Pas incidentit mes tifozëve të Elbasanit dhe mbrojtësit Emiljano Musta, përplasja në distancë është përshkallëzuar edhe më tej pas deklaratave të fundit të futbollistit.

Musta, i cili tashmë është pjesë e Vllaznisë së Shkodrës, kritikoi publikisht drejtuesit e Elbasanit. Ai deklaroi se largimi nga klubi nuk ishte zgjedhja e tij, por erdhi si pasojë e ofertës shumë të ulët për rinovimin e kontratës.

34-vjeçari foli gjithashtu për mungesën e mbështetjes nga persona të rëndësishëm të klubit verdheblu. Në këtë klimë replikash, drejtori sportiv i Elbasanit, Elton Guranjaku, publikoi një “story” pa iu drejtuar konkretisht askujt: “Shumë njerëz do të binin dakord se organi më jetik është truri ose zemra. Unë mendoj se është shtylla kurrizore”.

The post Reagim i Elton Guranjakut pas deklaratave të Emiljano Mustës: “Organi më jetik është shtylla kurrizore appeared first on Albeu.com.

Takimi mes Besëlidhjes dhe Korabit, i përfunduar me rezultatin 1-2 dhe i vlefshëm për javën e dytë të Kategorisë së Parë, u ndërpre nga një moment shqetësues në minutën e 36-të. Mbrojtësi Lorenc Trashi u rrëzua pa ndjenja në fushën e lojës.

Pas ndërhyrjes së stafit mjekësor, 34-vjeçari u dërgua menjëherë në spitalin e Lezhës, ku iu ofrua kujdes më i specializuar. Disa orë pas incidentit, janë mësuar edhe detaje mbi gjendjen e tij.

Në pamjet e publikuara, Trashi shfaqet i qetë dhe në gjendje normale. Sipas raportimeve, rrëzimi i ish-futbollistit të Partizanit lidhet me komplikacione në frymëmarrje dhe probleme në stomak.

The post Lorenc Trashi humbi ndjenjat gjatë ndeshjes, ja si paraqitet gjendja e mbrojtësit appeared first on Albeu.com.

Elseid Hysaj vijon të jetë pa skuadër, pas përfundimit të eksperiencës së tij me Lazion në Serie A. Mbrojtësi i Kombëtares është aktualisht lojtar i lirë dhe mund të nënshkruajë me çdo klub që i plotëson kërkesat ekonomike dhe i paraqet një projekt të bindshëm sportiv.

Sipas raportimit të “TuttoMercatoWeb”, në ditët e fundit për futbollistin shqiptar ka mbërritur interesim nga Premier League ruse. Disa ekipe, identiteti i të cilave ende nuk është bërë publik, kanë paraqitur ofertat e tyre për Hysajn, të cilat po analizohen nga lojtari.

Hysaj e komunikoi ndarjen me klubin kryeqytetas në qershor. Gjatë periudhës me Lazion, ai regjistroi 131 paraqitje, shënoi 2 gola dhe dha 4 asiste. Në rast se transferohet në Rusi, ai do të gjente atje edhe Mirlind Dakun, i cili së fundmi u largua nga Rubin Kazan për t’iu bashkuar Spartakut të Moskës.

The post Hysaj mund të ndjekë Dakun në Rusi, mbrojtësi shqiptar pritet të nisë një aventurë të re pas Serie A appeared first on Albeu.com.

Saliou Sembene mund ta vazhdojë karrierën te Dinamo pas përfundimit të aventurës me Partizanin. Sipas burimeve të “Neësport.al”, qendërmbrojtësi senegalez po zhvillon negociata të avancuara me klubin dinamovit.

Futbollisti afrikan 24-vjeçar është pa skuadër që prej korrikut. Për këtë arsye, pritet që ai t’i bashkohet ekipit të drejtuar nga Ilir Daja me parametra zero.

Sembene e njeh mirë kampionatin e Superiores, ku ka arritur të fitojë edhe dy trofe me “Demat e Kuq”. Ai u shpall kampion i Shqipërisë në sezonin 2022-2023, ndërsa në vitin 2024 ngriti Superkupën e Shqipërisë.

Transferimi, i cili është ende në proces, pritet të shihet edhe me “nuanca tradhtie”, për shkak të rivalitetit të madh që ekziston mes klubeve të kryeqytetit.

The post Saliou Sembene drejt Dinamos, ish-kampioni i Partizanit pranë rivalit të kryeqytetit appeared first on Albeu.com.

Dy ditë pas eliminimit të Dinamos nga faza “play-off” e Conference League, kapiteni Bruno Dita ka reaguar përmes një postimi në Instagram. Skuadra kryeqytetase u mposht 4-2 në transfertë nga qipriotët e Pafos.

Mbrojtësi i bluve pranoi se zhgënjimi është i pranishëm në kampin dinamovit, por nënvizoi se përkushtimi i treguar nga lojtarët në fushë u jep të drejtën të largohen me kokën lart nga kjo aventurë e rëndësishme europiane, edhe pse nuk arritën ta përmbyllnin me sukses misionin historik.

Dita kritikoi ashpër edhe arbitrin kryesor të takimit, duke e cilësuar skandaloze mënyrën se si ai drejtoi përballjen. Sipas kapitenit të Dinamos, vendimet e tij rrëzuan ëndrrat dhe gjithë djersën e klubit dhe të futbollistëve në një moment kaq të rëndësishëm.

Në mesazhin e tij, kapiteni i Dinamos foli edhe për objektivat e skuadrës në sezonin e ri të kampionatit.

Netët europiane për këtë vit përfundojnë këtu.

“Largohemi me kokën lart dhe ndihemi krenarë për kontributin e çdo lojtari në fushë, si edhe për punën e të gjithë atyre që qëndruan në prapaskenë pranë klubit. Megjithatë, jemi shumë të zhgënjyer që ëndrrat dhe djersa e këtyre djemve u hodhën poshtë nga një paraqitje skandaloze e arbitrit në një fazë kaq të rëndësishme.”

“Ne do të vazhdojmë përpara, sepse padrejtësitë duhet të na bëjnë edhe më të fortë. Tani fokusi kalon te kampionati. Forca Dinamo.”

The post Bruno Dita pas eliminimit europian: Largohemi krenarë, por arbitri hodhi poshtë ëndrrat dhe djersën e skuadrës appeared first on Albeu.com.

Skënderbeu ka bërë një lëvizje të papritur në merkato, duke zyrtarizuar transferimin e mbrojtësit të krahut, Reild Kurti. 23-vjeçari i është bashkuar klubit korçar si lojtar i lirë, ndërsa skuadra e fundit ku ka luajtur profesionalisht ishte Korabi i Peshkopisë.

Kurti ka ndërruar tre ekipe që nga viti 2025 e deri tani, duke kaluar te Besa, Korabi dhe tashmë Skënderbeu.

Megjithëse trajneri Ernest Gjoka mendohej se e kishte mbyllur ndërtimin e skuadrës për sezonin e ri, korçarët kanë vendosur të shtojnë një tjetër alternativë në krahun e djathtë të mbrojtjes. Sipas “Transfermarkt”, vlera e mbrojtësit të ri të Skënderbeut është 100 mijë euro.

The post Skënderbeu forcon krahun e djathtë, Reild Kurti bashkohet me korçarët pas tre ndryshimeve në një vit appeared first on Albeu.com.

Sezonin e ri në Superiore, Egnatia e hapi në mënyrën më të mirë, duke mposhtur Tiranën me rezultatin e pastër 3-0 në javën e parë.

Një nga figurat kryesore të kësaj sfide ishte Eljon Sota, lojtari i prapavijës së skuadrës rrogozhinase. Mbrojtësi fierak, 28 vjeç, mbajti edhe shiritin e kapitenit në ndeshjen e mbrëmshme, për shkak se Albano Aleksi mungoi në fushë.

Paraqitja dhe goli i Sotës ndaj Tiranës u vlerësuan edhe nga klubi. Egnatia publikoi në rrjetet sociale shprehjen “Absolutisht kinema”, duke e cilësuar ndeshjen e lojtarit me numrin 28 si një takim për t’u “varur në kornizë”.

The post Egnatia e përjeton si “kinema” triumfin ndaj Tiranës, Sota kapiten në mungesë të Aleksit appeared first on Albeu.com.

Para ndeshjes së sotme në orën 21:00 mes Dinamos dhe Pafosit, e vlefshme për raundin Play-Off të Conference League, ka folur për mediat mbrojtësi i djathtë i ekipit kryeqytetas, Ysni Ismaili.

“Jemi plotësisht të vetëdijshëm për peshën e këtij takimi dhe do të japim shpirtin në fushë. Si në çdo përballje, do të luftojmë me çdo mjet për topin dhe nuk do të kursejmë asgjë nga vetja,” u shpreh ai.

“Synimi ynë është t’i bëjmë tifozët krenarë me paraqitjen tonë dhe, me ndihmën e tyre të zjarrtë, të sigurojmë rezultatin që presim të gjithë,” shtoi Ismaili në deklaratën e tij.

Ky lojtar po kalon një formë të shkëlqyer me Dinamon në këtë kompeticion europian. Në krahun e tij, ai është treguar i pakapërcyeshëm në mbrojtje, ndërsa në fazën sulmuese ka qenë po aq frymëzues, duke regjistruar 2 asiste në 6 paraqitje deri tani.

The post Ysni Ismaili, “gladiatori” i Dinamos para sfidës me Pafosin: Gati të sakrifikojmë çdo gjë në fushë appeared first on Albeu.com.

Blerim Kotobelli është zyrtarisht futbollisti më i ri i Flamurtarit, duke i dhënë fund çdo dileme për të ardhmen e tij. Dokumentacioni i transferimit është përfunduar, ndërsa prezantimi i qendërmbrojtësit pritet të zhvillohet pas pak minutash.

Mbrojtësi shihet si një alternativë e rëndësishme shtesë në qendër të repartit defensiv për skuadrën vlonjate dhe trajnerin tropojan, Oltijon Kërnaja.

Lajmi në përditësim…

The post Merr fund pritja, Blerim Kotobelli bëhet me skuadër të re! Përforcim për trajnerin verior appeared first on Albeu.com.

Egnatia pret sonte Shamrock Rovers në takimin e dytë të turit të tretë kualifikues të Europa League.

Skuadra nga Rrogozhina u mposht 3-1 në përballjen e parë të zhvilluar në Dublin, ndërsa tani do të kërkojë të përmbysë rezultatin në “Arena Egnatia”. Ndeshja ndaj irlandezëve nis në orën 21:00.

Vetëm pak orë përpara sfidës, klubi rrogozhinas publikoi posterin zyrtar, në të cilin kapiteni Albano Aleksi paraqitet mbi re.

Përzgjedhja e tij si figurë kryesore e posterit sinjalizon se pakënaqësitë brenda kampit të kampionëve në fuqi të Superiores janë kapërcyer. Mbrojtësi projektohet si një element i rëndësishëm dhe mund të marrë minutat e nevojshme kundër ekipit irlandez.

Më herët ishte raportuar për një përplasje mes Aleksit dhe trajnerit Nevil Dede, situatë që mund të sillte largimin e 33-vjeçarit nga Rrogozhina. Megjithatë, ndërhyrja e presidentit Agim Demrozi i dha fund çështjes, duke përjashtuar çdo mundësi ndarjeje me kapitenin.

The post Egnatia synon përmbysjen ndaj Shamrock dhe mbyll zërat për të ardhmen e kapitenit appeared first on Albeu.com.