Sipas informacioneve policore, shtetasi Dede Qoku rreth 60-vjeç, është peshkatari që dyshohet se u mbyt në lumin Mat, pasi u fut në ujë për të hedhur rrjetet.

Peshkatari, rreth 60-vjeç, u denoncua i zhdukur nga shoku rreth orës 13:40.

Dyshohet se ai ishte futur në ujë në afërsi të Urës së Zogut për të hedhur rrjetat e peshkimit dhe nuk ishte rikthyer më në sipërfaqe.

Policia ka shkuar në vendngjarje dhe kanë nisur veprimet për gjetjen e trupit të Dede Qokut.

The post U fut në lumin Mat për të hedhur rrjetat, kush është peshkatari që dyshohet se u mbyt (EMRI) appeared first on Albeu.com.

Ngjarja ndodhi më 3 Maj 2024, e cila tronditi vendin teksa policia gjeti të mbytur në lumë nënën dhe 3 fëmijët, tashmë ka vetëm një autor përgjegjës dhe ai është kryefamiljari, Erdgys Arrazi.

Gjyqtari i Shkodrës, Orgent Nazaj, ka deklaruar fajtor dhe dënuar me 6 vite burgim Arrazin, për akuzën e “Shkaktimit të vetëvrasjes”.

Por për shkak të gjykimit të shkurtuar, ky dënim është ulur me 2 vite, duke dënuar Arrazin përfundimisht me 4 vite heqje lirie.

Gjyqtari konstatoi prova se i pandehuri Arrazi, ka ushtruar dhunë fizike dhe psikologjike ndaj gruas së tij, Alma Arrazi, duke shkaktuar tek ajo një gjendje ankthi dhe depresioni, që çoi në vetëflijim familjarët në ujërat e Lumit Buna.

E gjithë ngjarja ka nisur për shkak se Erdgys Arrazi, kishte krijuar një lidhje jashtë martesore, dhe presionin bashkëshortes ia bënte me qëllim që ajo të largohej nga banesa e tyre në Shkodër.

Herë pas here, Ergys Arrazi, i ka nxjerrë rrobat Almës në oborr dhe i ka djegur në sy të saj, si shenjë presioni psikologjik për t`u larguar nga banesa.

Njëherësh gjyqtari Nazaj, ka vendosur të pranojë kërkesën e prokurorisë për pushimin e akuzës të “Vrasjes në rrethana cilësuese” ndaj Erdgys Arrazit, me argumentin se nuk u konstatuan prova bindëse për faktimin e kësaj vepre penale.

Motra e Alma Arrazit, Gentjana Z., u ka treguar hetuesve të çështjes se gjatë kohës që ishte në konflikt me burrin, Alma Arrazi shkonte në banesën e saj, për t`u qetësuar.

“…qante gjithë kohës, ishte e tronditur edhe fëmijët e përjetonin këtë gjendje, pasi debatet bëheshin edhe në sy të tyre. Fëmijët dinin edhe emrin e të dashurës së babait, duke i dëgjuar në debat…”.

Gentjana është shprehur se ka foto ku e dashura e Erdgysit, mban në krah djalin e Almës.

“…herën e fundit që ka qenë tek Gentjana, Valentina (Kunata) ka marrë Almën në telefon duke i thënë që Ergysi ia kishte nxjerrë të gjitha rrobat jashtë, dhe u ka vënë flakën. Alma e priste atë veprim të Erdgysit, ai kishte thyer edhe një foto familjare të Almës me fëmijët dhe vetë ai, duke e shkelmuar. Në ato momente që Alma ka qenë tek shtëpia e motrës, ajo e ka dëgjuar Almën duke folur në telefon me përfaqësuesen e një shoqate, quhej Nevila dhe Alma i kërkonte ndihmë…”, – është shprehur në prokurori, motra e viktimës.

The post Mbytja e Alma Arrazit në lumin Buna bashkë me tre fëmijët, 4 vite burg për Erdgys Arrazin, dogji rrobat dhe fotografinë familjare appeared first on Albeu.com.

75 vjeçari K.K., u konstatua prej patrullës së Rendit Publik rreth 200 m larg bregut në vendin e quajtur ‘Kulla e Ujit’, teksa po kërkonte ndihmë.

Atij iu dha ndihma e parë, e më pas u shoqërua me ambulancë për ndihmë mjekësore dhe ndodhet në kujdesin e mjekëve jashtë rrezikut për jetën.

‘Sot rreth orës 12:40, gjatë patrullimit në vendin e quajtur “Kulla e Ujit”, në plazhin e Semanit, nga patrulla e Kufirit është konstatuar një shtetas rreth 200 m larg bregut që kërkonte ndihmë.

Menjëherë shërbimet e Kufirit kanë bërë të mundur nxjerrjen nga uji të shtetasit K. K., 75 vjeç, banues në Fier, dhe së bashku me patrullën e Rendit Publik i është dhënë ndihma e parë.’, njofton policia.

The post Fier/ 200 m larg bregut të detit, patrulla e Kufirit shpëton nga mbytja 75 vjeçarin në plazhin e Semanit appeared first on Albeu.com.

7 persona humbën jetën pas stuhisë që shpërtheu në atë zonë, ndërsa 15 të tjerë arritën të shpëtonin.

Gjithçka ndodhi për pak minuta. Fundosja e jahtit shkaktoi mbytjen e Lynch, vajzën e tij tetëmbëdhjetë vjeçare Hannah dhe pesë persona të tjerë.

Cutfield refuzon të krahasohet me komandantin që shkaktoi mbytjen e anijes Giglio (kroçera Costa Concordia, e mbytur në vitin 2012 në shkëmbinjtë pranë ishullit toksan të Xhilios, që shkaktoi vdekjen e 32 pasagjerëve).

I vënë tanimë nën akuzë nga autoritetet italiane për vrasje të shumëfishtë, kapiteni i anijes shprehet se bëri gjithçka për të parandaluar mbytjen e jahtit.

Ishte dita më e errët jetës së tij për kapitenin James Cutfield nga North Shore, Auckland, Zelandë e Re. Ai mohon të ketë braktisur anijen, në ato kushte të tmerrshme atmosferike.

“Nuk kam braktisur askënd. Kam bërë gjithçka që është e mundur për të shpëtuar të gjithë, ekuipazhin dhe pasagjerët. Në një moment uji kishte pushtuar gjithçka dhe ishte bërë e ndaluar hyrja në anijen me vela që po fundosej“, ka rrëfyer James Cutfield.

Çfarë thonë dëshmitarët?

Pikërisht përpara mbytjes së anijes kishte nga ata që e panë jahtin e Lynch në ishujt Eolian. Është Emilio nga Chioggia, i cili ishte me familjen e tij në arkipelag në një jaht 40 metra.

“Ishim në ankorim pranë njëri-tjetrit, bëmë turne së bashku për tre ditë në gjire të tjera”, tha ai.

Ditën e katërt, i shqetësuar për motin e keq, Emilio zgjodhi të qëndronte në port dhe kështu u ndanë.

“Por nuk pritej asnjë stuhi”, psherëtiu Cutfield menjëherë pas tragjedisë.

“Në fakt nuk kishte pasur atë lloj alarmi për kushtet e motit”, – konfirmoi Raffaele Macauda, ​​komandanti i rojes bregdetare të Palermos, por shton se anija me vela mund të qëndronte duke lëshuar spirancën në atë zonë”.

Mesazhet në WhatsApp mes kapitenëve të anijeve, Cutfiel injoroi alarmin për motin?

Cutfiel në kabinën e Bayesian, kishte marrë vetëm një alarm të verdhë nga Mbrojtja Civile për stuhi të mundshme.

Ai këmbëngul se në fakt nuk pritej përkeqësim i kushteve të motit. Cutfield thotë se faji mund t’i atribuohet , shkruan Corriere, në vend të një gabimi njerëzor, natyrës së jashtëzakonshme të ngjarjes atmosferike, me erëra shumë të forta që filluan të fryjnë në çdo drejtim.

Në këtë drejtim, ekziston një grup në Whatsapp, ku qindra komandantë diskutojnë çdo ditë për kushtet e motit.

“Përtej buletineve zyrtare lidhur me parashikimin e motit, ata që bëjnë këtë punë i dinë mirë rreziqet kur një front i ftohtë mbërrin mbi një det kaq të ngrohtë. Prej ditësh i shkruanim njëri-tjetrit që të bënim kujdes sepse mund të shkaktohej një fenomen i dhunshëm natyror dhe i papritura”.

“Stuhia kishte kaluar nga Formentera, një katastrofë, në Sardenjë…”, shton Dudi Coletti, komandanti i një anije që i shpëtoi stuhisë: “Menjëherë pas kësaj, në Porticello ndodhi diçka e paparashikueshme”, thekson ai.

Gjithashtu, pjesë e grupit të WhatsApp është edhe Marco Schiavuta, një ish-anëtar i Moro di Venezia, i cili tani është një sipërmarrës detar, i cili kërkon të bëhet kujdes: “Nëse parashikohet një stuhi, merrni të gjitha masat tuaja, por nëse nuk parashikohet, është e vështirë të thuhet çfarë është e drejtë të bësh”.

Cutfield, zgjodhi të qëndrojë në ujërat Porticello. Pastaj erdhi rrufeja dhe ajo erë e frikshme. Anija me vela u lëkund, uji iu lëshua dhe anija Bayesian u mbyt bashkë me shtatë persona.

I lindur në tokën e lundrimit, James Cutfield braktisi Zelanën e Re për Mesdheun

Përpara se të punonte për Lynch, Catfield ishte kapiten i jahteve luksoze në Mesdhe për vite me radhë dhe gjithashtu punoi për një miliarder turk të paidentifikuar.

I lindur në atdheun e lundrimit dhe regatave të mëdha, në Zelandën e Re, e cila priti tri herë Kupën e Amerikës, një marinar mes marinarëve, 50-vjeçari Cutfield zgjodhi përfundimisht Mesdheun.

Për të punuar dhe jetuar atje. Pas viteve të gjata si kapiten, në vitin 2016 ai bëri hapin në botën e jahteve, anijeve argëtuese dhe varkave me pesë yje.

Ai filloi të punojë në emër të ndërmjetësve të mëdhenj ndërkombëtarë detarë që menaxhojnë lundrimet luksoze. Fillimisht me një pronar anijesh turke, më pas me manjatin Mike Lynch që i kishte besuar timonin e Bayesian-it, një xhevahir i detit me gjatësi 56 metra dhe me direkun më të lartë të aluminit në botë, 75 metra të lartë.

“Një sfidë strukturore”, e quan atë Stephen Edwards, komandanti që i parapriu në kuvertën komanduese anijes me vela, e cila dikur quhej “Salute”.

Tani Edwards pohon se “me një pjerrësi 45 gradë dhe hapjen e ventilimit të dhomës së motorit, varka mund të kishte pasur probleme serioze”, duke iu referuar asaj që po ndodhte atë natë në det të hapur.

Në bordin e jahtit që u mbyt kishte 22 persona – 10 anëtarë ekuipazhi dhe 12 pasagjerë – nga të cilët 15 u shpëtuan, duke përfshirë britaniken Charlotte Golunsky dhe vajzën e saj njëvjeçare Sophia, si dhe gruan e Lynch, Angela Bacares.

Jahti luksoz besohet se tanimë ndodhet në një thellësi prej 50 metra, në fundin e detit.

The post Humbën jetën 7 persona/ Kapiteni i jahtit luksoz flet pas mbytjes: Ishte dita më e errët e jetës sime, bëra gjithçka për t’i shpëtuar appeared first on Albeu.com.

Ardgys Arrazi babai i 3 fëmijëve, akuzohet për shkaktim të vetëvrasjes së familjarëve të tij.

Njoftimi:

Prokuroria pranë Gjykatës së Shkallës së Parë të Juridiksionit të Përgjithshëm Shkodër, mbi bazën e materialit kallëzues të referuar nga Komisariati i Policisë Shkodër,,ka regjistruar kallëzimin penal, ndaj shtetasit me iniciale E. A, i dyshuar për kryerjen e veprës penale “Shkaktimi i vetëvrasjes”.

Gjykata e Shkallës së Parë e Juridiksionit të Përgjithshëm Shkodër, ka zhvilluar gjykimin lidhur me vlerësimin e ligjshëm të ndalimit me inciativë dhe caktimit e masës së sigurimit personal “arrest në burg”, ndaj personit nën hetim shtetasit me iniciale E. A, i dyshuar për kryerjen e veprës penale ““Shkaktimi i vetëvrasjes”” , parashikuar nga neni 99 të Kodit Penal.

Gjykata e Shkallës së Parë të Juridiksionit të Përgjithshëm Shkodër, me vendimin nr. 351 , datë 07.05.2024, ka vendosur:

1. Pranimin e kërkesës së Prokurorisë pranë Gjykatës së Shkallës së Parë të Juridiksionit të Përgjithshëm Shkodër.

2. Vleftësimin e ligjshëm të ndalimit të të dyshuarit E. A të bërë nga ana e Policisë Gjyqësore në datë 05.05.2024, ora 02.30 minuta.

3. Caktimin e masës së sigurimit personal ndaj të dyshuarit E. A atë të “Arrest në burg”, parashikuar nga neni 238 i K.Pr.Penale.

4. Në aplikim të nenit 21/3 të ligjit “Mbi ekzekutimin e vendimeve penale” dhe nenit 417 të K.Pr.Penale ngarkohet Policia Gjyqësore dhe Prokuroria pranë Gjykatës së Shkallës së Parë të Juridiksionit të Përgjithshëm Shkodër për ekzekutimin e këtij vendimi.

Çështja në apel u shqyrtua mbi bazën e ankimit të bërë nga personi nën hetim me iniciale E. A, i cili kërkoi ndryshimin e vendimit caktimin e masës së sigurimit atë të “detyrimit për t’u paraqitur në policinë gjyqësore’ ose “garanci pasurore”

Në përfundim të gjykimit, sot më datë 30.05.2024, Gjykata e Apelit të Juridiksionit të Përgjithshëm, e përbërë nga trupi gjykues me Gjyqtare znj. Elona Mihali , vendosi:

Miratimin e vendimit nr. 351, datë 07.05.2024 të Gjykatës së Shkallës së Parë të Juridiksionit të Përgjithshëm Shkodër.

The post Mbytja e nënës me 3 fëmijët në lumin Buna/ Gjykata e Apelit lë në burg Erdgys Arrazin appeared first on Albeu.com.

Sipas dëshmitarëve ambulance u vonua dhe roja bregdetare mungonte.

Sakaq ditën e sotme, policia ka arrestuar 34-vjeçarin Pëllumb Nika, administratorin e  pjesës së plazhit të Vilë-Bashtovës, në Gosë, Rrogozhinë.

Arrestimi i tij u bë pasi sipas njoftimit të policisë, nuk  kishte marrë masa për sigurimin e jetës së plazhistëve, nuk garantonte shërbimin me vrojtues plazhi gjatë gjithë kohës, nuk kishte pajisur me sinjalizim dhe me kufizim me bova të hapësirës ujore, pjesën e plazhit që kishte marrë me qira nga bashkia Rrogozhinë.

Por, burime brenda grupit hetimor bëjnë me dije se Nika mori riskun përsipër dhe hyri në det të hapur për të shpëtuar jetën e tre pushueve edhe pse nuk ia doli. Sipas po të njëjtave burime, ai arriti që t’i nxjerrë të tre personat njëherësh me një mjet minimal lundrues.

Ngjarja e rëndë ndodhi ditën e djeshme, ku Elvis Halilaj hyri në det për të shpëtuar njërin nga djemtë e tij të mitur, por fatkeqësisht humbi jetën. Bashkë me të u mbytën edhe dy djemtë, 17 dhe 13 vjeç.

The post Administratori i plazhit u përpoq t’i shpëtonte por nuk ia doli, detaje nga tragjedia ku vdiqën babai dhe dy djemtë appeared first on Albeu.com.

Në këtë plazh nuk ka roje vrojtimi. Për më tepër, kulla e vrojtimit në plazh  është si një skelë hekuri, pa asnjë mjet ndihmues për rojën e plazhit, siç janë gomonet apo litarët.

Po ashtu e nevojshme është edhe vendosja e kufizuesve në det.

Mumgesa e rojeve bregdetare është një shqetësim i ngritur prej kohësh në plazhet e vendit tonë, por me sa duket askush nuk shqetësohet për të marrë masa, edhe pse  çdo vit shënohen viktima gjatë sezoneve verore./Albeu.com.

The post Tragjedia në Kavajë, kulla “false” e vrojtimit në plazhin e Vilë-Bashtovës si skelë, pa asnjë mjet për të shpëtuar pushuesit appeared first on Albeu.com.

I fejuari i saj, i cili jeton në Britaninë e Madhe, i tha BBC-së se po i dërgonte mesazhe teksa gomonia filloi të shfryhej. Ajo u përpoq ta siguronte atë se do të shpëtoheshin, përcjell abcnes.al.

Por ndihma erdhi shumë vonë, dhe ajo dhe 17 burra, gjashtë gra të tjera, njëra prej të cilave ishte shtatzënë dhe tre fëmijë vdiqën pasi varka e tyre u fundos në det në brigjet veriore franceze.

Vetëm dy persona mundën të mbijetonin, një irakian dhe një somalez. Fatkeqësia shënoi humbjen më të madhe të jetëve duke u mbytur në shumë vite, gjatë tentativës për të kaluar në Britani.

I fejuari i saj tha se Maryam, me nofkën Baran, kishte qenë në varkë me një të afërme. Ai nuk e kishte ditur më parë për tentativën për kalimin dhe tha se mbërritja e Maryam në Britani supozohej të ishte një surprizë.

Ata po i dërgonin mesazhe njëri-tjetrit në Snapchat pak para se gomonie të fillonte të humbiste ajër, tha ai. Maryam i tha se varka po shfryhej dhe se ata po përpiqeshin të nxirrnin ujin prej saj.

Aishtoi se ajo ishte përpjekur ta qetësonte atë në mesazhin e saj të fundit dhe t’i jepte shpresë se autoritetet ishin në rrugën e tyre për t’i shpëtuar. /abcnews.al

The post Identifikohet viktima e parë e mbytjes, 24-vjeçarja do t’ja bënte surprizë të fejuarit mbërritjen në Britani appeared first on Albeu.com.