Në seancën e sotme janë dëgjuar argumentet e palëve në proces, Presidencës, SPAK dhe Qeverisë dhe në përfundim të tyre, kryetarja e Gjykatës Kushtetuese ka deklaruar të mbyllur seancën.

“Deklarojmë mbylljen e shqyrtimit gjyqësor. Trupi gjyqësor tërhiqet për vendim, data dhe ora do t’u komunikohet sipas parashikimeve ligjore” ,tha kryetarja e Gjykatës Kushtetues.

Seanca u mbajt pas ankimimit të kryeministrit Edi Rama, i cili pretendon se me vendimin e pezullimit të Ballukut, gjykata ka shkelur kompetencat e tij si kryeministër.

Rama e dorëzoi ankimin në Kushtetuese në nëntor të vitit të kaluar, ku kërkonte nga Gjykata Kushtetuese që të vlerësojë nëse, masa e pezullimit të vendosur nga GJKKO për Ballukun, përbën cenim të kompetencave kushtetuese dhe balancës së pushteteve, duke justifikuar se një gjykatë speciale nuk ka juridiksion për të pezulluar një anëtar të Këshillit të Ministrave.

Gjykata e Posaçme vendosi më 20 nëntor të vitit të kaluar, që ta pezullonte Ballukun nga detyra dhe të ndalonte udhëtimin jashtë vendit, duke i bllokuar pasaportën, pasi ajo u mor e pandehur për akuzën e shkeljes së barazisë në tendera.

Balluku akuzohet se ka manipuluar dy tendera me vlerë 210 milionë euro, së bashku me vartësit e saj më të ngushtë, Evis Berberi, Gentian Gjyli dhe Erald Elezi, duke favorizuar kompanitë fituese, ndërsa akuzave u është shtuar edhe shkelje e barazisë me tendera në Unazën e Madhe.

Në vrazhdën e këtyre akuzave, Prokuroria e Posaçme, ka dorëzuar në Kuvend edhe kërkesën për heqjen e imunitetit dhe autorizim për arrestimin e Ballukut.

Mbledhja e radhës e Këshillit të Mandateve për imunitetin e saj pritet të mbahet më 28 janar, pas vendimit që pritet të japë Kushtetuesja.

The post Mbyllet seanca në Kushtetuese për Belinda Ballukun: Do njoftojmë për datën e vendimit! appeared first on Albeu.com.

Shkolla 9-vjeçare e fshatit, që dikur mblidhte rreth 120 nxënës, sot është e mbyllur me dry. Në fshat nuk ka më asnjë fëmijë, ndërsa edhe të rinjtë janë larguar prej vitesh.

Më i riu në fshat është 65-vjeç, ndërsa pjesa tjetër janë të moshuar mbi 70-vjeç, që jetojnë vetëm dhe punojnë tokat për të mbajtur veten.

Njëri prej atyre që e kujton me mall kohën kur fshati kishte jetë, është Nasho Shituni, ish-mësuesi i shkollës.

Ai ka dhënë mësim aty për 20 vite dhe sot, në moshën 85-vjeçare, e sheh me dhimbje gjendjen në të cilën ka mbetur godina.

“Shkolla ka qenë e rregullt, me nxënës të mirë dhe prindër të përkushtuar. Më vjen keq ta shoh kështu sot”, thotë ndër të tjera ai.

The post Fshati që po shuhet në Gjirokastër/ Nuk ka fëmijë, më i riu është 65-vjeç, mbyllet shkolla appeared first on Albeu.com.

Rreth 70% e personelit kanë dhënë dorëheqjen, pasi nuk kanë mundur të pranojnë transferimet në qytete të tjera, ndërsa 30% e mbetur vijojnë punën vetëm për një periudhë tranzitore prej rreth tre muajsh.

Mbyllja e institucionit ka goditur ndjeshëm komunitetin lokal, pasi afro 100 punonjës kanë mbetur pa punë në një zonë ku mundësitë e punësimit janë të kufizuara.

Banorët e konsiderojnë situatën si një “goditje të dyfishtë”, veçanërisht për familjet që ndër vite janë mbështetur ekonomikisht te paga e këtij institucioni.

Vendimi për mbylljen e burgut, i cili ka mbërritur vetëm një ditë pas zgjedhjeve, ka shkaktuar debat dhe pakënaqësi.

Punonjës dhe banorë të zonës e konsiderojnë mbylljen të papritur dhe të paqartë në argumentim, ndërsa kërkojnë që institucionet qendrore të paraqesin një plan për të mbështetur familjet e prekura.

Aktualisht po vijojnë procedurat e dorëzimit të godinës dhe transferimit të të dënuarve. Ende nuk ka informacion se çfarë destinacioni do të marrë objekti pas mbylljes, as nëse do të ketë alternativa punësimi për personelin e lënë pa punë.

Mbyllja e burgut vjen në një periudhë kur Tepelena përballet me papunësi të lartë dhe largim të të rinjve drejt qyteteve të mëdha apo jashtë vendit.

Burgu i Bënçës, një institucion me histori mbi 60-vjeçare

I ndërtuar në vitet 1960, Burgu i Bënçës ka qenë një nga institucionet më të veçanta penitenciare në vend, me një kapacitet prej rreth 70 të dënuarish.

Në periudha të ndryshme ai ka funksionuar si repart sigurie, ndërsa shpeshherë ka shërbyer si burg “rezervë” i Ministrisë së Punëve të Brendshme.

Gjatë dekadave, institucioni ka mbajtur të dënuar për vepra të ndryshme penale dhe është konsideruar një prej burgjeve më të njohura të jugut të vendit.

Për Tepelenën dhe zonat përreth, ai ka qenë një punëdhënës i rëndësishëm, duke siguruar të ardhura të qëndrueshme për dhjetëra familje për shumë vite.

The post Mbyllet burgu i Bënçës/ Rreth 100 punonjës mbeten pa punë, Tepelena përballet me goditje sociale appeared first on Albeu.com.

Autoritetet greke, thonë mediat e huaja, kanë njoftuar se vendimi është marrë për shkak të temperaturave që pritet të arrijnë deri në 43 gradë Celsius.

Në përgjigje të valës së të nxehtit, autoritetet greke kanë vendosur pushime të detyrueshme pune në disa zona të prekura, veçanërisht në Greqinë qendrore dhe disa ishuj.

The post Temperatura mbi 40°C, mbyllet Akropoli në Athinë appeared first on Albeu.com.

Në vendin e tretë, është Partia Socialdemokrate e Tom Doshit, e cila ka marrë 1.94 %.

Rezultati i afishuar në faqen e KQZ:

The post Mbyllet numërimi në Kavajë/ Partia Demokratike fiton me 53.75% të votave appeared first on Albeu.com.

Lajmi është bërë me dije nga Autoriteti Rrugor Shqiptar (ARRSH), përmes një postimi në rrjetet sociale, teksa nuk është raportuar një datë se kur do të hapet, duke qenë kështu një mbyllje pa afat.

Arsyeja e mbylljes ka qenë për shkak se do të përfundohen punimet, pasi projekti ende nuk është ndërtuar plotësisht.

Ndërkohë, vlen të theksohet fakti se kur tuneli të rihapet, do të jetë me pagesë me vlerë rreth 5 euro, një gjë që e ka konfirmuar edhe ministrja e Infrastrukturës dhe Energjetikës, Belinda Balluku, gjatë një interviste televizive.

“Tuneli i Llogarasë është një vepër me pagesë, pasi do të ketë një mirëmbajtje me kosto të larta. Përllogaritet diku të 5 euro, por bëhet fjalë për vitin e ardhshëm, jo për këtë vit”, ka deklaruar ministrja Balluku.

Kujtojmë se Balluku, është paditur në SPAK nga Partia Demokratike, në lidhje me tunelin e Llogarasë, ku dyshohet se ka kryer në bashkëpunim veprat penale të “Shkeljes së barazisë së pjesëmarrësve në tendera apo ankande publike” dhe “Korrupsionit pasiv të funksionarëve të lartë shtetërorë ose i të zgjedhurve vendorë”.

Tuneli i Llogarasë, ka kushtuar rreth 170 milion euro dhe dyshohet se i është fryrë kostoja me 30 milionë euro, që i shkuan një kompanie turke, e cila nuk bëri asnjë punim.

The post Mbyllet tuneli i Llogarasë, kur të rihapet do të jetë me pagesë appeared first on Albeu.com.

Në fund të dhjetorit, kjo do të marrë fund dhe fabrika e birrës nga Neu-Ulm nuk do të jetë më në treg.
Bashkëpronarja e fabrikës Christa Zoller ka shpjeguar për gazetën “Bild” se konsumi i birrës po bie për shkak të rritjes së çmimeve të lëndëve të para dhe energjisë.

“Ne kemi pasur humbje me biznesin e birrës që dhjetë vjet,” ka thënë Zoller duke shtuar se prodhimi i birrës tani arrin në 100 mijë litra teksa katër vjet më herët kjo sasi ishte 150 mijë.

Një komplet me 12 shishe birrë Märzen kushton 13.50 euro, por sipas Christa Zoller kjo nuk mjafton.

“Çmimi duhej të ishte pothuajse dy herë më i lartë, atëherë ne mund të shpenzonim përsëri para për sisteme të reja, por kjo nuk mund të arrihet në treg,” ka thënë ajo duke shtuar se burokracia “po ua vështirëson jetën” prodhuesve të birrës.

The post Mbi tre shekuj prodhim, mbyllet një nga birraritë më të vjetra në Gjermani appeared first on Albeu.com.

Ministri i Punëve të Brendshme, Xhelal Svela, ka njoftuar se një familje shqiptare nga Kosova që po udhëtonte për në Gjermani është kthyer me forcë prapa nga serbët që kanë bllokuar rrugën, në tri pika kufitare me Kosovën.

Sveçla, përmes një postimi në Facebook, ka thënë se “pas paralajmërimit të grupeve ekstremiste serbe për protesta sot pas orës 18:00, janë vërejtur grupe ekstremistësh të maskuar të cilët në prani të policisë së Serbisë, brenda territorit të Serbisë, kanë ndaluar veturat dhe legjitimuar udhëtarët”.

“Para pak çastesh, një familjes e cila po udhëtonte për në Gjermani, i është pamundësuar vazhdimi i udhëtimit dhe është kthyer prapa me forcë”, ka shkruar Sveçla, transmeton Telegrafi.

Ai ka thënë se “kjo po ndodhë para syve të policisë së Serbisë, fakt ky që e bën atë bashkë fajtore”.

“Këto akte fashiste ku serbët lejohen pavarësisht dokumentacioneve që posedojnë kurse shqiptarët pengohen pavarësisht dokumentacioneve që posedojnë, janë absolutisht të papranueshme për ne”.

“Prandaj, deri në stabilizimin e qarkullimit normal, të pa pengueshëm dhe të sigurtë për të gjithë udhëtarët, pika kufitare në Bërnjak mbyllet për qarkullim”, ka thënë Sveçla.

Edhe ministrja e Punëve të Jashtme, Donika Gërvalla ka reaguar për ndalimin e familjes shqiptare brenda territorit të Serbisë.

“Në pikën kufitare në Bërnjak, brenda territorit të Serbisë, persona të maskuar po ndalojnë edhe veturat me regjistrim gjerman dhe pas konstatimit që janë shqiptarë, nuk po i lënë të kalojnë”.

“Vetura e policisë serbe veç shikon dhe nuk ndërhyn për të siguruar lëvizjen e lirë të qytetarëve, duke u bërë kështu bashkëfajtore e këtij seleksionimi racist dhe fashist, i cili sjell në mendje kohë të errëta dhe si i tillë nuk guxon të tolerohet”, tha ajo, duke bërë gjithashtu të ditur se pika kufitare në Bërnjak mbyllet deri sa të largohen të maskuarit dhe të kthehet lëvizja e lirë.

Rrugët në pjesën serbe që çojnë drejt tri pikave kufitare mes Kosovës dhe Serbisë, Merdarë, Bërnjak dhe Jarinjë, janë bllokuar pjesërisht pasditen e së premtes nga përfaqësuesit e disa shoqatave serbe, në shenjë proteste ndaj vendimeve të autoriteteve kosovare në veriun e Kosovës të banuar me shumicë serbe.

The post Sveçla: Mbyllet vendkalimi kufitar në Bërnjak, serbët maltretuan një familje shqiptare që po udhëtonte për në Gjermani appeared first on Albeu.com.

MESAZHI I METËS:

Fotoalbum nga kampingu veror i të rinjve dhe të rejave të Partisë së Lirisë.

Jala 2024, do të mbetet e paharrueshme jo vetëm për atmosferën rinore dhe frymëzuese, por ajo hodhi themelet e fuqishme të shpërthimit të një organizate rinore patriotike, që do t’i japë fund dramës së shpopullimit dhe do ta kthejë Shqipërinë në një fuqi eksportuese, me një program konkret dhe ambicioz që investon fuqishëm për arsimimin dhe kapitalin njerëzor, duke fuqizuar të rinjtë për vende pune produktive dhe të mirëpaguara.

The post Mbyllet kampingu i PL-së/ Meta: Jala 2024 hodhi themelet e fuqishme të shpërthimit të një organizate rinore patriotike appeared first on Albeu.com.

Për shkak edhe të temperaturave të larta, protesta ka zgjatur më pak se një orë. Ndryshe nga herët e tjera kryebashkiaku Erion Veliaj, u fut në zyrë pak para nisjes së tubimit.

Ai zgjodhi rrugën mes ministrive dhe jo të futej nga hyrja e zakonshme e Bashkisë.

Protesta e sotme u zhvillua pa incidente dhe përplasje, ndonëse më herët qytetarët hodhën vezë në drejtim të bashkisë.

The post Mbyllet protesta e opozitës para Bashkisë së Tiranës appeared first on Albeu.com.