Vajza kuksiane triumfoi në kategorinë U-15 në Ballkaniadën e Maqedonisë së Veriut, duke mposhtur me tuç kundërshtarët nga Bullgaria, Serbia dhe Greqia.

“Ndjehem shumë krenare për medaljen që kam fituar sepse te tria kundërshtarët ishin të forta. Kampionati në fakt ishte i fortë sepse të gjitha kishin një qëllim, por unë në fund ia arrita ta realizoja”,-u shpreh fillimisht Erglena Domi.

Në Ballkaniadë trajneri i Erglenës ishte Sadik Domi, ish-mundës dhe njëkohësisht babai i sportistes.

“Vajza bëri 3 ndeshje dhe në fund ishim shumë të gëzuar, sepse është e para vajzë shqiptare që merr medalje. Më vjen mirë edhe për Kukësin sepse ky sport ka qenë tradicional, por tani është harruar. Kemi qenë shumë mirë me djemtë, por tani po vijnë edhe vajzat”,-u shpreh Sadik Domi, trajner dhe babai i Erglenës.

Edhe pse mundja është një sport i paragjykuar për vajzat, Erglena fton bashkëmoshataret të ushtrohen për të përfituar benefitet që vijnë prej tij.

“Ju uroj të gjitha vajzave që kanë dëshirë të ushtrohen në sporte luftrake, siç është mundja, ta ushtrojnë pa frikë dhe të ecin sa më shumë më arritjet”,-tha Erglena Domi.

Me medalje të arta nga ballkaniada për Shqipërinë, erdhën edhe dy mundësit e tjerë të talentuar si Ardit Zeneli dhe Albi Peposhi, ndërsa në Maqedoninë e Veriut garuan 13 shtete.

The post Mundje/ E para vajzë shqiptare me medalje të artë, Erglena Domi: Krenare, babai trajner: Mundi 3 rivale shumë të forta appeared first on Albeu.com.

Skiatorja 30-vjeçare ditë e sotme arrit të rrëmbente medaljen e artë dhe të ngjitet në majat botës së sportit, me Lara Gut-Behramin, që ia doli të vendosë një kohë prej 0.79 sekondash më të shpejtë se sa kundërshtarja e saj, Mikaela Shiffrin.

Lara Gut-Behrami është bashkëshortja e mesfushorit me origjinë shqiptare të Zvicrës, Valon Behrami, dhe prej 4 vitesh po jetojnë një romancë së bashku.

“Unë sot thjesht bëra ski, asgjë më shumë dhe asgjë më pak. Shpesh ne ngarkohemi shumë psikologjikisht dhe duam të bëjmë gjëra të veçanta në Lojërat Olimpike, por kjo na kthehet në pengesë për rezultatin. Sot e dija që me shumë mundësi do të ishte gara ime e fundit në Super-G dhe doja të lija gjurmë, ndaj jam e lumtur që gjithçka shkoi në mënyrë perfekte dhe mora këtë medalje”, u shpreh 30-vjeçarja pas garës.

Kjo ishte medalja e parë e artë e Zvicrës në Super-G, çka i bën helvetët vendin e parë që ia del të sigurojë medalje të artë në të 6 disiplinat alpine të skisë./ h.ll/albeu.com

The post Bashkëshortja e Behramit fiton medaljen e artë në Lojërat Olimpike Dimërore appeared first on Albeu.com.