Gjatë takimit, Berisha u shpreh se mbyllja e kopshtit është bërë me urdhër nga jashtë.

“Mbylljen e kopshtit e kam konsideruar një nga ngjarjet më të rënda që mund t’i ndodhë një vendi sovran. Të mbyllësh një kopësht me 50 fëmijë është pak të thuash që je 250 herë i çmendur, amoral, i pafytyrë, dhe çdo epitet mund t’i vihet. Të mbyllë një kopësht me urdhër nga jashtë, këtë e bën vetëm një qeveritar që është i shkëputur tërësisht nga interesat e fëmijëve. Ka probleme të brendshme politike ai dhe urdhëron vasali e tij në Tiranë të mbyllë kosphtin”, tha Berisha./albeu.com

The post Berisha takohet me prindër dhe edukatorë të “Turgut Ozal”: Vendimi për mbylljen e kopshtit erdhi nga jashtë appeared first on Albeu.com.

Prindërit kërkojnë anulimin e këtij vendimi, madje kanë paralajmëruar se do të bëjnë një padi civile në Strasburg.

Një prej prindërve ka kërkuar që Rama të bëjë hap pas pasi sipas saj e ardhmha e fëmijëve të tyre nuk i ngjan një telenovele turke.

Kopshti në fjalë ishte një ndër më të mirët në Shqipëri, megjithatë MAS vendosi ta mbylle me argumentin se kishte shkelur ligjin pas ndryshimit të godinës edhe pse ka dyshime të forta se vendimi në fakt është i lidhur me një kërkesë nga Presidenti i Turqisë, Erdogan. Këtë fakt e konfirmuan edhe mediat turke pranë qeverisë, të cilat dje shkruajtën se kopshti dhe kolegji i vajzave “Mehmet Akif” u mbyllën me kërkesë të Presidentit Erdogan./albeu.com

The post Prindërit kërkojnë rihapjen e kopshtit të “Turgut Ozal”: E ardhmja e fëmijëve tanë nuk është telenovelë turke appeared first on Albeu.com.

Një nga prindërit që ka dalë në protestë ditën e sotme para Kryeministrisë për mbylljen e kopshtit të “Turgut Ozal” ka paralajmëruar se këtë çështje do ta ndjekin në rrugë ligjore.

Ajo u shpreh se çështjen do ta dërgojnë dhe në Strasburg nëse do duhet.

“Në protestë kemi dalë sot për fëmijët e mi dhe të të gjithë Shqipërisë. Ne që jemi më larg nga Tirana nuk kemi mundësi ti çojmë fëmijët në kopshtet shtetërore që Rama na ka dërguar një listë. nuk mund ta çoj në një kopsht me kushte skandaloze ku në një krevat flenë tre fëmijë. Kam tre ditë që e mbaj fëmijën në shtëpi. Nuk kemi ndërmend të ndalemi me kaq. Shkolla po përpiqet të vijojë edhe me Strasburgun, ndërsa ne prindërit po mendojmë të nisim një padi civile si palë e tretë.

Jemi paralizuar edhe ne dhe fëmijët kemi ngelur në udhëkryq. Sipas shtetit duhet ti çojmë fëmijët në zona ku kemi lagjen. Unë jetoj në Kamëz ndërsa lista me kopshtet janë të gjitha në Tiranë. Në kopshtet e Tiranës e kemi të pamundur ti çojmë. Qeveria nuk do një arsim të mirë. Kanë hall se mos u rrezikohet pushteti dhe duan që këtu t’ja mbathin të gjithë e të mbesin vetëm pleqëria e të mos kenë mundësi të protestojnë? Vetë jam mësuese dhe psikologe dhe kam zgjedhur vendin tim për të edukuar brezat e ardhshme të Shqipërisë,” tha ajo./albeu.com

The post Protesta e prindërve para Kryeministrisë për mbylljen e kopshtit: Do nisim padi civile në Strasburg appeared first on Albeu.com.

Përmes një postimi në rrjetet sociale, Meta bën të ditur se përfaqësuesit i shpjeguan detaje nga veprimet anti-ligjore për të mbyllur kopshtin.

Ai thekson se është shokuar nga këto fakte të cilat shkatërrojnë sigurinë juridike në vend, duke shtuar se arsimi nuk duhet të bëhet viktimë e politikës.

Mesazhi nga Ilir Meta:

Prita sot përfaqësuesit e institucionit arsimor “Turgut Ozal”, një investim privat hollandez, që më shpjeguan në detaje veprimet antiligjore të Qeverisë shqiptare ndaj këtij institucioni arsimor, për të cilat janë njoftuar dhe rasti po ndiqet me vëmendje edhe nga institucionet ndërkombëtare.

Jam i shokuar nga këto fakte të cilat shkatërrojnë sigurinë juridike në vend. Këto akte antiligjore nuk kanë të bëjnë vetëm me një shkollë, por tregojnë rrezikun që i kanoset çdo qytetari, investitori të huaj, biznesi të ndershëm, etj.

Shpreh shqetësimin e madh për këto akte të papranueshme, nisur edhe nga fakti, që ky vendim i Qeverisë merret pasi ka filluar shkolla, duke ndikuar tek fëmijët dhe familjet e tyre, si edhe tek mësuesit.

Jemi një vend që duhet të funksionojë sipas ligjeve, por në këtë rast, shteti ynë ka kryer akte arbitrare brutale dhe të paligjshme, që kanë traumatizuar qindra vogëlushë dhe familjet e tyre.

I inkurajova ata të ndjekin deri në fund rrugën ligjore dhe i sigurova se do ta monitorojmë procesin nga afër.

Arsimi dhe fëmijët të mos përfshihen e të bëhen viktima të politikës!/albeu.com/

The post Mbyllja e kopshtit, Meta takon përfaqësuesit e “Turgut Ozal”: Akt i papranueshëm, do monitorojmë procesin nga afër appeared first on Albeu.com.