihen publikisht, pasi që MEK-u nuk ofron të dhëna zyrtare. Megjithatë, financimi i saj ka qenë disa herë pikë diskutimi në media botërore.

Në një artikull të publikuar në vitin 2018 gazeta britanike The Guardian shkruan se organizata MEK është financuar nga ish-udhëheqësi i Irakut, Saddam Hussien, “për pjesën më të madhe të jetës në azil”.

MEK-u u shpërngul në Irak më 1986, pasi u ndalua aktiviteti i saj në Iran më 1981. Këshilli për Marrëdhënie të Huaja, me seli në Nju Jork të SHBA-së, shkruan se Hussein kishte qenë financuesi kryesor i MEK-ut deri para pushtimit amerikan të Irakut më 2003.

“Por, në vitet e fundit, grupi pretendon se mbështetet në numrin e madh të emigrantëve të pasur iranianë në Shtetet e Bashkuara të Amerikës dhe Evropë, dhe njerëz të tjerë që kundërshtojnë regjimin klerik në Teheran”, thuhet në një raport të Këshillit për Marrëdhënie të Huaja.

Por, pjesëmarrja e ish-shefit të inteligjencës së Arabisë Saudite, Princit Turki al-Faisal, në një grumbullim të këtij grupi në Paris më 6 korrik të vitit 2016 kishte nxitur kritika nga Irani pasi që ai kishte përkrahur rrëzimin e Qeverisë së Iranit.

Një zyrtar iranian, i cituar nga agjencia shtetërore e lajmeve IRNA, e kishte akuzuar Arabinë Saudite se po sponsorizon terrorizëm.

Se Arabia Saudite është prapa financimit të MEK-ut kishte thënë edhe profesori i Universitetit të Qytetit të Nju Jorkut, Ervand Abrahamian, në vitin 2018, për The Guardian.

“Paratë përfundimisht vijnë nga [Arabia] Saudite. Nuk ka asnjë tjetër që mund t’i subvencionojë me këtë nivel financimi”, kishte thënë Abrahamian, historian për Lindjen e Mesme.

Por, The Guardian thekson se MEK-u e ka mohuar gjithmonë se financohet nga Arabia Saudite. Radio Evropa e Lirë e ka kontaktuar zëdhënësin e kësaj organizate lidhur me financimin e MEK-ut në Shqipëri, por nuk ka marrë përgjigje deri në publikimin e këtij artikulli.

Për periudha të ndryshme nga viti 1997 deri në vitin 2013, MEK-u ishte listuar si organizatë terroriste në disa vende, si SHBA, BE, dhe Britani të Madhe.

Në vitin 2009, Britania e Madhe e kishte larguar MEK-un nga kjo listë. Njëjtë kishte vepruar edhe SHBA-ja, nën administratën e ish-presidentit Barack Obama, në vitin 2012. Në atë kohë, The Guardian kishte raportuar se për largimin e saj nga kjo listë ishte bërë një fushatë multimilionëshe.

MEK-u e cilësonveten si “grupin më të madh dhe më jetëgjatë të opozitës iraniane me një histori prej pesë dekadash të luftës për liri dhe demokraci në Iran”.

Por, më 21 qershor, Departamenti Amerikan i Shtetit tha se nuk e cilëson MEK-un si “lëvizje opozitare të qëndrueshme demokratike që përfaqëson popullin iranian” dhe theksoi se SHBA-ja nuk kontribuon në financimin e MEK-ut dhe nuk ofron asnjë mbështetje apo trajnim për pjesëtarët e kësaj organizate./REL

The post Çfarë dihet për financimin e MEK-ut? appeared first on Albeu.com.

Iranianët janë pyetur dje në lidhje me pretendimet se policia ka ushtruar dhunë ndaj tyre si dhe me sprajtin që kanë hedhur janë përgjegjës për humbjen e jetës së një anëtari në kamp.

Mësohet se edhe gjatë dëshmisë së dhënë dje ata kanë mbajtur po të njëjtin qëndrim.

Më herët, për këtë pretendim, autoritetet shqiptare deklaruan se nuk është ushtruar dhunë ndaj muxhahedinëve.

Policia dhe Prokuroria nuk kanë mundur të sekuestrojnë ende kamerat brenda kampit, dhe për këtë janë detyruar që me një kërkesë t’u drejtohen përfaqësuesve të muxhahedinëve për t’u dhënë pamjet e kamerave të sigurisë.

Ditën e sotme dhe në vijim pritet të merren në pyetje persona të tjerë iranianë, mes të cilëve edhe 6 personat që u proceduan në gjendje të lirë për 4 akuza.

Në lidhje me 78-vjeçarin që vdiq në kamp, Prokuroria e Durrësit është në pritje të autopsisë dhe përgjigjes së analizave toksikologjike./Albeu.com/

The post Kontrolli në kampin e MEK, Prokuroria merr në pyetje 10 muxhahedinë appeared first on Albeu.com.

Zhvillimet në arenën ndërkombëtare para ndërhyrjes së policisë në kampin MEK, dhe sidomos çfarë ndodhi dhe u tha pas futjes së policisë atje, tregojnë se aksioni i focave të rendit tek muxhahedinët ishte shumë më shumë se sa një çështje e zbatimit të ligjit.

Duket se gjithçka sapo ka filluar dhe gjasat janë që do të përfundojë me largimin e MEK nga Shqipëria.

SPAK nuk ka deklaruar ende konkretisht se për çfarë dyshon te muxhahedinët, por marrja e serverëve dhe rezistenca e banorëve të këtij kampi duke u përballur me policinë si dhe djegia e disa materialeve që gjendeshin aty tregojnë se gjërat kanë shkuar më thellë nga sa duket.

Zhvillimet në arenën ndërkombëtare

Shqipëria nuk ka këllqe që të zhvillojë politikë të jashtme të vetën, aq më tepër duke dalë përballë interesave të Shteteve të Bashkuara të Amerikës.

Nisur nga këto rrethana, AlbEu ngriti dje në mëngjes pyetjen: A është konsultuar qeveria shqiptare me amerikanët para se të futej në kampin e MEK? Reagimi i DASH si edhe deklarata e sotme e ambasadores Yuri Kim tregojnë se qënka konsultuar.

Pikërisht kjo gjë të bën të kuptosh se çfarë ndodhi dje ishte vetëm fillimi.

SHBA-të janë duke ngritur një aleancë botërore kundër Rusisë tashmë, ndërsa vizita e Sekretarit Blinken në Kinë tregon se kërkohet që kjo e fundit të paktën të mos bëhet pengesë.

Muajt e fundit është parë edhe një zbutje e gjakrave me Iranin dhe duke ditur që regjimi atje ka qenë vazhdimisht i shqetësuar ndaj mbështetjes së lobeve të djathta amerikane ndaj MEK, gjasat janë që këta të fundit të kenë qenë për diskutim në tavolinën e bisedimeve.

Nga ana tjetër, MEK është goditur edhe në Francë, ku edhe kanë qendrën kryesore politike, ç’ka tregon se ka një qasje të përgjithshme kundër tyre.

Qeveria shqiptare

Ndërhyrja e djeshme e policisë në kampin e MEK u shoqërua në fillim me shqetësimin nëse qeveria po futej në një kurs përplasjeje me amerikanët që kanë qenë deri më tani ata që kanë negociuar sjelljen e tyre këtu si edhe mbrojtjen, por gjatë pasdites u pa se gjithçka duket se ishte bërë të paktën duke marrë “leje”.

Ajo që tregoi shumë mbi qëllimet e qeverisë shqiptare ndaj MEK ishte deklarata e djeshme e Ministrisë së Brendshme, e cila edhe pse e vonuar, por edhe shkruar nxitimthi, mbartte një fjali të rendësishme: MEK shkeli marrëveshjen me shtetin shqiptar!

Ky ishte mesazhi që tregon se qeveria shqiptare ka hapur tashmë “lojën” për përgatitjen e terrenit për largimin e MEK-ut nga Shqipëria, të cilët duket qartësisht se nuk ishin vetëm për qëllime humanitare këtu pasi kryenin aktivitet të përvitshëm politik përmes kongreseve në hotelet më të shtrenjta të vendit, por edhe nxisnin raportimin e lajmeve dhe denoncimeve ndaj regjimit në Iran.

Amerikanët

Në reagimin e sotëm për REL, DASH la të kuptohej se MEK ishte kthyer në një shqetësim dhe se ata nuk do të bënin asgjë nëse qeveria shqiptare vijonte operacionet për zbatimin e ligjit. Kjo qasje u përforcua sot nga ambasadorja Yuri Kim, e cila theksoi se ata ishin miq dhe si të tillë duhej të zbatonin rregullat e vendit.

‘Ky është një vendim që duhet ta marrë qeveria shqiptare. Një gjë është e qartë ne mbështesim të drejtën e Shqipërisë për të zbatuar ligjet e saj në vendin e saj. Ka gjithashtu terma të caktuar të cilat zbatohen për çdo lloj mysafiri në vendin tuaj dhe kështu duhet të bëjnë edhe ato për ju, t’ju zbatojnë.’- tha Kim.

Mediat

Që prej ditës së djeshme në media të ndryshme ka filluar të artikulohet idea se MEK përbën rrezik për Shqipërinë dhe se ata duhet edhe të largohen nga vendi. Ky duket të jetë një mesazh i koordinuar dhe jo spontan pasi edhe pse përçohet përmes kanaleve të ndryshme, narrativa është e njëjtë: MEK duhet të largohet nga vendi ynë!

Destinacioni i këtij rrugëtimi është i qartë tashmë, por ajo që i mbetet shtetit shqiptar të bëjë është mbajtja nën kontroll e 3 mijë anëtarëve të MEK në Shqipëri, të cilët nuk duhet harruar se kanë qenë anëtarë të formacioneve të armatosura dhe kanë përgatitje ushtarake. /albeu.com

The post Si po bëhet gati qeveria për të larguar muxhahedinët nga Shqipëria appeared first on Albeu.com.

Kana’ani, përmes një postimi në Twitter ka deklaruar se muxhahedinët do të jenë gjithmonë një kërcënim për sigurinë e Shqipërisë, duke i cilësuar ato si terroristë.

Ai është shprehur se kjo ka qenë edhe arsyeja që qeveria i dëboi dhe qeveritë e tjera refuzuan t’i pranonin, ndërsa bën thirrje që Shqipëria ta marrë seriozisht kërcënimin.

Postimi në Twitter

Sipas lajmeve të publikuara, mëngjesin e 20 qershorit, policia shqiptare ka hyrë në kampin Ashraf për një inspektim në bazë të vendimit të Gjykatës së Lartë. Shkak i këtij veprimi është bërë kryerja e akteve kriminale dhe terroriste nga muxhahedinët në Shqipëri.

Autoritetet përkatëse të Shqipërisë njoftuan sekuestrimin e një sërë sistemesh elektronike dhe dronësh që muxhahedinët përdornin për të gjurmuar dhe drejtuar veprimet e tyre terroriste dhe thanë se ata shkelën marrëveshjen e vitit 2014 me Shqipërinë me veprime terroriste dhe kibernetike.

Muxhahedinët do të jenë gjithmonë një kërcënim për sigurinë e ushtrisë së tyre për shkak të natyrës së tyre terroriste.

Për këtë arsye, qeveria irakiane i dëboi dhe qeveritë e tjera refuzuan t’i pranonin. Shpresojmë që qeveria shqiptare të kompensojë gabimin e saj.

براساس خبرهای منتشره، صبح روز ۳۰ خرداد، پلیس آلبانی براساس حکم دادگاه عالی مبارزه با تروریسم آن کشور، اقدام به ورود به پادگان اشرف جهت بازرسی نمود. دلیل این اقدام، ارتکاب اقدامات مجرمانه و تروریستی توسط منافقین در آلبانی اعلام شد.۱/۳ pic.twitter.com/n0mXIYSh6V

— Nasser Kanaani (@IRIMFA_SPOX) June 21, 2023

Çfarë ndodhi dje në MEK?

Policia e Shtetit zhvilloi dje një kontroll të gjerë në kampin e Muxhahedinëve të MEK në Manzë të Durrësit pas një vendimi të lëshuar nga Gjykata e Tiranës. Gjatë kontrollit pati pëplasje mes policisë dhe muxhahedinëve në kamp, të cilët rezistuan për të dhënë dokumentacionin e kërkuar si edhe hapjen e të gjitha ambienteve.

Nga përplasja dhe përdorimi i gazit lotsjellës pati edhe një të vdekur si edhe disa të lënduar, ndërsa në kamp ka shkuar edhe një prokuror nga Prokuroria e Durrësit për të hetuar rrethanat e humbjes së jetës së muxhahedinit. Paraprakisht dyshohet se ia ndërroi jetë nga infarkti.

Ndërkohë, mësohet se nga kontrollet në kamp janë gjetur edhe servera, nga të cilët dyshohet se janë kryer sulme kibernetike. Nuk ka ende të dhëna nëse sulmet kanë qenë brenda vendit apo kanë shënjestruar vende të tjera.

Në një reagim të mëvonshëm Ministria e Brendshme tha se muxhahedinët kishin shkelur marrëveshjen pasi ata janë këtu vetëm për strehim dhe qëllime humanitare dhe jo për të kryer veprimtari të tjera. Pritet që në orët në vijim të jepet një informacion i detajuar nga Policia e Shtetit në lidhje me dyshimet e forcave të rendit dhe ecurinë e këtij operacioni./Albeu.com.

The post Ministria e Jashtme e Iranit thirrje Shqipërisë: Korrigjoni gabimin, MEK kërcënim për sigurinë tuaj appeared first on Albeu.com.

Mësohet se policia e Durrësit ka proceduar penalisht 6 persona nga kampi.

Këta persona janë vënë nën hetim për 4 vepra penale, shkatërrim prone për dhunimin e mjeteve të policisë, mosbindje e urdhrit të policisë, kundërshtim të vendimit të gjykatës, dhe goditje për shkak të detyrës.

Sakaq lidhur me tensionet dhe dhunën e pretenduar të policisë nga anëtarët e MEK, pritet që të merren në pyetje disa persona nga brenda kampit.

Prokuroria e Durrësit vijon punën për të zbardhur atë çfarë ndodhi të martën brenda kampit, ku përfaqësues të MEK pretendonin se janë dhunuar dhe një person ka humbur jetën.

Çfarë ndodhi dje në Manzë?

Policia e Shtetit zhvilloi dje një kontroll të gjerë në kampin e Muxhahedinëve të MEK në Manzë të Durrësit pas një vendimi të lëshuar nga Gjykata e Tiranës. Gjatë kontrollit pati pëplasje mes policisë dhe muxhahedinëve në kamp, të cilët rezistuan për të dhënë dokumentacionin e kërkuar si edhe hapjen e të gjitha ambienteve.

Nga përplasja dhe përdorimi i gazit lotsjellës pati edhe një të vdekur si edhe disa të lënduar, ndërsa në kamp ka shkuar edhe një prokuror nga Prokuroria e Durrësit për të hetuar rrethanat e humbjes së jetës së muxhahedinit. Paraprakisht dyshohet se ia ndërroi jetë nga infarkti.

Ndërkohë, mësohet se nga kontrollet në kamp janë gjetur edhe servera, nga të cilët dyshohet se janë kryer sulme kibernetike. Nuk ka ende të dhëna nëse sulmet kanë qenë brenda vendit apo kanë shënjestruar vende të tjera.

Në një reagim të mëvonshëm Ministria e Brendshme tha se muxhahedinët kishin shkelur marrëveshjen pasi ata janë këtu vetëm për strehim dhe qëllime humanitare dhe jo për të kryer veprimtari të tjera. Pritet që në orët në vijim të jepet një informacion i detajuar nga Policia e Shtetit në lidhje me dyshimet e forcave të rendit dhe ecurinë e këtij operacioni./Albeu.com.

The post Operacioni i policisë dhe përplasja me muxhahedinët, procedohen penalisht 6 persona appeared first on Albeu.com.

I ftuar në “ABC e Mëngjesit”, ai ka zbuluar se në morg i kanë thënë që lajmin duhet ta bënin siç donin muxhahedinët.

“Nuk është thënë fare, por dje është kërcënuar me vdekje një gazetare. I kanë thënë që e shikon këtë viktimën këtu se kanë vajtur deri në morg gazetarët. ‘Mos mendoni ta bëni ndryshe lajmin se edhe ti do bëhesh si kjo’, i kanë një vajze gazetare dhe unë jam habitur. I thash: ‘Si ka mundësi? Po ju ça i thatë? Ç’është ky kërcënim që bëhet? Për çfarë arsye?’. Se edhe këto telefonat që bëhen janë censurë dhe më thua mua, pse flet ti, a je bërë ti bashkëpunëtor me Iranin, a na shitët ne. Unë jam një profesor që flas kur shikoj 15 policë të plagosur, në momentin që Policia e Shtetit tim goditet, unë flas. I kam mesazhet këtu, por nuk janë të natyrës kërcënuese, prandaj nuk i nxjerr”, u shpreh eksperti.

Kujtojmë që brenda kampit dyshohet se kishte një bazë të ngritur që ishte në kundërshtim me rregullat e shtetit. Kontrolli është urdhëruar nga SPAK pasi ka pasur dyshime se banorët brenda kampit kanë qenë të përgjuar nga persona të inflirtuar nga Irani.

The post “Gazetarja u kërcënua me vdekje”, Karamuço rrëfen episodin e djeshëm appeared first on Albeu.com.

Lidhur me këtë incident eksperti për sigurinë dhe kriminalistikën, Ervin Karamuço, duke folur për Abcnews, thekoi se rezistenca e anëtarëve të MEK gjatë ndërhyrjes së policisë, vërtetoi dzshimet e organeve tona ligjzbatuese dhe atyre partnere.

“Ky detaj do të thotë që ne vërtetuam të gjithë dyshimet që kishin organet tona të inteligjencës dhe partnerët, përfshirë edhe organet e Iranit, që na kanë kërcënuar që në rast ju nuk do të bllokoni pajisjet që i sulmojnë, ne do ta godasim kampin me dronë. Ky kërcenim është mbajtur sekret për të mos ngritur panik. Ka qenë shumë e shqetësuar qeveria shqiptare, që kishte vetëm këtë agjendë.

Marrëveshje e 2014 ka dy kushte. Të mos bëhet veprimtari politike dhe të mos kryhen vepre penale, si ndaj njëri-tjetrit si ndaj republikës islamike të Teheranit dhe kjo e dyta u prish” u shpreh Karamuço.

Pas operacionit të sotëm, Karamuço tha se do të ketë emra konkrete që do të arrestohen dhe po ashtu do të arrestohen edhe persona të tjerë që sot kanë kundërshtuar efektivët e policisë.

Karamuço theksoi se sot  nuk është bërë kontroll në të gjitha godinat dhe se dyshohet edhe për armë, burgje, persona që fshihen dhe teknologji që regjistronin filmimet e policisë.

“Në vazhdim do të ketë emra konkret që do të arrestohen. Do të arrestohen edhe të tjerë persona që kanë kundërshtuar me force duke plagosur efektivë.

Policia shqiptare për shkak të rezistencës nuk ia doli të kontrollonte të gjitha godinat ku dyshohet se mund të këtë edhe pajistë tjera, dyshohet edhe për armatim. Ka dyshime për dhoma sigurie, për burgje brenda këtij kampi, ka dyshime për persona që fshihen, ka dyshime për një teknologji që regjistron të gjithë filmimet e policisë” përfundoi ai.

The post Incidenti në kampin e MEK, Karamuço: Rezistenca e muxhahedinëve vërtetoi dyshimet tona dhe të partnerëve appeared first on Albeu.com.

Duke iu përgjigjur pyetjeve të gazetarëve gjatë një koneference me drejtorin e Policisë së Shtetit, Muhamet Rrumbullaku, Çuçi tha se nuk ka prova për diçka të tillë.

“Jo nuk kemi asnjë të dhënë në lidhje me këtë gjë. Nuk kemi asnjë provë të tillë”, tha Çuçi.

The post Sulmet kibernetike në Shqipëri, Çuçi: Nuk kemi prova nëse kanë ardhur nga kampi appeared first on Albeu.com.

I pyetur nga mediat se a u konsultuan Policia Shqiptare me aleatët amerikanë për ndërhyrjen në kampin e MEK, Çuçi tha se SHBA-të janë partnerë strategjikë të Shqipërisë, dhe se çdo vendimarrja apo zbatim ligji është në një linjë me aleatët.

Pyetje: A jeni konsultuar më aleatin strategjik SHBA për ndëryrjen në kampin e MEK?

Çuçi: Në radhë të parë duhet tu bëjmë të qartë qtyre të këshillit në muxhahedinëve në PAris, se nuk ka patur dhunë në asnjë moment, nuk e di se nga kanë dalë ata në konluzionin që ka patur dhunë, e kundërta ka ndodhur. Duhet ta kenë të qartë ata dhe çdokush që vendimet e gjykatës nuk kundërshtohen por zbatohen. Ata as nuk pranuan të lexonin vendimin e gjykatës, por kaluan më tej duke kyer veprimi kundërshtuese. Ajo deklarata për dhunë duhet të tërhequr mbprash se nuk ka patur dhunë. Nëse gjëndet vetëm një rast kur janë prekur ata mund ta nxjerrin. Ata të jenë të qartë se çdo vendim i gjykatave do të respektohet deri në fund. në lidhje me partnerët duhet të dini se amerikanët nuk janë pjesë e marrëveshjes, ata janë partnerët tanë strategjikë. Ata janë në një linjë me ta për ybatimin e ligjit, për këtë të jeni të sigurtë

The post A jeni konsultuar më aleatin strategjik SHBA për ndëryrjen në kampin e MEK? Përgjigjet Çuçi appeared first on Albeu.com.