Sipas zyrtarëve ukrainas, pesë persona kanë vdekur, përfshirë një fëmijë dyvjeçar, në qytetin e Odesës, ndersa sulmet tjera në Harkiv, Herson dhe Zaporizhja, kanë vrarë edhe tre persona të tjerë.

“Rusia vazhdon të godasë civilët”, ka thënë Zelensky përmes një postimi në rrjetet sociale.

“Neve na duhet më shumë mbrojtje ajrore prej partnerëve tanë. Neve na duhet të forcojmë mbrojtjen ajrore ukrainase për të rritur mbrojtjen për njerëzit tanë prej terrorit rus. Më shumë sisteme për mbrojtje dhe më shumë raketa do të shpëtojnë jetë”, ka shtuar ai.

Lufta në Ukrainë ka hyrë në vitin e tretë, ndërsa ndihma e Shteteve të Bashkuara, në vlerë të 60 miliardë dollarëve, është e bllokuar në Kongres prej disa republikanëve konservatorë.

Forca ajrore ukrainase ka thënë se Rusia i ka lëshuar 17 dronë iranianë Shahed përgjatë natës dhe tri raketa.

Autoritetet ukrainase kanë thënë se i kanë rrëzuar 14 dronë, mirëpo mbetjet e tyre kanë rënë në ndërtesat e banimit në Odesa dhe Harkiv.

Gjysma e gjithë municioneve të premtuara perëndimore pritet të arrijnë në Ukrainë më vonë gjatë vitit, derisa zyrtarët ukrainas kanë paralajmëruar se çdo vonesë do të kushtojë me jetë dhe territore.

Forcat ushtarake ruse kanë avancuar muajin e kaluar në pjesën perëndimore, duke e marrë kontrollon e Avdivkas dhe disa fshatrave.

Komandanti i ri i ushtrisë ukrainas Oleksandr Syrsky, ka thënë të shtunën, pas një vizite në vijën e frontit, se “situata është e vështirë, por e kontrollueshme”.

Rusia ka shprehur zemërim së fundi edhe rreth asaj që duket se është rrjedhje e një diskutimi të ushtrisë gjermane për Ukrainën, në të cilin zyrtarët dyshohet se kanë diskutuar për sulme me raketa në Krime, gadishullin ukrainas të aneksuar prej Rusisë më 2014.

Kancelari gjerman, Olaf Scholz është zotuar të shtunën për një hetim të plotë, pasi shefja e mediumit rus RT, që gëzon përkrahjen e shtetit, e ka publikuar një audio-incizim në rrjetet sociale, çka potencialisht mund të përbëjë turpërim të madh për Berlinin./rel

The post Zelensky bën thirrje për më shumë sisteme mbrojtëse nga perëndimi pas valës së sulmeve ruse appeared first on Albeu.com.

Presidenti ukrainas u ka kërkuar vendeve që t’i japin Kievit avionë luftarakë për të ndihmuar në betejën e tij kundër Rusisë për muaj të tërë.

Deri më tani, vetëm Sllovakia dhe Polonia kanë ofruar avionë luftarakë të epokës sovjetike MIG-29.

“Blloku ynë ndërkombëtar po punon fuqishëm dhe tërësisht me partnerët për paketat e reja të mbrojtjes për Ukrainën”, tha Zelensky.

“Vendimet e reja tashmë janë në nivel pune, më shumë mbrojtje për qiejt tanë, më shumë mundësi për mbrojtjen tonë dhe lëvizje në terren.

“Kam mbajtur disa takime sot ku kemi diskutuar të gjitha këto. Dhe presim hapa të duhur nga partnerët tanë në të ardhmen e afërt.”

The post Zelensky kërkon më shumë mbrojtje ajrore nga Perëndimi: Presim hapa të duhur appeared first on Albeu.com.

Faqja gjermane e lajmeve Der Spiegel raporton se sistemi raketor anti-ajror Iris-T u dorëzua në Kiev tre ditë më parë.

Ministri i mbrojtjes i Ukrainës Oleksii Reznikov konfirmoi se sistemi i parë u dorëzua në tetor 2022, por nuk ka pasur konfirmim zyrtar për një dërgesë tjetër.

Sistemet tokësore të premtuara nga Gjermania – që vlerësohet të kushtojnë 150 milionë euro secila – kanë ndihmuar Kievin të mbrojë territorin e tij nga sulmet me raketa dhe dron. /albeu.com

The post Gjermania dërgon sistemin e dytë të mbrojtjes ajrore në Kiev appeared first on Albeu.com.

Ai pason pranimin e Finlandës në Aleancën e Atlantikut të Veriut (NATO), një koalicion që Rusia thotë se kërcënon sigurinë e saj.

Gjeneral-lejtnant Andrei Demin, zëvendës komandanti i përgjithshëm i forcave të hapësirës ajrore, tha për gazetën Red Star se mbrojtja ajrore ruse ishte përballur me një sërë sfidash përballë sulmeve ukrainase.

Rusia, tha ai, kishte shtuar më shumë se 50 stacione radari të lëvizshëm dhe aeroplanët e paralajmërimit dhe kontrollit të hershëm A-50 patrullonin 24 orë në ditë.

Demin shtoi se instalimet raketore dhe anti-ajrore në rajonet pranë Ukrainës ishin përforcuar.

Në rajonet e Ukrainës nën kontrollin rus, njësitë e mbrojtjes ajrore ishin ngritur për të mbrojtur instalimet kryesore, tha ai, ndërsa Rusia kishte rritur prodhimin e sistemit anti-drone RLK-MC.

Reformat “pa dyshim janë të planifikuara dhe do të zbatohen,” tha zoti Demin për gazetën e ministrisë së mbrojtjes.

“Qëllimi i ndryshimeve të ardhshme është zhvillimi i forcave të armatosura, që synojnë përmirësimin e sistemit të mbrojtjes ajrore të Federatës Ruse.”

The post Finlanda në prang të anëtarësimit në NATO, Moska bën lëvizjen e radhës appeared first on Albeu.com.

Mbledhja shënon takimin e parë të madh të NATO-s që kur Moska aneksoi disa territore ukrainase, njoftoi një mobilizim dhe lëshoi kërcënime të fshehta bërthamore, lëvizje që aleanca i ka klasifikuar si një përshkallëzim i qartë i luftës që filloi me pushtimin e Ukrainës më 24 shkurt.

The post Aleatët dhe partnerët e NATO-s synojnë të rrisin mbrojtjen ajrore të Kievit pas sulmeve raketore ruse appeared first on Albeu.com.

Autoritetet bëjnë me dije se raketat ishin të drejtuara në Mykolaiv në jug të Ukrainës.

“Gjatë një sulmi nga deti me raketa në të gjithë jugun e Ukrainës, dy raketa u rrëzuan nga forcat e divizioneve tona mbi det. Raketat ishin drejt rajonit të Mylokaiv”, thuhet në deklaratë.

Gjithashtu ai bëri me dije se nga bregu i Detit të Zi të rajonit të Mykolaiv , portet janë sumuar nga raketat ruse.

Rusia gjithashtu u përpoq të rimerrte pozicionet e humbura në dy zona të Mykolaiv , por u përball me humbje të mëdha dhe në këtë mënyrë u tërhoq. Sakaq luftime të ashpra po zhvillohen gjithashtu në lagjen Beryslav ku shumë rrugë, ura janë shkatërruar.

The post Luftime të ashpra, mbrojtja ajrore ukrainase rrëzon katër raketa ruse appeared first on Albeu.com.