Mbledhja e grupit parlamentar të PS me ministrat, prodhoi një ditë më parë përplasje mes Erjona Ismailit ministre për Marrëdhëniet me Parlamentin dhe Elisa Spiropalit, ish-ministre e këtij dikasteri dhe ish-ministre e Jashtme.

Burime nga kjo mbledhje i treguan gazetarit të Top Channel, Muhamed Veliu, dinamikën e sherrit ku është përshirë edhe kryeministri Edi Rama.

Kur ministrja Ismaili ishte duke folur për strategjinë e komunikimit, Elisa Spiropali ka nisur të qeshë.

Ky gjest i saj është parë nga ministrja Ismaili, e cila i është drejtuar me fjalët, “zonja Spiropali s’ke pse qesh”. Ish-ministrja e Jashtme, i është përgjigjur me fjalën “urdhëro”?

Spiropali mësohet se i ka thënë ministres Ismaili t’i kërkojë falje.

Të njëjtat burime tregojnë se Rama i është drejtuar Spiropalit me fjalët: “Ti mos e hap gojën fare, fare. Ti një herë mos fol fare, të paktën në prezencën time. Nuk ndërhyn dot tek sa po flet Erjona”.

Përplasja mes ministres dhe ish-ministres nuk ka mbaruar me kaq, pasi Spiropali ka këmbëngulur në kërkimin ndjesë nga Ismaili.

Burimet thanë se në këtë moment ka ndërhyrë sërish kryeministri Rama, i cili i është drejtuar Spiropalit me fjalët: “mos më provoko të të nxjerr përjashtë”.

Situatën në fund e ka qetësuar Erion Braçe, i ulur pranë Spiropalit.

Ky debat vjen një javë pas debatit në distancë mes Taulant Ballës dhe Elisa Spiropalit, për mungesën e ish-shefes të diplomacisë shqiptare në votimin e kërkesës së SPAK në kuvend për Belinda Ballukun.

Deklarata e Taulant Ballës se; “nuk i marr vetëm vendimet, i marr me grupin parlamentar, do të pyes dhe grupin parlamentar për këtë çështje”, Elisa Spiropali iu përgjigj me një koment në Facebook ku shprehte gatishmërinë dhe dakordësinë e diskutimit në grup të mungesës së saj në seancë.

“Jam plotësisht dakord. Nëse çështja kërkon konsultim me grupin parlamentar, atëherë është pikërisht ajo që duhet bërë pa vonesë. Thirre grupin dhe zhvillojmë një diskutim të plotë”, shkruante Spiropali.

Por kjo nuk ndodhi sot në këtë mbledhje të zgjeruar të Grupit Parlamentar Socialist me ministrat.

The post Pas përplasjes me Ramën në mbledhjen e Grupit të PS, Spiropali del me mesazh të koduar: Mbaje fytyrën nga… appeared first on Albeu.com.

Mësohet se emrat e përfshirë në grupin e punës janë: Ervin Minarolli, Belind Këlliçi, Ina Zhupa, Besart Xhaferri, Albana Vokshi, Klevis Balliu dhe Grigels Muçollari.

The post EMRAT/ Mbledhja e Kryesisë së PD-së, miratohet grupi i punës për komunikimin digjital appeared first on Albeu.com.

Sekretari i Përgjithshëm i PS, Blendi Klosi, deklaroi se asambleja e kësaj force politike do të zhvillohet në 21 mars.

Pas mbledhjes së Kryesisë së PS në selinë rozë, Klosi u shpreh se do të ketë zgjedhje brenda partisë dhe sipas tij, ky proces është për të rifreskuar dhe forcuar strukturat.

Blendi Klosi: “Do të kërkojë proces zgjedhor dhe do fillojë me zgjedhjet e kryetarëve të organizatave, forumeve të PS. Është proces i riforcimit të strukturës së PS. Do përfshijë të gjithë forumet e PS, do shtrihet në çdo qelizë. Në mbledhjen e datës 21, do kemi diskutime për përfshirje të anëtarëve të asamblesë. Gjithmonë ka kërkuar rifreskim. Statuti përcakton, zgjedhjet në forumin lokal të partisë, do kemi zgjedhje të organizatave, të drejtuesve të PS”, deklaroi Klosi.

The post Përfundon mbledhja e Kryesisë së PS, Blendi Klosi zbardh detaje: Zgjedhje në parti, forcojmë strukturat appeared first on Albeu.com.

Gjatë mbledhjes, nuk u vendos një datë për Asamblenë Kombëtare, ndërsa drejtuesit diskutuan mbi mënyrat përforcimin e aktivitetit në baza lokale.

Në mbledhje mori pjesë edhe Belinda Balluku, të cilën kryeministri Rama e shkarkoi nga posti, ndërsa SPAK kërkon autorizimin për arrestimin e saj.

Ky takim i socialistëve vjen pak ditë pas mbledhjes së Grupit të PS, ku dhe u kryen ndryshimeve të mëdha në qeveri, si edhe shkarkimi nga detyra e Belinda Ballukut, e cila mbante postin e zv.kryeministres dhe ministres së Infrastrukturës dhe Energjisë, duke e lënë në duart e SPAK, pasi është vënë zyrtarisht nën akuzë për abuzime me tenderat dhe për të cilën ka kërkuar arrestimin.

Gjatë ditës së djeshme Presidenti i Republikës, Bajram Begaj, priti Kryeministrin Edi Rama.

Gjatë takimit që u zhvillua në Pallatin e Brigadave, Kryeministri Rama, i paraqiti Kreut të Shtetit propozimet për ndryshimet në kabinetin qeveritar.

Rama dhe Begaj u takuan për afro 40 minuta në Pallatin e Brigadave, ku kreu i qeverisë i dorëzoi për dekretim shkarkimet dhe emërimet e reja në kabinetin qeveritar.

Procedura kushtetuese parashikon 7 ditë afat për dekretimin e shkarkimeve dhe emërimeve të reja në kabinetin qeveritar, të cilat më pas kalojnë për votim në Parlament, ku për miratimin e tyre nevojiten 71 vota. Pas votëbesimit në Kuvend, ministrat e rinj betohen tek Presidenti Begaj për të marrë detyrën e re.

Shkarkimet dhe emërimet e ministrave të rinj u njoftuan në mbledhjen e përbashkët të Grupit Parlamentar të Partisë Socialiste me kabinetin qeveritar që u mbajt më 26 shkurt, ku Edi Rama vendosi të zëvendësojë zëvendëskryeministren Belinda Balluku me Albana Koçiun, e cila duhet të lërë Ministrinë e Brendshme që drejton aktualisht.

Vakancën e krijuar nga largimi Ballukut në Ministrinë e Infrastrukturës dhe Energjisë do ta plotësojë Enea Karakaçi, i cili ka mbajtur deri më sot postin e Drejtorit të Operatorit të Shpërndarjes së Energjisë Elektrike.

Elisa Spiropali, e cila mbajti detyrën e Ministres së Punëve të Jashtme, do të zëvendësohet nga diplomati i karrierës, Ferit Hoxha, të cilit më herët i janë besuar detyra të rëndësishme si ajo e ambasadorit në OKB e BE.

Toni Gogu, do të udhëheqë një tjetër portofol të rëndësishëm, atë të Ministrisë së Drejtësisë, në vend të Besfort Lamallarit, i cili shkon sërish në dikasterin ku ka shërbyer prej vitesh, por kësaj radhe si drejtues i Ministrisë së Brendshme.

Deputetja e re e qarkut të Vlorës, Erjona Ismaili, do të ulet në karrigen e lënë bosh nga Toni Gogu, duke kryesuar Ministrinë për Marrëdhëniet me Parlamentin.

Sakaq, pjesë e rokadës së ndryshimeve në qeverinë e re është edhe ministri i Mbrojtjes, Pirro Vengu, i cili zëvendësohet nga Ermal Nufi, që mban detyrën e zv.Sekretarit të Përgjithshëm të Kryeministrisë, ndërsa më herët ka qenë shef kabineti i zv.Kryeministres Balluku.

The post Zbardhen prapaskenat e diskutimeve në mbledhjen e Kryesisë së PS appeared first on Albeu.com.

Gjithashtu, në mbledhje u bënë me dije ndryshimet ligjore, kryeministri theksoi se nuk ia pranuar dorëheqjen sepse do të bëhej fjalë për një largim që kalon jashtë territorit të pushtetit ekzekutiv.

Rama tha se nuk do ta pranojë dorëheqjen “deri kur të plotësohen kushtet”. Dhe kur të plotësohen kushtet, shtoi ai, “s’e përcakton dot as prokurori, as gjykatësi i seancës paraprake, as media dhe as gjyqi popullor”.

“Belinda Balluku ma ka dorëzuar tre herë dorëheqjen. I kam atje në dosje. Një herë kur iu ngrit akuza, e dyta ku iu bë pezullimi i parë dhe herën e tretë pasi GJK nuk mori vendim dhe të tre herët jam unë që kam refuzuar dorëheqjen. Sepse dorëheqjen nën presionin e një fuqie që ka dalë nga territori i vet dhe është futur në territorin e pavarësisë së pushtetit ekzekutiv nuk ka. I jam falenderues për faktin që nuk ka persistuar por ka vazhduar ta marrë gjithë atë baltë mbi fytyrë se unë nuk e pranoj dorëheqjen deri kur të plotësohen kushtet. Se kur plotësohen kushtet se përcakton dot as prokurori, as gjykatësi i seancës paraprake, as media dhe as gjyqi popullor. Se nëse do të hynim në këtë logjikë do t’i hapnim rrugë një historie që do të dëmtonte kapacitetin e pushtetit ekzekutiv për të qeverisur”, tha Rama.

Më tej, Rama tha se kritikët nuk mund të marrin në konsideratë shembuj të vendeve të tjera, sepse Shqipëria është në një fazë krejt të ndryshme.

Sipas tij, balanca mes pushteteve nuk mund të prishet nga “nga aventurizmi i një prokurori këtu e një gjykatësi atje”.

“Kush më tregon Gjermaninë apo Danimarkën iu them se jemi në kushte të ndryshme. Në Shqipëri jemi në një fazë revolucionare, transformuese, përmbysjeje të një sistemi të kalbur, të një historie kur tradita ka qenë dhe mbetet problemi më i madh për të ndërtuar një sistem gjyqësor demokratik se shkon në të kundërtën e lirisë dhe jemi në kushtet kur duke i dhënë pavarësinë e plotë pushteti gjyqësor dhe ngritur struktura speciale për të luftuar ne që jemi ata që duhet të qeverisin, është e rëndësishme që të jemi të vëmendshëm për të ruajtur balancën që në mënyrë të përsëritur rrezikon të prishet nga aventurizmi i një prokurori këtu e një gjykatësi atje”, tha Rama.

The post Rama: Belinda Balluku më ka dorëzuar tre herë dorëheqjen, nuk kam pranuar, largim nën presionin e një fuqie që ka dalë nga territori vet appeared first on Albeu.com.

Rama u shpreh se nuk ka parë, “rreth e rrotull globit të sistemeve dhe vendeve demokratike”, raste kur një anëtar i kabinetit të jetë pezulluar nga detyra për t’i dhënë drejtim një procesi hetimor.

Sipas tij, vendimmarrja nuk duhet të bazohet në arsye politike për të ruajtur ekuilibra të momentit, por në arsye kushtetuese.

“I kemi parë rreth e rrotull globit të sistemeve dhe vendeve demokratike që të jetë pezulluar një anëtar kabinet për ti dhënë një drejtim këtij procesi.

Në vend që të merret një vendim i bazuar në arsye kushtetuese merret një vendim i bazuar në arsyet politik për të mbajtur ekuilibra politik.

Mosvendimi bënë që cdo njëra nga ato figura që u përmendën në relacion të jenë vunerabël ndaj pezullimit. Që kufiri ndarës mes pushteteve të jetë si ato gardhet me një vrimë ku hyjnë e dalin qentë dhe minjtë, këtë bën kjo. Në këtë nuk do ta lejojmë. Kjo nuk ka lidhje me asnjë cënim të të drejtave që u jep pushtetit gjyqësor pavarësia që i kemi dhënë ne me vullnetin tonë dhe të padiskutueshëm, pas 100 vjetësh”, tha Rama.

Rama theksoi se pavarësia duhet të jetë e ndërsjellë dhe se gjyqësori nuk duhet të imagjinojë se mund të ndërhyjë në territorin e ekzekutivit.

“Vendosja e këtij kufiri është e rëndësishme për të përcaktuar edhe një ndarje tjetër që e vërej me keqardhje. Po pse vetëm pushteti gjyqësor është i pavarur? Kushtetuta e thotë që janë tre pushtete të pavarur, që do të thotë përvec gjyqësorit është edhe legjislativi edhe ekzekutivi. Për ca jemi të pavarur ne ne raport me gjyqësorin?! Dhe ku gjyqësori nuk duhet ta imagjinojë se mund të hyjë ne territorin tonë. Vendimet tona janë sovrane dhe nuk ka prokuror dhe gjykatës që ti verë në diskutim”, tha kryeministri.

The post Kryeministri Rama: S’do lejojmë që kufiri ndarës mes pushteteve të jetë si një gardh me vrimë ku hyjnë e dalin qentë e minjtë appeared first on Albeu.com.

Sipas Syri.net, mbledhja është shoqëruar me debate mes qytetarëve dhe kryeministrit.

Gjatë diskutimeve, Rama u është drejtuar banorëve me arrogancë duke theksuar se projekti, i cili prek banesat e tyre, do të realizohet.

Diskutimi:

Rama: Nuk  kam ardhur të bëj intepretim të ligjit. Kam ardhur doni të diskutojmë mbas apo pro. Nëse thonë nuk duam e ne pengojmë projektin e lëmë me kaq. Mos e humbisni kohën tuaj dhe timen.

Banorja i shpjegon problemin.

Rama ngre zërin: Do më dëgjosh apo jo se po më lodh shumë.

Banori: Pse ke ardhur këtu. Nëse ke ardhur për të diskutuar dëgjo. Po të kërkojmë vë dorë tek projekti.

Mos e nis me bërtitje.

Rama: Doni të bëni muhabet.

Rama: Po filloi karshilliku, unë e mbyll bisedën. E ju dilni të humbur. E thashë që në fillim që vlera e kompensimit nuk është e drejtë. Nuk kam ardhur të diskutoj projektin, kam ardhur të them që vlera e kompensimit është e padrejtë. Unë dua të bisedojmë për shpronësimin”.

Banori: A ju duket se po shkatërroni bazat e një qyteti 2 mijë vjeçar. Mos ngul këmbë që unë projektin do ta bëj. A ka mundësi të ulemi të gjithë palët e të diskutojmë. Nëse ne ikim shkatërrohet vendbanimi. Pse ta heqim trashëgiminë. Nëse shkatërrohen ato banesa zhduket qyteti i Durrësit. Nuk jemi në rrezen e Amfiteatrit. Respekto Durrësin e shtëpitë tona. Pse po e shembni. Ne nuk duam lekë. Duam të jetojmë aty’.

Banori: Jemi ne këtë qytet. Pse do me na përzënë.

Banorja: Është bërë me gabime. Janë bërë gafa të rënda në projekt. Ata të ADF-së kanë thënë se janë gati ta rishikojnë. Pse nuk pranoni ta korrigjoni.

Rama: Po thonë se rezultati është për mos u bërë projekti.

Projekti TID, është një nismë e qeverisë shqiptare që synon të kthejë zonën arkeologjike të qytetit në një park të madh urban.

Bashkia e Durrësit, ka lajmëruar se më 16 shkurt duhet të largohen vullnetarisht nga banesa për të vijuar me realizimin e Projektit TID

The post Rama ngre zërin në mbledhjen me qytetarët e Durrësit për projektin TID: Po më lodh shumë, ju dilni të humbur appeared first on Albeu.com.

Pas 1 muaj e gjysmë zvarritje mazhoranca socialiste ka vendosur të kërkojë akoma më shumë kohë për të shqyrtuar kërkesën e Prokurorisë së Posaçme, SPAK, për arrestimin e zv.Kryeministres dhe ministres së Infrastrukturës dhe Energjisë, Belinda Balluku, e cila akuzohet për “shkelje të barazisë në tendera” me vlerë qindra milionë euro.

Në kundërshtim me rregulloren dhe praktikat e mëparshme parlamentare Kryetari i Kuvendit, Niko Peleshi, ka vendosur të shtyjë mbledhjen e Këshillit të Mandateve, e njoftuar prej tij për të mërkurën, duke rrezikuar kështu të djegë limitet kohore që ka Kuvendi për t’u shprehur ndaj një kërkese të prokurorisë për arrestimin e një deputeti.

Justifikimi i Peleshit për shtyrjen lidhet me një vendim të pritshëm të Gjykatës Kushtetuese për një masë tjetër të marrë më herët nga Gjykata e Posaçme ndaj Ballukut, çështje e cila nuk ka lidhje me kërkesën e SPAK në Kuvend.

Në njoftimin për shtyrjen e mbledhjes, thuhet se është marrë në konsideratë kërkesa e disa anëtarëve të Këshillit, që shqyrtimi i kërkesës së SPAK “të lidhet me marrjen dhe vlerësimin paraprak të vendimit përkatës të Gjykatës Kushtetuese”.

Peleshi vlerëson se; “një shqyrtim i tillë synon garantimin e një procesi vendimmarrjeje të plotë, objektiv dhe në përputhje me parimet kushtetuese, me qëllim shmangien e cenimit të parimit të sigurisë juridike dhe garantimin e rregullsisë kushtetuese të veprimtarisë dhe vendimmarrjes së Kuvendit”.

Zvarritja prej javësh e mbledhjes vjen në një linjë me qëndrimin e Kryeministrit Edi Rama që paralajmëroi publikisht se mazhoranca që ai drejton do të priste të shprehej Gjykata Kushtetuese para se të merrte qëndrim për heqjen e imunitetit parlamentar të Ballukut.

Gjykata Kushtetuese ndërkohë pritet të shpallë vendimin për kërkesën e Ramës për të shqyrtuar ligjshmërinë e vendimit të Gjykatës së Posaçme për pezullimin nga detyra të Ballukut, vendim që sipas tij është në konflikt kompetencash me rolin e Kryeministrit dhe të Këshillit të Ministrave. Më herët kjo gjykatë ka vendosur ngrirjen e efekteve të pezullimit duke e kthyer Ballukun në detyrë deri në vendimin përfundimtar të çështjes.

Çështja u shqyrtua në themel më 22 janar, por gjyqtarët kushtetues nuk janë mbledhur ende për të shpallur vendimin.

Balluku është rasti i parë kur një zyrtare kaq e lartë e qeverisë merret e pandehur nga SPAK me akuza për shkelje të barazisë në tendera me vlerë qindra milionë euro dhe vijon të qëndrojë në detyrë, ndërkohë që kryeministri ka marrë përsipër mbrojtjen e saj juridike dhe publike.

Shtyrja përtej 3 muajve e shqyrtimit të kërkesës së SPAK mund të çojë në rrëzimin automatik të saj, sipas parashikimeve të Rregullores së Kuvendit.

Kërkesa e SPAK në Kuvend ka mbërritur më 16 dhjetor dhe mbledhja e parë e Këshillit u thirr më 19 dhjetor, mbledhje e cila nuk arriti në asnjë rezultat pasi socialistët kërkuan 3 javë kohë që të njihen me një dosje hetimore voluminoze rreth 16 mijë faqe që prokuroria ka dorëzuar në Kuvend, përkundër kërkesës së prokurorëve që mjaftonin 3 deri në 5 ditë.

Gjithsesi asnjë anëtar socialist i këshillit dhe as avokati nuk e kanë tërhequr dosjen në Kuvend për t’u njohur me të, ndërsa Peleshi refuzoi në mënyrë të përsëritur të mblidhte Këshillin pavarësisht kërkesave të përsëritura të 5 anëtarëve të opozitës në Këshill, sipas parashikimeve të rregullores.

Në janar Partia Demokratike dorëzoi një kallëzim penal ndaj tij për “shpërdorim detyre” duke akuzuar se ka penguar drejtësinë duke cenuar hetimet e prokurorisë.

Është kjo strukturë bipartizane parlamentare që pas shqyrtimit të kërkesës së prokurorisë harton një raport për në seancë plenare, në të cilin rekomandon rrëzimin ose miratimin e dhënies së autorizimit.

Sipas ekspertëve të ligjit, zvarritja e shqyrtimit të kërkesës së Prokurorisë së Posaçme bie në kundërshtim me frymën e dispozitave ligjore dhe vendos një precedent të rrezikshëm të qëndrimit të Kuvendit./BIRN

The post Vendimi i Peleshit në kundërshtim me rregulloren/ Kuvendi shtyu mbledhjen e Këshillit të Mandateve për Ballukun, BIRN: Mbi një muaj e gjysmë zvarritje nga mazhoranca socialiste appeared first on Albeu.com.

Kryetari i Kuvendit mbylli mbledhjen pa caktuar një datë të re. Kreu i Grupit Parlamentar të PD, Gazment Bardhi, iu drejtua kryetarit të Komisionit dhe kryeparlamentarit Niko Peleshi duke kërkuar të caktojë datën e mbledhjes së radhës.

Bardhi-Peleshit: Cakto datën e mbledhjes. Do ta thërrasim me1/2 për të hënën. Nuk ju përgjigjet Rama në telefon, dhe shtyni mbledhjen. Turp.

The post “Turp”, gati 5 orë mbledhje në Këshillin e Mandateve/ Zbardhet debati, Bardhi-Peleshit: Nuk ju përgjigjet Rama në telefon, dhe shtyni mbledhjen appeared first on Albeu.com.

Ndërkohë, siç deklaroi kreu i Grupit të PD, Gazment Bardhi, deputetët anëtarë të Këshillit kanë marrë një “USB” me 10 mijë faqe “prova” për zëvendëskryeministren, të cilën pasi ta shohin, do të mblidhen për ta diskutuar.

“Kemi kërkuar sipas rregullores së Kuvendit që mbledhja e sotme të ishte transparente për qytetarët. Sigurisht duke lënë të mundshëm opsionin sa herë prokuroria do informonte anëtarët e këshillit të Rregullores, ne të ndërprisnim mbledhjen dhe të largonim median nga mbledhje.

Sot u zbulua skenari pse e kishte kyçur USB, u bë për t’i dhënë alibi Ballukut për shtyrjen e mbledhjes se nuk ka lexuar të plotë materialin.

Për fat të keq u zbulua skenari që Edi Rama nuk e ka vendosur ende çfarë do bëjë me Ballukun dhe po i jep kohë vetes për tu njohur me materialet. U bënë aq qesharak sa kërkuan që mbledhja e radhës të jetë pas 1 muaji, pra më datë 20 janar. Çdo vonesë mund të rrezikojë provat ose intimidimin e dëshmitarëve”, është shprehur Gazment Baardhi.

Mbledhja e nisur në orën 10:30 të paradites së sotme, ka përfunduar vetëm pak më parë, ku deputetët dhe përfaqësuesit e SPAK kanë diskutuar mbi mënyrën e qasjes së anëtarëve të Këshillit në informacionin e klasifikuar si sekret dhe datën për takimin e radhës.

SPAK kërkon heqjen e imunitetit dhe dhënien e autorizimit nga Kuvendi i Shqipërisë për arrestimin e Belinda Ballukut.

The post Shtyhet pa datë mbledhja e Këshillit, deputetët marrin “USB” me 10 mijë faqe “prova” për Belinda Ballukun appeared first on Albeu.com.