Operacioni blic është shtrirë në disa qytete të qarkut, përfshirë Prrenjasin, Librazhdin, Gramshin, Peqinin, Cërrikun, Belshin dhe Elbasanin.

Gjatë kontrolleve të ushtruara nga forcat e Policisë së Shtetit, janë sekuestruar të paktën tre armë zjarri të tipit kallashnikov, disa pistoleta, si dhe sasi të konsiderueshme të drogërave të ndryshme.

The post Megaoperacion në disa qytete të vendit, 40 persona të arrestuar appeared first on Albeu.com.

Sipas inflamacioneve, janë lëshuar mbi 200 urdhër arresti për persona të përfshirë në këtë veprimtari kriminale.

Raportohet se Tirana ka qenë epiqendra e operacionit me numrin më të madh të të arrestuarve.

Sakaq, në këtë operacion janë goditur disa grupe të shpërndarjes së drogës.

Prej disa muajsh, ata po mbaheshin nën vëzhgim dhe janë dokumentuar me prova ligjore përfshirja e të arrestuarave në trafikimin e drogës.

The post Megaoperacioni/ Policia shkatërron disa grupe të shpërndarjes së drogës appeared first on Albeu.com.

Në total janë 6 persona të arrestuar tre në Spanjë, dy në Holandë dhe një në SHBA, për krimet e dyshuara të trafikut të drogës, pastrimit të parave dhe anëtarësimit në një organizatë kriminale.

E para nga këto sekuestrime ndodhi në portin e Bilbaos në prill të vitit 2020, ku u kapën 1.1 ton kokainë në një kontejner detar nga Ekuadori, i kamufluar brenda një ngarkese të ligjshme bananesh.

Ky arrestim, u mundësoi agjentëve spanjollë të fillonin operacionin, duke i vënë në gjurmët e kësaj organizate të rëndësishme kriminale ndërkombëtare të specializuar në trafikun e gjerë të drogës.

Me kalimin e muajve, u bë e mundur të identifikoheshin disa kompani importi frutash të krijuara për të futur ngarkesa të mëdha kokaine në Spanjë përmes kontejnerëve detarë, të gjitha në Madrid.

Ndërkohë, autoritetet spanjolle mundën të kapnin një tjetër ngarkesë në portin e Algeciras me 1 ton 152 kilogramë kokainë në shtator 2021 dhe më pas, një tjetër ngarkesë prej 96 kilogramësh kokainë në nëntor 2022, të dyja të menaxhuara dhe të koordinuara nga e njëjta organizatë kriminale.

Hetimi është bazuar në analizat shteruese të kryera prej muajsh mbi sistemet bashkëkohore të enkriptuara të bisedave, të cilat përdoreshin nga kjo organizatë në komunikimet e saj me të vetmin objektiv për të shmangur veprimet e policisë në lidhje me operacionet e trafikut të drogës.

Falë kësaj analize është bërë e mundur identifikimi i plotë i personave më përgjegjës për këtë rrjet biznesi, të vendosur në vende të ndryshme, të cilët kanë menaxhuar drejtpërdrejt futjen në Spanjë të këtyre dërgesave të kokainës nga dërgesa e tyre në origjinë.

Për të gjitha këto arsye, u krye faza përfundimtare e këtij operacioni, duke u kryer gjithsej gjashtë kontrolle në shtëpi njëkohësisht, katër prej tyre midis provincave të Madridit dhe Alicantes, dhe dy të tjerat në kryeqytetin holandez.

Në to u arrestuan pesë persona, tre në Spanjë dhe dy në Holandë, të gjithë të lidhur drejtpërdrejt me menaxhimin e ngarkesave të sekuestruara të kokainës.

Të arrestuarit akuzohen për krimet e dyshuara të trafikut të drogës, pastrimit të parave dhe anëtarësimit në një organizatë kriminale, për futjen e 2348 kilogramëve kokainë në Spanjë.

Bashkëpunimi mes të gjitha forcave të policisë, ka qenë i vazhdueshëm dhe i drejtpërdrejtë gjatë gjithë hetimit, gjë që ka lejuar autoritetet e SHBA të arrestojnë një trafikant të njohur droge me origjinë shqiptare, me banim në Shtetet e Bashkuara.

Ai akuzohet për drejtimin e një rrjeti të gjerë të trafikut të drogës që shpërndante kokainë në më shumë se 15 vende, duke përfshirë Spanjën, me sa duket duke planifikuar të ndërtonte një “dron nënujor” me kapacitetin për të transportuar në mënyrë autonome sasi të mëdha kokaine midis Amerikës së Jugut dhe Evropës.

Ky hetim në SHBA përkon me atë të kryer në Spanjë pas kapjes së kokainën në Portin e Bilbaos.

Operacioni është drejtuar në Spanjë nga Gjykata Qendrore e Udhëzimit Nr.2 të Gjykatës Kombëtare dhe ka pasur bashkëpunimin e Policisë holandeze dhe agjencisë amerikane kundër drogës DEA.

The post Megaoperacion SHBA-Spanjë-Holandë, kapet shqiptari “koka” e trafikut të kokainës në 15 shtete appeared first on Albeu.com.

Mësohet se forcat e policisë kanë blinduar Fushë Kuqen dhe kanë rrethuar banesën e lokalin e Gëzim Çelës.

Operacioni i madh policor është shtrirë në Tiranë, Krujë, Durrës, Vlorë dhe Kurbin. Mësohet se mes të arrestuarve, është dhe një shefi i komisariatit të Kurbinit, Dritan Meta.

Operacioni i sotëm është vijimësi e megaoperacionit të koduar “Flakë në det” ku u arrestuan 6 persona.

1-Arlind Ismailukaj, 47 vjeç, banues në Tiranë;

2-Armando Mema, 37 vjeç, banues në Tiranë;

3-Nerim Çela, 40 vjeç, banues në Fushë Kuqe, Laç;

4-Besnik Brokeri, 51 vjeç, banues në Vlorë;

5-Kyrylo Ponomarenko, 39 vjeç, banues në Ukrainë;

6-Kostiantyn Biellon, 44 vjeç, banues në Ukrainë.

Gëzim Çela nuk është emër i panjohur për policinë. Ai akuzohet për veprat penale “Trafikimit i lëndëve narkotike”, të kryer në bashkëpunim dhe “Prodhim dhe mbajtje pa leje e armëve”, si dhe për shfrytëzim prostitucioni. Ai ka qenë më herët subjekt i “OFL”-së teksa ka mundur t’i shpëtojë drejtësisë.

Aktiviteti i Çelës ka nisur pak më herët se në vitin 2014 kur në bashkëpunim me persona nga Kosova kanë krijuar një rrjet të trafikimit të kokainës nga vendet e Amerikës Latine drejt Kosovës dhe Shqipërisë për ta shpërndarë më pas në të gjithë Europën dhe më tej./Albeu.com/ 

The post SPAK megaoperacion në disa qytete, blindohet banesa e Gëzim Çelës në Fushë-Kuqe, një shef policie në pranga appeared first on Albeu.com.

Në kuadër të këtij aksioni janë lëshuar 15 urdhër arreste.

Të ndaluarit kanë qenë në qytetin e Elbasanit dhe të Lushnjes.

Këto ndalime nga policia kanë ardhur për shkak të bashkëpunimit të një të arrestuari me autoritetet.

I arrestuari, identiteti i të cilit nuk bëhet me dije, ka pranuar të rrëfejë gjithçka duke nxjerrë zbuluar një grup vrasësish me pagesë, të përfshirë në disa ngjarje kriminale.

Urdhërarrestet janë lëshuar nga Prokuroria e Elbasanit, ndërsa më pas dosja do i kalojë SPAK-ut për procedura të tjera hetimore.

Mësohet se janë zbardhur 6 vrasje, të cilat ishin nën hetim. Mes tyre janë zbardhur edhe pesë atentate me eksploziv.

Raportohet se vrasjet kanë qenë të kryera me pagesë, ndërsa dy prej tyre janë kryer në Greqi.

/Albeu.com/ 

The post Megaoperacion policor në Elbasan e Lushnje, bashkëpunëtori i policisë “fundos” grupin e vrasësve me pagesë appeared first on Albeu.com.

Mësohet se mes të arrestuarve është edhe një polic, teksa janë bërë me dije edhe emrat e disa prej të arrestuarve të tjerë.

Bëhet fjalë për shtetasin Saimir Hysa, i cili është ndaluar nga AMP për këtë procedim. Po ashtu mësohet se pas hekurave ranë dhe shtetasit Glidi Ballolli, Francesk Braho, Evis Duzha, Rapi Malaj, Sajmir Rexhepi, Stiven Faqolli. Polici akuzohet për shpërndarje droge dhe armëmbajtje pa leje, trafik veprash arti dhe shpërdorim dhe përkrahja të autorit.

Ky operacion i madh kombëtar anti-droge nga toka dhe ajri u zhvillua në Tiranë dhe gjithë Shqipërinë.

Sipas burimeve është sekuestruar mbi 3 kg kokainë.

Përveç 3 kg kokainës së sekuestruar, sasia e kanabisit të kapur është edhe më e madhe pasi nuk është peshuar ende. Është konstatuar edhe një lloj droge e re e cila vinte nga jashtë, kryesisht me postë.

Gjatë kontrolleve në banesat e të arrestuarve janë kapur qindra doza kanabisi, si dhe janë sekuestruar shuma të mëdha parash.

The post EMRAT/ Megaoperacioni anti-drogë, mes të arrestuarve një polic appeared first on Albeu.com.

Në Tiranë, në megaoperacioni antidrogë “Kutia e Pandorës” shkatërroi një grup kriminal dhe vuri në pranga 4 pjesëtarë të tij që shpërndanin sasi dhe doza drogash të forta.

Policia e sekuestroi 6 kg dhe 1100 doza heroinë dhe kokainë, si dhe shuma të konsiderueshme parash në lekë dhe në euro. Megaoperacioni vijon, për ta zbardhur plotësisht këtë veprimtari kriminale dhe për të vënë në pranga të gjithë autorët e saj.

Operacioni “Rrjeta” në Shkodër, evidentoi dhe goditi transportimin e 16 emigrantëve, me 3 automjete, me qëllim kalimin e paligjshëm të kufirit.

Raste vjedhjesh u goditën nga Policia e Tiranës dhe e Durrësit. Operacioni “Gracka” në Tiranë, vuri në pranga një shtetase, pasi kishte vjedhur para në banesën që mirëmbante, ndërsa operacioni “Eleven” në Durrës, vuri në pranga shtetasin S. T., pasi vodhi gjatë këtij viti, 11 biçikleta.

Policia e Durrësit zbardhi se një aksident me pasojë vdekjen, i ndodhur ditën e djeshme, kishte për shkak përplasjen nga një automjet, drejtuesi i të cilit u largua nga vendi i aksidentit, por u arrestua brenda 24 orëve.

Në Fier u finalizua operacioni “Tregu” që vuri në pranga pronarin e një biznesi të paregjistruar, i cili shiste celularë dhe pajisje të tjera elektronike të kontrabanduara./albeu.com

The post “Kutia e Pandorës”, arrestohen 4 anëtarë të një grupi kriminal në Tiranë appeared first on Albeu.com.

Abc ka siguruar videon e megaoperacionit të zhvilluar në Frakull të Fierit ku ndodhej laboratori i drogës. Laboratori është gjetur në banesën e ish-kryeplakut të fshatit Frakull, Viktor Çervanaku i cili jeton në Tiranë.

Mes të arrestuarve janë edhe dy shtetas kolumbianë, pasi ishin ata që të cilët bënin përpunimin e kokainës.

Deri tani janë arrestuar 15 persona, katër prej të cilëve në Tiranë. Të arrestuarit janë mbajtur nën vëzhgim dhe janë përgjuar prej disa kohësh.

Ndërkohë, në laboratorin që u zbulua në fshatin Fratar të Fierit janë kapur edhe 2 kallashnikov, një shotgun dhe një çifte.

Burime bëjnë me dije se sasia e drogës ka mbërritur në portin e Tivarit, prej ku është transportuar në Fier. Prej së paku 3 muajsh personat e përfshirë janë mbajtur nën përgjim, ndërsa sot është ndërhyrë.

The post Megaoperacioni në Fier ku ndodhej laboratori i “të bardhës”, dalin pamjet (VIDEO) appeared first on Albeu.com.

Kujtojmë që falë këtij operacioni ditën e djeshme u sekuestrua një arsenal armësh, ku u arrestuan dy shtetas, dy u proceduan penalisht dhe një u shpall në kërkim.

Ditën e sotme është zbuluar një magazinë e përshtatur për kultivimin e bimëve narkotike me anë të llambave dhe dy armë, një kallashnikov dhe një pistoletë.

Njoftimi:

Vijon megaoperacioni policor i koduar “Qarku”

Finalizohet faza e 9-të e këtij megaoperacioni.

Zbulohet një magazinë e përshtatur për kultivim të bimëve narkotike, me anë të llambave.

Policia gjen dhe sekuestron edhe 2 armë zjarri me silenciator (kallashnikov dhe pistoletë).

Gjenden dhe sekuestrohen edhe fara kanabisi që do të kultivoheshin në ambientin e përshtatur me llamba.

Arrestohet në flagrancë 35-vjeçari, poseduesi i sendeve të kundërligjshme.

Në vijim të megaoperacionit policor të koduar “Qarku”, strukturat e Komisariatit të Policisë Shkodër, në bashkëpunim me Forcën e Posaçme “Shqiponja”, bazuar dhe në inteligjencën informative, finalizuan me sukses fazën e 9-të të këtij megaoperacioni, në kuadër të së cilës u bë kapja dhe arrestimi në flagrancë i shtetasit:

Altin Palushi., 35 vjeç, banues në fshatin Beltojë, Shkodër.

Gjatë kontrollit të ushtruar nga Policia, në fshatin Beltojë, u zbulua një magazinë e përshtatur për kultivimin e bimëve narkotike, me anë të llambave.  Në cilësinë e provës materiale u sekuestruan 35 llamba dhe pajisje të tjera elektrike që përdoren për këtë aktivitet kriminal.

Po në vijim të operacionit, në banesën e këtij shtetasi u gjetën dhe u sekuestruan në cilësinë e provës materiale 2 armë zjarri me silenciatorë (kallashnikov dhe pistoletë), municion luftarak, një sasi farash kanabisi dhe një sasi vlerash monetare.

Një ditë më parë u finalizua faza e 8-të e këtij megaoperacioni, si rezultat i së cilës u sekestruan 2 armë zjarri, 2 radio policie, 3 mina me telekomandë, një bllokues valësh, 1.6 kg eksploziv C4, 2 armë gjahu, 1 armë sportive e munion luftarak. 2 shtetas u vunë në pranga, 1 u shpall në kërkim, ndërsa 2 të tjerë po procedohen penalisht.

Vijon…

The post EMRI/ Megaoperacion në Shkodër, zbulohet një “shtëpi bari” dhe armë zjarri appeared first on Albeu.com.

Mediat belge raportojnë se gjatë këtij operacioni mëngjesin e sotëm janë arrestuar 30 persona.

Operacioni u zhvillua sot rreth orës 04:00 të mengjesit ku u kontrolluan mbi 30 shtëpi ndërsa arrestoi disa persona në Belgjikë, Spanjë, Itali, Gjermani, Kroaci dhe Holandë.

Media belge “HLN” shkruan se nuk është hera e parë që mafias shqiptare i jepet një goditje.

Eric Jacobs, drejtor i Policisë Gjyqësore Federale të Brukselit u shpreh se kanë zbuluar një botë të re kriminale.

The post Megaoperacion i policisë belge, arrestohen 30 shqiptarë appeared first on Albeu.com.