Familjarët kanë kërkuar lirimin e pasurive, teksa ankimimi është depozituar në Apelin e GJKKO.

Sot pritet që sot të hidhet shorti për caktimin e gjyqtarit dhe caktimin e një date për shqyrtimin e  kërkesës.

Me urdhër të SPAK, pasuritë e Martinajt dhe familjarëve të tij u sekuestruan rreth një muaj më parë. Pasuritë kapin vlerë prej miliona eurosh dhe dyshohet se vijnë nga aktivitete të jashtëligjshme.

Ndër pasuritë e sekuestruara janë aksione kompanish, toka, prona, apartamente e makina.

The post Sekuestrimi i pasurive të Ervis Martinajt, familjarët ankimojnë vendimin appeared first on Albeu.com.

Megjithatë, pak ditë më parë prokurori Bardhyl Shehu e ka pyetur atë në cilësinë e të pandehurit dhe i ka kërkuar të japë shpjegime në lidhje me rastin.

Lami ka folur oër herë të parë dhe ka dhënë disa shpjegime të detajuara për sa i përket shoqërimit të Ervis Martinajt, por ai ka refuzuar të ketë dijeni për zhdukjen e tij, sipas gazetares Klodiana Lala.

“Ervis Martinajn e kam njohur 10 vite përpara. Me atë nuk kam pasur asnjë miqësi apo lidhje të ngushtë. Megjithatë tre ditë para se ta shoqëroja në Durrës, e kam takuar rastësisht tek një ambient te Zogu i Zi. Më ka kërkuar ta shoqëroja. E kam shoqëruar në drejtim të Durrësit dhe e kam dërguar në një hotel ku u takua me një mikeshën e tij. Të nesërmen kam shkuar sërish në Durrës, e kam marrë Ervis Martinajn dhe mikeshën e tij dhe i kam lënë në një ambient pranë një karburanti në zonën e Vorës. Aty sipas informacioneve që kisha Ervis Martinaj do të bënte disa takime. Në atë moment jam shkëputur me të dhe nuk kam asnjë dijeni se çfarë ka ndodhur me të”, ka thënë para prokurorit ish-agjenti Jeton Lami.

Lami pretendon se nuk ka asnjë lidhje me zhdukjen e Martinajt dhe për këtë çështje se nuk ka asnjë informacion për të dhënë. /albeu.com

The post “E dërgova në një hotel…”, flet për herë të parë Jeton Lami: Ky është momenti kur u shkëputa nga Ervis Martinaj appeared first on Albeu.com.

48-vjeçari u shpall fajtor në një çështje që përqendrohej në baste të paligjshme që tejkalonin 105 miliardë dollarë).

Chau, një figurë e profilit të lartë në industrinë lokale të kazinove, i kishte mohuar akuzat. Makau, një ish-koloni portugeze, është i vetmi qytet kinez ku lojërat e fatit janë të ligjshme.

Chau ishte kryetari dhe themeluesi i Suncity Group. Ishte operatori më i madh i makaos i xhinketeve, ose udhëtimeve të organizuara për lojtarët e pasur në kazino.

Ai organizoi që figurat e larta nga Kina kontinentale të udhëtonin në Macau dhe të luanin kumar në kazinotë e qytetit dhe u ofroi atyre kredi. Ai gjithashtu mblodhi borxhe për kazinotë dhe operonte dhoma VIP nëpër kazinotë e Macau.

Biznesmeni, i mbiquajtur “Junket King”, dha dorëheqjen në dhjetor 2021, ditë pas arrestimit të tij.

Prokurorët e kishin akuzuar Chaun për krijimin dhe udhëheqjen e një sindikate kriminale që kishte lehtësuar bastet e padeklaruara. Ata thanë se si rezultat qeveria humbi më shumë se 8.26 miliardë dollarë HK në të ardhura tatimore.

Gjykata vendosi në favor të prokurorëve për shumicën e akuzave, por e liroi Chaun nga akuza për pastrim parash. Rasti i profilit të lartë përfshin edhe 20 të pandehur të tjerë.

Industria e lojërave të fatit është goditur rëndë nga kufizimet e koronavirusit, si dhe nga një goditje nga qeveria kineze ndaj lëvizjes së parave jashtë kontinentit. /albeu.com

The post Dënohet me burg mbreti i lojërave të fatit në Kinë appeared first on Albeu.com.

Por policia dhe oficerët e BKH-së, nuk janë përballur me askënd prej familjarëve të Martinaj, por me një person tjetër që pretendonte pronësinë e shtëpisë, ku kishte hyrë për kontroll policia.

Urdhri i nxjerr nga prokurorët e SPAK ishte për tu kontrolluar banesën ku jetonte Ervis Martinaj.

Ndërsa shtëpia ishte me certifikatë pronësie nga një person tjetër, F. Vuthaj, sipas Ora News.

Policia dhe BKH-ja janë ndeshur me këtë person, i cili rezulton të jetë pronari i kompanisë së ndërtimit “Vuthaj Sh.p.k”, i cili u ka treguar hetuesve se vila ishte blerë prej tij në vitin 2017 dhe nga kjo periudhë e në vijim ja ka dhënë me qera përmes një kontrate qeraje, Ervis Martinaj.

Pavarësisht këtyre pretendimeve policia dhe SPAK, kishin mbledhur të dhëna se në banesë, ka jetuar për një kohë të gjatë njeriu më i kërkuar për momentin, Ervis Martinaj.

Ndërsa emri i F. Vuthaj, është vendosur në çertifikatën e pasurisë të kësaj prone, për të maskuar pasuritë që disponon “mbreti” i lojërave të fatit.

Policia, ka hyrë në brendësi të banesës duke kontrolluar të gjitha ambjentet e saj dhe oborrin, por nuk ka gjetur asgjë të paligjshme.

Mes pak sendeve të sekuestruara, janë disa dokumente të pronësisë së vilës luksoze dhe një pasaportë që është gjendur në emër të shtetasit Admir Koca, por me fotografi të biznesmenit Ervis Martinaj.

Pasaporta ishte e kombësisë kosovare, dhe është i njëjti dokument që policia dhe prokuroria sekuestruan në banesën e tij, pas ndodhjes së masakrës në ish-bllok në datën 4 tetor 2018.

Pasaporta do i nënshtrohet ekspertizës mbi origjinalitetin e saj.

Njëherësh SPAK, do hetojë dhe vërtetësinë e dokumentacionit të pronësisë së vilës, që me dokumente rezulton të jetë në emër të një tjetër biznesmeni siç është F. Vuthaj.

Ky është kontrolli i dytë i banesës së Ervis Martinaj, pasi në mëngjesin e 26 dhjetorit 2022, policia dhe SPAK ushtruan një kontroll blic në fshatin Fushë-Kuqe, duke arritur të gjejnë dy automatikë, uniforma policie dhe mijëra fishekë automatiku./Albeu.com/

The post Kërkimet për Vis Martinaj/ Vilën që kontrolloi SPAK e ka Vuthaj, policia gjeti në shtëpi një pasaportë të Martinaj me emrin “Admir Koca” appeared first on Albeu.com.

Dokumentari- Pjesa e Parë

Asgjë e njohur rreth fatit të tij. Edhe pse kanë kaluar mëse 5 muaj, nga zhdukja e pandriçuar e atij që deri dje njihej si ‘Mbreti i Bixhozit’, Ervis Martinaj vazhdon të jetë i humbur. Enigmat vazhdojnë, ndërsa familja këmbëngul se ai është rrëmbyer dhe vrarë, dhe se pas krimit makabër qëndrojnë njerëz të politikës. Ndonëse kryeministri i la afat, drejtorit të përgjithshëm të policisë së Shtetit, Muhamet Rrumbullaku, për fatin e Martinajt, nuk ka ende një përgjigje. Ndërsa Rrumbullaku që zëvendësoi Gledis Nanon, përsërit refreniin se hetimet për rastin janë në rrugë të mbarë….

Por, ndërsa babai i 4 fëmijëve u zhduk pa gjurmë në gusht të këtij viti, teksa ishte në kërkim ndërkombëtar, grupet rivale kishin kohë që kishin nisur fushatën për spastrimin e ushtarëve të tij. Duke zgjedhur kohë pas kohe të kafshonin fort, pjesë nga trupi i copëtuar i grupit të atij që dikur cilësohej si i paprekshmi i botës së krimit. Ku ende pa e marrë veten nga humbja e rëndë që pësoi me ekzekutimin e kushëririt të tij Brilant Martinaj dhe miqve të tij, Dikler Vata dhe Besmir Hoxha, ngjarje kjo, e ndodhur më 17 korrik 2022, në mbikalimin e Fushë-Krujës, Ervis Martinaj, mori brenda pak javësh një tjetër goditje asfiksuese. Që tregoi farë qartë se kundërshtarët tashmë ishin gjithmonë e më shumë një hap përpara grupit të tij kriminal. Që edhe pa këtë goditje, dukej të ishte mjaftueshëm i dobësuar përballë rivalëve.

Të cilët duke parë krahët e pambrojtur të Ervis Martinaj, kishin filluar ta sulmonin atë në pikat e tij më nevralgjike. Një sulm i tillë do të ishte edhe ai i fundit para se Ervis Martinaj të zhdukej. Sulmi me armë ndaj atij që njihej edhe si truri i nëndheshëm financiar i Martinaj.

Ylli Brahja, që mbante edhe mbiemrin Brahimi. Apo njohur ndryshe si krahu i djathtë i bosit të lojrave të fatit, të zhdukur tashmë që prej 10 gushtit 2022.  Një personazh, herë në hije, herë në dukje, që zhdukej dhe shfaqej rishtas në ngjarje të ndryshme kriminale. Që më herët kishte qenë i skeduar në çështje droge dhe i përfshirë në lojëra fati. Por që edhe këtë herë do t’i shpëtonte paq një tjetër atentati të rëndë ndaj tij. Fat që nuk do ta kishte shoqëruesi i tij, i riu Klisman Preçi. Skenë krimi, që u zhvillua mbrëmjen e 22 korrikut 2022, pikërisht në hyrjen kryesore të banesës së Ylli Brahjas. Aty, ku ai do të mendonte se do të ishte më sigurtë se askund tjetër. Por që autorët e kishin zgjedhur banesën e tij në qendër të Milotit, si vendin më të përshtatshëm për t’i dhënë goditjen e radhës me qëllim eleminimin e tij.

Plumba të panumërt të derdhur ndaj makinës së tij të blinduar, që nuk mundi t’i shpëtonte jetën mikut të tij, i cili ishte ngjitur në makinë me mikun e Martinajt, vetëm 10 metra larg nga vendi ku u qëllua. I cili, edhe pse u dërgua me urgjencë drejt Spitalit të Traumës në Tiranë, ndërroi jetë gjatë rrugës. Ndërsa Ylli Brahja, mori plagë të rënda, por mundi ti shpëtojë edhe këtë herë atentatit të radhës ndaj tij. Pas një kurimi të gjatë në spitalin e Traumës.

Policia e Kurbinit

“Më datë 22 korrik 2022, rreth orës 20.50 është njoftuar salla operative e Komisariatit të policisë Kurbin, se në qytetin e Milotit, është qëlluar me armë zjarri dhe për pasojë ka viktima.

Gjatë rrugës është komunikuar me oficerin e policisë, A.P, i cili ka pohuar se janë dëgjuar të shtëna me armë zjarri pranë banesës së Ylli Brahjas, pranë ‘Postës Shqiptare’ në Milot.

Sapo është mbërritur, nga ana jonë në vendin e ngjarjes, në sheshin e pallatit pranë banesës së shtetasit Ylli Brahja është konstatuar një mjet Fuoristradë Toyota “Land Chrysler” ngjyrë e zezë, e dëmtuar me armë zjarri.

Pas komunikimit me punonjësin e policisë, u mësua se në automjetin Fuoristradë Toyota kanë qenë dy persona, Klisman Preçi dhe Ylli Brahja.

Të dy këta persona kanë mbetur të plagosur me armë zjarri dhe janë dërguar në spital me makinë private, ku Ylli Brahja është dërguar fillimisht në spitalin rajonal të Lezhës dhe më pas në spitalin e Traumës në Tiranë.

Ndërsa Klisman Preçi është trasportuar në drejtim të spitalit të Traumës, ku ka mbërritur pa shenja jete”.

Grupi i hetimit konstatoi në vendngjarje, një automjet të blinduar, tip Fuoristradë Toyota ‘Land Chrysler’, ngjyrë të zezë me targë SK1447 BA. Automjet ku viheshin re dëmtime të shumta si pasojë e shpimit nga plumbat, kryesisht në pjesën e pasme të tij, si edhe në xhamin e parmë të krahut të majtë të shoferit. Xham i cili ishte plotësisht i dëmtuar nga predhat e armëve të zjarrit. Çka tregonte se automjeti ishte qëlluar nga pas dhe objektivi ishte eleminimi i Ylli Brahjas.

Dosja Hetimore

Në momentin e kqyrjes, automjeti u rezultua i ndezur. Ndërsa të dy dyert e krahët të majtë u fiksuan gjysmë të hapura.

Nga dera e shoferit u konstatuan gjurmë këmbësh, me një gjatësi prej 20 metra, që mbaronin në asfaltin e shëtitores.

Që përkonin me ato të Ylli Brahimit, që ishte larguar me vrap për ti shpëtuar plumbave.

Po kështu në vendin e ngjarjes u gjetën dhe u fiksuan si prova materiale 108 gëzhoja, model 56 kalibër 7.62.

Vetëm një orë nga ndodhja e krimit, grupi hetues u njoftua nga policia, se jo shumë larg vendit të ngjarjes kishin gjetur një makinë të djegur. Makinë ku pas verifikimit u gjetën edhe dy armë, që mendoheshin se ishin përdorur në krim.

Dosja Hetimore

Në orën 21.30 u mor njoftim nga salla operative Kurbin se në vendin e quajtur fshati Gramzë, rrethi Krujë, po digjej një automjet dhe mund të kishte lidhje me ngjarjen e ndodhur në afërsi të postës së Milotit.

Nga kqyrja, automjeti i djegur plotësisht, rezultoi të ishte i markës Audi A7.

Ku brenda tij u konstatuan dy armë zjarri kallashnikov, me nga dy karikatorë secili.

Të nesërmen e ngjarjes, me datë 23 Korrik 2022, u bë kqyrja me detaje, me ndriçim natyral i dy mjeteve, konkretisht:

Mjeti Toyota “Land Chrysler” ngjyrë e zezë me targa SK1447BA e blinduar.

Ku gjatë kqyrjes u konstatuan në brendësi të automjetit 4 predha të tjera si ato të armëve të zjarrit si dhe 68 dëmtime predhash të shkaktuara nga arma e zjarrit me drejtim nga mbrapa para dhe nga ana e majtë në të djathtë të këtij mjeti.

Gjatë kqyrjes së automjetit Audi A7, për shkak të djegies së tij plotësisht, nuk u bë i mundur identifikimi i numrit të shasisë.

Personi i parë që e transportoi Ylli Brahjan fillimisht drejt Spitalit të Lezhës, ishte Edison Lleshi. Banor i Milotit, i cili rrëfeu për grupin hetues, edhe këtë moment.

Edison Lleshi: Në kohën kur u qëllua me armë ndaj Klisman Preçit dhe Ylli Brahjas (Brahimit) unë kam qenë në Laç dhe isha duke udhëtuar në drejtim të qytetit të Milotit me makinën time tip AUDI A4. Kur kam arritur në Milot, pashë se në rrugën kryesore të qytetit ishin grumbulluar shumë njerëz dhe dallova se në rrugë ishte i shtrirë Ylli Brahja, që ne e njohim si Ylli Brahimi. Ishte i gjakosur dhe mezi fliste. Njerëzit që ishin aty më thanë çoje në spital se është në gjendje të rëndë. Unë bashkë me njerëzit që ishin aty e kemi vendosur në makinën time dhe jam nisur në drejtim të spitalit Lezhë ku e morën mjekët./bw

The post U arratis, apo e rrëmbyen dhe e vranë? Misteret e zhdukjes së “mbretit” të lojërave të fatit, si humbën gjurmët e Ervis Martinajt dhe çfarë fshihet pas appeared first on Albeu.com.

Pavarësisht kërkesës nga kryeministri Rama, as policia dhe as prokuroria nuk e kanë “hapur gojën”.

Gjatë ditës së sotme, kreu i Policisë së Shtetit, Muhamet Rrumbullaku tha se policia ishte duke punuar për Martinajn duke mos dhënë më detaje të tjera, pavarësisht se më herët Rama kishte kërkuar nga institucionet shtetërore që “t’i jepej fund kësaj telenovela!”.

“Ne jemi duke punuar. Kemi struktura që po ndjekin rastin jemi në ecuri të procesit. Nuk kam asgjë më tepër për të deklaruar.” tha Rrumbullaku.

Zhdukja e Martinajt duket se ka përfshirë drejtpërdrejtë edhe strukturat e policisë pasi vetë efektivi i Forcave Operacionale Jeton Lami shërbente si badigard dhe shofer i tij.

Krahas kësaj, gazetarët e kronikës kanë raportuar më herët se Lami është “rrëfyer” te Gledis Nano mbi pagesat që merrnin shefat e komisariateve nga Martinaj pak para se kreu i Policisë së Shtetit të dorëhiqej.

Zhdukja e Martinajt nuk i ngjana një zhdukjeje rutinë të personazheve të krimit apo qytetarëve të thjeshtë për shkak të lidhjeve të tij të forta me Policinë e Shtetit, por edhe aktorëve të fuqishëm në tregun e lojërave të fatit që do të ishin të interesuar për nxjerrjen e tij nga loja, siç deklaroi më herët ne Abc Live gazetari Artan Hoxha. /abcnews.al

The post Dy muaj nga zhdukja e Ervis Martinajt, çfarë dinë dhe nuk e thonë krerët e Policisë së Shtetit? appeared first on Albeu.com.

Është marrë peng dhe është vrarë apo ka bërë një zhdukje të inskenuar? Përgjigjen e kësaj pyetje Policia nuk e ka dhënë ende, teksa pretendon se do flasë vetëm kur të ketë prova dhe fakte.

Ai njihej dhe për shoqërinë me vajzat seksi të showbizit, ku vetëm dy ditë para se të zhdukej, u filmua nga kamerat e sigurisë së kaloi natën me një miss në një hotel të njohur në qytetin e Durrësit.

Së fundmi, pas fotos në një klub të njohur +18 në Dusseldorf të Gjermanisë, i quajtur “FKK- und Saunaclub Oceans”, është publikuar një tjetër foto e Ervis Martinajt, nga voxnews. I shumë kërkuari i drejtësisë, dhe deri më tani i zhdukuri, Ervis Martinaj shfaqet në një vend të gjelbëruar, ndërsa është i veshur me një xhup dhe duket se koha është e vrenjtur. Ende nuk dihet koha dhe vendi i saktë se kur është bërë kjo foto, ndërsa policia vijon të mos ketë një përgjigje për fatin e Vis Martinajt.

The post Shtohet misteri për zhdukjen e Ervis Martinajt, ku shfaqet “mbreti” i lojërave të fatit (FOTO LAJM) appeared first on Albeu.com.