Mbreti Charles, shkruan se e mësoi me shqetësimin më të thellë arrestimin e Andrew, duke shtuar se “ligji duhet të ndjekë rrugën e vet”.

Ai thekson se arrestimi i tij tani pasohet nga një proces ku çështja do të hetohet në mënyrën e përshtatshme dhe nga autoritetet kompetente.

Charles thekson se autoritetet kanë mbështetjen dhe bashkëpunimin e plotë dhe të sinqertë të familjes mbretërore britanike.

“Siç kam thënë më parë, ata kanë mbështetjen dhe bashkëpunimin tonë të plotë dhe të sinqertë”, shkruan ai, ndërsa shton se “familja ime dhe unë do të vazhdojmë detyrën dhe shërbimin tonë për ju të gjithë”.

Deklarata e Mbretit Charles pas arrestimit të Andrew Mountbatten-Windsor:

Kam mësuar me shqetësim të thellë lajmet rreth Andrew Mountbatten-Windsor dhe dyshimet për keqmenaxhim në detyrën publike.

Tani do të ndiqet një proces i plotë, i drejtë dhe i duhur, për të cilin çështja do të hetohet në mënyrën e përshtatshme dhe nga autoritetet kompetente.

Siç kam thënë më parë, ata kanë mbështetjen dhe bashkëpunimin tonë të plotë dhe të sinqertë.

Le të bëj të qartë: ligji duhet të ndjekë rrugën e tij.

Ndërsa ky proces vazhdon, nuk do të ishte e drejtë të shpreh koment të mëtejshëm mbi këtë çështje.

Ndërkohë, familja ime dhe unë do të vazhdojmë detyrën dhe shërbimin tonë për ju të gjithë. — Charles R.

Vlen të theksohet se Andrew Mountbatten-Windsor nuk është arrestuar për asgjë që lidhet me Virginia Giuffre, familja e të cilës reagoi ashpër ditën e sotme.

Sipas BBC, arrestimi i tij ka të bëjë me informacionin në dosjet e Epstein, lidhur me aktivitetet e tij gjatë kohës që ishte përfaqësues i veçantë tregtar.

Edhe pse nuk dihen detajet specifike, supozohet se një pjesë e çështjes lidhet me ndarjen e dokumenteve brenda dosjeve të Epstein, midis Andrew-t dhe vetë Jeffrey Epstein. Pikërisht kjo ishte arsyeja që aktivizohet Policia e Thames Valley.

Megjithatë, kur hetimi ka të bëjë me dyshimet për keqmenaxhim në detyrën publike, ai nuk duhet të përqendrohet vetëm te ato email-e që janë publikuar në dosjet e Epstein.

Së pari, ka tre milion dokumente në ato dosje, kështu që mund të ketë të dhëna që mediat nuk i kanë publikuar.

Së dyti, Pallati Buckingham ka deklaruar se do të mbështesë Policinë e Thames Valley në hetimet e saj.

Kjo nënkupton se policia mund të ketë shkuar, ose mund të shkojë, në Pallat për të parë prova të komunikimeve midis Andrew-t dhe personave të tjerë.

Pra, nuk ka asgjë që tregon se hetimi duhet të përqendrohet vetëm te disa email-e të caktuara që janë bërë publike në dosjet e Epstein.

Reagimi nga familja e Virginia Giuffre

Familja e Virginia Giuffre tha këtë mëngjes në një deklaratë se arrestimi i Andrew Mountbatten-Windsor tregon se “askush nuk është mbi ligjin”.

Giuffre ishte një nga viktimat më të spikatura të financierit të turpëruar amerikan Jeffrey Epstein, i cili gjithashtu pretendoi se ishte trafikuar seksualisht nga Princi Andrew. Ajo i mori jetën vetes në prill të vitit 2025, në moshën 41 vjeç.

“Më në fund, sot zemrat tona të thyera janë ngritur lart me lajmin se askush nuk është mbi ligjin, madje as familja mbretërore.

Në emër të motrës sonë, i shprehim mirënjohjen tonë Policisë së Luginës së Thames të Mbretërisë së Bashkuar për hetimin dhe arrestimin e Andrew Mountbatten-Windsor. Ai nuk ishte kurrë princ. Për të mbijetuarit kudo, Virxhinia e bëri këtë për ju”, thuhet në deklaratën e tyre.

The post Arrestimi i Andrew, reagon Mbreti Charles: Drejtësia ka mbështetjen dhe bashkëpunimin tonë! appeared first on Albeu.com.

Në mesazhin e tij, ai ka shprehur urimet më të përzemërta për popullin e Kosovës, duke vënë theks të veçantë në marrëdhëniet e shkëlqyera ndërmjet dy vendeve, duke theksuar se “mbetem i përkushtuar për të nxitur një bashkëpunim edhe më të ngushtë në vitet që vijnë”.

“Kjo ditë shërben si një mundësi e çmuar për të reflektuar mbi miqësinë e qëndrueshme midis vendeve tona. Jam thellësisht i inkurajuar nga fuqia e lidhjeve tona bilaterale dhe mbetem i përkushtuar për të nxitur një bashkëpunim edhe më të ngushtë në vitet që vijnë. Ndërsa përballemi me sfidat e përbashkëta të kohës sonë, veçanërisht ato që lidhen me klimën dhe ruajtjen e botës sonë natyrore, shpresoj që vendet tona të vazhdojnë të punojnë së bashku për zgjidhje domethënëse dhe të qëndrueshme”, thuhet në letrën e urimit të Mbretit Charles III, të cilin e ka publikuar Ambasada britanike në Kosovë.

The post Mbreti Charles uron Osmanin për Ditën e Pavarësisë: Shpresoj që vendet tona të vazhdojnë të punojnë së bashku appeared first on Albeu.com.

Një gazetar i drejtoi Mbretit një pyetje për dosjet Epstein, teksa ai përshëndeste qytetarët, por Mbreti nuk reagoi.

Më herët, Mbreti dhe Mbretëresha zhvilluan disa angazhime në fshat, përfshirë takime me vendasit në një pub dhe një shëtitje përgjatë rrugës kryesore.

Vëllai i Mbretit, Princi Andrew, përmendet sërish në publikimin e fundit të dosjeve Epstein. Megjithatë, përfshirja në këto dokumente nuk përbën provë për shkelje. Princi Andrew ka mohuar vazhdimisht çdo akuzë që lidhet me krimet e Epstein.

The post I vëllai përmendet në dosjet e çështjes ‘Epstein’, Mbreti Charles injoron pyetjet e gazetarëve për Dukën Andrew appeared first on Albeu.com.

Buckingham Palace theksoi se ka nisur procesin zyrtar të heqjes së titujve, duke nënvizuar se familja mbretërore qëndron në krah të viktimave dhe të mbijetuarve të çdo forme abuzimi. Fëmijët e Princit Andrew, Princesha Beatrice dhe Princesha Eugenie, do të ruajnë titujt e tyre mbretërorë. Sipas mediave të huaja, Andrew nuk kundërshtoi vendimin e mbretit për tu zhveshur nga titujt dhe për tu larguar nga rezidenca e tij.

Deklarata e plotë e Pallatit:

Madhëria e Tij ka nisur sot një proces zyrtar për heqjen e titujve dhe nderimeve të Princit Andrew. Deri më sot, kontrata e qirasë e rezidencës ‘Royal Lodge’ i siguronte atij mbrojtje ligjore për të vazhduar të qëndronte aty. Tani ai është njoftuar zyrtarisht për ndërprerjen e kontratës dhe do të zhvendoset në një banesë private alternative. Këto masa konsiderohen të domosdoshme, pavarësisht se ai vijon të mohojë akuzat kundër tij. Madhëritë e Tyre duan të bëjnë të qartë se mendimet dhe keqardhja e tyre më e thellë kanë qenë dhe do të mbeten me viktimat dhe të mbijetuarit e çdo forme abuzimi.

Presioni ndaj pallatit për të larguar Andrew nga rezidenca Royal Lodge ishte rritur ndjeshëm, pasi më herët këtë muaj ai u detyrua të hiqte dorë edhe nga titulli i Dukës së Jorkut, për shkak të lidhjeve me Epstein dhe akuzave të Virginia Giuffre. Megjithatë, mbreti shkoi edhe më tej, duke e privuar Andrew nga titulli i princit, që e mbante që prej lindjes si djalë i Mbretëreshës Elizabeth II.

Në librin e saj, Giuffre shkruan se Andrew “besonte se ishte e drejta e tij trashëgimore të bënte seks me mua”. Publikimi i fragmenteve të librit shkaktoi reagime të ashpra, çka çoi në vendimin që Andrew të hiqte dorë jo vetëm nga titulli i Dukës së Jorkut, por edhe nga titujt: Kalorës i Madh i Urdhrit Mbretëror Viktorian (GCVO) Kalorës Mbretëror i Urdhrit të Lavdishëm të Garter-it Në rendin e trashëgimisë për fronin britanik, Princi Andrew aktualisht renditet i teti, pas Princit William, tre fëmijëve të tij, si dhe Princit Harry me dy fëmijët e tij.

Linja e trashëgimisë së kurorës britanike:

Princi i Uellsit William
Princi George i Uellsit
Princesha Charlotte e Uellsit
Princi Louis i Uellsit
Duka i Sussex – Princi Harry
Princi Archie i Sussex-it
Princesha Lilibet e Sussex
Andrew

The post Mbreti Charles i heq Princit Andrew të gjithë titujt dhe e dëbon nga rezidenca mbretërore appeared first on Albeu.com.

Monarku 76-vjeçar po përshëndeste dashamirësit përkrah Mbretëreshës Camilla kur nisi një bisedë me Lee Harman, një vendas i cili kishte luftuar vetë me kancerin. Kur Harman e pyeti se si po shkonte mbreti, Charles u përgjigj thjesht: “Ndihem shumë më mirë tani… vetëm një nga ato gjëra”, sipas revistës Hello!.

The post Mbreti Charles flet hapur për betejën me kancerin gjatë vizitës mbretërore appeared first on Albeu.com.

Konkretisht, Charles, i cili u ngjit në fron në vitin 2022, tani renditet i 238-ti në listën e 350 njerëzve dhe familjeve më të pasura në Mbretërinë e Bashkuar, duke u ngjitur me 20 vende nga viti 2024.

Sipas The Sunday Times, Charles është 165 milionë euro më i pasur se David dhe Victoria Beckham, të cilët thuhet se kanë një pasuri prej 590 milionë eurosh.

Sipas The Sunday Times, pjesa më e madhe e të ardhurave të Mbretit Charles, i cili është ende duke iu nënshtruar trajtimit të kancerit, vjen nga fondet që ai trashëgoi nga nëna e tij, Mbretëresha Elizabeth II.

Pronat private të Sandringham në Norfolk dhe Balmoral në Aberdeenshire, të cilat më parë i përkisnin Mbretëreshës Elizabeth II, tani janë pjesë e pasurisë së tij financiare.

Kur vlerëson pasurinë, The Sunday Times përfshin vetëm pasuritë personale.

Si kujtesë, në përvjetorin e dytë të kurorëzimit të Mbretit Charles, dy portrete shtetërore të porositura të Mbretit Charles dhe Mbretëreshës Camilla u zbuluan së fundmi në Sallën Qendrore të Galerisë Kombëtare në Londër.

The post Pasuria e Mbretit Charles është rritur ndjeshëm këtë vit – arsyeja është një trashëgimi nga e ëma appeared first on Albeu.com.

Por, paraqitja e plotë nga Tregtarët e Peshkut, pikturuar nga italiani Pietro Annigoni, me gjithë distancën bezdisshme vazhdimisht – dhe me të drejtë – citohet se është një nga portretet më të mëdha mbretërore të shekullit XX.

Pothuajse 70 vjet më vonë, një tjetër Shoqatë e qytetit të Londrës, ajo e Tregtarëve të Tekstilit, paraqet portretin e saj të monarkut britanik të kurorëzuar së fundmi, Mbretit Charles III, dhe kontrasti nuk ka si të jetë më i madh. Janë zhdukur tonet e akullta dhe gjakftohtësia vezulluese e pikturës së Annigonit; në vend të kësaj, Jonathan Yeo përmbledh periudhën pulsuese të rozës dhe të kuqes, në të cilën duart e Mbretit duken shumë të zbehta. Në të vërtetë dhe për dallim, portreti i Yeos ndihet pothuajse tropikal – efekt i përforcuar nga prania e një fluture mbretërore që do të zbresë mbi një epoletë. A ka për qëllim që kjo pikturë disi të tërheq subjektet e Komonueltit të Mbretit? Më kujton veprat e fundit të artit që “dekolonizojnë” imazhet e familjes mbretërore, le të themi nga Yinka Shonibare dhe Hew Locke.

Yeo shpeshherë kokën e pozuesit e nënshtron ndaj stilit të piktorit dhe këtë e bën sërish këtu; e vetmja pjesë e Mbretit që çuditërisht nuk duket e kamufluar është fytyra e tij e madhe – edhe pse veshët dhe flokët paksa treten brenda përfshirjes së rozës së çeltë.

A është ngjashmëria bindëse? Për mua, Mbreti i ngjan babait të vet, Princit Philip (fytyrën më të zgjatur të të cilit Yeo e reprodukon) dhe (falë atyre syve të thellë) George W Bushit – të dy këta të cilët artisti i ka paraqitur (duke mbledhur imazhet për një portret të paautorizuar për këtë të fundit, me prerje nga revistat pornografike). (Yeo gjithashtu e ka pikturuar Mbretëreshën Camilla.)

Për më tepër, qasja e Yeos për të krijuar lëkurën, thekson rrudhat e Mbretit; duket në moshën që ka dhe madje paksa i shqetësuar, thuajse ka veshur uniformën e kolonelit pas një nate të gjatë e të errët shpirtërore. Kjo pamje e frikshme ka kontrast me paletën plotë jetë dhe na kujton avantazhin të cilin Annigoni mund të shfrytëzonte gjatë gjithë atyre dekadave: bukurinë rinore të Mbretëreshës Elizabeth.

Pikturimi i monarkut renditet ndër veprimtaritë më të vështira artistike; portreti i Yeos do të mbahet mend për fluoreshencën edhe nëse, nën atë sipërfaqe të ndritshme dhe të dukshme, imazhi që projekton është më i nuancuar në aspektin psikologjik: ai i një Mbreti i cili, megjithëse i sjellshëm dhe pavarësisht veshjes ushtarake, nuk është plotësisht i sigurt për vetveten. Jaka e gjatë ia shtrëngon fytin si prangat.

Dhe, a është ajo shpata ceremoniale që mban apo një shkop? Një mijë vjet më parë, Edward Rrëfimtari na sundoi. Tani, me sa duket, është radha e Charlesit të Paqëndrueshëm.

The post Çfarë na zbulon portreti i ri i Mbretit Charles III? appeared first on Albeu.com.

“Gjëja e mrekullueshme është se ai është vërtet një pilot shumë i mirë,” tha Mbreti.

Mbreti u bë kryekolonel i Korpusit Ajror të Ushtrisë 32 vjet më parë dhe tani titulli iu pasua djalit të tij të madh, Princit William. Mbreti foli përpara një helikopteri Apache të ekspozuar në Muzeun Fluturues të Ushtrisë në bazën e korpusit në Middle Wallop.

Por ai nuk e përmendi djalin e tij më të vogël, Princin Harry, i cili fluturoi me Apaches në Afganistan, ku shërbeu dy turne në detyrë. Gjithashtu nuk pati asnjë takim me Mbretin kur Princi Harry ishte në Mbretërinë e Bashkuar javën e kaluar, me zëdhënësin e Princit Harry që tha se Mbreti kishte shumë angazhime.

Princi Harry dhe gruaja e tij Meghan më pas shkuan për një vizitë në Nigeri, duke përfshirë ngjarje të lidhura me bamirësi dhe projektin e tij Invictus Games.

The post Mbreti Charles i dorëzon rolin prestigjoz Princit William por injoron Princin Harry appeared first on Albeu.com.

Harry do të kthehet në Britaninë e Madhe muajin e ardhshëm, ndërsa gruaja e tij do të qëndrojë në Kaliforni me fëmijët e tyre. Daily Mirror raportoi se nëse ajo shkonte me të, kjo mund të shkëpuste nga ngjarja që po merrnin pjesë, dhe mediat që fokusoheshin ekskluzivisht tek ajo dhe marrëdhënia “e ftohtë” me pallatin. Sipas tyre, mbreti Charles nuk do ta trajtonte me dashamirësi Meghan.

“Mbreti e ka mbajtur gjithmonë derën hapur për Harry-n , por kjo nuk do të thotë se ai do të ketë gjithmonë një pritje të ngrohtë. Do të duhet kohë. Por është e qartë se situata ka ndryshuar javët e fundit përtej çdo pritshmërie. Unë nuk mendoj se do të ishte shumë e vështirë, varet nga mënyra se si e përkufizoni “pajtimin”, por mendoj se ka një rrugë të gjatë përpara se Harry të sjellë Meghan dhe fëmijët,” tha komentatori mbretëror Richard Fitzwilliams.

Princi Harry do të jetë i vetëm për Lojërat Invictus në maj. Kjo do të jetë vizita e tij e parë në Britaninë e Madhe që kur u zbulua se kunata e tij, Kate Middleton, ishte diagnostikuar me kancer.

Aktualisht nuk ka asnjë përditësim për takimin e planifikuar të Harry-t me Kate, vëllain e tij Princin William ose babain e tij, Mbretin Charles. Në këtë ngjarje, për Lojërat që festojnë 10 vjetorin e tyre këtë vit, ai do të mbajë një fjalim në Katedralen e Shën Palit në Londër më 8 maj.

The post Mbreti Charles i prerë! Pritet të takojë Harry-n, po me Meghan çdo bëhet? appeared first on Albeu.com.

Në një deklaratë, Buckingham Palace tha se: “Mbreti do të kthehet së shpejti në detyrat e publikut pas një periudhe trajtimi dhe rikuperimi pas diagnozës së fundit të kancerit.”

“Për të ndihmuar në shënimin e këtij momenti historik, mbreti dhe mbretëresha do të bëjnë një vizitë të përbashkët në një qendër të trajtimit të kancerit të martën e ardhshme, ku do të takojnë specialistë mjekësorë dhe pacientë. Kjo vizitë do të jetë e para në një sërë angazhimesh të jashtme që Madhëria e Tij do të ndërmarrë në javët në vijim.

Angazhimet e tij do të jenë gjithashtu të shpejta për ta parandaluar atë të teprojë gjatë vazhdimit të trajtimit. “Ritmi” do të “kalibrohet me kujdes ndërsa rikuperimi i tij vazhdon, në konsultim të ngushtë me ekipin e tij mjekësor”, tha zëdhënësi i pallati mbretëror.

Planet e tij verore përfshijnë një vizitë shtetërore, ku ai do të presë perandorin dhe perandoreshën e Japonisë.

Princesha e Uellsit zbuloi më 22 mars se ajo gjithashtu ishte diagnostikuar me një kancer të paspecifikuar dhe po i nënshtrohet kimioterapisë parandaluese.

The post Spekulimet se po bëheshin gati për funeralin/ Buckingham Palace: Mbreti Charles do të kthehet së shpejti në detyrë appeared first on Albeu.com.