Media belge ka hartuar një profil të plotë për të, ku përfshihet edhe periudha kur drejtonte Bashkinë e Tiranës, si dhe fakti që ai është i njohur edhe si piktor.

Në artikull përmenden gjithashtu takimet dhe vizitat e tij me liderë të botës, ku paraqitet si një figurë politike karizmatike.

Megjithatë, shkrimi thekson se pas imazhit të reformatorit dhe politikanit tërheqës fshihet një drejtues i akuzuar për shtypje të lirisë së medias dhe i shënjestruar vazhdimisht nga pretendime për korrupsion.

“VRT” shkruan se disa ish-ministra të kabinetit Rama, janë akuzuar dhe dënuar për korrupsion, ndërsa vetë Rama i hedh poshtë të gjitha akuzat.

Në pjesën që i kushtohet protestave, thuhet se qytetarët kërkojnë ndryshime kushtetuese, ndaljen e korrupsionit dhe dorëheqjen e kryeministrit.

“Por, pas atij imazhi të reformatorit, artistit dhe politikanit karizmatik, fshihet edhe një politikan që vitet e fundit është përfshirë vazhdimisht në polemika. Sipas kundërshtarëve të tij, tepër shumë pushtet politik është përqendruar rreth figurës së tij.

Edhe liria e medias është nën presion në Shqipëri. Mediat kritike përballen me presione dhe Rama është përplasur edhe me organizatën ndërkombëtare Reporterët pa Kufij, e cila e ka ulur Shqipërinë në Indeksin Botëror të Lirisë së Shtypit.

Rama është përndjekur prej vitesh edhe nga akuza të vazhdueshme për korrupsion, manipulim zgjedhor dhe favorizim të njerëzve të afërt.

Edhe Organizata për Siguri dhe Bashkëpunim në Evropë (OSBE) ka shprehur shqetësim për mënyrën se si janë zhvilluar zgjedhjet e fundit parlamentare.

Ish-ministra të qeverisë Rama janë akuzuar dhe dënuar për korrupsion. Vetë Rama i mohon të gjitha akuzat.

Organizatat ndërkombëtare theksojnë se korrupsioni dhe ndikimi politik mbeten probleme serioze në Shqipëri, veçanërisht në projektet e zhvillimit urban.

Prandaj nuk është aspak çudi që i ashtuquajturi “Revolucioni i Flamingove”, i cili nisi si protestë kundër një resorti luksoz në një zonë të mbrojtur natyrore, është shndërruar në një lëvizje më të gjerë kundër qeverisë.

Prej javësh, dhjetëra mijëra njerëz dalin në rrugë, të shtunën për të 35-ën herë radhazi, pikërisht në ditëlindjen e Ramës.

Ata e akuzojnë kryeministrin se u jep përparësi investitorëve të huaj mbi interesat e vendit. Rama, megjithatë, beson se resorti luksoz do ta forcojë edhe më tej sektorin tashmë në rritje të turizmit.

Ndërkohë, pakënaqësia nuk drejtohet më vetëm kundër projektit të kompleksit me 10.000 dhoma të lidhur me familjen Trump. Protestuesit tani kërkojnë edhe ndryshime kushtetuese, fundin e korrupsionit dhe dorëheqjen e kryeministrit”, raporton media belge.

The post Media belge: Pas profilit reformator të Ramës qëndrojnë akuzat për korrupsion, ndikim politik dhe presion mbi shtypin, protestuesit kërkojnë largimin e kryeministrit appeared first on Albeu.com.

I cilësuar si një nga personat më tëkërkuar në Belgjikë, pasi akuzohej për tregtim droge dhe shfrytëzim prostitucioni,  Bajri u detyrua ta vuante dënimin në Shqipëri, sepse ishte dëbuar nga Brukseli.

Për lirimin e Bajrit kanë reaguuar edhe mediat belge, të cilat kritikojnë  vendimin nga pala shqiptare për lirimin e tij, pa shlyer detyrimet.

Gazeta belge “Nieuwsblad” shkruan se Bajri bëri bujë në Belgjikë dhe se emri i tij ishte në listën e më të kërkuarve nga Policia Federale.

Safet Bajri ose Safet Rustemi, siç e quanin në Belgjikë, ishte kreu i një klani mafioz që e drejtonte me tre vëllezër.  Ata morën pushtetin në botën e krimit të Brukselit në vitin 2014.

Akuzat që rëndojnë ndaj tyre janë për shfrytëzim prostitucioni, vjedhje dhe tregtim të lëndëve narkotike. Po ashtu shkruhet se kushdo që dilte para rrugës së tyre, ekzekutohej, si në rastin kur u vranë dy shqiptarë rivalë.

Bajri u arrestua nga policia e Brukselit dhe më 25 janar 2017, ku u dënua me 9 vjet burg.

Megjithatë verën e vitit 2018 ai u zhduk sërish. “Qeveria shqiptare na zhgënjeu”, shkruan media belge, duke thënë se ‘ iu deshën muaj që Ministri i Drejtësisë, Koen Geens të dërgonte një kopje të vendimit belg në Shqipëri në shtator 2018, duke i lejuar ata të arrestonin Bajrin.”

Të dy vendet ranë dakord që Bajri ta vuante dënimin në Shqipëri. Gjykata e Fierit vendosi muajin e kaluar se, Bajri ka kryer tashmë dy të tretat e dënimit të tij nëntëvjeçar dhe ka të drejtë për lirim me kusht sipas ligjit shqiptar.

Bajri u dënua edhe dy herë në vitin 2018 për trafik kokaine, me 8 vjet e 5 vjet. “A ka harruar Belgjika t’ua raportojë këtë shqiptarëve?”, shkruan media belge..

The post Safet Bajri u lirua nga burgu, media belge: Qeveria shqiptare na zhgënjeu, kishte edhe 16 vjet dënim appeared first on Albeu.com.