Qëndrimi përfundimtar i 5 anëtarëve të opozitës në Këshillin e Imunitetit:

Përfundimisht, 5 deputetët e Këshillit për Imunitetin, përfaqësues të opozitës, në mbështetje të neneve 73, 95, 103 të Kushtetutës, neneve 260, 288, 289 të Kodit të Procedurës Penale, si dhe neneve 13 dhe 118 të Rregullores së Kuvendit;

REKOMANDOJNË:

Deputetët në seancë plenare të Kuvendit të Republikës së Shqipërisë të votojnë pro, për miratimin e kërkesës nr. 43019Prot., datë 16.12.2025 të Prokurorisë së Posaçme Kundër Korrupsionit dhe Krimit të Organizuar, duke vendosur: “Dhënien e autorizimit nga Kuvendi i Republikës së Shqipërisë, për arrestimin/heqjen e lirisë nëpërmjet zëvendësimit të masës së sigurimit nga ajo e “Ndalimit të daljes jashtë shtetit” e parashikuar nga neni 233 i K.Pr.Penale dhe “Pezullimit të ushtrimit të një detyre a shërbimi publik”, e parashikuar nga neni 242 i K.Pr.Penale, në atë të arrest në burg/në shtëpi, për znj. Belinda BALLUKU”, e cila ushtron funksionet e deputetit, ministrit dhe zëvendëskryeministrit, në kuadër të procedimit penal nr. 136 të vitit 2025, ku ajo është marrë si e pandehur dhe person nën hetim, për shkak se dyshohet se ka kryer, në mënyrë të përsëritur, veprën penale: “Shkelja e barazisë së pjesëmarrësve në tendera apo ankande publike”, kryer në bashkëpunim, parashikuar nga nenet 258/2 e 25 të K.Penal.

The post Mbledhja e Këshillit të Mandateve/ Zbardhen rekomandimet e 5 anëtarëve të opozitës: Kuvendi të japë autorizimin për arrestimin e Ballukut appeared first on Albeu.com.

Në vijim të pyetjeve të bëra nga Kryetari i grupit parlamentar të PD, Gazment Bardhi, arrihet në konkluzionin se Prokuroria konfirmon se janë konstatuar fakte të tjera penale për Ballukun.

Po sipas Bardhit, që i referohet prokurorëve, gjendja procedurale e Ballukut, është rënduar dhe ajo ka rrezik të prish provat dhe të kryejë krime të tjera.

“Gjithashtu, konfirmoi se në datë 20 Nëntor 2025 ka intimiduar dy dëshmitarë, duke i kërkuar të ndryshojnë dëshminë.

Po ashtu, prokuroria informoi se ka prova se disa persona “të fortë” (duke nënkuptuar elementë të krimit të organizuar) kanë kërcënuar dëshmitarët në emër të zonjës Balluku. Për këtë kanë paraqitur edhe provat në mbledhjen e Këshillit – transkripte të bisedave.

Sipas prokurorisë Balluku apo avokatët e saj nuk kanë ngritur asnjë pretendim për ndikim politik/përndjekje politike nga prokuroria. Hetimi nuk ka sfond politik. Ky fakt u konfirmua edhe nga avokatët e Balluku, të cilët u shprehen se nuk kanë ndonjë pretendim të këtij lloji”, thuhet në konkluzionet e nxjerra nga Bardhi pas pyetjeve të ngritura prej tij në Këshillin e Mandateve.

The post Disa persona “të fortë” kanë kërcënuar dëshmitarët në emër të Ballukut/ Debatet me dyer të mbyllura në Këshillin e Mandateve, Bardhi: Prokurorët thanë se pozita e saj është rënduar appeared first on Albeu.com.

Kryetari i Grupit Parlamentar te PD Gazment Bardhi, ka ngritur shqetësimin për zvarritjen për më shumë se 2 muaj të kërkesës së Prokurorisë për arrestimin e Zëvendëskryeminsitres Belinda Balluku.

“Keni penguar për 2 muaj drejtësinë, keni shkelur Kushtetutën dhe Rregulloren”,- është shprehur Bardhi.

Gjithashtu, Gazment Bardhi ka kërkuar në mbledhjen e Këshillit te Imunitetit që mbledhja të jetë e hapur dhe media të lejohet ta ndjek atë.

“Duke respektuar kërkesën e prokurorisë për të ruajtur sekretin hetimor, mendoj se mbledhja duhet te jete e hapur dhe vetëm për raste kur prokurori dëshiron të ndaje me Këshillin nje te dhene qe përben sekret hetimor, te vendoset qe dhenia e atij informacioni te behet me dyer te mbyllura”.

Bardhi i është drejtuar kryetarit të Kuvendit, Niko Peleshi, duke i thënë se nuk mund të fshehni milona euro vjedhje të Belinda Ballukut.

“Ne parim, mbledhjet e organeve te Kuvendit janë të hapura dhe nuk ka asnjë arsye që kjo mbledhje te mbahet me dyer te mbyllura. Ju zoti Kryetar keni detyrimin që ta hidhni këtë në votim. Nuk mund t’i fshiheni publikut vjedhjen nga Belinda Balluku të miliona eurove, apo bashkëfajësinë e Edi Rames në këtë çështje”, – mësohet të jetë shprehur Gazment Bardhi.

The post Mbledhja e Këshillit të Mandateve, Bardhi-Peleshit: Nuk mund të fshihni milionat e vjedhjeve të Ballukut, për dy muaj keni penguar drejtësinë appeared first on Albeu.com.

Në këtë seancë do të shqyrtohej edhe kërkesa e selisë blu për heqjen e mandatit të Xhaçakës, pasi bashkëshorti i saj ka përfituar 8 mijë katrorë tokë në bregdetin e Jugut, duke u konsideruar si investitor strategjik nga qeveria.

Bardhi ndërkohë deklaroi se seanca e sotme u kthye në seancë leximi, pasi ministrja Xhaçka u fsheh pas avoaktit të saj duke mos denjuar t’i japë përgjigje shqiptarëve për çështjen.

Fjala e Bardhit:

“Ka miratuar së bashku me Edi Ramën, dhënien e statusi të investitorit strategjik, bashkëshorti të saj Artan Gaçi,. Keni parë me fakte sesi vija bregdetare i është për të ushtruar veprimtari përfituese familjes së Olta Xhaçkës. Kjo është në kundërshtim të ligjit për interesin.

Ashtu siç e kërkonte procedura parlamentare, sot ishte thirru vetë ministrja Olta Xhaçka. Në një rast të pashembullt ajo zgjodhi të fshihej pas një avokati, duke detyruar kryetaren e Kuvendit që ta kthente seancën dëgjimore në seancë leximi. Deputetëve të opozitës por edhe deputetëve të mazhorancës ju mohua e drejta e tyre për të kërkuar shpjegime, për fat të keq jo nga zota Xhaçka e cila u fsheh pas avokatit. Disa nga pyetjet që PD do ti bënte sot ministres Xhaçka dhe avokatit të saj janë: Si ka mundësi që 8 mijë metër katrorë të vijës bregdetar të përfituara nga Olta Xhackcka dhe bashkëshorti konsiderohen hiç?  Cilët nga qytetarët shqiptarë të lidhur me ministren Olta Xhaçka ka pasur mundësi të përfitojë 8 mijë metër katrorë tokë në bregdet me 3 euro për metër katrorë?

Përsëris familjes së ministres i kanë lejuar të përdorë vijën bregdetare në kundërshtime ligjin.  E ka dëgjuar ministren të thotë se bashkëshorti i saj është biznesmen. por e drejta e bashkëshorti për të ushtruar biznes sjell kufizim të ministres Olta Xhaçka. Ministri në mënyrë aktive nuk mund të zotërojë aksione apo pjesë kapitali pavarësisht nga fusha…Në rastin konkret ka aplikuar për të marrë statusin e investitorit strategjik dhe ka përfituar edhe nga reduktimi i TVSH. E kemi thënë sot një qytetar kur blen një bukë paguan 20 % tvsh, ndërsa ministrja që përdor pronë publike në bregdet do paguajë TVSH në masën 5 %. Këto janë në kundërshtim me kushtetutën. Kjo çështje të dërgohet në Gjykatën Kushtetuese, nëse është respektuar Kushtetuta dhe ligjin çfarë frike ka Edi Rama dhe Olta Xhaçka. Vetëm dikush që ka shkelur ligjin mund të ketë frikë…I kërkoj kryetares së Kuvendit të respektojë Kushtetutën dhe rregulloren e vendit”.

The post Mbledhja e Këshillit të Mandateve, Bardhi: Olta Xhaçka u fsheh pas avokatit, çështja do të shkojë në Kushtetuese appeared first on Albeu.com.

Në këtë mbledhje do  të shqyrtohet mocioni 1/10 i deputetëve përfaqësues të Grupit Parlamentar të Partisë Demokratike për ndjekjen e procedurës parlamentare për konstatimin e pavlefshmërisë dhe mbarimit të mandatit të deputetës Olta Xhaçka.

Mbledhja në fjalë u kërkua nga opozita, pas akuzave se bashkëshorti i Xhaçkës ka përfituar si investitor strategjik tokë në bregdet.

The post PD kërkon heqjen e imunitetit për Olta Xhaçkën, ja kur mblidhet Këshilli i Mandateve appeared first on Albeu.com.