Vit i vështirë për shëndetin, Mehdi Malkaj: Më kanë ngrënë sysh!

D Marku — Thu, 19 Dec 2024 15:00:41 +0000

Aktori i njohur shqiptar, Mehdi Malkaj, ka qenë i ftuar në emisionin Quo Vadis në Vizion Plus, ku ka ndarë me publikun disa nga momentet më të vështira të jetës së tij. Ai ka zbuluar se vitin e kaluar ka kaluar një periudhë të vështirë shëndetësore, duke iu nënshtruar pesë operacioneve për shkak të problemeve me zemrën. Edhe pse nuk ka qenë në gjendje optimale, Malkaj theksoi se ka gjetur forcë të vazhdojë të bëjë humor, madje dhe gjatë kohës që ishte i shtruar në spital, duke e argëtuar ambientin dhe pacientët e tjerë.

Biseda në studio:

Pyetje: Ishte një periudhë e vështirë për ju?

Malkaj: Po, ka qenë viti i kaluar dhe ky, ku kam kaluar pesë operacione, disa të lehta, disa më serioze. Tani jam më mirë. Nuk kisha përdorur asnjë aspirinë deri në atë moment.

Pyetje: Si e mbajti energjinë për të kaluar këtë periudhë?

Malkaj: E gjej energjinë te jeta. Të gjithë ata që më shihnin, vraponin për të më ndihmuar. Unë i grumbullova dhe u kërkova një foto. Më erdhi doktori një mëngjes dhe më pyeti: “Si je?” Unë i thashë: “Nëse e njeh doktorin që kujdeset për mua, nuk do më bënit këtë pyetje.” Ai u habit dhe më tha: “Po si unë që merrem me ty?”. Kur më tha që do eci pak nëpër korridor, u mora me të tjerët dhe fillova të bëj shaka me ta.

Pyetje: U ktheve humorin të sëmurëve, duke menduar që ti vetë kishe vetëm sy, nuk kishe gjë nga zemra?

Malkaj: Më hëngrën me sy, më grinë.

The post Vit i vështirë për shëndetin, Mehdi Malkaj: Më kanë ngrënë sysh! appeared first on Albeu.com.

“Mehdi” largohet nga seriali, “Zejnep” i jep lamtumirën e prekur

A M — Thu, 01 Apr 2021 10:52:29 +0000

Aktorët Ibrahim Çelikkol dhe Demet Ozdemir treguan se patën shumë kimi mes tyre në serialin “Shtëpia ime, fati im”. Kjo solli edhe sukses për serialin, i cili transmetohet edhe në vendin tonë në TV Klan. Një lajm i fundit i ka trishtuar fansat pasi Ibrahim, i cili luan rolin e “Mehdiut” do të largohet nga seriali. “Mehdi” do të qëllohet për vdekje në episodin që pak javë më vonë do të transmetohet edhe në Shqipëri.

Me largimin e Ibrahim Çelikkol, Demet ka publikuar një postim ku i jep lamtumirën e prekur kolegut të saj dhe partnerit në serial.

“Ti gjithmonë më ke mbështetur. Do ta shoh të kaluarën time e lumtur sepse kam luajtur krah teje. Je njeri kaq i mirë. Jam e lumtur që rrugët tona u bashkuan për këtë serial. Do të jem gjithmonë mirënjohëse që je treguar tolerant ndaj meje. Rruga jote e re qoftë e lumtur, historia jonë ka mbaruar këtu, por do të qëndrojë gjithmonë në jetën time. Lamtumirë Mehdi”-shkruan Demet.

View this post on Instagram

A post shared by Demet Özdemir (@demetozdemir)

The post “Mehdi” largohet nga seriali, “Zejnep” i jep lamtumirën e prekur appeared first on Albeu.com.

mehdi Archives - Albeu.com

Vit i vështirë për shëndetin, Mehdi Malkaj: Më kanë ngrënë sysh!

“Mehdi” largohet nga seriali, “Zejnep” i jep lamtumirën e prekur