Pas anulimit të zgjedhjeve të 29 korrikut për kryetarin e PD, është vendosur pezullimi i veprimtarisë së Kyesisë së kësaj partie.

“Aktet e Kryesisë së Partisë kanë arritur deri më aty sa kanë përdorur, falsifikuar dhe prodhuar në mënyrë të paautorizuar vulën e PD, përmes një vendimi nul dhe antistatutor.

Të gjitha këto vendime janë anuluar dhe Këshilli Kombëtar ka vendosur të pezullojë veprimtarinë statutore të Kryesisë së PDSH, deri në verifikimin e rregullshmërisë statutore të përbërjes së saj”, është thënë në këtë mbledhje.

Gjithashtu, Këshilli Kombëtar i PD, si organi më i lart drejtues i Partisë, i ka autorizuar deputetët që në emër të Partisë Demokratike të Shqipërisë të kërkojnë çregjistrimin e ish-Kryetarit të dorëhequr të PD Lulzim Basha nga regjistri i partive politike, bazuar edhe në vendimin e KAS për dorëheqjen e tij, që është lënë në fuqi nga gjykata.

The post Këshilli Kombëtar i thirrur nga Bardhi pezullon veprimtarinë e Kryesisë së PD, kërkon dhe çregjistrimin e Bashës nga regjistri i partive appeared first on Albeu.com.

Berisha tha gjithashtu se vështirësi të mëdha e presin opozitën përpara, por do t’i kapërcejnë të gjitha.

https://www.facebook.com/SaliBerisha/videos/695895115659923

“Sot ne vijmë në këtë mbledhje më të fuqishëm se kurrë në ekzistencën tonë. Kaluam disa beteja unike në historinë e një force politike. U gjendëm në rrethana në të cilat ne kishim parashikuar që kurrë më të mos ishim ajo forcë politike që kemi qenë.

U gjendëm në rrethana në të cilën u vërsulën ndaj nesh me tërbim mafia qeveritare, më e rrezikshme në Europë, mafia e Edi Ramës. Besëprerët në gjirin e kësaj partie, mafia më e rrezikshme ndërkombëtare. Ne bëmë një zgjidhje apo zgjedhje epike! Vendosëm të qëndrojmë.

Ne nuk u mposhtëm. A ishim ne prej shkëmbi? Jo! por më e fortë se shkëmbi, janë idealet që ne besojmë, dhe kjo është arsyeja që na mbështesin ne.

U ngritën në këmbë, nuk u mposhtën, nuk u përkulën, refuzuan çdo kërcënim… ndaj u them se kjo provë e madhe na faktoi ne se ishim njerëz të pamposhtur në idealet tona.

Kjo nuk ishte një betejë për veten tonë, por për çdo shqiptar, i cili beson se vendi duhet të ketë sistem demokratik dhe se pa opozitë nuk ka demokraci.

Kjo ishte një betejë për çdo shqiptar. Kurrë ndonjëherë nuk kemi sakrifikuar më shumë për të gjithë shoqërinë tonë, sesa në këtë udhëtim. Sot jemi në një etapë të re të betejës. Dështoi për asgjësimin tonë. Rrugën nuk e kemi të shtruar, vështirësi të mëdha na presin, por jemi më të fortë dhe kemi çdo potencial për t’i kapërcyer”, tha Berisha.

The post “Vështirësi na presin përpara”, Berisha në mbledhjen e Këshillit Kombëtar: Jemi më të fortë se shkëmbi appeared first on Albeu.com.

Nga sa duket nga pamjet e siguruara brenda sallës, mbledhje ka nisur me ovacione dhe duartrokitje.  Sipas burimeve, kuarumi në sallë është verifikuar.

Prezentë janë 291 anëtarë nga 484.

Siç u bë e ditur edhe mbrëmjen e së shtunës pas mbledhjes së Kryesisë së Partisë, në këtë mbledhje të sotme pritet që të votohet për shkarkimin e Edi Palokës, anëtarëve të kryesisë që morën pjesë në Kuvendin e 11 dhjetorit si dhe katër sekretarëve Belind Këlliçi, Ivi Kaso, Ervin Minarolli dhe Ledina Mandia.

Rendi i ditës për sot, siç e njoftoi kreu Lulzim Basha të shtunën mbrëma është:

1.Diskutimi dhe miratimi i një Rezolute lidhur me situatën e jashtëzakonshme të krijuar nga veprimtaria anti-statutore që dëmton rëndë interesat politike dhe elektorale të PD.

2.Miratimin e propozimit të Kryesisë për shkarkimin e Kryetarit të Këshillit Kombëtar dhe disa anëtarëve të Kryesisë për shkelje të rënda të Statutit të PD dhe vendimit të Kryesisë të datës 15 nëntor.

Kryesia vendosi gjithashtu shkarkimin nga detyra të disa kryetarëve të degëve. Kryesia ngarkoi Sekretariatin ekzekutiv të ndjekë të gjithë hapat për të vënë para përgjegjësisë ligjore dhe penale të gjithë personat përgjegjës për fallsfikimin dhe  shpërdorimin e simboleve të institucioneve të Partisë Demokratike.

“Nesër, me atributet e mia si kryetar i Partisë Demokratike do t’i njoftoj Këshillit Kombëtar të Partisë Demokratike edhe vendimet e mia sa i takon disa funksioneve të tjera të shpërdoruara në këtë proces që kanë të bëjnë me drejtimit politik të Partisë dhe drejtimin parlamentar të Partisë,” tha Basha./albeu.com/

The post Nis me ovacione mbledhja e Këshillit Kombëtar në Selinë Blu (VIDEO) appeared first on Albeu.com.