Gjithashtu, në këtë mbrëmje gala, u nderuan me çmime disa nga emrat e njohura të sportit shqiptar, duke kujtuar arritjet e tyre të jashtëzakonshme gjatë kësaj periudhe.

Dy sportistët e kryeqytetit, Indrit Çullhaj dhe trajneri i tij, Shkurt Çullhaj, u nderuan nga kampioni dhe veteran i xhudos, Ylli Ujka.

Puna sistematike, këmbëngulja e pjesëmarrja në shumë aktivitete, titujt dhe medaljet e ndryshme u kurorëzuan këtë fundvit me këtë vlerësim.

Kampioni Ylli Ujka deklaroi se Indrtit Çullhaj ka zgjedhur skuadrën e duhur për të marrë eksperiencën se cila është rruga për të qenë një kampion.

Më vjen ndërmend një shprehje e bërë virale nga Xhek Ma, themeluesi i rrjetit të njohur Ali Baba: “Nëse je 20-30 vjeç, ti duhet të ndjekësh një shef të mirë dhe t’i bashkohesh një skuadre të mirë për të mësuar se si të bësh gjërat mirë. Kur je 30 – 40 vjeç, nëse do të bësh diçka për vetën tënde, bëje. Por kur je 40-50 vjeç, duhet të bësh gjërat të cilat ti je shumë i mirë për t’i bërë. Kur të jesh 50-60 vjeç, harxho kohën tënde duke trajnuar dhe mbështetur të rinjtë për të përgatitur gjeneratën e ardhshme”.

“Jam shumë i lumtur që vlerësimin për xhudistin më të mirë të vitit, t’ia dorëzoj sportisit Indrtit Cullhaj dhe vlerësimin për trajnerin më të mirë për Lutfi Cullhaj.

Dhe duke iu rikthyer shprehjes së bërë virale, jemi të gjithë krenar që Indriti ka zgjedhur skuadrën e duhur për të marrë eksperiencën se cila është rruga për të qenë një kampion dhe Lutfiu ndërkohë që po jep kontributin e tij për sportin e xhudos, ku ai po bën diçka për të shpalosur talentin e tij dhe që ka dhënë rezultate konkrete”, shprehet Ylli Ujka.

The post Mbrëmja gala “Yjet e Sportit 2022-2023”, dy sportistët e Tiranës vlerësohen nga KOKSH si Sportisti dhe trajneri më i mirë i vitit appeared first on Albeu.com.

Në këtë mbrëmje gala, u nderuan me çmime disa nga emrat e njohura të sportit shqiptar, duke kujtuar arritjet e tyre të jashtëzakonshme gjatë kësaj periudhe.

Zelimkhan Abakariov dhe Islam Dudaev u nderuan të parët me trofeun që iu dorëzua nga Sahit Prizreni.

Më pas radhën e kishte Briken Calja të nderohej nga ish-peshëngritësi i njohur Luan Shabani.

Një trofe u dha edhe për përfaqësuesit e ekipeve fituese të basketbollit për kampionatet e shkollave 9-vjerçare dhe të mesme nga legjenda e basketbollit shqiptar, Gazmend Çaçi.

Radhën më pas e kishte edhe trajneri i Kombëtares së futbollit, Silvinjo, të cilit trofeun ia dorëzoi kryeministri Edi Rama.

Kampionia e bodybilding, Gentiana Beqa, mori trofeun nga kampioni i parë i këtij sporti në Shqipëri, Rando Kukeli.

Gjimnasti Matvei Petrov dhe trajneri i tij, Alon Hasa, u nderuan me çmim nga Ferdinand Mara.

Ministrja e Arsimit dhe Sportit, Ogerta Manastirliu i dorëzoi trofeun medalistëve të Lojërave Olimpike Speciale, Gersi Troka dhe Adi Sula.

Trajneri i boksit, Sead Bushati, i dorëzoi trofeun sportistit Alban Beqiri.

Ish-presidenti i Federatës së Atletikës, Gjergj Ruli, ishte ai i cili dorëzoi trofeun Izmir Smajlajt.

Sekretari i përgjithshëm i Komiteti Olimpik Europian, Rafaele Panjosi, i dorëzoi një trofe nënkryetares së Bashkisë së Tiranës, Keti Luarasi.

Eklent Kaçi, kampion bote në bilardo, u nderua nga mjeshtri Roland Panozaqi.

Sigurisht, nuk mund të mungonte një trofe edhe për Luiza Gegën, e cila u nderua nga Mjeshtrja e Madhe e Sportit, Pavlina Evro.

Kampionët e skuadrave të 9-vjeçareve dhe të mesmeve që fituan kampionatet kombëtare të volejbollit, u nderuan nga Ela Tase.

Elez Gjoza ishte ai i cili i dorëzoi trofeun kampionit të peshëngritjes, Erkand Qerimajt.

Xhudoka Infrit Çullhaj dhe trajneri i tij, Shkurt Çullhaj, u nderuan nga kampioni i xhudos, Ylli Ujkaj.

Kampioni i karatesë, Alvin Karaqi, ishte ai i cili u nderua nga emri i njohur i karatesë në botë, Enver Idrizi.

Trajneri i atletikës, Taulant Stërmasi, u nderua me trofe nga mjeshtri i madh, Aziz Ruli.

Ernest Merdanaj dhe Juirdo Cani morën trofe për sportin e Taekwondo nga mjeshtri ndërkombëtar i karatesë, Enver Cakiqi.

The post Mbrëmja gala “Yjet e Sportit”: Paradë kampionësh dhe nderime nga Abakarov te Luiza Gega e Silvinjo appeared first on Albeu.com.

Kjo mbrëmje do të jetë e pasur edhe me program artistik në Teatrin Kombëtar të Operas dhe Baletit, që do t’i dedikohet futbollit vendas dhe Kombëtares kuqezi që mbylli një edicion fantastik kualifikues, me objektivin e arritur finalet e Europianit “Gjermani2024”.

Në këtë mbrëmje, e kthyer tashmë në një traditë nga FSHF nuk do të mungojnë edhe të ftuar special, personalitete ndërkombëtare, figura të mëdha futbolli, përfaqësues nga bota akademike, ajo politike, e artit, medias dhe kolegë e miq të Federatave të tjera.

Fituesit e çmimeve janë përzgjedhur nga vetë protagonistët e futbollit shqiptar pas një procesi të gjatë e transparent votimi të udhëhequr nga FSHF e që ka nisur prej kohësh.

Fituesit do të shpallen gjatë mbrëmjes, ndërkohë që po ju njohim edhe me të nominuarit për çdo kategori. Për çmimin “Topi i Artë 2023” të nominuarit janë: Arinaldo Rrapaj, Florent Hasani dhe Bekim Balaj, ndërsa për “Topin e Artë 2023” për vajza finalistet janë: Valentina Troka, Ezmiralda Franja dhe Megi Doçi.

Dy trofetë ‘Këpuca e Artë 2023’ për djem dhe vajza do të shkojnë për golashënuesit më të mirë të vitit, ndërsa për çmimin “Trajneri i Vitit 2023” kandidaturat janë: Mirel Josa, Orges Shehi dhe Edlir Tetova.

“Talenti i Vitit 2023” do të shpallet njëri mes Ledjo Tresës, Ergis Arifit dhe Arlind Kurtit, tre prej lojtarëve të rinj që kanë spikatur këtë sezon.

Ndërsa për çmimin “Talentja e vitit 2023” janë në garë: Rosela Vasa, Klesta Ago dhe Klaudia Borci.

Për çmimin “Arbitri i Vitit 2023” tre të nominuarit janë Juxhin Xhaja, Eldorjan Hamiti dhe Enea Jorgji. Në fund, do të zbulohet “Formacioni i Vitit 2023” me emrat e 11 lojtarëve më të dalluar përgjatë vitit për çdo pozicion, të cilët janë përzgjedhur përmes votimit nga gazetarët e emisionet sportive në vend.

Mbrëmja gala do të zhvillohet më 18 dhjetor në Teatrin Kombëtar të Operas dhe Baletit dhe nis në ora 18:00 me eventin që do të transmetohet direkt në kanalin zyrtar të FSHF në Youtube dhe në platformën Supersport, që është partneri mediatik i këtij eventi.

The post Mbrëmja gala/ Nga ‘Topi i Artë’ tek ‘Talenti i vitit, më të mirët 2023’, të nominuarit për çmimet e FSHF-së appeared first on Albeu.com.