Kryetari i qeverisë, Edi Rama, drejton delegacionin shqiptar në këtë Konferencë të nëntë Ndërqeveritare me Bashkimin Evropian, ku do të vuloset mbyllja e kapitullit 25 (Shkenca dhe Kërkimi), kapitullit 26 (Arsimi dhe Kultura) dhe kapitullit 30 (Marrëdhëniet me Jashtë). Këto fusha janë vlerësuar tashmë të përputhura me normativat e BE-së.

Seanca e nivelit të lartë do të hapet në orën 19:00, ndërkohë që një konferencë për shtyp mbi ecurinë e rrugëtimit integrues është paralajmëruar rreth orës 20:00.

Ky hap paraqet përmbylljen me sukses të pikave të ndërmjetme (IBAR), një gur themeli në kuadër të dialogut me institucionet evropiane.

Pas kësaj arritjeje, Tirana duhet të përmbushë kriteret për mbylljen e 30 kapitujve të tjerë, me ambicien që pjesa teknike e negociatave të përfundojë brenda vitit 2027. Fjala e fundit për pranimin e plotë mbetet një vendim politik, i cili kërkon pëlqimin unanim të 27 vendeve anëtare të Unionit.

The post Shqipëria mbyll sot tre kapitujt e parë të negociatave me BE-në në Bruksel appeared first on Albeu.com.