Rritje e jashtëzakonshme për 22-vjeçarin, i cili ka spikatur në pjesën e parë të sezonit. Te Leçe bëhet lojtari i tretë më i vlerësuar. Vlera e tij nga lojtarët që përfaqësojnë Shqipërinë është e barabartë me Ardian Ismajlin, që mban vendin e gjashtë.

Berisha po kalon një dëmtim, i cili pritet ta mbajë edhe për rreth 3 javë jashtë fushave të blerta. Sa i përket vlerës së tij, mund të thuhet se nga fundi i vitit 2024 ku vlente 1 milion euro, rritja është e dukshme.

Berisha numëron paraqitje me Kombëtaren në dy miqësore, një ndeshje të Ligës së Kombeve dhe një tjetër në Europianin e Gjermanisë. Për kualifikueset e fundit të Botërorit nuk mori asnjë minutë.

The post Vlera e re e vendos krah Ismajlit, Medon Berisha shton miliona euro në treg appeared first on Albeu.com.

Berisha u largua me barelë dhe lot.

Pas sfidës së fituar në Seria A, presidenti i Leçes dha informacionet e para. Stiki Damiani, tregoi se Berisha mund të mos ketë diçka serioze, ndërsa bëhet fjalë për problem muskulor.

“Kanë mbërritur disa lajme të para, duket se bëhet fjalë për një problem muskulor, por t’i marrim me rezervë. Shpresojmë të mos jetë asgjë serioze”, u shpreh presidenti i Leçes.

Berisha po shkëlqente me Leçen dhe ishte kthyer në titullar të padiskutueshëm. Plot tre herë e ka fituar çmimin si lojtari i ndeshjes në Seria A.

Në përfundim të ndeshjes, fjalët e para të Ramadanit shkuan pikërisht për Medon Berishën: “Më vjen shumë keq për Berishën, për vëllain tim të vogël. Dëmtimi i tij më shqetëson, e presim sa më shpejt në fushë”, u shpreh Ramadani.

Pas ndeshjes, edhe trajneri Eusebio Di Francesco, theksoi se kjo fitore u zbeh nga dëmtimi i Berishës, duke vërtetuar peshën e mesfushorit kuqezi brenda ekipit.

The post Mes lotësh dhe me barelë, dëmtimi i Berishës trondit Leccen, Ramadani: Jam i shqetësuar për vëllain tim të vogël (VIDEO) appeared first on Albeu.com.

“Jam i lumtur me golin tim, por edhe më i lumtur me tre pikët që morëm në shtëpi. Festimi ime? Nuk i drejtohet askujt. Është një shaka që e luajmë mes miqsh, por nuk është për askënd në veçanti. Urime djemve, bënë një punë të shkëlqyer, madje edhe ata që hynë si zëvendësues, por edhe ata që nuk luajtën.

Ndeshja nuk ishte e lehtë sepse ata ishin nën presion nga tifozët, klubi dhe dhomat e zhveshjes. Atmosfera ishte e tensionuar. Tifozët filluan të këndonin kundër tyre para fillimit të ndeshjes. Shkuam atje me qetësi, për të luajtur, për të fituar dhe në fund ia dolëm. Ishim shumë të përqendruar dhe kishim sjelljen e duhur. Në 10 minutat e para na vunë pak në vështirësi. Nuk mundëm të gjenim ekuilibrin tonë, as midis vijave. Por isha i qetë gjatë gjithë ndeshjes sepse ata nuk ishin të rrezikshëm. Kur u dha penalltia, mendova, ‘Nuk mund ta besoj, nuk mund ta hedhim poshtë një ndeshje të shkëlqyer si kjo’. Në fund, VAR na ndihmoi pak.

Ndeshjen e fundit në Firence e luajta si mesfushor sulmues dhe nuk e prisja, ndërsa pesë të tjerat i luajta si mesfushor mbrojtës, por për mua, nuk ndryshon shumë. Ishim të mirë dhe kompakt. Dua të përgëzoj të gjithë linjën mbrojtëse, por të gjithë e ndihmuan ekipin, madje edhe Bandën dhe Stuliçin.

Goli? Më kujtohet vetëm që bëra rrëshqitjen dhe i thashë vetes ‘tani do të ndodhë diçka’. E ndjeva, sepse e fituam topin në një zonë shumë lart në fushë. Kur Stuliç e hapi në krah për Morenten, duke e njohur atë si lojtar, kur e pashë të krosonte, mendova se do të shkonte në shtyllën e largët.

Unë dhe Ramadani jemi si vëllezër, ai ishte shumë i lumtur me golin tim. Telefonata ime e parë pas ndeshjes? Nga babai im; ai më nguliti këtë pasion për futbollin. Ai ishte shumë i lumtur, por edhe mamaja ime, e cila tha ‘bravo!’

Jam te Leçe prej katër vitesh dhe e njoh mirë ambientin. Ndihem pak si një lider këtu. Por ka edhe liderë të tjerë në ekip, si kapiteni ynë Falkone, Ramadani dhe Gaspar. Por e përsëris, edhe unë ndihem si një lider.

Pozicioni në fushë? Me Xhampaolon isha mesfushor qendre, për të loja fillonte nga mbrapa. Tani po shkoj më mirë me trajnerin Di Françesko, sepse luaj midis vijave dhe kam më shumë liri lëvizjeje.

Fanella me numrin 10 është një ëndërr. Gjithmonë e kam pasur që nga Primavera, madje edhe në të kaluarën dhe mendova se do të doja ta vishja edhe në ekipin e parë. Idhulli im ka qenë gjithmonë Modriç, ai është ende.

Tifozët? Gjithmonë them: tanët janë të mrekullueshëm, ata gjithmonë na ndjekin dhe na inkurajojnë. Do të më mungojnë shumë kur të largohem, ose më saktë, kur të ndaloj së luajturi”, tha ndër të tjera Berisha në intervistën e tij të gjatë.

The post “Idhulli im mbetet Modriç”, Medon Berisha po i mahnit të gjithë në Serinë A: Ramadani si vëlla, Di Françesko më dha liri appeared first on Albeu.com.

Trajneri Stefano Pioli është me “valixhe” në duar tashmë. Kjo për shkak se Fiorentina ndodhet në zonën e ftohtë dhe në përfundim të javës së 10-të numëron vetëm 4 pikë.

Ardian Ismajli ishte protagonist për Torinon, që barazoi me rezultatin 2-2 ndaj Pizës.

Ismajli asistoi golin e parë për skuadrën e tij (goli i asistuar nga Ismajli: VIDEO), që më pas vendosi baraspeshën. Kristjan Asllani ndërkoi qëndroi në stol për këtë takim.

Goli i Medon Berishës: (VIDEO)

The post VIDEO/ Goli i Medon Berishës vendos ndeshjen, Pioli merr “valixhet” te Fiorentina! Ismajli asiston te sfida tjetër appeared first on Albeu.com.

Berisha foli për DAZN për rezultatin e kësaj ndeshjeje, duke mos e fshehur keqardhjen e tij.

“Rezultati na lë një shije të hidhur, besuam deri në fund dhe donim të qëndronim në ndeshje deri në minutën e fundit. Përsa i përket golit, në goditjet e dënimit, trajneri më kërkon gjithmonë të marr iniciativën”,-u shpreh Medon Berisha

Medon Berisha, më pas shprehu vendosmërinë e tij për ndeshjet e ardhshme të skuadrës së Lecces, ndërkohë që foli edhe për paraqitjet e futbollistëve që u aktivizuan si zëvendësues në përballjen me Udinesen.

“Duhet të hyjmë me të njëjtin shpirt luftarak. Mund ta përballojmë çdo skuadër nëse luajmë me këtë qëndrim’-vijoi Medon Berisha-Po, grupi është i bashkuar. Ata që hynë, si N’Dri dhe Banda, na ndihmuan shumë dhe bënë mirë. Duhet të bazohemi nga pjesa e dytë dhe nga ajo që treguam aty”.

Vlen të theksojmë se Medon berisha u vlerësua me një notë të lartë, 8.1 nga portali i specializuar i statistikave ‘Sofa Score’.

The post Shënoi supergol me goditje dënimi, Medon Berisha: Trajneri më kërkon të marr iniciativën appeared first on Albeu.com.

Klubi bardhekaltër është në kërkim të një futbollisti teknik, dinamik, të aftë për të interpretuar më së miri detajet taktike dhe lojën e trajnerit të Lazios.

Një nga kandidaturat është edhe mesfushori shqiptar Medon Berisha, aktualisht pjesë e Leçes në kampionatin italian.

The post Lazio kërkon të përforcojë mesfushën, në shënjestër Medon Berisha appeared first on Albeu.com.

Falë vizonit të lojës Medon Berisha ka arritur që të bëjë për vete trajnerin, i cili thuhet se edhe sot ti besojë shqiptarit “çelsat” e ekipit.

Nëse ajo çfarë shkruan shtypi italian do të ishte e vërtetë atëherë mund të themi se hierarkitë në skuadrën e Leçes kanë ndryshuar dhe se Ylber Ramadani tashmë është zëvendësuesi i Berishës.

Ky ndryshim është mjaft interesant duke parë se të dy lojtarët janë në planet e Silvinjos, i cili shumë shpejt mund të jenë nën trysni për të provuar Berishën si titullar edhe te Shqipëria edhe pse në atë pozicion aktivizohet Asllani.

The post Berisha “ul” në stol Ramadanin, Xhampaolo i beson vendin e titullarit në ndeshjen përballë Lacios appeared first on Albeu.com.

Jo vetëm kaq, por dhe vendosi rekord si lojtari më i ri që ka mbajtur ndonjëherë veshur fanellën e Kombëtares në Europian.

Së fundmi ka postuar në rrjetet sociale ku shpreh ndjenjat për këtë fakt. Mesfushori i Leçes e mbyll me falenderime.

“Ndihem shumë i lumtur dhe falenderues për të gjithë eksperiencën në Euro 2024. Nuk ka fjalë që të përshkruaj krenarinë dhe emocionin për të përfaqësuar kombin tim në këtë garë madhështore. Faleminderit të gjithëve”.

Kujtojmë se Berisha u aktivizua në ndeshjen e fundit ndaj Spanjës. Aty mori minuta si zëvendësues duke shkruar historinë.

The post Ishte surpriza e Sylvinhos për Europianin, reagon Medon Berisha appeared first on Albeu.com.

Mesfushori i talentuar u fut në fushë në minutën e 76’ duke marrë vendin e Jasir Asanit në fitoren 3-0 ndaj Lihtenshtejn.

20-vjeçari ishte emri surprizë i Sylvinhos në listën e kuqezinjve për Euro 2024.

Kapiteni i Shqipërisë U21 ka spikatur me cilësitë e tij teksa ka arritur të debutojë edhe në Serie A me Lecce.

Sylvinho e cilësoi si e ardhmja e Kombëtares shqiptare, njëjtë si Mitaj, Muçi e Broja që erdhën nga ekipi i moshave dhe u kthyen në protagonist me Kombëtaren e madhe.

E djeshmja do të jetë një ditë e paharrueshme për të teksa vetë me një postim në Instagramin e tij shkruan: Nuk harrohet kurrë hera e parë.

View this post on Instagram

A post shared by Medon Berisha (@medonberisha)

The post Debutoi me Kombëtaren e madhe, Medon Berisha: Nuk harrohet kurrë hera e parë appeared first on Albeu.com.

Mesfushori 20-vjeçar shihet si e ardhmja e përfaqësues kuqezi nga tekniku brazilian dhe kjo është arsyeja përse iu besua një festë.

Berisha është kapiteni i Shpresave, ndërsa si produkt i Young Boys në Zvicër kaloi më pas te Lecce.

Kontrata e tij me klubin italian është e vlefshme deri në verën e vitit 2027.

Dhe pse zgjedhje surprizë, mundësia që i është dhënë Berishës është përshëndetur nga opinioni sportiv.

Në sezonin që përfundoi, 20-vjeçari luajti 2 ndeshje si titullar për Leccen dhe 4 të tjera u preferua nga stoli në Seria A.

Po ashtu u aktivizua në një ndeshje të Kupës së Italisë.

Me ekipin e Shpresave ka 11 paraqitje prej vitit 2022. Ndër ato ka gjetur rrugën e rrjetës 3 herë.

The post Surpriza e Sylvinhos, kush është Medon Berisha që braziliani e cilëson si e ardhmja e Kombëtares appeared first on Albeu.com.