Deputetja demokrate Ina Zhupa akuzoi Ministren e Arsimit, Evis Kushi dhe qeverinë se ka mbyllur në mënyrë të padrejtë dy nga institucionet me standardet më të larta në Shqipëri. Sipas saj qeveria shqiptare u soll si vasale e një shteti tjetër.

Në përgjigjen e saj ministrja Kushi deklaroi se mbyllja e dy institucioneve erdhi për shkak të mos respektimit të ligjit, duke shtuar se opozita nuk duhet të hedhë akuza ndërkohë që ajo që duhet të thotë fjalën e saj në këtë çështje që është drejtësia, i ka dhënë të drejtë vendimit të Këshillit të Ministrave.

Pjesë nga debati:

Zhupa: U mbyllën një shkollë dhe një kopësht, të dyja në shërbim të fëmijëve shqiptarë. Rama dhe Nikolla i kanë dhënë çertifikatë pak vite më parë, ndërsa sot thonë nuk kanë standarde. Me thënë të drejtën nuk kanë për institucione me standarde më të larta se këto dy institucione. Mund të më thoni se çfarë standardesh nuk plotësojnë?

The post Zhupa: Mbyllët dy institucionet me standardet më të larta. Kushi: Gjykata i ka dhënë të drejtë vendimit të Këshillit të Ministrave appeared first on Albeu.com.

Përmes një VKM-je të miratuar ditën e sotme, për prindërit kujdestarë që punojnë në administratë publike, që kanë fëmijë në çerdhe apo jo, apo dhe në shkolla, është vendosur që ta kenë pushim duke nisur nga sot deri të mërkurën.

Në vendim thuhet që prindërit mund të punojnë edhe nga shtëpia, nëpërmjet telepunës.

VENDIM PËR CAKTIMIN E DATAVE 24, 25 DHE 26 JANAR 2022 DITË PUSHIMI PËR PRINDIN KUJDESTAR TË FËMIJËVE TË MITUR

Në mbështetje të nenit 100 të Kushtetutës, të ligjit nr.152/2013, “Për nëpunësin civil”, të ndryshuar, dhe të ligjit nr.7961, datë 12.7.1995, “Kodi i Punës i Republikës së Shqipërisë”, të ndryshuar, me propozimin e Kryeministrit, Këshilli i Ministrave

VENDOSI:

Caktimin e datave 24, 25 dhe 26 janar 2022 ditë pushimi për njërin nga prindërit kujdestarë të fëmijëve, që frekuentojnë/ndjekin ose jo çerdhet, arsimin parashkollor dhe arsimin bazë, që janë nëpunës civilë dhe punonjës të tjerë të administratës publike, të nivelit qendror e vendor, si dhe në institucionet e tjera shtetërore.

Nëpunësit civilë dhe punonjësit e përmendur në pikën 1, të këtij vendimi, gjatë kësaj periudhe, për aq sa është e mundur, përjashtimisht, me kërkesë të eprorit të drejtpërdrejtë ose titullarit të institucionit, mund të kryejnë detyrat më të domosdoshme funksionale të cilat përmbushen në kushtet e banesës, nëpërmjet telepunës.

Për shkak të mbylljes së çerdheve dhe të institucioneve arsimore, si pasojë e motit të ftohtë të këtyre ditëve, jo të zakonshëm në vend, dhe përshkallëzimit të përhapjes së infeksionit nga COVID-19, iu bëjmë thirrje të gjithë punëdhënësve privatë që të gjejnë mundësitë për trajtimin me pushim të punëmarrësve të tyre, sipas pikës 1, të këtij vendimi.

Ngarkohen institucionet e administratës shtetërore për zbatimin e këtij vendimi, duke garantuar funksionalitetin e domosdoshëm të çdo institucioni.

Ky vendim hyn në fuqi menjëherë dhe botohet në “Fletoren zyrtare”.

The post Mbyllja e shkollave për tre ditë, zbardhet vendimi i qeverisë: Pushim edhe për prindërit kujdestarë appeared first on Albeu.com.

Ky vendim, për Partinë Demokratike është një dështim i qeverisë. Deputetja e PD-së, Merita Bakiu, në një deklaratë për shtyp thotë se në shkolla nuk ka ngrohje dhe pse janë akorduar fonde për garantimin e kushteve të mira.

“Të hënën të martën dhe të mërkurën qeveria ka lajmëruar se është ftohtë dhe ka mbyllur shkollat. PD gjykon se kjo nuk është një masë që u shërben fëmijëve. Mbyllja e shkollave është dështim i qeverisë. Qeveria ska siguruar as kushtet minimale për ngrohje.

Të njëjtën situatë e kemi denoncuar edhe vjet. Masa e vetme për fëmijët është mbyllja e shkollave në vend të kushteve normale. Sistemet e kaldajave s’punojnë, rrjeti elektrik s’mban ngarkesë. Në Dibër për shembull edhe këtu shkollat s’kanë ngrohje.  T’i japim fund kësaj gjendje duke nisur që më 6 mars”, tha Sako./albeu.com

The post Mbyllja e shkollave nga moti i ftohtë, PD: Qeveria e dështuar, nuk ka ngrohje appeared first on Albeu.com.

Në Gjermani, ku shkollat ​​tashmë janë mbyllur në disa zona, incidenca e personave nën moshën 15 vjeç është pothuajse dyfishi i mesatares kombëtare. Një tendencë e ngjashme është vënë re edhe në Mbretërinë e Bashkuar, Austri dhe Irlandë. Ajo çfarë ka shqetësuar qeveritë është nëse shkollat do të rihapen në janar siç ishte planifikuar, raporton abcnews.al

Mosrespektimi do të ishte një goditje për edukimin e fëmijëve dhe një shqetësim për punonjësit dhe bizneset, të cilët do të duhet të japin leje për prindërit në mënyrë që të punojnë nga shtëpia. Shkencëtarët kanë theksuar se duhet të merren masa të reja për shkollat, si zgjatja e pushimeve shkollore por edhe ndalimi i ekskursioneve, pasi ditët e fundit është regjistruar një rritje prej 5% të rasteve -7. % në moshat 0-18 vjeç.

Britania ishte e para që ndryshoi mendimin, me Ministrin e Shëndetësisë Sajid Javid që tha se nuk mund të përjashtonte mbylljen e shkollave pasi mutacioni i ri Omicron po përhapet me një “ritëm të jashtëzakonshëm”.

Në Francë, përqindja e fëmijëve pozitivë nën moshën nëntë vjeç u rrit në 634 për 100,000 deri më 6 dhjetor, nga më pak se 100 në fillim të nëntorit. Përveç kësaj, qeveria daneze mbylli të gjitha shkollat ​​fillore të martën, një javë më herët se sa ishte planifikuar. Të njëjtin vendim mori edhe Holanda dhe disa zona të Zvicrës.

Ndërkohë, për vendet e tjera, përfshirë Greqinë, mbyllja e shkollave është zgjidhja e fundit. Kreu i Komitetit Federal të Vaksinimit të Zvicrës, Christoph Berger. tha këtë javë se nëse rastet vazhdojnë të rriten, do të merrnin parasysh opsionin për mbylljen e shkollave por mund të merren edhe masa të tjera, si përdorimi i maskës apo edhe testet.

Në Belgjikë, zyrtarët e qeverisë e kanë bërë të qartë se ky është një opsion bërthamor. Zëdhënësi i Ministrisë së Arsimit Flamand Michael Devoldere tha se mbyllja e shkollave duhet të jetë opsioni i fundit./abcnews.al

The post Përhapja e Omicron në Europë, qeveritë rekomandojnë mbylljen e shkollave appeared first on Albeu.com.