Në një mesazh të regjistruar paraprakisht dhe transmetuar në kuadër të një programi ndërgjegjësimi për kancerin, monarku britanik u shpreh se falë diagnozës së hershme dhe trajtimit efektiv, regjimi i tij mjekësor mund të lehtësohet.

“Sot mund të ndaj me ju lajmin e mirë se, falë zbulimit të hershëm, ndërhyrjes së duhur dhe ndjekjes së këshillave mjekësore, trajtimi im për kancerin mund të reduktohet në vitin e ri.”-tha ai.

Mbreti 77-vjeçar e cilësoi këtë zhvillim si një “bekim personal”, por edhe si dëshmi të përparimeve të mëdha që janë bërë në trajtimin e kancerit vitet e fundit. Ai theksoi se nuk është shpallur ende i shëruar plotësisht dhe se trajtimi nuk do të ndërpritet, ndërsa as këtë herë nuk bëri publik llojin e kancerit nga i cili vuan.

Deklaratat e tij sugjerojnë se sëmundja po menaxhohet në mënyrë efektive nga ekipi mjekësor, një lajm që sjell lehtësim për familjen mbretërore britanike, e cila është përballur me një vit të vështirë shëndetësor. Në vitin 2024, edhe Catherine, Princesha e Uellsit, u diagnostikua me kancer, ndërsa në janar të këtij viti njoftoi se ishte në remision pas përfundimit të kimioterapisë.

Sipas Pallatit Buckingham, Mbreti Charles ka reaguar “jashtëzakonisht mirë ndaj trajtimit” dhe tani do të kalojë në një fazë më parandaluese, me një orar dukshëm më të reduktuar. Pallati nuk dha detaje mbi natyrën e trajtimit apo sa kohë pritet të zgjasë.

Mbreti u diagnostikua me kancer gjatë një ndërhyrjeje kirurgjikale për prostatë të zmadhuar në fillim të vitit 2024. Ai ka theksuar vazhdimisht rëndësinë e zbulimit të hershëm, duke inkurajuar qytetarët të marrin pjesë në programet e kontrollit shëndetësor.

“Shumë njerëz e shmangin kontrollin sepse e imagjinojnë si diçka të frikshme apo të sikletshme. Por kur më në fund e bëjnë, shpesh ndihen të lehtësuar.”-u shpreh ai.

Ndryshe nga tradita e zakonshme e familjes mbretërore për diskrecion maksimal rreth shëndetit, Charles ka zgjedhur një qasje më të hapur, por të kontrolluar, duke e bërë publike diagnozën e tij në shkurt 2024 për të shmangur spekulimet dhe për të rritur ndërgjegjësimin për kancerin.

Pavarësisht sëmundjes, Mbreti Charles ka mbajtur një agjendë të ngjeshur me angazhime publike dhe vizita shtetërore. Ai është takuar me liderë botërorë si Presidenti amerikan Donald Trump, Presidenti francez Emmanuel Macron, Perandori Naruhito i Japonisë dhe Presidenti ukrainas Volodymyr Zelensky, si dhe ka marrë pjesë në ngjarje historike, përfshirë një shërbesë ekumenike në Vatikan.

The post Charles fiton betejën me kancerin, mbreti: Mjekët më thanë se trajtimi do të reduktohet nga viti i ri appeared first on Albeu.com.

Zëdhënësi i Zelenksyt, Sergiy Nykyforov konfirmoi lajmin për Afp. Ai shtoi se Zelensky do të takohet me Starmer në orën 17:15 të shtunën dhe më pas me mbretin Charles III dhe një grup aleatësh evropianë të dielën.

Udhëheqësit evropianë pritet të mblidhen për një takim të nivelit të lartë në Londër të dielën, ku do të diskutohet mbi një plan paqeje për Ukrainën.

“Kryeministri dhe Presidenti Zelenskyy do të takohen këtë pasdite”, tha një zëdhënës i zyrës së kryeministrit Starmer.

Takimi pason shkëmbimet e nxehta mes Presidentit ukrainas Zelenskyy dhe Presidentit të Shteteve të Bashkuara, Donald Trump, në Shtëpinë e Bardhë lidhur me luftën kundër Rusisë dhe me paralajmërimin e Presidentit amerikan se Shtetet e Bashkuara mund të tërheqin mbështetjen për Ukrainën.

Kryeministri Starmer zhvilloi biseda telefonike me Presidentët Trump dhe Zelenskyy të premten ndërsa shprehu “mbështetjen e tij të palëkundur” për Ukrainën, duke iu bashkuara deklaratave të ngjashme të mbështetjes për Presidentin Zelenskyy nga udhëheqës të tjerë evropianë, të cilët u zotuan të qëndrojnë përkrah Ukrainës.

The post Zelensky do të takohet me mbretin Charles, çfarë pritet të ndodhë appeared first on Albeu.com.

Përmes një postimi në Instagram, familja mbretërore ka falënderuar të gjithë për urimet, për një shërim sa më të shpejtë të mbretit.

“Faleminderit të gjithë atyre që dërguan urimet e tyre të mira gjatë qëndrimit në spital të Mbretit”, thuhet në postim.

The post Mbreti Charles del nga spitali pas operacionit. Reagon familja mbretërore! appeared first on Albeu.com.

E përzgjedhur nga Mbreti Charles e Mbretëresha Camilla, fotoja është shkrepur nga Sam Hussein në Lojërat Braemar në Skoci më 3 Shtator, 5 ditë përpara vdekjes së Mbretëreshës Elizabeth II dhe kur djali i saj ishte ende Princ i Uellsit.
Në foto, Mbretëresha Camilla, e veshur me një xhaketë dhe kapele të gjelbër sheh drejt Mbretit Charles, që ka zgjedhur një kostum bezhë dhe kollare me vija.

“Ju urojmë një Krishtlindje dhe Vit të Ri të lumtur”, shkruhet krah fotos. Kjo do të jetë Krishtlindja e parë e familjes mbretërore pa Mbretëreshën Elizabeth, e cila zakonisht e kalonte periudhën e festave në Sandrigham.

Nga ana tjetër, javët e fundit nuk kanë qenë më pak të trazuara pas publikimit të pjesëve të para të dokumentarit “Harry & Meghan”, ku familja mbretërore është akuzuar për “paragjykimet” e saj nga Dukesha e Sussex.

The post Prezantohet kartolina e parë zyrtare e Krishtlindjes nën drejtimin e Mbretit Charles appeared first on Albeu.com.

Sipas mediave britanike, familja mbretërore do të vazhdojë të mblidhet në shtëpinë e tyre në Sandringham në Norfolk të Anglisë këtë vit për të festuar festat. Sipas raportimeve nga mediat, Krishtlindjet kanë qenë gjithmonë një festë zyrtare për pallatin mbretëror.

Megjithatë, Krishtlindjet e para të mbretit Charles si monark do të jenë “më pak formale” se vitet e mëparshme.

Gazetarja Jenny Bond është shprehur se Mbreti Charles do të thyejë traditën familjare dhe nuk do të mblidhet për të parë fjalimin televiziv të monarkut kur të transmetohet pasdite.

Përveç kësaj, ajo thekson se Mbreti Charles ka të ngjarë të ndjekë gjurmët e nënës së tij dhe të regjistrojë paraprakisht fjalimin e tij.

“Unë jam i sigurt se ai do të regjistrojë fjalimin disa ditë më parë dhe ai me siguri do të përmend humbjen e saj”, tha ajo.

Familjet mbretërore pritet të marrin pjesë në një shërbim në kishën Mary Magdalene në pasurinë Sandringham përpara se të kthehen në shtëpi për vaktin e tyre të Krishtlindjes, sipas Daily Mail. Në fillim të këtij muaji, doli se Mbreti Charles ftoi Meghan Markle dhe Princin Harry në festimet e tij të Krishtlindjeve, pavarësisht se Harry u tërhoq nga detyrat mbretërore pothuajse tre vjet më parë.

Megjithatë, burime pranë mbretit thanë se çifti nuk ka gjasa të marrin pjesë”.

The post Krishtlindjet e para pa mbretëreshën Elizabeth, ndryshime në protokoll appeared first on Albeu.com.

I shoqëruar nga bashkëshortja e tij Camilla, së bashku me trashëgimtarin e fronit William dhe Princeshën e Uellsit Kate, Charls shfaqet me një qëndrim të relaksuar, me dorën e majtë në xhepin e xhaketës dhe me krahun e djathtë duke përqafuar Camillan.

Në të majtë William, duke mbajtur gruan e tij për dore. Të katër protagonistët janë veshur me të zeza, sipas diktatit të zisë, burrat me kravatën e zezë dhe të katërt janë duke buzëqeshur.

Sipas mediave fotoja u bë në Pallatin Buckingham një natë përpara funeralit të Mbretëreshës Elizabeth II përpara një pritjeje shtetërore të organizuar nga mbreti për krerët e shteteve.

The post Publikohet fotoja e parë zyrtare e mbretit Charles III! Në krah qëndron gruaja e tij dhe trashëgimtarët e fronit appeared first on Albeu.com.

Muhammad Khan, 28 vjeç, gjithashtu ‘planifikoi të shkelte në rezidencat mbretërore’ duke përfshirë Pallatin Buckingham.

Ai dyshohet se do t’u shkruante anëtarëve të familjes mbretërore dhe nëse nuk do të merrte përgjigje, ai kishte planifikuar të përpiqej të shkonte dhe të fliste vetë me Mbretëreshën.

Kur 28-vjeçari u pyet se çfarë do të bënte nëse do të ishte i pasuksesshëm, ai zbuloi në gjykatë se do të vazhdonte të shkelte në pallatin mbretëror për sa kohë që ishte gjallë.

Gjykata doli në përfundimin se ai vuante nga iluzionet dhe beson se mbreti Charles ka diçka të bëjë me vdekjen e Mbretëreshës.

Furnizimi i drejtpërdrejtë i cili tregonte mijëra vajtues që po kalonin nëpër Westminster Hall u ndërpre për një kohë të shkurtër pasi burri u përplas në tokë nga oficerët e policisë.

Khan u arrestua në vendngjarje dhe u paraqit sot në gjykatë, i akuzuar sipas nenit 4A të Aktit të Rendit Publik, shkruan Daily Mail.

Prokurori Luke Staton tha se Khan ishte në mesin e 250,000 vajtuesve që u paraqitën në sallë nga ora 17:00 e së mërkurës deri të hënën herët në mëngjes.

The post “Doja ta shihja me sytë e mi se kishte vdekur”, 28 vjeçari sulmoi arkivolin e mbretëreshës Elisabeth, befason hetuesit appeared first on Albeu.com.

Si duket beteja për titull është ndezur, e cila ka zemëruar Princ Harry dhe Meghan Markle. Kjo pasi fëmijët e tyre, Archie dhe Lilybet pritet të shpallen përkatësisht princ dhe princeshë nga Mbreti Charles III, por sipas burimeve, ata nuk do të marrin statusin “Lartësisë Mbretërore” (HRH).

Sipas raportimeve, ditët e fundit ka pasur bisedime mjaft të nxehta mes Charles dhe Sussex-ëve, të cilët janë të zemëruar që fëmijët e tyre nuk do të marrin titullin mbretëror. Për më tepër, Harry dhe Meghan pretendojnë se kanë një arsye të fortë për t’u zemëruar me këtë vendim nga mbreti.

Në veçanti, Harry dhe Meghan raportohet të kenë thënë se princeshat Beatrice dhe Eugenie, vajzat e Princit Andrew, kanë statusin e “Lartësisë Mbretërore”, edhe pse nuk janë në rrethin e njerëzve që punojnë për familjen mbretërore. Kjo ka ndezur një tjetër argument mes tyre.

“Harry dhe Meghan ishin të shqetësuar për çështjen e sigurisë. Fëmijët e tyre duke qenë princ dhe princeshë u jep atyre të drejtën për nivele të caktuara të sigurisë mbretërore. Por ata kanë mbetur të zemëruar që Archie dhe Lilibet nuk mund të marrin titullin HRH.”, tha burimi për gazetën.

“Kjo është marrëveshja – ata mund të jenë princ dhe princeshë, por jo HRH, sepse ata vetë nuk punojnë si anëtarë të familjes mbretërore.”. Dy fëmijët kanë të drejtën e titujve pas vdekjes së Mbretëreshës, si pjesë e rregullave të Mbretit George V, të cilat kufizuan numrin e anëtarëve që përdorin HRH.

Sidoqoftë, Sussex-ët ndaluan përdorimin e titullit të tyre mbretëror pasi u larguan si anëtarë të lartë të familjes mbretërore, duke preferuar të jetonin në Los Angeles. Kur Archie lindi në maj 2019, ai ishte i shtati në linjën e trashëgimisë.

The post Dramë pas vdekjes së Mbretëreshës, vendimi i Mbretit Charles që “tërboi” Meghan Markle dhe Princin Harry appeared first on Albeu.com.

Menjëherë pas vdekjes së saj posti i saj i kaloi menjeherë trashëgimtarit dhe djalit të saj të madh Mbreti Charles.

Pas vdekjes së Mbretëreshës, Mbreti i ri ka njoftuar se një periudhë zie mbretërore do të mbahet deri në 17 ditë pas funeralit të Mbretëreshës.

Data e funeralit ende nuk është konfirmuar, por besohet se do të bëhet dhjetë ditë pas vdekjes së Mbretëreshës.

Zia mbretërore do të mbahet nga anëtarët e familjes mbretërore, stafi i familjes mbretërore dhe përfaqësuesit e familjes mbretërore në detyrat zyrtare, së bashku me trupat e angazhuar në detyrat ceremoniale./albeu.com

The post Ndarja nga jeta e Mbretëreshës Elizabeth II, Mbreti Charles shpall 17 ditë zie appeared first on Albeu.com.