Sot në kërkim do të marrin pjesë edhe dy mjete të tjera të rojes bregdetare dhe një helikopter i marinës, ku përfaqësuesi për shtyp i rojes bregdetare sqaron se sipas protokolleve, një person në ujë me temperaturë 20 gradëmbijeton për 20 deri në 26 orë.

Nga operacioni gjigant i kërkim-shpëtimit që u ngrit që prej mëngjesit të së dielës, kur anija lëshoi sinjalin e fatkeqësisë, është gjetur i gjallë inxhinieri egjiptian i anijes dhe një trup i cili u transferua në orën 20:00 në portin e Mytilene.

Gjithsej 14 anëtarë të ekuipazhit (një indian, njëmbëdhjetë egjiptianë dhe dy sirianë) ndodheshin në bordin e Raptor, i cili u mbyt në rrethana ende të paqarta, ndërsa anija po transportonte kripë nga Egjipti për në Stamboll.

Detari egjiptian i shpëtuar u gjet nga një helikopter i Marinës në një fuçi me lëndime të lehta në kokë.

Duke folur për rojet bregdetare, ai zbuloi se “Raptor”, i cili u mbyt në Lesbos, filloi të marrë ujë që nga mbrëmja e së shtunës.

“Anija po merrte ujë që mbrëmë. U përpoqëm me kova dhe çfarëdo mjeti tjetër që kishim në bord, të nxirrnim ujin, ta zbraznim. Ky është urdhri që na dhanë. Kur filloi të bëhej e rrezikshme, atëherë u hodha në det. Pashë edhe 5 persona të tjerë që hidheshin në ujë dhe që nga ajo kohë nuk i pashë më”, dëshmoi ai teksa shprehu dyshime nëse pjesëtarët e tjerë që u hodhën në ujë ishin të veshur me jelek shpëtimi.

Gjatë natës në kërkim morën pjesë 7 anije, një mjet lundrues në det të hapur dhe një helikopter.

Gjithçka nisi në orën 7 të mëngjesit të së shtunës kur kapiteni raportoi një dështim mekanik në dhomën e operacioneve të Departamentit të Transportit Tregtar.
Pas rreth 1-1.5 orë kapiteni deklaroi se anija kishte marrë një goditje dhe më pas ata transmetuan sinjalin e fatkeqësisë./albeu.com

The post Mbytja e anijes në Lesbos: Agoni për 12 marinarët e zhdukur, vazhdojnë kërkimet për gjetjen e tyre appeared first on Albeu.com.

Deri më tani raportohet për dy të vdekur dhe tre persona të zhdukur. Viktima e dytë u gjet pak minuta më parë, ndërsa komandanti shpëtoi.

Ky është rimorkiatori “Franco P” i kompanisë Ilma, i cili u nis mbrëmë për të mbërritur në Shqipëri, ku duhej të tërhiqte një ngarkesë me 9 persona.

Por diçka shkoi keq, pasi ngarkesa u shkëput ndërsa anija u mbyt.

Nga sa mësohet, skafet patrulluese të Rojës Bregdetare të Barit po hasin me vështirësi në vendin e fundosjes për shkak të erës shumë të fortë. Komandanti u gjet në një gomone, ndërsa nga Autoriteti Portual i Barit po kryhen kërkimet për tre personat e zhdukur./albeu.com/

The post Komandanti u shpëtua nga një gomone! Mbytja e anijes në brigjet e Barit, konfirmohen 2 të vdekur dhe ende 3 të zhdukur appeared first on Albeu.com.

Autoritetet bëjnë me dije se nuk ka fatalitete mes ekuipazhit, por ekziston mundësia për një katastrofë mjedisore nëse nafta derdhet në detin Mesdhe, ndonëse për momentin nuk raportohet për diçka të tillë.

Ministria e Ambientit në Tunizi njofton se tashmë është aktivizuar një plan emergjent për shmangien e rrjedhjes së naftë në det, ku janë përfshirë dhe disa ministri të tjera.

Anija cisternë me flamur të Guinesë Ekuatoriale u mbyt rreth 10 km larg brigjeve të Tunizisë, ndërsa tentonte t’i afrohej bregut, për shkak të motit të keq.

The post Mbytet anija me 750 tonë karburant në Mesdhe appeared first on Albeu.com.