Klubi i Dinamos ka njoftuar zyrtarisht këtë të mërkurë vazhdimin e bashkëpunimit me mbrojtësin e djathtë, Bekim Maliqi. Lojtari 25-vjeçar ka nënshkruar një kontratë të re që e lidh me skuadrën kryeqytetase deri në qershor të vitit 2028.

Në përputhje me marrëveshjen e arritur, Maliqi do të qëndrojë edhe për dy sezone të tjera te “blutë”, duke zgjatur kështu qëndrimin e tij në ekip pas dy vitesh të kaluara me fanellën dinamovite.

Lajmi u bë i ditur përmes kanaleve zyrtare të klubit, ku theksohet se mbrojtësi i krahut të djathtë ka vendosur të vijojë rrugëtimin e tij me Dinamon, duke e çuar angazhimin e tij me ekipin deri në vitin 2028.

The post Dinamo vijon ndërtimin e skuadrës, firmos rinovimin me mbrojtësin e krahut appeared first on Albeu.com.

Elseid Hysaj po shqyrton me kujdes mundësitë për vazhdimin e karrierës, pasi u largua nga Lazio në përfundim të sezonit. Mbrojtësi po merr kohën e nevojshme përpara se të vendosë për hapin e tij të ardhshëm.

Ndërkohë, një video e publikuar së fundmi nga fotografi i Vllaznisë, Mikel Thepina, ka shtuar pikëpyetjet rreth së ardhmes së futbollistit të Kombëtares. Në pamje, Hysaj duket duke zhvilluar stërvitje përkrah pjesës tjetër të ekipit shkodran.

Thepina e ka shtuar edhe më shumë kureshtjen, duke ngritur dilemën nëse materiali është krijuar përmes Inteligjencës Artificiale apo nëse Hysaj është kthyer realisht në Shkodër, pranë vendit të tij, për t’u stërvitur dhe për të ruajtur formën fizike.

Mbrojtësi 32-vjeçar ka marrë gjithashtu një ofertë nga Lecce për një marrëveshje 1-vjeçare, e cila përfshinte mundësinë e rinovimit deri në vitin 2028. Megjithatë, vetë shkodrani e ka përjashtuar këtë alternativë.

The post VIDEO/ Elseid Hysaj surprizon tifozët e Vllaznisë, mbrojtësi kuqezi stërvitet me shkodranët në kulmin e merkatos appeared first on Albeu.com.