Në kronikën e tyre thuhej se rënia e sistemit TIMS ishte një “festë” për kriminelët pasi do të kishin më shumë hapsirë për t’u larguar nga vendi.

Por kryeministri Rama i quajti këto thashetheme dhe sipas tij këto lloj mediash nuk duan t’ja dinë për publikun dhe aq më tepër për dinjitetin kombëtar.

Rama gjithashtu përgënjeshtroi deklaratën e një gazetarjeje të TCH e cila tha se qeveria gënjen kur thotë se e ka marrë kontrollin mbi sistemin TIMS.

Shefi i qeverisë tha se vetëm ai nuk gënjen në këtë mes dhe Shqipëria sipas tij i ka rezistuar më së miri sulmit kubernetik Iranian./albeu.com/

Kjo s’është “Festë për kriminelët”po një festë tallavaje për ekrane e portale që s’duan t’ia dinë për publikun që i sheh e lexon, se për më shumë si psh për dinjitetin kombëtar është edhe gjynah t’iu kërkosh!Jo që s’po gënjen qeveria,po vetëm qeveria s’po gënjen në këtë mexhelis! pic.twitter.com/9kujjNDwTe

— Edi Rama (@ediramaal) September 12, 2022

The post Thanë se qeveria gënjen, Rama sulmon Top Channel: Janë kthyer në një festë tallavaje, s’duan t’ia dinë për publikun që i lexon appeared first on Albeu.com.

Sipas gazetës gjermane, mediat në Shqipëri janë kryesisht në duart e të pasurve, ndërsa thekson se politika dhe një grup sipërmarrësish ndikojnë drejtpërdrejt shtypin shqiptar.

Duke iu referuara deklaratës së presidentes së Komisionit të Bashkimit Europian, Ursula von der Leyen, e cila tha se Shqipëria i plotësonte kriteret për hapjen e negociatave, gazeta gjermane vë në pikëpyetje transparencën e medieve në vendin tonë.

Ndërsa nënvizon faktin se Edi Rama nuk e duron dot median e lirë.

“’Ka një zemërim te thellë ndaj punës së medias së lirë: gazetarët përhapin qëllimisht lajme të rreme dhe gënjeshtra dhe shpifin politikanë dhe individë privatë në internet’, pohoi Rama gjatë fjalimit të tij të hapjes në Forumin Mediatik të OSBE-së në Evropën Juglindore në Tiranë tetorin e kaluar. Dëmi i shkaktuar ishte i ngjashëm me atë të shkaktuar nga propaganda naziste, pedofilia ose terrorizmi. Diku tjetër, kryeministri shqiptar identifikoi gazetarët si një nga shkaktarët e gjendjes se keqe te vendit”, shkruan gazeta gjermane.

The post “Rama nuk e duron dot median e lirë”, gazeta Gjermane i dedikon artikull lirisë së shtypit në Shqipëri appeared first on Albeu.com.

Reagimi erdhi nga deputetja Jonila Godole e cila shkruan se shoqatat e medias duhet të reagojnë ndaj këtij vendimi që ve në jetë ligjin “antishpifje”.

“Fakti që një ndër vendimet e para të marra sot nga qeveria “Rama 3” qe krijimi i një Agjencie për Mediat dhe Informimin, është ogur i keq për lirinë e shprehjes dhe gazetarinë.

Sepse ky duket që do të jete mandati i propagandës dhe censurës së ligjëruar me vulë kryeministrore!

Sot kryeministri kurorëzoi ligjin “antishpifje“, për të cilin mori goditje dy vjet më parë nga të gjitha institucionet ndërkombëtare.

Shpresoj që shoqatat e gazetarëve, Këshilli i Medias dhe Etikës dhe gjithë organizmat e tjera të shprehen kundër kësaj VKM që cenon dukshëm lirinë e shprehjes në Shqipëri”, shkruan deputetja demokrate./albeu.com

The post Krijimi i Agjencisë për Mediat, PD: Ogur i keq për median e lirë appeared first on Albeu.com.