Rrjedhimisht, gjatë ditës së sotme, një euro është këmbyer mesatarisht me 107.63 lekë duke fituar 1.61 lekë brenda 24 orëve.

E njëjta panoramë duket edhe me dollarin amerikan, i cili u këmbye të mërkurën me 99.48 lekë duke fituar 2.21 lekë brenda ditës.

Me rritje po ashtu ka qenë edhe paundi sot, i cili u këmbye me 125.97 lekë.

Afrimi i fundit të sezonit duket të jetë njëndër faktorët kryesorë për forcimin e euros ndaj lekut, megjithatë pritet të shihet nëse kjo rritje është trend apo thjesht një lëvizje e ditës. /albeu.com

The post Brenda ditës! Euro forcohet ndjeshëm ndaj lekut, nuk ndodhte prej dy muajsh! appeared first on Albeu.com.

Sipas të dhënave të Bankës së Shqipërisë, një euro këmbëhet sot me mesatarisht 102.87 lekë, nga 105.85 lekë që ishte të premten duke humbur gati tre pikë njëherësh.

Kjo është një rënie shumë e fortë për pak ditë e euros ndaj lekut duke rritur dyshimet mbi spekulime në treg nga aktorë të fuqishëm.

Ndërkohë, dollari amerikan ka humbur 3.33 pikë ndaj lekut gjatë këtij fillimi jave duke zbritur në nivelet e 93.22 lekë për 1 USD.

E njëjta panoramë është edhe me paundin britanik, i cili ka zbritur në 119.8 lekë gjatë ditës së sotme.

The post “Tërmet” me kursin e këmbimit, shkon kot gëzimi për euron appeared first on Albeu.com.

Analiza e tregon se, Kuruna çeke humbi 2.5% dhe forinta hungareze 6%. Gjithashtu Denari maqedonas dhe Dinari serb patën një nënçmim të lehtë pas luftës në Ukrainë, përgjithësisht tregu i këmbimit pati stabilitet. Në Shqipëri, ndryshe nga vendet e tjera të rajonit, monedha vendase pësoi mbiçmim të shpejtë kundrejt Euros.

Një sondazh i Bankës Qendrore të Austrisë tregoi se besimi ndaj monedhave vendase në rajon ka rënë përveçse në Shqipëri, ku monedha kombëtare Leku është vlerësuar me 7% në këmbim me euros nga marsi 2022 në janar 2023.

Banka Qendrore e Austrisë vëren se zhvillimet ekonomike ishin të ngjashme me ato të vendeve të tjera të rajonit, përveçse në rastin e kursit të këmbimit, ku monedha shqiptare shfaq një prirje ndryshe.

Zhvillimet e brendshme në tregun shqiptar të këmbimit tregojnë se Euro është nënçmuar më tej pas janarit 2023.

Më 12 korrik, Euro u këmbye me 104.05 lekë, duke shënuar një nivel të ri minimal historik. Kursi Euro-Lek paraqitet në rënie me 11.5% krahasuar me të njëjtën periudhë të një viti më parë dhe me 8.9% që nga fillimi i këtij viti.

Guvernatori i Bankës së Shqipërisë, Genti Sejko, pak ditë më parë në një konferencë për mediat tha se forcimi i Lekut është si rrjedhojë e zhvillimeve pozitive në ekonomi. Guvernatori tha se, leku po forcohet prej rritjes së prurjeve në valutë nga flukset e turizmit, remitancave, investimeve të huaja dhe eksporteve.

Por hyrjet e valutës nga përmirësimi i faktorëve ekonomik nuk e ndikuan pozitivisht ekonominë së paku në tremujorin e vitit. Të dhënat e INSTAT tregojnë se PBB-ja u zgjerua vetëm 2.7 %, ritmi më i ulët që nga pandemia.

Nënçmimi i Euros ndaj Lekut kanë vënë në vështirësi eksportuesit të cilët po përballen me humbje të mëdha gjatë kësaj periudhë.

Të dhënat më të fundit në lidhje me industrinë tregojnë për rritje të papunësisë në sektor, rënie të eksporteve dhe rënie të pagave reale.

Prodhimet dhe eksportet, të cilat konsiderohen si zemra ekonomisë së një vendi, po dëmtohen seriozisht nga forcimi i monedhës vendase dhe pasojat e krijuara nuk do të rikuperohen lehtë.

Industria shqiptare po kalonte në një shkallë më të lartë të zinxhirit të vlerës, por Euro po e pengon seriozisht këtë proces, referuan shoqatat e eksportuesve./B.Hoxha-Monitor

The post Euro në “pikiatë”, Banka e Austrisë çuditet me Lekun: Vetëm në Shqipëri… appeared first on Albeu.com.

Banka e Shqipërisë publikoi pak më parë të dhënat nga tregu valutor, ku mësohet se një euro është këmbyer sot mesatarisht me 107.38 lekë duke fituar 0.61 pikë krahasuar me ditën e djeshme.

Kjo është dita e tretë rresht që Euro vlerësohet në raport me lekun, megjithatë duket se nuk mjafton pasi rënia e javëve të shkuara ishte tepër e madhe.

Mbetet për t’u parë nëse këto rikuperime janë tregues i një trendi rritës të euros ndaj lekut apo thjesht korrektime të momentit pas asaj që ndodhi javën e shkuar.

Leku ndërkohë ka humbur pikë edhe ndaj dollarit amerikan dhe paundit britanik, të cilët po ashtu janë vlerësuar.

Mësohet se një paund është këmbyer sot me 125.59 lekë, kurse një dollar amerikan me 99.37 lekë. Ky i fundit është duke iu afruar sërish kufirit 100 lekë pas rënies së javës së shkuar. /albeu.com

The post Dita e tretë radhazi, Euro po rimerr veten? Rriten dhe dollari me paundin appeared first on Albeu.com.

Banka e Shqipërisë raportoi pak më parë të dhënat nga tregu i këmbimit valuator gjatë ditës së sotme duke treguar se euro ka rënë edhe nën kufirin e 107 lekëve ku u ndal dje.

Mësohet se ditën e sotme, një euro është këmbyer me mesatarisht me 106.95 lekë nga 107.40 lekë që ishte dje. Ndërkohë, sot, një euro blihet me 107.31 lekë.

Leku shfaqet i fortë edhe përballë dollarit amerikan. BSH raporton se një dollar amerikan këmbëhet mesatarisht me 99.99 duke humbur 0.43 pikë krahasuar me dje.

Kjo është një situatë e pazakontë për lekun dhe raportin e monedhës kombëtare me monedhat e huaja, ndërsa rënia e euros është shumë e dukshme dhe e shpjegueshme vetëm më pastrimin e sasive të mëdha të parave të pista në Shqipëri. /albeu.com

The post Euro po “shkrin si akullore” para lekut, drama nuk paska fund! Me sa u këmbyen sot appeared first on Albeu.com.

Banka e Shqipërisë raportoi pak më parë se një euro u ble sot me mesatarisht 108.18 lekë dhe u shit mesatarisht me 108.51 lekë duke shënuar një kurs me lekun si asnjëherë më parë që prej fillimit të përdorimit të saj.

Euro është në rënie te lirë prej disa muajsh, gjë e cila u përshpejtua gjatë fushatës zgjedhore.

Dy ditë më parë euro ra nën 110 lekë dhe tashmë duket se ai ishte kufiri psikologjik dhe tani rënie vijon nga ora në orë.

Arsyet kryesore të rënies së euron lidhen me sasinë e madhe të monedhës europiane në treg për shkak se vendi është kthyer në një parajsë të pastrimit të parave, por edhe për shkak të nisjes së sezonit turistik. /albeu.com

The post Keq e më keq, BSH nxjerr shifrat tronditëse të euros, sot kapi fundin fare appeared first on Albeu.com.

Mëngjesin e sotëm, një euro blihej në treg me 109.7 lekë dhe shitej me 110.5 lekë, si asnjëherë më parë.

Ky është një trend që euro po e ndjek prej disa muajsh në vend dhe duket se tregu është përmbytur nga sasi të mëdha valute të huaj për shkak të politikave lehtësuese në drejtim të pastrimit të parave.

Ekspertët vlerësojnë se ky trend do të vijojë edhe gjatë muajve të verës për shkak edhe të kthimit të emigrantëve si dhe flukseve hyrëse të turistëve.

Paundi britanik nga ana tjetër po ruan një nivel me stabël gjatë ditëve të fundit duke u blerë me 126.4 lekë dhe shitur me 127.6 lekë. /albeu.com

The post Euro thyen edhe kufirin psikologjik, e nis ditën “ters”! Më e keqja nuk ka ndodhur appeared first on Albeu.com.

Në vitin 2016, një fabrikë veshjesh apo këpucësh në Shqipëri, e cila shet për eksport, i bënte llogaritë me kursin e këmbimit 1 euro = 140 lekë. Në mënyrë tipike, nëse një fabrikë prodhon këpucë, fitimi i saj bruto është rreth 2 euro për palë. Këto 2 euro, apo 280 lekë, shërbenin për të paguar rrogën e punonjësve, qiranë, sigurimet shoqërore, taksa të tjera apo fitimet e pronarit, që të gjitha këto shpenzime në lekë.

Gjashtë vjet më vonë, 1 euro kushton 113 lekë, 24% më lirë se sa atëherë. Në mënyrë që fabrika e veshjeve apo këpucëve të paguajë të njëjtat rroga si atëherë, asaj i duhet të rrisë të ardhurat nga shitja e punës së vet me 24%. Kjo, vetëm për të mbuluar humbjet nga forcimi i lekut në kursin e këmbimit. Por nëse fabrika do të duhet të rrisë pagat, atëherë ose eficienca e saj në punë duhet të rritet më shumë se sa 24%, ose çmimi i shitjes duhet të rritet me norma të jashtëzakonshme.

Gjatë kësaj periudhe kostot e tjera të të bërit biznes janë rritur. Taksat që qeveria kërkon nga të punësuarit, dhe që në mënyrë të rrejshme i parashtron si “pagë minimale”, janë rritur. Kostot e transportit dhe të karburantit janë rritur si pasojë e taksave të qeverisë “Rama”. Dhe kostoja e jetesës së punonjësve, fjala vjen, fatura e tyre e energjisë elektrike apo e ujit, është rritur, gjë që kërkon të ardhura më të larta për të jetuar.

Por problemi më i madh nga të gjitha duket se është kursi i këmbimit.

Leku filloi të forcohej rreth vitit 2016, kohë që përkon ne valën e parë të kultivimit masiv të marijuanës, ndërsa nga viti 2018, Banka e Shqipërisë u detyrua të ndërhyjë në treg për të blerë euro me qëllim që të shmangë forcimin e mëtejshëm. Që nga ajo kohë, vendi është goditur nga një tërmet, është goditur nga pandemia e COVID-19 si dhe nga kriza e çmimeve të shkaktuar nga lufta e Rusisë në Ukrainë, tre tronditje këto të cilat normalisht do të kishin shkaktuar shqetësim serioz për stabilitetin makroekonomik të vendit.

Me pak fjalë, kur vendi u godit nga tërmeti i 26 nëntorit 2019, logjika ta do që shpenzimet e qeverisë në ndihmë të të goditurve do të sillte importe të larta dhe presion nënçmues kundrejt lekut në kursin e këmbimit valutor. E po kështu, ndërsa COVID-19 detyroi shqiptarët të zhysnin dorën thellë në kursimet e veta për të paguar kujdes mjekësor, ajo që logjikisht pritet është që leku të nënçmohet. Por as këto dhe as kriza e çmimeve të vitit 2022, me shpenzimin e qindramilionë eurove për import të energjisë elektrike apo për karburant, jo vetëm që nuk i dëmtuan shanset e lekut për sukses, por leku as nuk denjoi të bezdiset nga këto kriza. Në shkurt të vitit të kaluar, ndërsa tanket ruse po sulmonin Ukrainën, euro kushtonte 122 lekë. Deficiti tregtar i vendit arriti gjatë vitit 2022 në mbi 4.1 miliardë euro, me një rritje prej 280 milionë eurosh në krahasim me vitin 2021. E megjithatë, leku fitoi 8% të tjera dhe sot euro kushton 112 lekë.

Forcimi i lekut është një faktor madhor që po gërryen aftësinë e vendit për të prodhuar mallra dhe për të eksportuar mallra apo shërbime. Industria fason është shembulli më i dukshëm sepse është një ekonomi e varfër, ku luhatjet në kursin e këmbimit ndjehen më shumë. Por çdo gjë tjetër ecën në këtë drejtim. Qumështi pluhur i importit konkurron me çmim më të ulët qumështin e fermerit të vogël, pushimet që një shqiptar mund të kalojë në Greqi kushtojnë krahasimisht më lirë se sa më parë. Pushimet që një kosovar kalon në Shqipëri kushtojnë krahasimisht më shtrenjtë. Në çastin që kosovarëve u liberalizohen vizat, siç shpresohet të ndodhë së shpejti, i ashtuquajturi turizmi patriotik fillon të konkurrohet nga turizmi ekonomik. Distanca Prishtinë-Selanik është fare pak më e madhe se sa distanca Prishtinë-Durrës.

Natyrisht që forcimi i kursit të këmbimit është vetëm një nga problemet ekonomike të vendit. Korrupsioni është problemi tjetër madhor, i cili e bën të pamundur që vendi të ketë infrastrukturën e nevojshme bazë për zhvillim. Numri i qyteteve që kanë ujë të pijshëm dhe furnizim të rregullt numërohet me gishtat e njërës dorë. Rrugët prishen menjëherë sapo u hidhet një dorë asfalt elektoral. Vendi harxhon qindramilionë euro për rrugë që nuk përfundojnë kurrë. Në fund të fundit, rritja ekonomike është asgjë më shumë se sa një përmirësim gradual. Një rrugë e re sjell kursim në kosto, karburant, pjesë këmbimi, kohë. Por në rast se paratë e rrugës vidhen, atëherë nuk ka rritje ekonomike e nuk ka se si të ketë rritje pagash.

Sa i përket kursit të këmbimit, logjika ekonomike sugjeron se e kundërta duhej të kishte ndodhur. Një vend i varfër mban një tolerancë më të lartë ndaj inflacionit se sa një vend i pasur. P.sh., objektivi i Bankës Qendrore Evropiane për normën e inflacionit në Eurozonë është “pranë por poshtë 2%” në vit. Objektivi i Bankës së Shqipërisë është 3% në vit me luhatshmëri nga 2 deri në 4%. Këto janë themele të vendosura me supozimin që, përgjatë tre dekadave të ardhshme, ekonomia e Shqipërisë do të rritet për t’u afruar me mesataren e Bashkimit Evropian. Do të thotë që ekonomia shqiptare do të rritet me ritëm më të shpejtë rritjeje se sa ekonomia e BE-së dhe ritmi më i shpejtë i rritjes nënkupton nevojën për shkallë më të lartë inflacioni. Dhe kjo nënkupton një nënçmim gradual të lekut kundrejt euros, por jo forcim të tij.

Kjo gjë nuk ka ndodhur, së paku që nga viti 2016 e më pas, për shkakun e dukshëm se paratë e drogës janë sheshit dhe ato po forcojnë lekun dhe po vrasin prodhimin vendës. Është një fenomen i vjetër ky i njohur nëpër botë. Quhet sëmundja holandeze. Normalisht që pagat nuk mund të rriten për sa kohë prodhimi i veshjeve dhe këpucëve konkurrohet në mënyrë indirekte nga suksesi i trafikantëve shqiptarë të drogës në Mbretërinë e Bashkuar. Normalisht që punëtorët, duke mos pasur mundësi që të sigurojnë të ardhura normale me punë në Shqipëri, do të shkojnë të sigurojnë këto të ardhura në emigrim, kryesisht në punë të vështirë dhe të ndershme, e me raste, me krim dhe drogë.

Zgjidhja për këtë problem nuk konsiston te negociatat për të rritur rrogat me punëdhënës që llogarisin se sa mall shesin e sa të ardhura kanë. Zgjidhja fillon me sekuestrimin e parave të krimit.

*Titulli është i redaksisë, titulli i autorit: Paratë e drogës si faktor i mosrritjes së pagave

The post Euro si kurrë më keq, si po e fundos droga ekonominë shqiptare appeared first on Albeu.com.

Kështu, sipas të dhënave të publikuara sot nga Banka e Shqipërisë, një euro u këmbye mesatarisht me me 116.27 lekë duke pësuar një rënie të vazhdueshme ndaj monedhës sonë duke nisur që prej fillimit të javës, shkruan AlbEu.com.

Situata duket e ngjashme edhe sa i përket dollarit amerikan, i cili ka humbur pikë ndjeshëm ndaj lekut duke u këmbyer sot sipash BSH-së me 107.33 lekë.

Problemet me ekonominë europiane si edhe përmbytja e tregut vendas me valutë për shkak të ritmeve të larta të pastrimit të parave me burim aktivitetet e jashtëligjshme duket të jenë dy shkaktarët kryesorë të situatës së krijuar. /albeu.com

The post Zi e më zi, euros nuk i mbajnë këmbët, dollari “pendohet”, orë dramatike në tregun valutor appeared first on Albeu.com.

Sipas të dhënave zyrtare të Bankës së Shqipërisë, një euro është këmbyer me 117.25 lekë sot duke humbur pikë krahasuar me të hënën si edhe fundin e javës së shkuar ku u ngjit deri në 117.42 lekë.

Në tërësi ky është një përmirësim i kursit të euros në raport me lekun krahasuar me fundin e vitit 2022 kur zbriti deri në 114 lekë, shkruan Albeu.com.

Në një situatë të ngjashme janë edhe dollari me paundin në raport me lekun. Pavarësisht përmirësimit të pjesshëm gjatë ditëve të fundit, ato mbeten në tregues dezavantazhues ndaj lekut.

Një dollar amerikan u këmbye sot 109.23 lekë krahasuar me gati 112 lekë që ishte në fund të javës së shkuar.

Ndërkohë paundi britanik vijon rekuperimin në raport me lekun që prej 28 dhjetorit 2022, megjithatë gjendet ende shumë pikë poshtë treguesve të fillimit të dhjetorit të vitit të shkuar.

Sot një paund këmbëhet me 132.95 lekë. /albeu.com

The post KURSI/ Euro nuk ia del, vijon drama me paundin, dollari më keq akoma appeared first on Albeu.com.