Sipas informacioneve paraprake, Buzi është futur brenda automjetit të tij dhe vijon rezistencën, ndërsa efektivët e policisë po përpiqen ta bindin.

Në vendngjarje janë vendosur forcat speciale RENEA, të cilat prej disa orësh ndodhen në terren.

Efektivë të pajisur me snajperë janë pozicionuar në zonë, ndërsa perimetri është rrethuar nga forcat e sigurisë.

Ngjarja vjen që prej orëve të para të mëngjesit, ku Buzi bastisi shtëpinë ish-partneres së tij dhe vrau me armë ish-vjehrrin, plagosi nëën e 24-vjeçares dhe mbajti peng për disa orë këtë të fundit.

The post Krimi në Fier, Refit Buzi mbyllet në automjet, refuzon të dorëzohet appeared first on Albeu.com.

Sipas burimeve, diskutimet janë fokusuar në dy seancat e kësaj jave, ajo e së martës, e cila do t’i dedikohet raporteve të institucioneve të pavarura, dhe seanca e së enjtes, ku do të shqyrtohen projektligje të ndryshme.

Përtej axhendës zyrtare, kryeministri Rama, u ka kërkuar deputetëve një angazhim më të madh dhe më efektiv në rrjetet sociale, duke u kërkuar atyre të jenë zëra më aktivë në komunikimin me publikun.

Ndërkohë, sesioni parlamentar po shkon drejt mbylljes, me vetëm 4 seanca të mbetura për muajin korrik. Një nga pikat më të nxehta të ditëve në vijim pritet të jetë puna e komisionit të posaçëm për Reformën Territoriale, e cila mbetet në qendër të vëmendjes politike.

The post Mbyllet mbledhja e grupit parlamentar të PS-së, ja çfarë u diskutua appeared first on Albeu.com.

Me një urdhër të brendshëm, Bami nxirret në oraret e ajrimit vetëm dhe i pashoqëruar nga të tjerët, dhe ky urdhër i dhënë policisë së burgjeve po zbatohet nga të gjitha turnet.

Të dhënat për ndonjë atentat të mundshëm mbahen sekret, raporton Anila Hoxha, ndërsa më herët, si rezulton nga shkresat, menjëherë mbasi u ekstradua nga Dubai, Durim Bami kërkoi të lirohej nga paraburgimi 313 sepse i rrezikohej jeta.

Burgjet prej ditësh po kryejnë kontrolle blic, dhe vetëm në burgun e sigurisë së lartë në Peqin dhe në Reç janë rikthyer katër herë.

The post U transferua nga burgu i Fushë-Krujës në atë të Peqinit për shkak të sigurisë, Durim Bami mbyllet në sektorin e sigurisë së lartë appeared first on Albeu.com.

Autoritetet iraniane kanë bërë të ditur se kjo rrugë kyçe e transportit detar, do të mbetet e bllokuar derisa Shtetet e Bashkuara të heqin kufizimet ndaj porteve iraniane. Vendimi vjen vetëm pak ditë pasi ngushtica ishte rihapur përkohësisht.

Kryetari i parlamentit të Iranit, Mohammad Bagher Ghalibaf, deklaroi se megjithëse ka pasur përparim në negociatat me SHBA-në, palët mbeten ende larg një marrëveshjeje përfundimtare.

Bisedimet e fundit mes përfaqësuesve të Iranit dhe zyrtarëve amerikanë janë zhvilluar në Pakistan, ndërsa ende nuk është caktuar një datë për raundin e ardhshëm të negociatave.

Nga ana tjetër, Presidenti amerikan Donald Trump ka theksuar se dialogu me Teheranin po vazhdon në mënyrë pozitive, por ka paralajmëruar se SHBA-ja nuk do të lejojë presione apo “shantazh” lidhur me kontrollin e Ngushticës së Hormuzit.

Mbyllja e kësaj rruge të rëndësishme detare, pritet të ketë ndikim të drejtpërdrejtë në tregjet ndërkombëtare të energjisë dhe në stabilitetin ekonomik global.

The post Ngushtica e Hormuzit mbyllet sërish, rriten tensionet mes Iranit dhe SHBA-së appeared first on Albeu.com.

Në seancën e sotme janë dëgjuar argumentet e palëve në proces, Presidencës, SPAK dhe Qeverisë dhe në përfundim të tyre, kryetarja e Gjykatës Kushtetuese ka deklaruar të mbyllur seancën.

“Deklarojmë mbylljen e shqyrtimit gjyqësor. Trupi gjyqësor tërhiqet për vendim, data dhe ora do t’u komunikohet sipas parashikimeve ligjore” ,tha kryetarja e Gjykatës Kushtetues.

Seanca u mbajt pas ankimimit të kryeministrit Edi Rama, i cili pretendon se me vendimin e pezullimit të Ballukut, gjykata ka shkelur kompetencat e tij si kryeministër.

Rama e dorëzoi ankimin në Kushtetuese në nëntor të vitit të kaluar, ku kërkonte nga Gjykata Kushtetuese që të vlerësojë nëse, masa e pezullimit të vendosur nga GJKKO për Ballukun, përbën cenim të kompetencave kushtetuese dhe balancës së pushteteve, duke justifikuar se një gjykatë speciale nuk ka juridiksion për të pezulluar një anëtar të Këshillit të Ministrave.

Gjykata e Posaçme vendosi më 20 nëntor të vitit të kaluar, që ta pezullonte Ballukun nga detyra dhe të ndalonte udhëtimin jashtë vendit, duke i bllokuar pasaportën, pasi ajo u mor e pandehur për akuzën e shkeljes së barazisë në tendera.

Balluku akuzohet se ka manipuluar dy tendera me vlerë 210 milionë euro, së bashku me vartësit e saj më të ngushtë, Evis Berberi, Gentian Gjyli dhe Erald Elezi, duke favorizuar kompanitë fituese, ndërsa akuzave u është shtuar edhe shkelje e barazisë me tendera në Unazën e Madhe.

Në vrazhdën e këtyre akuzave, Prokuroria e Posaçme, ka dorëzuar në Kuvend edhe kërkesën për heqjen e imunitetit dhe autorizim për arrestimin e Ballukut.

Mbledhja e radhës e Këshillit të Mandateve për imunitetin e saj pritet të mbahet më 28 janar, pas vendimit që pritet të japë Kushtetuesja.

The post Mbyllet seanca në Kushtetuese për Belinda Ballukun: Do njoftojmë për datën e vendimit! appeared first on Albeu.com.

Shkolla 9-vjeçare e fshatit, që dikur mblidhte rreth 120 nxënës, sot është e mbyllur me dry. Në fshat nuk ka më asnjë fëmijë, ndërsa edhe të rinjtë janë larguar prej vitesh.

Më i riu në fshat është 65-vjeç, ndërsa pjesa tjetër janë të moshuar mbi 70-vjeç, që jetojnë vetëm dhe punojnë tokat për të mbajtur veten.

Njëri prej atyre që e kujton me mall kohën kur fshati kishte jetë, është Nasho Shituni, ish-mësuesi i shkollës.

Ai ka dhënë mësim aty për 20 vite dhe sot, në moshën 85-vjeçare, e sheh me dhimbje gjendjen në të cilën ka mbetur godina.

“Shkolla ka qenë e rregullt, me nxënës të mirë dhe prindër të përkushtuar. Më vjen keq ta shoh kështu sot”, thotë ndër të tjera ai.

The post Fshati që po shuhet në Gjirokastër/ Nuk ka fëmijë, më i riu është 65-vjeç, mbyllet shkolla appeared first on Albeu.com.

Rreth 70% e personelit kanë dhënë dorëheqjen, pasi nuk kanë mundur të pranojnë transferimet në qytete të tjera, ndërsa 30% e mbetur vijojnë punën vetëm për një periudhë tranzitore prej rreth tre muajsh.

Mbyllja e institucionit ka goditur ndjeshëm komunitetin lokal, pasi afro 100 punonjës kanë mbetur pa punë në një zonë ku mundësitë e punësimit janë të kufizuara.

Banorët e konsiderojnë situatën si një “goditje të dyfishtë”, veçanërisht për familjet që ndër vite janë mbështetur ekonomikisht te paga e këtij institucioni.

Vendimi për mbylljen e burgut, i cili ka mbërritur vetëm një ditë pas zgjedhjeve, ka shkaktuar debat dhe pakënaqësi.

Punonjës dhe banorë të zonës e konsiderojnë mbylljen të papritur dhe të paqartë në argumentim, ndërsa kërkojnë që institucionet qendrore të paraqesin një plan për të mbështetur familjet e prekura.

Aktualisht po vijojnë procedurat e dorëzimit të godinës dhe transferimit të të dënuarve. Ende nuk ka informacion se çfarë destinacioni do të marrë objekti pas mbylljes, as nëse do të ketë alternativa punësimi për personelin e lënë pa punë.

Mbyllja e burgut vjen në një periudhë kur Tepelena përballet me papunësi të lartë dhe largim të të rinjve drejt qyteteve të mëdha apo jashtë vendit.

Burgu i Bënçës, një institucion me histori mbi 60-vjeçare

I ndërtuar në vitet 1960, Burgu i Bënçës ka qenë një nga institucionet më të veçanta penitenciare në vend, me një kapacitet prej rreth 70 të dënuarish.

Në periudha të ndryshme ai ka funksionuar si repart sigurie, ndërsa shpeshherë ka shërbyer si burg “rezervë” i Ministrisë së Punëve të Brendshme.

Gjatë dekadave, institucioni ka mbajtur të dënuar për vepra të ndryshme penale dhe është konsideruar një prej burgjeve më të njohura të jugut të vendit.

Për Tepelenën dhe zonat përreth, ai ka qenë një punëdhënës i rëndësishëm, duke siguruar të ardhura të qëndrueshme për dhjetëra familje për shumë vite.

The post Mbyllet burgu i Bënçës/ Rreth 100 punonjës mbeten pa punë, Tepelena përballet me goditje sociale appeared first on Albeu.com.

Autoritetet greke, thonë mediat e huaja, kanë njoftuar se vendimi është marrë për shkak të temperaturave që pritet të arrijnë deri në 43 gradë Celsius.

Në përgjigje të valës së të nxehtit, autoritetet greke kanë vendosur pushime të detyrueshme pune në disa zona të prekura, veçanërisht në Greqinë qendrore dhe disa ishuj.

The post Temperatura mbi 40°C, mbyllet Akropoli në Athinë appeared first on Albeu.com.

Në vendin e tretë, është Partia Socialdemokrate e Tom Doshit, e cila ka marrë 1.94 %.

Rezultati i afishuar në faqen e KQZ:

The post Mbyllet numërimi në Kavajë/ Partia Demokratike fiton me 53.75% të votave appeared first on Albeu.com.

Lajmi është bërë me dije nga Autoriteti Rrugor Shqiptar (ARRSH), përmes një postimi në rrjetet sociale, teksa nuk është raportuar një datë se kur do të hapet, duke qenë kështu një mbyllje pa afat.

Arsyeja e mbylljes ka qenë për shkak se do të përfundohen punimet, pasi projekti ende nuk është ndërtuar plotësisht.

Ndërkohë, vlen të theksohet fakti se kur tuneli të rihapet, do të jetë me pagesë me vlerë rreth 5 euro, një gjë që e ka konfirmuar edhe ministrja e Infrastrukturës dhe Energjetikës, Belinda Balluku, gjatë një interviste televizive.

“Tuneli i Llogarasë është një vepër me pagesë, pasi do të ketë një mirëmbajtje me kosto të larta. Përllogaritet diku të 5 euro, por bëhet fjalë për vitin e ardhshëm, jo për këtë vit”, ka deklaruar ministrja Balluku.

Kujtojmë se Balluku, është paditur në SPAK nga Partia Demokratike, në lidhje me tunelin e Llogarasë, ku dyshohet se ka kryer në bashkëpunim veprat penale të “Shkeljes së barazisë së pjesëmarrësve në tendera apo ankande publike” dhe “Korrupsionit pasiv të funksionarëve të lartë shtetërorë ose i të zgjedhurve vendorë”.

Tuneli i Llogarasë, ka kushtuar rreth 170 milion euro dhe dyshohet se i është fryrë kostoja me 30 milionë euro, që i shkuan një kompanie turke, e cila nuk bëri asnjë punim.

The post Mbyllet tuneli i Llogarasë, kur të rihapet do të jetë me pagesë appeared first on Albeu.com.