Kryeministri sqaroi deklaratat e tij se pas protestës qëndron Irani apo algoritmi, duke theksuar se protesta nuk organizohet nga algoritmi apo forcat e huaja armiqësore.

Sipas tij, vërtetë shqetësimet e njerëzve dhe përditshmëria e tyre i bën ata të dalin në protestë që prej ditës së parë, por algoritmi mund ta amplifikojë zhurmën apo nxitjen nga videot e manipuluara.

Rama: Protesta ka arsye që lidhen me të përditshmen e njerëzve janë të qenësishme për t`u lexuar siç duhet. Por alogritmi ka impakt të jashtëzakonshëm në amplifikimin e zhurmës, negativiteti, nxitjeve që e vijnë në formën e videove të manipuluara. Që japin karburant , i hedhin benzinë zjarrit që nuk është ndezur nga algoritmi por njerëzit. E padiskutueshme që çdo protestë ka një mesazh,. Cilido qoftë arsyeja dhe ata që dalin në protestë, protesta mbart mesazhe, dhe patjetër që detyra ime është të kuptoj sa më mirë mesazhet që mbart protesta. Të kuptoj edhe më shumë se kaq, të kuptoj organizatorët, çfarë ka më shumë se ajo që duket. Të kem një pamje sa më të qartë të spektrit të çështjeve apo forcave të angazhuara në një protestë. Ashtu si algoritmi nuk është organizatori i një proteste. Forcat e përfshira që janë armiqësore apo dashakeqe me Shqipërinë nuk janë as ato organizatorët apo arsyeja themelore që edhe njerëz këtu mund të kenë dalë në protestë. Por të gjitha që këto së bashku të kuptohen dhe gjithsecili të kuptojë se ku mbaron motivi i sinqertë i protestës, si adresohet, cilat janë zgjidhje për shqetësimet reale, dhe ku fillon manipulimi dhe ti si njeri i sinqertë kthehesh në një vegël i forcave të tjera. Ndarja bëhet te pika ku të hapet një rrugë.

Shumë e rëndësishme të ndahet pjesa e shkaqeve dhe problematikave që kërkojnë adresim dhe asaj që kërkon informim. Protesta nisi me Zvërnecin dhe sot u harrua. U harrua sepse realiteti i fakteve ishte i ndryshëm nga çfarë njerëzit kishin perceptuar përmes kanaleve të dezinformimit. Realiteti i fakteve nuk është që qeveria shiti atdheun, Sazanin, Zvërnecin. Realiteti që aty ku qeveria ka përgjegjësi si administruese e interesit publik jo vetëm që nuk ka bërë shitje por edhe sot që flasim, qeveria ka pozicionin që shteti duhet të jetë pjesë si pronar në këtë sipërmarrje nuk kemi akoma një marrëveshje.

The post Rama pranon keqqeverisjen: Protesta ka arsye që lidhen me të përditshmen e njerëzve appeared first on Albeu.com.

Ai u shpreh se më në fund yjet e fatit të Shqipërisë janë rreshtuar siç duhet, pasi sipas tij një vend i vogël si Shqipëria mund të bëjë të gjitha “detyrat e shtëpisë”, por nuk avancon në proces për shkak se vendet anëtare të BE-së, nuk janë dakord që të vijohet me integrimin.

“Po na buzëqesh fati se janë bashkuar të gjitha yjet dhe janë vënë rresht në mbështetje të kësaj ëndrre që ka qenë shekullore. Kemi bërë një punë të madhe, e them me plotë gojë, për ta ndryshuar. Shqiptarët që janë jashtë ose ikin jashtë, sapo tregonin pasaportën, diçka nuk shkonte me policin në kufi. Por ne kemi ndryshuar disa gjëra. Ti mund t’i bësh detyrat e tua të shtëpisë, por nëse vendet e mëdha, që vendosin fatet e të vegjëlve, s’e kanë në plan të të marrin në një nivel tjetër, ti se kapërcen dot.

Sot jemi në kushtet kur vendet e BE duan të na marrin me vete. Siç thoshin dikur ata që udhëhiqnin dikur ku flisnin për horizontin e kuq, dhe këta mund të thonë; po ju pret horizonti blu. Por nuk është me fjalë, është me punë. Ne kemi qenë të zotë, por nga ana tjetër kemi pasur një palë që ka qenë e interesuar aq sa ne. Nëse pedagogu të sheh me paragjykim, apo i dhemb koka, dhimbja e kokës së tij mund të reflektohet te nota jote. Te vendet e mëdha, kjo është shumë e zakonshme. Nuk ka dalë ajo fjala kot që vendet e mëdha, bëjnë çfarë duan, vendet e vogla heqin çfarë duhet!”, tha ai.

Kujtojmë se qeveria shqiptare, ka marrë kritika në lidhje me qëndrimin e skandalit ‘Balluku’.

The post Skandali “Balluku” i mbyll dyert Shqipërisë? Rama: Anëtarësimi në BE mund të mos ndodhë, e kanë në dorë të mëdhenjtë… appeared first on Albeu.com.

Në turin “BE dhe ti”, Rama tha se, Shqipërisë nuk i ka ‘buzëqeshur asnjëherë fati’ për këtë çështje.

Sipas tij, nëse do të jemi në BE kjo do të ndryshojë dhe studentët do të jenë në Varshavë si në Tiranë.

“Vetëm 27 djem shumica vajza. Besoj shumë në to dhe është evidente që nëse do të ketë shpëtim njerëzimi do të vijë nga gratë dhe vajzat. Më vjen mirë që jemi këtu për të diskutuar për një temë që flitet përditë por që është larg. Shumëkujt i duket sikur jemi në Europë sa kohë mund të lëvizim lirisht, të tjerat janë gjëra që nuk kanë lidhje me qytetarët por procesi është i tillë që sa më shumë ta ndjekësh aq më shumë mëson që jemi një vend që nuk jemi në BE. Ju si studentë mund të studioni jashtë por kur kaloni kufirin jeni të huaj.

Jeni studentë të huaj e si të tillë trajtoheni ndryshe, jo me të njëjtat kushte, paguani shumë më shumë. Nëse do të jemi në BE kjo do të ndryshojë dhe do të jeni në Varshavë si në Tiranë. Ju nuk jeni të huaj në një vend të huaj. Ju mund të kërkoni punë në çdo qytet të Europës. Askush nuk jush njeh në ato qytete dhe t’u thotë; po nga je ti? Se këtu është BE. Shqipëria nuk është. Kjo është një përpjekje që ka kuptim dhe impakt të drejtpërdrejtë për secilin prej jush. Shqipërisë nuk i ka buzëqeshur asnjëherë fati për këtë çështje”, u shpreh ai.

The post Rama bashkëbisedim me të rinjtë: Pas anëtarësimit s’do të ndiheni më të huaj në BE appeared first on Albeu.com.