Shqipëria shënoi të martën një hap të rëndësishëm në procesin e integrimit evropian.

Në Konferencën e IX Ndërqeveritare Shqipëri–BE, e zhvilluar dje, u konfirmua mbyllja e përkohshme e tre kapitujve negociues: Kapitullit 25 “Shkenca dhe Kërkimi”, Kapitullit 26 “Arsimi dhe Kultura” dhe Kapitullit 30 “Marrëdhëniet me Jashtë”.

Komisionerja e Bashkimit Evropian për Zgjerimin, Marta Kos, e vlerësoi këtë zhvillim si një ngjarje me rëndësi për politikën e zgjerimit të BE-së dhe evidentoi ecurinë e Shqipërisë drejt anëtarësimit.

“Sot është një ‘super e martë’ për zgjerimin e Bashkimit Evropian. Për herë të parë në më shumë se dy dekada po zhvillojmë katër Konferenca të anëtarësimit në të njëjtën ditë. Ukraina, Moldavia, Shqipëria dhe Mali i Zi po hedhin hapa të mëdhenj përpara në rrugën e tyre drejt anëtarësimit në BE”, deklaroi Kos për mediat.

Ajo bëri të ditur se Ukraina dhe Moldavia po hapin Kapitullin 6, që lidhet me mbrojtjen dhe sigurinë, ndërsa Shqipëria po mbyll tre kapitujt e saj të parë të negociatave. Kos shtoi se Mali i Zi ka hyrë në fazën përfundimtare të negociatave, duke mbyllur 18 prej 33 kapitujve.

“Momenti i sotëm duhet të shndërrohet në rezultate konkrete në terren”, nënvizoi komisionerja për Zgjerim.

Mbyllja e Kapitullit 25 “Shkenca dhe Kërkimi” shihet si dëshmi e përparimit të Shqipërisë në fushat e kërkimit shkencor, inovacionit dhe zhvillimit teknologjik. Ajo lidhet gjithashtu me zbatimin e Strategjisë së Specializimit Inteligjent (S3), e cila synon afrimin e ekonomisë shqiptare me Tregun Unik Evropian.

Në anën tjetër, Kapitulli 26 “Arsimi dhe Kultura” pasqyron hapat e ndërmarrë për përditësimin e arsimit, rritjen e cilësisë dhe përfshirjes në këtë sektor, si edhe zhvillimin e politikave për rininë dhe kulturën në përputhje me standardet evropiane.

Ndërsa mbyllja e Kapitullit 30 “Marrëdhëniet me Jashtë” vlerëson Shqipërinë si një partnere të besueshme të BE-së, për shkak të përafrimit të politikës tregtare dhe marrëveshjeve të saj ndërkombëtare me politikat e Unionit.

Kryeministri Edi Rama e cilësoi mbylljen e tre kapitujve të parë si një moment të rëndësishëm për integrimin e Shqipërisë, pas përfundimit të Konferencës së 9-të Ndërqeveritare Shqipëri-BE.

Gjatë konferencës për mediat, ku ishte përkrah Marta Kos, Rama tha se zhvillimi i fundit është një tjetër “gur kilometrik” në rrugën e pakthyeshme të vendit drejt anëtarësimit në Bashkimin Evropian.

“Ky nuk është thjesht një hap, por një vlerësim i qartë që Shqipëria po ecën përpara, që reformat po japin rezultate dhe që vendi ynë është gjithnjë e më i përgatitur për të marrë përgjegjësitë e anëtarësimit”, u shpreh Rama.

Sipas kryeministrit, përfundimi i këtyre kapitujve jep një sinjal të fortë edhe për procesin e zgjerimit të BE-së, pasi rezultatet e Shqipërisë po marrin reagimin përkatës nga Bashkimi Evropian. Ai vuri në dukje se reformat po i sjellin standardet evropiane më pranë qytetarëve shqiptarë, të cilët, sipas tij, po rrisin kërkesat dhe pritshmëritë ndaj qeverisë.

“Ne po ndërtojmë Shqipërinë që duam të shohim si anëtare me të drejta të plota në Bashkimin Evropian. Provë e kësaj është se qytetarët kërkojnë gjithnjë e më shumë dhe janë gjithnjë e më pak tolerantë ndaj asaj që nuk funksionon”, përfundoi kryeministri Rama.

Analisti shqiptar Ilir Vata, në një prononcim për gazetën “Bota sot”, e interpreton mbylljen e kapitujve si një mundësi për avancimin e reformave, investimeve dhe afrimit të standardeve shqiptare me ato të Bashkimit Evropian.

“Shqipëria ka hyrë në një fazë të rëndësishme të procesit të integrimit në Bashkimin Evropian dhe mbyllja provizore e tre kapitujve tregon se vendi po ecën përpara në këtë rrugëtim të gjatë. Procesi i integrimit është i vështirë dhe kompleks. Mbyllja e kapitujve nuk do të thotë se Shqipëria është bërë pjesë e BE-së, por se po hapet rruga për reforma më të thella, investime dhe përafrimin e standardeve të vendit me ato të Bashkimit Evropian. Pyetje: Komisionerja Marta Kos e renditi Shqipërinë mes vendeve që po shënojnë progresin më të madh në zgjerimin e BE-së”, deklaron Vata.

Sipas analistit, Brukseli e ka mbështetur dhe inkurajuar Shqipërinë, ndërsa ai vlerëson se Marta Kos shfaq më tepër optimizëm sesa vetë qeveria shqiptare.

“Po, Brukseli e ka inkurajuar Shqipërinë dhe ka nxitur përshpejtimin e reformave. Në fakt, vendi ka bërë përparim në disa tregues, si reforma në drejtësi dhe investimet në infrastrukturë, por kjo ende nuk mjafton. Duhet shumë punë që Shqipëria t’u afrohet standardeve të Bashkimit Evropian. Mendoj se Marta Kos është më optimiste se vetë qeveria shqiptare, por deklaratat e saj synojnë të motivojnë vendin për të përshpejtuar reformat dhe për të arritur standardet evropiane”, shprehet ai.

Vata foli për “Bota sot” edhe për ndikimin që pritet të ketë për qytetarët dhe institucionet shqiptare mbyllja e kapitujve për Kërkimin Shkencor, Arsimin dhe Kulturën, si edhe Marrëdhëniet me Jashtë.

“Qytetarët do të jenë përfitues të drejtpërdrejtë vetëm kur arsimi të përmbushë standardet e Bashkimit Evropian, por kjo ditë ende duket larg. Arsimi në Shqipëri po kalon një periudhë të vështirë. Në zonat rurale po mbyllen shumë shkolla, ndërsa në qytetet e mëdha vazhdojnë problemet me infrastrukturën. Mësimi zhvillohet ende me turne, klasat janë të mbingarkuara dhe cilësia e mësimdhënies mbetet sfiduese. Shkollat private, sipas mendimit tim, kanë krijuar probleme serioze në cilësinë e arsimit, duke favorizuar në disa raste formalizmin dhe zhvlerësimin e standardeve të diplomimit. Kërkimi shkencor është pothuajse inekzistent. Akademia e Shkencave ka nevojë për një reformim të thellë. Edhe kultura dhe arti përballen me probleme të trashëguara dhe të reja; mungon një kuadër ligjor i harmonizuar me standardet e Bashkimit Evropian. Si rrjedhojë, arti dhe kultura vazhdojnë të mbeten pa mbështetjen e nevojshme institucionale”, theksoi Vata.

Ai mendon se, duke ndjekur ritmin e tanishëm, Shqipërisë mund t’i nevojitet më shumë se një dekadë për t’u bërë pjesë e Bashkimit Evropian.

Analisti renditi gjithashtu çështjet kryesore që duhet të adresohen nga vendi.

“Anëtarësimi i Shqipërisë në Bashkimin Evropian nuk varet vetëm nga Brukseli, por mbi të gjitha nga përmbushja e detyrimeve nga vetë vendi. Mbyllja e kapitujve nuk nënkupton automatikisht anëtarësimin, por kërkon vazhdimin e reformave dhe arritjen e standardeve evropiane. Me ritmin aktual, mendoj se Shqipërisë mund t’i duhet më shumë se një dekadë për t’u anëtarësuar. Vendi mbetet ende ndër më të varfrit në Evropë. Sfida të rëndësishme mbeten rritja e minimumit jetik, pensionet, infrastruktura rrugore, furnizimi me ujë të pijshëm, zgjidhja e problemit të pronave, integrimi i të përndjekurve politikë, lufta kundër krimit të organizuar, pastrimit të parave dhe korrupsionit, si edhe përfundimi i procesit të legalizimit të pronave. Po ashtu, Shqipëria ka ende sfida në funksionimin e demokracisë, reformimin e Kodit Zgjedhor, reformën territoriale, pavarësinë e mediave dhe përballjen institucionale me trashëgiminë e diktaturës komuniste. Vetëm përmes përparimit në këto fusha mund të afrohet realisht me standardet e Bashkimit Evropian”, përfundon analisti.

The post Vata: Mbyllja e tre kapitujve me BE-në është progres, por Shqipëria ka ende sfida të mëdha për anëtarësimin appeared first on Albeu.com.

Ndërkohë, miliona qytetarë përballen me pasoja ekonomike, pasi përfitimet ushqimore janë reduktuar dhe subvencionet e kujdesit shëndetësor pritet të skadojnë në fund të vitit. Presidenti Donald Trump ka refuzuar të negociojë me demokratët për zgjatjen e këtyre programeve, duke deklaruar në një intervistë për 60 Minutes se “nuk do të shantazhohet” për të rihapur qeverinë.

Trump i ka cilësuar demokratët si “të humbur”, duke parashikuar se ata do të detyrohen të dorëzohen, ndërsa udhëheqësit republikanë të Senatit kanë refuzuar ndryshimin e rregullave për të zgjidhur ngërçin. Përpjekja e fundit për të kaluar një projektligj të përkohshëm financimi dështoi, pasi kërkonte 60 vota dhe mori mbështetje vetëm nga tre senatorë demokratë.

Kryetari i Dhomës së Përfaqësuesve, Mike Johnson, pranoi se “askush nuk e priste që kjo të zvarritej kaq gjatë”. Mbyllja aktuale tashmë ka barazuar dhe tejkaluar atë të vitit 2019, kur gjatë mandatit të parë të Trump, qeveria u paralizua për shkak të kërkesës së tij për ndërtimin e murit në kufirin SHBA-Meksikë.

The post Mbyllja e qeverisë amerikane bëhet më e gjata në histori! appeared first on Albeu.com.

Në të gjithë vendin në vitin 2024 ishin 1127 shkolla të ciklit 9-vjecar, ose 104 shkolla më pak se në 2020.

Të dhënat e INSTAT sipas qarqeve tregojnë se, Kukësi mban rekordin në rang kombëtar më mbylljen e 22 % të shkollave 9-vjeçare në të gjithë qarkun, i ndjekur nga Gjirokastra dhe Korça -16 dhe -15% secila.

Tendenca është më e theksuar gjithashtu në qarqet Lezhës, Shkodrës dhe Elbasanit me tkurrje rreth 14%.

Në anën tjetër, Tirana mbetet zona më e qëndrueshme, ku numri i shkollave në ciklin 9-vjeçar është shtuar me tre nga 2020 në 2024, duke reflektuar rritjen demografike dhe përqendrimin e popullsisë në kryeqytet.

Edhe Vlora ka një përqindje të ulët, me 5.3% mbyllje, ndërsa Durrësi kishte të njëjtin numër shkollash në 2024 si në 2020.

Gjatë periudhës 2020–2024, numri nxënësve në arsimin 9-vjeçar ka rënë me 36.8 mijë nxënës ose -14.2%.

Fieri dhe Elbasani janë ndër qarqet më të prekura në numër, me më pak se 10 mijë nxënës së bashku.

Ndërkohë, Korça dhe Dibra raportojnë gjithashtu tkurrje të theksuar, me mbi 3 mijë nxënës më pak secila.

Edhe Kukësi, një nga qarqet me emigracionin më të lartë, ka tkurrje me mbi 1,400 nxënës dhe 12 shkolla në vetëm katër vite.

Ndërsa në përqindje tkurrjen më të madhe të nxënësve e kishim Dibra 28.6%, Berati me 25.7% dhe Fieri me 24%.

Nga rënia e numrit të nxënësve nuk përjashtohet edhe Tirana e cila në vitin 2024 kishte rreth 3 mijë nxënës më pak se në vitin 2020, më tkurrje 3.5%.

Në total rrjeti arsimor është tkurrur dhe nxënësit janë pakësuar, nga ana tjetër numri i mësuesve është rritur me mbi 2,100, ç`ka lidhet me riorganizimin e stafit dhe zhvendosjen e burimeve njerëzore drejt zonave urbane.

Teksa numri i shkollave dhe i nxënësve ka pësuar rënie të fortë në katër vitet e fundit, shpenzimet për arsimin po vijnë në rritje.

Por, shpenzimet më të larta për të njëjtin numër nxënësish nuk po përkthehen në cilësi, pasi testimet globale nga PISA për 15-vjeçarët shqiptarë kanë vërtetuar rënie të fortë të njohurive përgjatë 2028-2022./ Monitor

The post Në 4 vitet e fundit u mbyllën 104 shkolla 9-vjeçare, tkurren me 14% dhe nxënësit appeared first on Albeu.com.

Tanimë, Microsoft po e zhvendos vëmendjen drejt platformave më të sofistikuara dhe moderne si Microsoft Teams. Në një deklaratë zyrtare, Microsoft tha se shërbimet e Skype do të ndërpriten. Përdoruesit ekzistues do të marrin udhëzime se si të transferojnë kontaktet dhe historikun e bisedave në shërbime të tjera të Microsoft, veçanërisht në Teams.

“Ndonëse Skype luajti një rol themelor në formësimin e komunikimit digjital, tashmë jemi të përqendruar në ofrimin e një përvoje të integruar dhe të plotë përmes Microsoft Teams,” tha Jeff Teper, president i “Microsoft 365 Collab Apps & Platforms”, duke shtuar: “Ky kalim pasqyron mënyrën se si njerëzit dhe organizatat komunikojnë sot — me bashkëpunimin, integrimin dhe fleksibilitetin në thelb”.

“Ndërsa hedhim këtë hap të radhës me Teams, jemi entuziastë për mundësitë që na presin. Mezi presim të vazhdojmë të mbështesim lidhjet e përditshme të njerëzve, duke filluar me lehtësimin e hyrjes në Teams, përmes llogarive të tyre në Skype,” përfundon Teper.

S’i themi dot “lamtumirë” pa menduar se sa shpejt kalojnë vitet…

The post Fundi i një epoke! Skype mbyllet pas 22 vjetësh appeared first on Albeu.com.

Rama gjithsesi, pretendoi, pa dhënë fakte, se përdorimi i VPN-së “është i rrezikshëm” dhe se, sipas tij, “hakerat bëjnë namin”. Kjo është dukshëm një gjë krejtësisht e pavërtetë sepse VPN-të, të cilat mund të shkarkohen në celularë, kontrollohen për efekt sigurie nga kompanitë që ofrojnë shërbimin e ndërmjetësit, të tilla si ‘Apple Store’.

Ajo që ka ndodhur në Shqipëri me “mbylljen” e TikTok është shumë e thjeshtë. Një urdhër, i cili, sipas gjasave, është i paligjshëm, ka dalë nga një zyrë shteti dhe ka vajtur te kompanitë që ofrojnë shërbimin e aksesit në internet, të quajtura ISP.

Urdhri i kërkon këtyre kompanive të vendosin në regjistrimin e ndalimeve adresat e përdorura nga Tik Tok. Kompanitë kryesore, si Vodafone dhe One, e kanë zbatuar këtë urdhër. ISP të tjera dukshëm nuk e kanë marrë mundimin për ta zbatuar, ma ha mendja jo për shkak të ndonjë ndjenje rebelimi por për shkak se një shtet karrakatinë si ky i joni, të cilit i dalin të dhënat e qytetarëve sheshit në mënyrë të përsëritur, nuk merret seriozisht.

Dhe fakti që, muaj pasi urdhri është dhënë, mekanizmat e kontrollit mbi zbatimin e këtij urdhri duket se janë inekzistente (me gjasa, punonjësit shtetërorë që duhet të merren me punë të tilla janë ndërkohë të zënë duke bërë patronazhistin për partinë në pushtet), tregon se nuk është teknikisht e pamundur që të mbyllet aksesi në një faqe të caktuar, por kjo kërkon administratë publike profesionale, dhe mbi të gjitha, kërkon ligje, të cilat, në rastin konkret, thjeshtë mungojnë.

Pavarësisht kësaj, të gjitha problemet e lidhura, jo ngushtësisht me TikTok, por në thelb me mbrojtjen e të dhënave personale në botën e internetit – jo vetëm nga platformat online apo faqet e internetit por edhe nga korporatat, të tilla si bankat, apo, nga partitë politike, të tilla si Partia Socialiste, mbeten njësoj shqetësuese si më parë.

Për shembull, nëse qëllon që vizitoni një faqe interneti ndërsa jeni duke udhëtuar jashtë Shqipërisë, ose jeni duke përdorur VPN, një njoftim do t’ju shfaqet me shpjegime të detajuara mbi të dhënat personale që kjo faqe mbledh, dhe me një opsion për të zgjedhur nëse dëshiron ta lejosh atë faqe të grumbullojë këto të dhëna apo jo.

Fakti është që, ndryshe nga rasti i Tik Tokut, për të cilin qeveria nuk ka të drejtë, në rastin e tregut të bixhozit, ka të gjitha të drejtat dhe detyrat që të bllokojë dhe kontrollojë sepse njerëzimi ka dalë në konkluzionin prej shekujsh që ky të jetë një aktivitet i kontrolluar.

Dhe ajo që qeveria shqiptare ka bërë me të drejtë, por në mënyrë krejt të paefektshme, është që të urdhërojë ISP-të të mbyllin aksesin në qindra faqe online që ofrojnë baste sportive apo kazino. Mbyllja është e paefektshme për shkak se njerëzit mund të përdorin VPN, një shërbim, që edhe nëse nuk është falas, kushton 10 apo 20 euro në vit.

Ajo që qeveria duhet të bëjë, për të zbatuar në mënyrë efikase ligjin përkatës për kontrollin e bixhozit është, jo të bllokojë IP-të, por të urdhërojë bankat të mos lejojnë pagesa me kartë në drejtim të këtyre faqeve. Sepse bllokimi i IP-ve nuk funksionon ndërsa bllokimi i pagesave, po.

Këto janë vetëm maja e ajsbergut të problemeve të krijuara nga aftësia e kompjuterit për të ruajtur të dhënat tona personale, me potencialin për t’i përdorur këto të dhëna në dëm tonin, nga shantazhi emocional te përndjekja apo, në mënyrë kyçe, te përdorimi i këtyre të dhënave për frikësimin e votuesve përmes krijimit të frikës, (dhe frika mjafton për t’i bërë zgjedhjet të pavlefshme), se patronazhisti yt e di se ku ti punon, sa e ke rrogën, ku punojnë të afërmit e tu, a ke ndonjë biznes të vogël të shantazhueshëm nga taksidarët, a ke ndonjë ndërtim pa leje të shantazhueshëm nga patronazhisti tjetër i zyrës përkatëse, etj.

Pa folur pastaj për potencialin e keqpërdorimit të të dhënave personale nga kompanitë celulare, të cilat, kur u teket, të përndjekin me telefonata pa fund për të të ofruar shërbime që ty nuk të duhen, madje çuditen shumë fort kur përpiqesh t’i shpjegosh, me të mirë a me të keq, se detyrimi i tyre ligjor është që të mbajnë një regjistër përjashtimi, në të cilin duhet të vendosen numrat e qytetarëve të cilët i thonë, “mos më merr më në telefon”, dhe që ata nuk duhet ta marrin më në telefon.

Apo bankat, të cilat, përmes të dhënave të përdorimit të kartave bankare janë në gjendje të depërtojnë deri te mëlçia e klientit, duke e ditur se sa alkool pi, se sa yndyrë konsumon, se çfarë ilaçesh merr dhe rrjedhimisht, t’i vendosë një prim rreziku sa herë që klienti shfaqet në nevojë për të marrë kredi.

Këto janë shqetësime serioze dhe kërkojnë trajtim serioz. Mbyllja, bllokimi e të tjera si këto nuk janë zgjidhje dhe nuk mund të bëhen kurrë zgjidhje. Helbete, mund të na pëlqejë ta mbyllin qeverinë, por nuk e bëjmë dot. Kështu që, në vend të kësaj, na duhet që ta rregullojmë, atë dhe ato segmente të sektorit privat që bota pranon se janë të tilla që duhet të rregullohen nga autoriteti publik, si shërbimet financiare, bixhozi apo tregu ushqimor, ndërsa nuk duhet të rregullojmë, e aq më pak, të bllokojmë, fjalën e lirë, pavarësisht nëse kjo fjalë e lirë shfaqet në formën e banaliteteve të TikTok-ut apo në teori filozofike kontroverse.

Këto natyrisht që kërkojnë administratë civile profesionale, procese kushtetuese të ligjvënies apo ndryshimit të ligjeve dhe respekt për të drejtat themelore të njeriut, qofshin këto të drejtat e një vajze për të nxjerrë prapanicat në TikTok./BIRN

The post Mbyllja e TikTok, tani që dështoi rruga e shkurtër, nis rrugën e gjatë appeared first on Albeu.com.

Sali Berisha: Thirrje për gjimnazistët e studentët, nxënësit e shkollave 9-vjeçare, të rinjtë por edhe prindërit e tyre, të na bashkohen nesër në protestën e nesërme të madhe anti-censurë. Një tiran, intolerant ndaj fjalës së lirë e mendimit të lirë në shkelje të Kushtetutës e ligjin, i vuri gërshërët, “vari” Tik Tok-un në katin më të rëndë të censurës që nga diktatura.

The post Mbyllja e TikTok/ Berisha thirrje të rinjve dhe nxënësve: Na u bashkoni në protestën e nesërme anti-censurë (VIDEO) appeared first on Albeu.com.

“Ne e konsiderojmë këtë veprim të rrezikshëm për lirinë e shprehjes dhe kemi nisur tashmë punën për dërgimin e çështjes në Gjykatën Kushtetuese”, tha Myzyraj.

“Çdo veprim që cenon lirinë e shprehjes do të sfidohet nga ne në Gjykatën Kushtetuese dhe në Gjykatën Evropiane të të Drejtave të Njeriut”, shtoi ai.

Me kërkesë të Autoritetit të Komunikimeve Postare Elektronike (AKEP), kompanitë që ofrojnë shërbimeve interneti në vend, pritet të bllokojnë të enjten qasjen ne aplikacionin e Tik Tok në Shqipëri.

Ky bllokim, ndjek vendimin e Këshillit të Ministrave të datës 6 mars, 2025, për mbylljen e platformës për shkak të efektit të pretenduar negativ mbi shëndetin psiko-emocional të fëmijëve.

TikTok, është një platformë e mediave sociale e fokusuar te videot e shkurtra. Ajo u krijua nga kompania kineze ByteDance dhe lejon përdoruesit të krijojnë, montojnë dhe ndajnë video të shkurtra me efekte speciale, muzikë dhe filtra të ndryshëm.

Kryeministri Edi Rama, deklaroi në një postim në rrjetin social ‘X’, që vendimi për mbylljen e platformës Tik Tok, është marrë nga qeveria pas konsultimeve të gjëra me prindër dhe mësues.

“Ky është një vendim i marrë në konsultimin e gjerë me 65 mijë prindër e mësues, dhe e dyta është një vendim i marrë pasi u ngritën kapacitetet e nevojshme teknike”, shkruan Rama.

Shifrat e ofruara nga kryesministri nuk mund të verifikohen në mënyrë të pavarur, pasi takimet e tij nuk janë mbajtur në prani të medias.

Megjithatë, organizatat për mbrojtjen e lirisë së shprehjes në vend dhe ato ndërkombëtare janë shprehur kritike ndaj vendimit të qeverisë.

Blerjana Bino, drejtuese ekzekutive e qendrës SCiDEV i tha BIRN se ky është një precedent që cënon të drejtat themelore të njeriut.

“Ne na shqetëson precedenti që krijohet me mbylljen totale të Tik Tok, pra një precedent i “internet shutdown” duke cenuar kështu të drejtat themelore të qytetarëve siç është liria e shprehjes”, u shpreh Bino.

“Nën justifikimin e sigurisë për fëmijët qeveria me të njëjtën mënyrë mund të mbyllë nesër platforma të tjera, media apo internetin vetë, sepse shkaktojnë ‘dëm’”, shtoi ajo.

Drejtuesja e SCiDEV shtoi më tej se marrja e një dakordësie nga prindërit në kushte emocionale të ngarkuar nga një tragjedi, nuk është proces i rregullt i konsultimit dhe nuk mund të shërbejë si justifikim për mbylljen totale të platformës.

“Nuk ka asnjë raport publik të këtij konsultimi të pretenduar veç daljeve mediatike të Kryeministrit dhe Ministres përkatëse në shkolla”, tha Bino, teksa theksoi se të gjithë janë të shqetësuar për sigurinë e fëmijëve, por ka masa proporcionale të tjera që mund të merren.

“Shqipëria ndodhet dy muaj përpara zgjedhjeve parlamentare dhe mbyllja e një platforme që është shndërruar në një medium të rëndësishëm për zërat e rinj në politikë dhe jo vetëm, ngre shqetësime të tjera për qëllimin pas saj”, theksoi Bino.

Edhe kreu i AGSH-së Isa Myzyraj, tha se ky vendim është praktikisht një precedent për akte të tjera të censurës në një vend me një qeveri autokratike.

“Kjo tregon qartë se institucionet tona janë autokrate dhe nuk reflektojnë pavarësisht se dhjetra organizata vendase dhe ndërkombëtare kanë shprehur shqetësimin për mbylljen e Tik Tok”, tha ai.

“Jemi të shokuar që qeveria nuk ka bërë asnjë reflektim dhe asnjë hap pas në lidhje me këtë situatë”, përfundoi Myzyraj./BIRN

The post Asosacioni i Gazetarëve paralajmëron padi në Gjykatën Kushtetuese për mbylljen e Tik Tok appeared first on Albeu.com.

Në një e-mail të dërguar të gjitha subjekteve ISP (ofruesve të shërbimeve të internetit), AKEP ka kërkuar që të bllokojnë aksesin në TikTok deri më 13 mars.

Kjo masë është marrë pas një urdhri nga Autoriteti Kombëtar për Sigurinë Kibernetike.

Njoftimi i AKEP:

Autoriteti Kombëtar për Sigurinë Kibernetike (AKSK) me shkresën nr. 1196 prot., datë 10.03.2025 (administruar në AKEP me nr. 359/2 prot., datë 10.03.2025), ka kërkuar marrjen e masave të nevojshme për bllokimin e aksesit në aplikacionin TIK TOK dhe infrastrukturën e tij digjitale në territorin shqiptar, duke ndërmarrë veprimet e mëposhtme:

Bllokimi i IP-ve të TikTok në territorin e Shqipërisë.

Bllokimi i DNS-ve te TikTok në territorin e Shqipërisë.

Bllokimi i SNI (Server Name Indications) të TikTok në territorin e Shqipërisë.

Bllokimi i IP-ve të kompanisë ByteDance në territorin e Shqipërisë.

Në shkresën e AKSK-së citohet baza ligjore (Vendimi i Këshillit të Ministrave nr. 151 datë 6.3.2025) dhe listën e të gjitha IP-ve dhe domaineve, për të cilat kërkohet bllokimi i aksesit.

Bazuar në germën ç), të pikës 2 të nenit 30 të ligjit nr. 54/2024 “Për komunikimet elektronike në Republikën e Shqipërisë” dhe germës e), pika 1, të nenit 9, si dhe pikës 9 të Aneksit E, të Rregullores së AKEP nr. 47 datë 26.10.2017 “Për zbatimin e regjimit të Autorizimit të Përgjithshëm”, çdo operator/sipërmarrës që ofron shërbime/rrjete të komunikimeve elektronike sipas regjimit të autorizimit të përgjithshëm, duhet të respektojë kufizimet e transmetimeve të përcaktuara me përmbajtje të paligjshme ose të dëmshme nga AKSK.

Për sa më lart, ju përcjellim shkresën e AKSK-së.

Gjithashtu, secili sipërmarrës (ISP), duhet te paraqese konfirmim me shkrim në AKEP dhe për dijeni AKSK, për mbylljen e aksesit IP-ve dhe domaineve të cituara në shkresën e AKSK, brenda datës 13 mars 2025.

The post Nga nesër Shqipëria pa TikTok/ AKEP: Bllokoni aksesin më 13 mars (Zbardhet shkresa) appeared first on Albeu.com.

Sipas Ramës, ky vendim është marrë pas një konsultimi të gjerë me 65 mijë prindër dhe mësues, si dhe pas ngritjes së kapaciteteve teknike të nevojshme.

Ai shtoi se qeveria është në dialog pozitiv me kompaninë TikTok, e cila pritet të vizitojë Shqipërinë për të prezantuar masa të reja sigurie për fëmijët, përfshirë përmbajtje në gjuhën shqipe, si dhe risi në shërbim të arsimit.

“Ne themi atë që bëjmë dhe bëjmë atë që themi”, përfundoi Rama në reagimin e tij.

Vendimi për mbylljen e përkohshme të TikTokut është e para një vendim i marrë në konsultimin e gjerë me 65 mijë prindër e mësues dhe e dyta, është një vendim i marrë pasi u ngritën kapacitetet e nevojshme teknike, ndërkohë që ne jemi në një dialog shumë pozitiv me kompaninë, e…

— Edi Rama (@ediramaal) March 6, 2025

The post Mbyllja e TikTok/ Reagon Rama: Mbetemi në dialog me platformën, do të rritet siguria për gjuhën shqipe appeared first on Albeu.com.

“”Ja përse Edi Censori kërkon të mbyll Tik Tok-un!

Statistikat e Ramës janë ato që nuk kanë shkuar as te 20-ta”, shkruan kreu i PD-së, Sali Berisha në “Facebook”.

The post Berisha publikon statistikat: Ja përse Edi Rama kërkon të mbyll Tik Tok-un appeared first on Albeu.com.